طموح بنت❤

الفصل الثامن عشر

الشخص:ادم الشريف
شروق بسخريه:ايوا يعني مين يعني لعيب كوره مثلا
ادم بعصبيه:بت انتي انا سكاتلك من الصبح البيت دا دلوقتي ملكي ومعايا ورق يثبت كده وهدده يعني هدده
شروق:والله اللي باعلك البيت مزور الورق البيت دا بتاعنا
ادم:مزور  اي هو اي حجه وخلاص يلا اطلعي برا
شروق وهي تقترب منه وتشير بإصباعها في وجهه:مش هطلع برا عشان دا بيتي
ادم:لعب العيال دا مليش فيه اول لما هيجوا يهدوا هتجري برا عشان خايفه
شروق بسخريه:والله انا مش شايفه عيال هنا غيرك
ادم:انتي اللي جبتيه لنفسك يا رجاله اتفضلوا هدوه فوق دماغهم
جاءت شروق للتحدث امسكتها سلوي:اصبري بقا يا شروق عشان نعرف نتفاهم
ادم بسخريه:دي شروق دي دي ضلمه
شروق بعصبيه جدا:سخيف اوي يا روح امك و..
قاطعتها سلوي:بس بقا انتوا الاتنين ممكن تتفضل تقعد معانا نتكلم
ادم:عشان خاطرك انتي شكلك ست محترمه مش عارفه دي بنتك ازاي
شروق:اللهم طولك يا روح
دخلوا الي الصاله وجلسوا
ادم :قاعدنه اهو ممكن افهم في اي
سلوي:تشرب اي الاول شوفيه  يا شروق يشرب اي
شروق بصوت منخفض:شرب السم الهاري
سمعتها سلوي وقالت:شروق اتلمي ثم وجهت بصرها نحو ادم:تشرب اي يا بني
ادم:شكرا مش عايز
سلوي:تمام دلوقتي اللي باعلك البيت اسمه محمود عبد الحميد صح؟
ادم:ايوا بالظبط كده
سلوي:ده يبقي عم شروق وفي مشاكل بينه وبيت والدها الله يرحمه وبيستغل ده وورق البيت مزور مش ملكه
ادم:عذرا لحضرتك طبعا انتي شكلك ست طيبه بس انا مليش فيه دا واحد باعلي وانا اشتريت
شروق:هو اي يا كابتن انت بتقولك الورق مزور
ادم:كابتن بقا ادم الشريف يتقالوا كابتن دا انا عندي شركات متحلميش حتي تعدي من قدامها دي انتي ليكي الشرف ان قاعد معاكي
شروق:حصلنا القرف والله
ادم متجاهلا سخريتها:هعطيكم مهله كام يوم تكونوا دورتم علي مكان تاني ومشتوا من هنا وتركهم وذهب

عند بسنت
قابلت اسلام في الجامعه
اسلام:صباح الفل علي اجمل بنت في الجامعه
بسنت:صباح النور عامل اي
اسلام:بقيت كويس لما شوفتك
بسنت :بس بقا بتكسف
اسلام:يا خلاثي علي الناس المكسوفه طب خلاص عندي محاضرات كتير؟
بسنت:محاضرتين بس
اسلام: طب ممكن نخلص ونخرج نتمشي شويه لو مش هيدايقك
بسنت:بس يعني
اسلام:مبسش هنخرج شويه مش احنا صحاب ولا اي دا اول طلب اطلبه منك
بسنت:اوكي

عند شروق
شروق:مين ابن ... ده فاكر نفسه مين يعني
سلوي:هو ملوش ذنب يا شروق كله من عمك حسبي الله ونعم الوكيل فيه
شروق:بس بردو دا انسان بارد وغلس المهم انا هلبس وانزل المكتبه
سلوي:طيب

خرجت بسنت واسلام سويا وقضوا وقت ممتع الي ان رن هاتف بسنت وجدته ايهاب
بسنت :هرد ثواني
اسلام:اوكي
بسنت:الو
ايهاب:الو يا بسنت انتي فين
بسنت:في الشارع راجعه اهو في حاجه
ايهاب:لا ابدا بس روحتلك البيت ملقتكيش
بسنت:اشمعنا يعني
ايهاب:اصل عاملك مفاجأه
بسنت:اي يا تري
ايهاب:هنكتب كتابنا يوم الجمعه
بسنت بصدمه حاول اخفاءها: بجد طيب هقفل عشان اجي واغلقت
اسلام:مامتك ولا اي
بسنت:لا قصدي اه
اسلام:مالك فيكي حاجه
بسنت:لا ابدا بس عايزه اروح
اسلام:تمام يلا نقوم

انتهت شروق عملها وصعدت منزلها ونامت من كثره التفكير فهي لا تدري ماذا تفعل في منزلها

اوصل اسلام بسنت الي اول شارعهم
بسنت:شكرا
اسلام:استني عايزك
بسنت:خير
اسلام:كنت عايز اقولك ان بجد معجب بيكي وعايز اجي اتقدملك انا كنت بشوفكم من اول الترم في الكليه بس كنت متردد اجي اكلمك
بسنت بتهرب:طب اشوفك بكره عشان اتأخرت
رجعت بسنت الي منزلها وصعدت غرفتها واخدت تفكر فهي تقربت من ايهاب لكي تغيظ شروق وهي لا تحبه وايضا بدأت تعجب بإسلام لكن هناك مشكله هي كتب كتابها من ايهاب يوم الجمعه ماذا ستفعل يا ربي ونامت من كثره التفكير