توالت الايام والسنين وكبرت شروق ولم يحدث شئ يذكر غير ارتدئها الحجاب الذي زادها جمالا
فلاش باك:
شروق:ماما عايزاكي
سلوي:اي يا شوشو
شروق:ماما انا قررت حاجه كده
سلوي:اي هي يا قلب ماما
شروق:قررت ان اتحجب
سلوي بإبتسامه واسعه:وماله يا شوشو دا احلي حاجه هتعمليها
شروق:يعني هيبقا شكلي حلو
سلوي:طبعا الحجاب بيزود جمال البنت مش بينقصه،هقول لبابا وننزل نشتري لبس جديد للحجاب
شروق:بجد يا سوسو
سلوي:ايوا يجد يا قلب ماما
عوده من الفلاش باك
غير ذلك ونجاحها في دراستها بأعلي الدرجات واتقانها للرسم اكثر واكثر
اما عن عائله عمها فمحمود عرف ان ابنه يتعاطي المخدرات
فلاش باك:
الساعه ٣ فجرا سمع محمود صوت في الاسفل نزل ووجد عبدو ابنه وهو يتارجح وغير واعي
محمود:عبدو انت اي اللي عمله في نفسك ده
عبدو:انا مع..... وفجأه سقط علي الارض مغشي عليه
حمله محمود الي غرفته
وفي اليوم التالي دخل محمود غرفه ابنه
محمود:اقدر اعرف اتأخرت لي واي حالاتك المدهوله دي
عبدو:حاله اي انا زي الفل
محمود:انت بتشرب اي؟
عبدو:انا حر اعمل اللي انا عايزه
محمود بصوت عالي:لا مش حر عايز تشمت عمك فيا
عبدو:يوووه كل حاجه عمي انت متضايقه منه لي
محمود منهيا الموضوع:هتروح مصحه وتتعالج ودا اخر كلام عندي
عبدو:هو حد اشتكالك انا كويس
وبعد جدال طويل خرج محمود لانه فقد الامل في ابنه
نهايه الفلاش باك
وبسنت ظلت كما هي بل ازدادت تكبر وكره لشروق لان والدها دائما يخبرها ان عمها سئ
اما ادم فاصبح مدير لشركات والده ونجح في كل المشروعات التي دخلها بجانب توفقه في دراسته
وجني بدأت تغني في حفلات واصبحت مشهوره الي حد ما
اما اسر فسافر الي فرنسا لاتمام تعليمه هناك
في منزل شروق
شروق تجلس بتوتر
سلوي:اهدي يبنتي ان شاء الله خير
شروق:خايفه اوي يا ماما
سلوي :متخافيش انتي تعبتي وان شاء الله هتلاقي نتيجه تعبك
شروق:تفتكري يا سوسو
سلوي :اه يا ام لسان طويل
بعد عده دقائق دخل احمد البيت جرت عليه شروق
شروق :اي يا بابا
احمد:استني اخد نفسي
شروق:قول بسرعه ياابو حميد انا متوتره اصلا
احمد بإبتسامه:٩٩% يا شوشو
شروق بفرحه :بتهزر يا ابو حميد
احمد:والله مش بهزر وشوفي الشهاده اهي واعطها لها
ظلت شروق تقفز في الهواء من الفرحه كالاطفال هنئها اباها وامها كثيرا
احمد:هتدخلي اي يا شوشو
شروق:بص يا ابو حميد انا عايزه اروح ثانويه عامه واطلع منها علي فنون تطبيقيه بس المصاريف كت...
قاطعاها احمد :ملكش دعوه بالمصاريف
شروق:انا ممكن اشتغل يا بابا
احمد:قولت قبل كده لاء
شروق:خايف لانجح وابقا اشطر منك ههه
احمد بضحك:انتي يا اوزعه ماشي ثم اكمل بجديه:ملكش دعوه بالمصاريف يا شروق ركزي في دراستك
شروق:اللي يريحك يا ابو حميد
عند ادم
في مكتب محمد الشريف
ادم:حضرتك طلبتني
محمد:تعال يا ادم عايزك
ادم:خير يا بابا
محمد:انا يبني كبرت وايامي في الدنيا معدوده
ادم:بعد الشر عنك يا بابا بس في اي
محمد:كنت عايزك في حاجه
ادم:اؤمر
محمد:انا خطبتلك
ادم بسخريه :والله طب متنساش تعزمني علي الفرح
محمد بحده:ادم
ادم:اي اللي بتقوله ده يا بابا
محمد: انت معنتش صغير وانت شكلك ملكش في الجواز فانا خطبتلك ويا اما توافق ياما هزعل منك
ادم بإستسلام لانه يحب والده ولا يريد ان يحزنه :ومين العروسه
محمد:سالي بنت خالتك
ادم بغضب طفيف :ملقتش غير سالي يعني
محمد:ومالها سالي بنت خالتك ومحترمه ومن عيله كويسه
ادم:طيب
محمد:جهز نفسك عشان الخطوبه بعد اسبوعين
ادم:كمان اسبوعين مش بدري
محمد:لا مش بدري
ادم بضيق:حااضر
بينما عند بسنت تنزل السلم
محمود:جبتي النتيجه
بسنت ببرود:اه
محمود:عملتي اي
عبدو:تلاقيها ساقطه لم تعره اي اهتمام وقالت
بسنت:جايبه ٧٦%
محمود:طب كويس انك مشلتيش حاجه هعملك حفله عشان نجاحك
بسنت:عايز اطلب منك طلب
محمود:خير
بسنت:عايزه شروق تحضر الحفله
محمود:شرووق؟!😱
أنت تقرأ
طموح بنت❤
Roman d'amourفتاه فقيره تحارب العالم كله لكي تصل الي هدفها وتقع في الكثير من المشاكل ولكن في احدي المشكلات تقابل بطلنا فهل سيعوضها عن حياتها ويقف في صفها ام ستظل طوال حياتها في مشاكل..
