الفصل السابع
عمار وهو بيبصلي وفي عينيه لمعة اتطبعت في ذكرياتي مش هنساها أبدا.. : لاء مرتبط..وقريب أوي هتسمع أخبار حلوة
سامح: ان شاء الله... سلم علي عمار.. طب استئذنكم أنا بقي..عشان الحق أجهز نفسي للمستشفي
عمار: اتفضل
مشي سامح وعمار فضل ساكت..وأنا مش عارفةأقول حاجة: عمار ا
عمار بصلي بحزم.ايه دا هعيط والله أنا خايفة منه ليه..اله: ولا كلمة..هتقولي ايه
فرح : يا عمار اسم
عمار قاطعني كعادته بس بصوت قوي حبة يكاد يكون مسموع: ايه هروح أغير هدومي ولا أجي معاكي المستشفي بترينج البيت
فرح: يا عمار ثواني
عمار بنرفزة رعبتني: قلت خلصنا..اتكي علي كل كلمة..هررووح أغيرهدومي..استنيني..!!
لسه هتكلم أوضح ماهو ماينفعش ياخدفكرة عني مش صحيحة..سواء هو أو غيره يشوفني غلط..بس غلط ازاي أنا اتعاملت مع دكتور سامح ومتعدناش حدودنا..وهو شخص كويس جدا..انسان محترم وطموح جدا...لا ضحكنا ولا هزرنا حتي
سابني في تفكيري ومشي..فوقت علي صوت بابا وعمو توفيق
..لقيت عموتوفيق بيزعق بعصبيةخفيفة
توفيق: محموود أنت عمال تقرص في الزهر وأنا ساكتلك..هتتلم ولا لاء...
بابا: هتعمل ايه يا توفيق..هاه وريني.. ياراجل بلاش اتكلم عن مصايبك..وبعدين مش كفاية هجوز بنتي لابنك..
توفيق: أنت ليه محسسني انك بتمن علي أهلي..يابابا ابني اللي هيتجوز بنتك..مالي أنا..
بابا: اله مش ابوه..اخص اخص..مش كبيره؟
توفيق: أبوه مين دا هو اللي أبويا أنا لسه صغير يا خويا..يومين وتلاقيني متجوز أنا كمان...قال أبوه قال
بابا: اه يا شايب هتتجوز بعد مديحة..دي كانت ست الستات..
ماما ردت من اللامكان: محمممود عامل ايه يا حبيبي تحب أجبلك حاجة يا خويا
عمو توفيق ضحك وبص لبابا بشماته : رد يا محمود..رد ياسيد الرجال رد يافقري رد..
ضحكت من قلبي بجد فكرة ان عمو توفيق هيبقي والدي التاني مش وحشه خالص..يمكن دي أحلي حاجة في أم الارتباط دا..
كشرت فجأة لما عمار جه في بالي..احترت منه والله وقت يكون لطيف نوعا ما..ووقت يكون غريب وبيتعصب ومش ثابت..غريب أوي..لاء غريب جدا
قطع تفكيري صوت كلاكس عربية شد انتباهي تلقائيا...بصيت لقيته عمار..طب هو ماخبطش ليه دا الباب في الباب..شلت شنطتي واتجهت للباب عشان اخرج..:ماما أنا ماشية
ضيقت عنيها بخبث: هتروحي لوحدك
ردت عليها بخنقة مالهاش مبرر
فرح : اه يا ماما اللي في دماغك هروح مع عمار..لأنه هيجي يكشف أوردي
ماما: يكشف بس.!!
فرح:هنعمل ايه مثلا
ماما: تخرجو..ليه لاء
سمعت صوت بابا جاي: اه يا فرح عمار فعلا استئذن مني عشان تخرجو سوا
فرح: اا
بابا: متقلقيش هو قالي هتمشو علي خمسة وترجعو قبل ٨ وأحمد هيكون معاكم..درسه هيخلص علي ٤ ونص ..وأنتي شفتك هيخلص اتنين تكوني رجعتي ونمتي كمان
رفعت حاجبي ليه..: أنتم مرتبين بقي!!
بابا رفع كتافه بقلة حيلة وضحك: أمك يابنتي..سمعت عمار وهو بيتصل.. فجأة لقيتها جابت جدول مواعيد وقعدت تنظم وقعدت تنظم..وطالما الامر مفهوش غلط معلقتش عليها
نقلت نظري ليها: لاء ومظبطة كل حاجة مع بعض..للء برافو
ماما بتوتر: اله مش أنتي موافقة علي الواد وبعدين
قاطعنا صوت زمارة العربية تاني
رديت عليها وأنا بقفل الباب: عموما هنشوف الموضوع دا لما أرجع..أكيد كلامنا منتهاش
