اسر:انا طالب ايد نوران بنت حضرتك
عبد العزيز:معلش بس هو في حد يطلب ايد حد بالطريقه دي
اسر بإحراج:انا اسف جدا طبعا جيت من غير معاد بس والله انا ناوي من كام اسبوع من اول لما شوفت الانسه نوران ان اكلم حضرتك بس ادم اخويا فرحه بعد اسبوع وبنجهز وكده وبصراحه من شويه واحنا في المحل واحد عكسهم وانا اتضايقت وقولت اكلم حضرتك عشان بس محدش تاني يطلبها منك قولت اي؟!
عبد العزيز:طلبك مرفوض
اسر:ممكن اعرف السبب
عبد العزيز:انا بنتي لسه صغيره ومش عايزه اجوزها دلوقتي
اسر:بس شروق صاحبتها وفرحها الاسبوع الجاي اي المشكله هي مش صغيره
عبد العزيز بحده:انت هتعرف مصلحه بنتي اكتر مني
اسر:مقصدش طبعا
عبد العزيز وهو يقف:ده اخر كلام عندي
كل هذا تحت انظار البنات المندهشين وخجل نوران وحزنت في داخلها بسبب رفض والدها ولكن فضلت الصمت
اسر:طب لو حضرتك معترض علي انها صغيره نعمل خطوبه والفرح بعدين
عبد العزيز:لاء اتفضل طلبك مرفوض
اسر بحزن:تمام ثم نظر لي نوران وذهب
شروق:طب هننزل احنا يا نوران كلمني في التليفون ها
نوران:طيب
شروق:معلش يا عمو علي الموقف احنا مكناش نعرف بس والله اسر شب كويس جدا بيشتغل في شركات الشريف لي اسهم فيها ومحترم جدا
عبد العزيز:انا اعرف مصلحه بنتي كويس
شروق:تمام بعد اذنك يلا يا جني
جني:يلا
نزلوا وجدوا اسر يجلس في السياره وينظر الي الفراغ
شروق:معلش يا اسر بكره نلاقي طريقه
جني:انت اللي طلعت دلوقتي بالطريقه دي هو ممكن اعترض عشان الطريقه مثلا
اسر:ممكن تسكتوا انا مش طايق كلمه لو سمحتوا
شروق:طب احنا محجزناش المكيب ارتست
اسر:تمام هنحجزها ادم قالي علي اسم حد كويس هنروح نشوفه ثم صمت وفي داخله حزن شديد
ذهبوا وحجزوا المكيب ارتست واتفقوا معاها ان تأتي هي الي البيت وهذا بأوامر من ادم طبعا
ورجعوا الي البيت في صمت رهيب
عند نوران
عبد العزيز:ينفع اللي حصل ده
نوران ببكاء:لا مينفعش بس والله معرفش ان هيعمل كده
عبد العزيز:طب اسمعي بقا انتي مش هتتجوزي حد غير ابن عمك هيثم
نوران:بس انا مش عايزه
عبد العزيز:هي كلمه واحده انتوا لبعض من يوم ما اتولدتوا
نوران:بس انا مش بحبه
عبد العزيز:ده اخر كلام ومفيش نقاش سامعه وكمان هكلم عمك ونعمل الخطوبه قريب
نوران جرت الي غرفتها واخذت تبكي بشده
في عياده الدكتور النفساني
الدكتور:هههه بس حركه جامده من اسر بس حرام ابوها موافقش
نهال:هي حاجه تزعل فعلت
الدكتور:بس انا متأكد ان اسر هيحاول تاني
نهال:اكيد اسر ممكن يكون مجنون واهبل لكن بيعرف بيصرف صح
الدكتور:انا نفسي اعرف يا نهال انتي مين يعني عرفتي الحكايه دي ازاي
نهال:هتعرف قريب المهم سيبني اكمل
الدكتور:اتفضلي
اكملت نهال سرد الحداث
دخلوا الفيلا وجدوا ايناس وسلوي ومعهم فتاه
ايناس:تعالوا وروني جبتوا اي
شروق:الطرحه بتاع الفستان اتفضلي واخرجتها لها
ايناس:الله حلوه
سلوي:جميله اوي
جني:هي اصلا قمر وهتبقي كل حاجه عليها حلوه
شروق:قلبي انتي
جني:مين دي يا مامي
ايناس:اه نسيت اعرفكم دي جوليا بنت صاحب بابكي وجايه تقعد عندنا كام يوم
(جوليا بنت جميله بشعرها الاصفر القصير وعيونها الزرقاء كانت تعيش في اوربا وهي ابنه صاحب محمد الشريف معجبه بأدم وتتمني ان تكون زوجته )
جني:هاي انا جني
جوليا:هاي
شروق:اهلا وسهلا
ايناس:دي جني بنتي ودي شروق مرات ادم
جوليا حزنت بداخلها لانه تزوج لكن اخفت ذلك وقالت:بجد ادم اتجوز مبروك
شروق:الله يبارك فيكي الفرح بعد اسبوع ياريت تحضري
جوليا:اكيد
شروق:انا كالعه بقا وصعدت الي غرفتها وخلعت حجابها وجدت من يدخل الغرفه واذا هو ادم
شروق بشهقه:ادم خضتني
ادم بحنيه:سلامتك من الخضه يا قلبي
شروق:بتعمل اي هنا
ادم وهو مسحور بجمالها وجمال شعرها:جاي اشوف اخلي واحده في الدنيا ثم امسك خصله من شعرها واخذ يلعب بها
شروق وهي تدرك انها بدون حجابها:يالهوي الطرحه فين حاسب كده
ادم:هههه يخربيتك انا جوزك علفكره
شروق بخجل:بس يعني
ادم :بس مفيهاش حاجه المهم عملتوا اي
شروق:مشوفتش اللي اسر عمله
وقصت له ما حدث
شروق:بس والله العظيم جدع عجبني اوي جو التهور اللي عمله ههههههههه
ادم:لا والله عجبك اوي
شروق:صراحه اها
ادم:طب هو انتي مش ناويه تحنيي عليا بقا
شروق:عايز اي يعني
ادم:اي كلمه حلوه كده اصبر بيها نفسي
شروق بخجل:بس بقا
ادم بمكر:علفركه في حساب قديم من الصبح كده
شروق:حساب اي ثم سرعان ما شهقت عند تذكرت
شروق:لا مش هيحصل
ادم:لي مش بينا اتفاق
شروق:انا عيله وبترجع في كلامها
ادم:لا والله ثم انخفض لمستوها وقبلها في خدها
ادم بحب:بحبك وحقيقي مستني اللحظه اللي اسمعك فيها بتقوليها كب مفيش اي حاجه
شروق بخجل:لا مفيش واطلع برا بقا
ادم:ماشي هسيبك تتدلع براحتك
اما اسر فجلس في صمت
ايناس:مالم يا حبيبي
اسر:مفيش يا اني مصدع شويه انا هطلع انام
غيرت شروق ملابسها ووقفت أمام المرأه تحادث نفسها
شروق:شكلك حبيته اعترفي بقا هو حقيقي حنين معايا وكمان اول مره احس ان ليا سند في الدنيا النفروض اقوله صح لا غلط يوو بقا
وخرجت من الغرفه وجدت اسر يفتح غرفته ويدخل
شروق:اسر
اسر:نعم
شروق :كنت عايزه اتكلم معاك شويه
اسر:اتفضلي يا شروق
شروق:طب بص مش عايزك تيأس هتكلمه تاني وتالت لحد لما يوافق
اسر يقف في حاله عدم اتزان ويمسك رأسه
شروق بقلق:مالك في اي
اسر:هاتيلي الدوا اللي جوا لو سمحتي
دخلت شروق وبحثت عنه وجلبته له وخرجت وجدته كاد ان يسقط فسندته شروق وساعدته في اخد الدواء
اسر:شكرا يا شروق
شروق:مالك اي اللي حصل
اسر:ساعات بيجيلي حاله كده لما بزعل اوي او اتضايق بدوخ جامد زي ما شوفتي
شروق:الف سلامه عليك ،انا جمبك وهساعدك في موضوع نوران متخافش
اسر:حقيقي انتي جدعه اوي ربنا يخليكي لادم
ابتسمت شروق له وقالت:طب هنزل بقا اقعد معاهم
ولكن علي بعد منهم نجد من يقف وينظر لهم بشر .....
يا تري من هو؟!
أنت تقرأ
طموح بنت❤
Romantikفتاه فقيره تحارب العالم كله لكي تصل الي هدفها وتقع في الكثير من المشاكل ولكن في احدي المشكلات تقابل بطلنا فهل سيعوضها عن حياتها ويقف في صفها ام ستظل طوال حياتها في مشاكل..
