طموح بنت❤

الفصل الاول

في احد الاحياء الشعبيه في منزل يبدو عليه البساطه تنام تلك الملاك الصغير تدخل امها الغرفه
سلمي:شروق شروق اصحي يلا
لا تجد رد ،فتذهب اليها وتحركها ببطء فتفتح شروق عينيها التي بلون العسل
شروق :صباح الخير يا ماما
سلمي:صباح النور ،هو انتي كل يوم كده تتعبني نامي بدري يبنتي عشان تقدري تقومي
شروق:انتي عارفه يا ماما ان الامتحانات قربت وبسهر عشان اذاكر عشان اجيب درجات كويسه
تنهدت سلمي فهي تعرف ابنتها تحب الدراسه جدا وتتمني ان تحقق هدفها وقالت
سلمي:ربنا يصلح حالك يبنتي واشوفك احسن واحده في الدنيا
قامت شروق وقبلتها من خدها وقالت
شروق:ربنا يخلكي ليا يا احلي ام في الدنيا
سلمي:طب جهزي نفسك علي اما احضرلك الفطار
شروق:حاضر يا ماما
خرجت سلمي من الغرفه وذهبت لتعد الفطور اما شروق فقامت بتجهيز نفسها وارتدت ملابس المدرسه
بعد عده دقائق خرجت شروق الي الصاله وجدت اباها يقرأ الجريده فجرت عليه وحضتنه
شروق :صباح الخير يا ابو حميد
احمد:صباح النور يا شوشو وتنهد وقال:وبعد اي ابو حميد دي يابت
شروق بضحكه:بدلعك يا ابو حميد الله
ضحك علي ابتنه وكانت سلمي اتيه وتضع الاطباق
سلمي:اه يا بكاشه بتدلعي
شروق وهي تقترب من امها :في اي يا سوسو شكلك عايزه تدلعي انتي كمان وحضنت امها وقبلتها من جبينها
جلسوا وتناولوا الافطار مع ضحك وهزار شروق مع عائلتها
وانتهوا وقام احمد وهو ياخد محفظته وقال:طب اروح شغلي بقا يا سلمي عايزه حاجه اجبها معايا
سلمي:لا تسلم مش عايزين حاجه
خرج احمد هو وشروق ليوصلها الي المدرسه وسلمي تدعوا لهم بصلاح الحال
نزلت شروق لتركب خلف والدها علي الدراجه فهي معتاده علي ذلك لكنها وجدت تسنيم وهي تركب السياره مع عمها فأخرجت تنسيم لسانها لشروق لتغيظها فقام احمد بتربيت علي كتف ابنته بمعني متزعليش منها
قالت شروق:انا مش زعلانه يا بابا ثم اكملت بضحك وبعدين حد يطول يركب مع القمر دا
اوصل احمد ابنته الي المدرسه ثم توجه الي عمله
وصلت شروق فصلها متأخره بسبب زحمه الطريق دخلت فصلها
شروق:السلام عليكم اسفه يا مس علي التأخير
المعلمه:وعليكم السلام اي سبب التأخير دا
ردت تسنيم بإبتسامه خبيثه:معلش بقا اصل العجله بتاعه باباها علي قدها شويه
فضحك كل الطلاب عليها مما احرج شروق فنظرت لتسنيم بغيظ
المعلمه :سكوت مش عايزه اسمع صوت ادخلي يا شروق ومتتأخريش تاني
دخلت وهي تتوعد لتسنيم علي ما فعلته فهي باتت معتاده علي إساءتها تلك

في منزل يبدو عليه الفخامه او عفوا قصر ملك لمحمد الشريف
تجلس الاسره علي مائده الطعام تحدث محمد
محمد:اي اخبار الشغل يا ادم عرفت تتعلم حاجه
ادم :كله تمام يا بابا فهمت بسرعه
محمد:طب انت هتقدر توفق بين الشغل والمذاكره يبني
ادم:يا بابا انا دراستي متعلقه بالشغل ودا هيفدني جدا وبعدين لازم اشيل عن حضرتك شويه
محمد:طب اهم حاجه تركز في دراستك
ايناس متدخله:الولد معدش صغير يا محمد لازم يتعلم الشغل وبعدين انت نسيت انك كنت بتشتغل وانت اصغر منه
ابتسم محمد وقال:انا كنت بشتغل فعلا بس عايز اريح ولادي مش اتعبهم معايا
ادم:ولا تعب ولا حاجه يا بابا ربنا يخليك لينا
وقام ادم من كرسيه وقال:طب هروح انا عندي محضرات وهخلصها وهروح الشركه
محمد:تمام
ايناس:خد بالك من نفسك
ذهب ادم للكليته فوجه محمد نظره لاسر وقال:خد جني وخلي عم مسعد يوصلكم للمدرسه ومش عايز مشاكل
اسر بضيق:حاضر بس انا مش بعمل مشاكل
محمد:لا والله طب وبالنسبه للمقلب اللي عملته فزميلك من اسبوع
اسر:كنت بهزر معاه
محمد:الهزار لي حدود ولازم تخف هزارك شويه
اسر:ماشي يا بابا ثم نظر لجني وقال لها يلا يا جني
جني:يلا

وصل ادم الي جامعته والتقي بصديقه مصطفي (مصطفي شاب في ١٨ من عمره صديق ادم منذ الطفوله حيث انا عائلتهم اصدقاء ،يحب جني أخت ادم ولكن لا يقول لاحد،من عائله عاديه حيث ان والده يعمل كطبيب)
ادم:ازيك يا مصطفي عامل اي
مصطفي :الحمد لله يا صاحبي
ادم:طب المحاضره امتي
مصطفي:كمان نص ساعه تعال نقعد في الكافتيريا
ادم :تمام
يذهب الصديقان الي الكفتيريا ويطلبوا عصير
مصطفي:ادم انا عجبتني اوي فكره انك هتشتغل وتعتمد علي نفسك انا كمان عايز ادور علي شغل
ادم:فكره حلوه اوي يا درش بس مش هتدور انا هقول لبابا وتشتغل معايا
مصطفي :بجد
ادم اه بجد بس يلا عشان المحاضره
وذهبوا لمحاضرتهم.

بعد عده ساعات ذهب احمد واخد شروق من المدرسه وعادوا الي المنزل
شروق بصياح :ماما انا جيت
سلمي من الداخل:تعالي يا اخر صبري
جرت شروق هليها واحتضتنها
سلمي: روحي غيري هدومك عشان تاكلي
شروق:حاضر
تناولت الاسره طعامها وهم يتحدثون عن تفاصيل يومهم ودخلت شروق الي غرفتها لكي تذاكر وظلت تذاكر حتي حل المساء ونامت

بينما عند ادم انهي محاضرته وذهب الي الشركه وصعد الي مكتب ابيه
ادم للسكرتيره:بابا موجود؟
السكرتيره :ايوا يا فندم اتفضل
دخل ادم لابيه
ادم:السلام عليكم
محمد ببسمه:وعليكم السلام تعال يا ادم
ادم :كنت عايز حضرتك في موضوع كده
محمد:خير
ادم:عايز مصطقي يشتغل معانا اصل حب الفكره وعايز يشتغل وانا قولت ان حضرتك مش هتمانع
محمد:اكيد مش همانع مصطفي دا ابني التاني
ادم:يعني اقوله اه
محمد:ايوا يبني قوله
ادم:طب هروح شغلي انا
خرج ادم وذهب الي عمله وعندما انتهي رجع الي البيت مع ابيه وتناولوا الطعام وناموا