طموح بنت❤

الفصل التاسع عشر

في صباح يوم جديد استيقظت شروق وادت فرائضها وارتدت ملابسها وخرجت الي امها
سلوي:صباح الخير يا شوشو
شروق:صباح النور يا ماما
سلوي:يلا عشان نفطر وتروحي جامعتك
شروق:لا انا مش هروح الجامعه النهارده
سلوي:لي يا شروق
شروق:اما نخلص موضوع البيت دا وبعدين اروح
سلوي:كده هيفوتك محاضرات كتير
شروق:لا من الناحيه دي متخافيش نوران بتجبلي المحاضرات
سلوي:ماشي ربنا يصلح حالك
تناولوا طعامهم ويعم الصمت الا انا قاطعته سلوي:طب انتي راحه فين الشغل مش دلوقتي
شروق:هروح احاول اتصرف في موضوع البيت
سلوي:هتعملي اي يعني
شروق:والله لسه مش عارفه المهم هحاول متقلقيش عليا
سلوي:والله يبنتي انتي تعبتي اوي
شروق وهي تقبل خدها:متشليش هم يا ست الكل واكملت وهي تقوم يلا سلام عليكم بقا
سلوي:خدي بالك من نفسك
شروق:سيبها علي الله
خرجت شروق من المنزل وذهبت الي عم سعيد
شروق:صباح الخير يا عم سعيد
عم سعيد:صباح النور يا بنتي  راحه الكليه؟!
شروق:لا راحه اشوف موضوع البيت كنت عايزه اسألك علي حاجه بس
عم سعيد:قولي يا بينتي
شروق:تعرف شركه الشريف دي
عم سعيد:اه اسمع عنها
شروق:طب عنوانها فين
عم سعيد:هي في.......

عند بسنت ذهبت الي معهدها
قابلت اسلام
اسلام:صباح الورد
بسنت:صباح الخير
عم الصمت قليلا الا انا قاطعه اسلام
اسلام:مالك يا بسنت متغيره لي
بسنت:مفيش حاجه
اسلام:والله كده مفيش انتي مش شايفه شكلك عامل ازاي
بسنت بعصبيه:يوووو قلت مفيش حاجة وتركته وذهبت

اما شروق توجهت الي العنوان الذي قاله لها عم سعيد
شروق وهي تسأل حارس الشركه:لو سمحت دي شركه الشريف
الرجل:ايوا يا فندم اقدر اساعدك
شروق:لا شكرا انا هطلع ،بس مكتب ادم الشريف فين
الرجل:الدور الثالث
شروق:شكرا

عند اسلام كان يجلس في كافيتريا الكليه لوحده وجد من يربت علي كتفه
بسنت:اسلام
اسلام بحده:نعم
بسنت:انا اسفه متزعلش مني والله اعصابي تعبانه
اسلام:انا كنت عايز اعرف مالك بس
بسنت بتررد:انا هقولك بص انا مخطوبه لواحد بس مش بحبه كنت فاكره في الاول ان بحبه لكن بعد كده اكتشفت ان مش بحبه وفي نفس الوقت مينفعش اسيبه انت فاهمني
اسلام بغباء:بصي هو انا مش فاهم حاجه بس اهدي وفهمني براحتي
قصت له بسنت قصتها مع ايهاب وانتقامها من شروق
اسلام:يعني تضيعي عمرك عشان تنتقمي منها
بسنت:دي الحاجه الوحيده اللي هتنتقملي منها
بعد محاولات من اسلام لكي يبعدها عن ايهاب لكنها رفضت  فاستسلم هو الاخر

اما شروق صعدت الي مكتب ادم وكلمت السكرتيره
شروق:لو سمحتي ده مكتب ادم الشريف
السكرتيره بدلع:اسمه استاذ ادم
شروق:المهم هو هنا ولا لاء
السكرتيره:في معاد
شروق:لاء بس محتاجه اقبله في حاجه ضروري
السكرتيره:يبقا تاخدي معاد وتيجي في معادك
شروق بنفاذ صبر:معلش انا لازم اقابله دلوقتي
السكرتيره بنفاذ صبر:مش هقدر ادخلك اتفضلي بره وهو مش هنا
شروق وهي تمسكها من ملابسها:بصي يا بت انتي انا هدخله دخلتني او لاء لنا هدخل فاهدي كده ودخلني بالزوق
السكرتيره بزعيق:اي دا والله هطلبلك الامن
تركتها شروق وتوجهت الي المكتب في حين خرج ادم علي الصوت العالي
ادم:اي الصوت دا ولم يكمل كلامه لانه رأي شروق
شروق:حلو اوي ثم موجهت نظرها للسكرتيره موجود هنا اهو
ادم:اي اللي بيحصل هنا
شروق:عايزه ادخلك والبت دي بتقولي مفيش دخول
السكرتيره بصدمه:بت
ادم:طب عايزه اي
شروق:عايزه نشوف حل للمشكله بتاعه البيت
ادم:طب تعالي نتكلم جوا
دخلوا المكتب
ادم:بصي بقا الحل الوحيد هو انكم تسيبه البيت عشان انا هدده وابني فرع شركتي
شروق:البيت مش بتاعك ده تزوير
ادم ببرود:مليش فيه
شروق وهي تحاول تهدءه نفسها:يا استاذ ادم احنا في بينا وبين عمي مشاكل ومن زمان وهو عمل كده تزوير
ادم:والله مشاكلكم العائليه دي حليها بعيد عني  وبعدين هو قالي ان البيت بتاعه بس هو كان سيبكم بس رأفه منه لكن باعه عشان ثم لم يكمل
شروق:رأفه منه لاء فيه الخير وباعه لي سكت لي
ادم:هو قال ان اجي شكاوي من ناس كتير انكم بتجيبوا رجاله الشقه وسمعتكم وحشه جدا وهو مرضاش كده علي نفسه وانا مكنتش مصدقه بس الحقيقه شكلك كده
قامت شروق وصفعته علي وجهه بقوه