طموح بنت❤

الفصل الثاني والعشرون

في مكان اول مره نذهب اليه
في عياده دكتور نفساني
الدكتور:اي الدليل اللي مع  شروق
نهال:الدليل انها سجلت لعمها بالموبايل كلامهم دا شئ متوقع يعني
الدكتور:لا حركه حلوه طب ادم هيصدقها
نهال:انت مستعجل اوي تعرف الحكايه بس انا تعبت وعايزه اروح نخليها مره تانيه
الدكتور:لا ونبي انا عايز اعرف دلوقتي
نهال:تمام هكمل شروق قالت لادم انا معايا الدليل وتبدأ في سرد الاحداث

شروق:طب لو قولتلك ان معايا الدليل
ادم:اي هو
قامت شروق بإخراج موبايلها وقامت بتشغيل التسجيل الذي يظهر فيه اعتراف عمها بالتزوير
شروق:كده ده دليل عليه
سلوي:طب انتي عملتي كده ازاي
شروق:روحت من شويه وسجلت الكلام ده والله مكنتش هعمل كده بس جاتلي الفكره دي قولت ممكن تساعدنا
ادم:طب وانا اي اللي يضمنلي ان التسجيل ده حقيقي مش متفبرك
شروق:انت اي يا اخي الراجل بيعترف قدامك انا هكدب لي
سلوي:والله يا بني البيت بتاعنا
ادم:انا لازم اتأكد
شروق بضيق:وحضرتك عايز تتأكد ازاي
ادم:هتصرف انا المهم انا همشي دلوقتي وخليكم في البيت لما اتأكد ونظر لشروق:شوفتي انا كريم ازاي
وذهب الي الباب
سلوي:وصليه يا شروق انا مش قادره اقوم
شروق بضيق:طيب
ذهب وراء ادم
ادم:شوفتي بقا ان انا احسن منك لو حد تاني كان رماكي في الشارع بعد اللي عملتيه
شروق بسخريه:لا شكرا لكرم اخلاقك
ادم وهو يخرج من الشقه:سلام
اغلقت شروق الباب بغيظ من هذا الكائن التي تريد ضربه
سلوي:يا تري هيصدقنا ويساعدنا ولا هيعمل اي
شروق:والله ما عارفه يا ماما بس لو مكنش صدقنا مكنش سابنا دلوقتي
سلوي:يارب يقف معانا
شروق:اينعم انا مش بطيقه بس يارب يقف معانا عشان فعلا مفيش مكان نروحه
انقضت الليله وسط تفكير شروق في منزلها وفي هذا الشخص الذي هو املهم الاخير  وسلوي التي خائفه علي نفسها وعلي ابتها
اما ادم فذهب الي منزله وجد العامل يعطيه تقرير عن حياه شروق اخذه منه وبدأ في قرأته والذي كان مضمونه
"شروق عبد الحميد بنت طيبه شجاعه ومحترمه ملهاش دعوه بحد  في كليه فنون جميله والدها متوفي بسبب مرض في القلب يوجد مشاكل بينها وبين عمها محمود وابنته بسنت ويوجد بينهم خلافات كثيره يعلمها جميع سكان الحي وكلهم اقروا ان بسنت هي التي تكره شروق وتفعل المكائد لها "
اخد ادم يفكر في هذا الكلام وهل هي حقيقا مظلومه ام لا وهل فعلا معاها حق وصعد الي غرفته ونام

صباح يوم جديد
عند بسنت في كافتيريا المعهد تجلس مع اسلام
اسلام يحزن:كده كتب الكتاب بكره صح
بسنت:اه اخيرا هنتقم منها
اسلام:انتي غبيه يا بسنت تنتقمي من مين انتي بتنتقمي من نفسك
بسنت:انت مش عارفه حاجه متتكلمش وانا غلطانه ان حكتلك
اسلام:يا بسنت اسمعني حرام تضيعي حياتك سيبك من اللي في دماغك ونتجوز احسن
بسنت:كل شويه نفس الملام انا زهقت وتركته وذهبت الي منزلها لكي تستعد الي كتب كتابها علي ايهاب

اما عند شروق
استيقظت شروق وقامت بتسريح شعرها وتركته مفرود وخرجت الي الصاله
شروق :ماما انتي فين ولم تكمل كلامها لانها وجدت ادم جالس في الصاله
توترت شروق وانصدمت وجرت الي غرفتها سريعا اما ادم فوقف مذهولا من جمالها وجمال شعرها ادم في نفسه:الله يخربيتك اي الحلاوه دي وانا اللي بقول عليكي وحشه ثم قال :اي اللي بقوله ده فوق يا ادم دي شروق البت المفتريه اللي ضربتك بالقلم
خرجت سلوي من المطبخ حيث كانت تعد الشاي لادم
سلوي:اتفضل يا ابني هدخل بس اصحي شروق
اكتفي ادم بهز رأسه
دخلت سلوي الي شروق وجدتها ترتدي الاسدال
شروق:مش تقولي يا ماما ان في حد برا
سلوي:اه ادم برا
شروق:انا خرجت بشعري واتفجأت ينفع كده
سلوي:يبنتي هو لسه جاي وانتي نايمه قولت اعمله شاي واجي اصحيكي معرفش انك هتصحي
شروق:اه حظي الاسود صحاني وخلاني اخرج
سلوي:اسود لي بس ده حتي بنتي زي القمر مش يمكن الواد اللي برا ده تعجيبه وتجوزوا ياما نفسي افرح بيكي(الام المصريه يجماعه😂)
شروق:ماما بلاش الاسطوانه ديونبي وبعدين يوم لما اتجوز اتجوز ده ،ده بومه
سلوي:ماشي يختي انتي فقريه اصلا
شروق:طب خلاص حصل خير المهم هو جاي عايز اي
سلوي:لسه معرفش تعالي نشوف
شروق:ماشي
خرجوا الي الصاله
سلوي:معلش يا بني اتأخرنا عليك
ادم:لا مفيش مشكله
سلوي:خير يا بني صدقتنا ولا لسه
ادم:انا فعلا صدقتكم بس محتاح التسجيل هوديه لحد اتأكد بردو انه سليم مش فبركه
شروق:تمام ممكن اجبهولك
ادم:اوكي ياريت تبعتهولي
قامت شروق بإرساله له واستأذن ادم ورحل
ام شروق فوجدت نوران تتصل بها
شروق:هرد علي نوران يا ماما وجايه
سلوي:طب انا هجهز الفطار
شروق:ماشي
ودخلت غرفتها
شروق:الو ازيك يا نونا
نوران:دلوقتي نونا انا مش قولتلك يا بت انتي تكلمني لما تروحي البيت امبارح
شروق:حيلك حيلك اهدي بس انتي متعرفيش اي اللي حصل
نوران:اي اللي حصل
قصت لها شروق ما فعلته وتسجيلها لكلام عمها
نوران:يا بنت الاعيبه جبتي الفكره دي منين
شروق بتمثيل:انا اصلا ذكيه جدا بس انا اللي مش ببين عشان الحسد
نوران:هههه ماشي يستي
شروق:اه اي اللي حصل معاكي امبارح كنتي متضايقه
نوران :واحد رزل كان هيخبطني بالعربيه
فلاش باك
كانت نوران تعبر الطريق امام الكليه وفجأه وجدت عربيه تصدر صوتا عاليا دليل علي توقفها فجأه
وقفت نوران متصنمه في مكانها من الخوف نزل صاحب العربيه
الرجل بزعيق:انتي مجنونه حد يعدي الطريق كده
نوران بخوف:انت بتزعق لي يعني انت اصلا اللي غلطان
الرجل:غلطان انا اللي بعدي من غير لما ابص
فجأه انفجرت نوران في البكاء
الرجل :يووو انا فاضي للعب العيال ده
رفعت نوران وجهه ونظرت له انصدم الرجل من جمال عينها التي باللون الاخضر وسرح فيهم
نوران وهي تمسح دموعها :انت اللي بتزعقلي
الرجل:طب خلاص متزعليش حقك عليا بس خدي بالك انا بزعقلك عشان متعمليش كده تاني
نوران:ده علي اساس ان انا طفله
الرجل بسخريه:علي اساس اللي عملتيه دلوقتي ده مش طفوله
نوران :لا انا كنت خايفه وانت زعقتلي
الرجل:خلاص ابقي خدي بالك
نوران:طيب
نهايه الفلاش باك
شروق:ههههههههه يخرب عقلك قعدتي تعيطي
نوران:انتي عارفه ان انا بتوتر يا شروق
شروق:ماشي يا حبيبتي بس مش كده لازم تبقي قويه شويه
نوران:هحاول
سلوي:يلا يا شروق عشان تفطري
شروق:طب اقفلي دلوقتي ابقا اكلمك
وذهبت لتناول الافطار مع والدتها

اما ادم ذهب وتأكد من صحه التسجيل وذهب الي محمود
محمود:ادم بيه ازيك
ادم:الحمد لله
محمود:اي سبب الزياره السعيد دي
ادم:اصل صرحه عايز ارجع في البيت لما درست المكان لقيته مش هيبقا مناسب لشركتي
محمود:غريبه انت في الاول  قلت ان المكان مناسب جدا
ادم:اكتشفت بعد كده انه مش مناسب ممكن نرجع في البيع
محمود وهو يقف:اسف جدا مقدرش انا بعت وانت اشتريت مليش فيه بقا
ادم وقد نفذ صبره فهو كان يريد حل الموضوع بشكل ودي:طب لو قولتلك ان الورق مزور وانت بياعلي بيت مزور
محمود :اه قصدك علي كلام البت اللي اسمها شروق وامها لا دول بيخرفوا
قام ادم بتشغيل التسجيل:طب وكده بيخرفوا بردو
محمود بإرتبكاب فهو لم يكن يدرك مكر شروق:التسجيل ده مش حقيقي مش انا الل بتكلم
ادم:هندخل في السكه دي بتاعت الانكار ماشي خليني معاك حتي لو التسجيل مش حقيقي انا مش عايز يبقي في حتي شبه او خلافات علي المكان اللي هبني فيه شركتي
محمود:ده شئ ميخصنيش انا بعت خلاص والكلام ده مش صحيح واللي اسمها شروق دي والله لاقتلها عشان اللي عملته ده
ادم:كده انت بتتحداني وهتخسر كتير صدقني
محمود:انا مش بتحدي حد انت اللي سمعت كلامها مش مصدقني انا يعني ناقص فلوس عشان ازور البيت بس والله لادفعها تمن انها تبوظ سمعتي
ادم:كده اعتبره تهديد بقتلها
محمود:لا تكون بتسجل انت كمان بس حتي اذا الحكومه مش بتاخد بالتسجيلات دي اصلا انا ممكن اعملك مليون واحد زيهم
ادم:تمام اوي وتركه وذهب الي منزل شروق
ادم:السلام عليكم
سلوي:وعليكم السلام تعال اتفضل
دخل ادم
ادم:انا شوفت حد وقالي ان التسجيل سليم لكن دلوقتي فيه مشكله ان محمود مش راضي يرجع في البيع ده ويجبلي فلوسي
سلوي:طب ما تواجهه بالتسجيل
ادم: حصل قبل لما اجي روحتله واتكلمت معاه بهدوء ولما ملقتش حاجه واجهته بالتسجيل بس للاسف ده مش دليل حتي لو الحكومه مش هتاخده دليل وكمان ..ثم صمت
سلوي:كمان اي
ادم:بصراحه دلوقتي هو لما عرف ان شروق سجلتله هددني ان هيقتلها
سلوي بخضه:يا نهار اسود يقتلها
ادم:استهدي بالله بس هنلاقي حل
سلوي:حل اي
ادم:انا فكرت في حاجه كده
سلوي:اي هي
ادم:جوازي من شروق......