طموح بنت❤

الفصل الثالث والثلاثون

انصدم محمود فالذي دخل هو ايهاب
محمود بصدمه:ايهاب
ايهاب:ازيك يا محمود بيه ولا اقول يا عمي
محمود:ازاي ده مش هو ولم يكمل
إيهاب:كمل مش انا المفروض مت
محمود:ازاي ده
الظابط:انا اقولك ازاي
كنت قاعد في مكتبي في يوم وجالي بلاغ عن حاله مصابه واحتمال بفعل فاعل روحت المستشفي فعلا ولقيت ايهاب واتكلمت معاه
فلاش باك
الظابط:مين اللي عمل فيك كده يا بني
ايهاب:انا كنت ماشي وطلع عليه ناس وهما اللي ضربوني
الظابط:طب بتتهم حد معين
ايهاب:امممم مش  عارغه بس اه ممكن اتهم محمود عبد الحميد
الظابط:ومين محمود ده
ايهاب:ده المفروض حمايا
الظابط:طب وحماك هيعمل كده لي
ايهاب:هقول لحضرتك انا مكتوب كتابي علي بنته بس تصرفتها بدأت تشككني فيها مشيت وراها ولقيتها فعلا بتخوني مقدرتش استحمل وخناقتها وهي وقعت في الارض بس مماتش هي دخلت في غيبوبه انا مكنش قصدي اقتلها بس هي خانتيني
الظابط:المهم هنشوف الموضوع ده بعدين
ايهاب:المهم هي راحت المستشفي انا  وزميلها ده   اخدنها لهناك والدكتورة قال انها دخلت في غيبوبه وانا سبتهم ونزلت وانا نازل سمعته بيكلم محمود وبيقولوا علي اللي حصل بس انا مشيت وبعدها بربع ساعه تقريبا حصل اللي حصل اكيد هو
الظابط بعد تفكير:طيب دلوقتي هيتقال انك موت
ايهاب بإستغراب:لي
الظابط:لان ده شروع في قتل وممكن اللي عمل كده يحاول تاني وساعتها ممكن تموت بجد هتفضل معانا لحد لما التحقيقات تخلص والناس هتفكر انك موت  ده الحل الامثل دلوقتي
ايهاب بإستسلام:لو كده انا موافق
الظابط:وكمان عشان نشوف موضوع مراتك لان لو ماتت انت هتتسجن
ايهاب وهو يبلع ريقه:بس هي كانت بتخوني
الظابط:نشوف الكلام ده بعدين
نهايه الفلاش باك
الظابط:وبس كده وايهاب فضل معانا لحد لما عرفنا نجيبك
انصدم محمود مما يحدث
الظابط:خدوه
محمود :بس ايهاب مماتش لي اتسجن
الظابط:بس ده شروع في قتل
خرج محمود واخده العسكري الي السجن
اما في المكتب
الظابط:كده انت في السليم وفعلا موضوع مراتك اتحل هي مماتتش واتحكم انك كنت بتدافع عن شرفك من تسجيلات الموبايل بتاعها بردو  تقدر تمشي
ايهاب:شكرا ليك جدا
خرج ايهاب متوجها الي بسنت

في فيلا الشريف عند شروق
استيقظت وادت فرائضها وهاتفت نوران
شروق:نوري وحشاني يا كلبه
نوران:شوشو قلبي عامله اي
شروق:الحمد لله
نوران:من ساعه لما روحتي عند ادم ومش بتكلميني
شروق:غصب عني والله اصل رفعنا قضيه ضد محمود وكسبنها
نوران:بجد ازاي
قصت لها شروق ما حدث
شروق:وكمان جبت الفستان واكملت بسرعه قبل ما تزعلي اخدني غصب عني لوحدي
نوران:لسه كنت هولع فيكي بس معلش
شروق:متزعليش هتيجي معايا النهارده وانا بجيب الطرحه وبحجز المكيب ارتست
نوران:تمام هقول لبابا وهاجي معاكي
شروق:طب هشوف هنروح ازاي واكلمك تاني سلام بقا
ونزلت الي اسفل وجدت الجميع علي طاوله الطعام
شروق:صباح الخير
الجميع:صباح النور
ذهبت وجلست بجانب والدتها
ايناس:مش الفروض تقعدي جمب ادم بردو مش جوزك
نظر لها ادم بمكر
شروق :اه عادي يعني
ادم:صح المفروض تقعدي جمبي وانهي كلامه بغمزه
سلوي:روحي اقعدي جمب جوزك
قامت شروق وجلست بجانب ادم وبدؤا في تناول الطعام
امسك ادم يد شروق من اسفل الطاوله
ارتبكت شروق وحاولت سحب يدها ولكن لم تسطع
شروق بصوت منخفض:سيب ايدي
ادم:لاء دي ايدي مراتي عادي
شروق:متعصبنيش سيب ايدي بقا
ادم :لاء
شروق:يووو بقا
ايناس  متدخله:مالكم يا ولاد بيتكلموا في اي
ادم:مفيش يا امي
شروق:سيب ايدي يا بني عايزه اكل
ادم:ابنك طب مش سايبها في واحده تقول لجوزها ابني بدل لما تقوليلي حبيبي او روحي او قلبي
شروق:عايز اكل طيب جعانه
ادم:هسيبها بس بشرط
شروق بغيظ:اي هو
ادم:تعطيني بوسه لما نطلع
شروق:تصدق انك زباله
ادم:خلاص واكمل اكله اما شروق  جالسه تحاول سحب يدها
سلوي:متاكليش لي يا بنتي
شروق:ها لا باكل اهو وامسك كوب الماء بيدها الاخري وشربت
سلوي:طب كلي يا حبيبتي
شروق:سيب ايدي يا بني ادم هزعق واخليهم يسمعوا
ادم:انا قولت اللي عندي يا توافقي يا ترفضي
شروق:خلاص موافقه بس سيبني
ترك ادم يديها
شروق بهمس:بارد
وتناولت طعامها
انهوا طعامهم وجلسوا في الحديقه وكانت تلك المره الاولي لشروق التي تري في الحديقه واعجبتها بشده
شروق:ادم انا هنزل اشتري الطرحه بتاعه الفستان واحجز المكيب ارتست
ادم:تمام هتاخدي جني؟!
شروق:ايوا وكمان هاخد نوران صاحبتي ممكن؟!
عند ذكر نوران انصت اسر بشده
ادم:ماشي هخلي عم مسعد يوصلكم عشان عندي  شغل
اسر:انا فاضي هوديهم انا
جني بإستغراب:بجد ده انت مش بترضي تيحي معايا في حته
اسر:مش ده فرح اخويا ولازم اساعده
جني بعد تصديق:ماشي
وجلسوا يتسامرون وسط غمزات ادم لشروق وخجل شروق

في عياده الدكتور النفساني
الدكتور:اخيرا ادم اعترف
نهال:هههه انت مستعجل اوي عليوانهم يجبوا بعض(زي كل اللي بيقرأ😂😂😂💛)
الدكتور:الله عايزهم  يتجوزا بقا عشان افرح
الدكتور بفرحه:وكمان ايهاب مماتش
نهال:ايوا عايش لسه
الدكتور:كنت زعلان اوي علي حته موته هو معملش حاجه
نهال:هو فعلا معملش حاجه عشان كده ربنا وقفله ظابط كويس جدا قدر يتصرف
الدكتور: كويس انه عايش هيعمل اي مع بسنت هيموتها؟!
نهال:لا هو مش غبي عشان يودي نفسه في داهيه  اسمع يا سيدي..

عند ايهاب وصل الي منزل بسنت
ايهاب:بسنت فين
الخادمه:في اوضتها
توجه ايهاب الي غرفتها
ايهاب وهو يفتح الباب بعنف:حمد الله علي السلامه يا بسنت هانم
بسنت بصدمه وقامت من السرير :ايهاب
ايهاب:ايوا ايهاب اللي خونتيه واللي ابوكي كان عاوز يموته
بسنت ببكاء:انا مش فاهمه حاجه
ايهاب:افهمك انا مموتش وقص لها ما حدث
بسنت:يعني كانت تمثليه
ايهاب:حاجه زي كده وقام وصفعها علي وجهها بقوه  وقال:انتي طالق يا بسنت طالق وورقه طالقك هتوصلك وكويس اني مموتكش
وتركها وذهب وحمد الله علي انه كشفها له قبل زواجهم انا بسنت ظلت تبكي من الخضه ثم هدءت وقامت بمهاتفه اسلام وقصت له ما حدث واستغرب اسلام هو الاخر

اما عند شروق ذهبت هي وجني واسر الي بيت نوران وانتظروها حتي تنزل
نزلت نوران وكانت ترتدي بلوزه من اللون الاخضر الفاتح التي تتناسب مع لون عينيها فكانت جميله عليها بشده
نوران وهي تركب بجانب شروق بالخلف:شوشو وحشاني اوي
شروق:انتي اكتر يا قلبي اخبارك اي
نوران:تمام
شروق:اعرفك دي جني اخت ادم هتحبيها جدا وانتي عارفه اسر
خجلت نوران لما رأت اسر فهي لم تكن تعرف انه سيأتي
نوران:ازيك يا جني انا نوران
جني بإبتسامه:ازيك شكلك كيوت خالص وطيبوبه كده
نوران:شكرا
اسر:ازيك يا انسه نوران
نوران بخجل:الحمد لله بخير
وانطلقوا الي مول تجاري
ودخلوا واخذت البنات في مشاهده الطرح والانتقاء منها
شروق:حلوه دي اوي انا هاخدها
جني ونوران:فعلا حلوه ،احلي حاحه شوفنها
واشتروتا بالفعل
نوران وهي تشير علي طرحه:دي حلوه اوي اشتريها؟!
صاحب المحل بنوع من المعاكسه:هي فعلا حلوه وهتبقا لاقيه مع لون عنيكي
اسر وهو يمسكه من قميصه:نعم مين دي اللي حلوه  سمعني
صاحب المحل:اي يباشا اهدي كده مقولناش حاجه دي الطرحه
اسر:وان هستني لما تقول وقام بضربه في وجهه
اسر:يلا نمشي
في السياره
شروق:مكنش لازم تضربه
جني:هو معملش حاجه لكل ده
شروق:ممكن تفهمه غلطه بهدوء
اسر:خلصتو
شروق:اه
اسر:تمام وانطلق في صمت رهيب
اما نوران ظلت صامته
وصلوا انا منزل نوران نزلت نوران وفجأه نزل اسر خلفها
نوران بإستغراب :في اي
اسر:والدك فوق
نوران:نعم
اسر:والدك فوق
نوران:وحضرتك عايزه لي
اسر:هو سؤال فوق ولا لاء
نوران:اه بس لي
اسر:حلو وتركها وصعد هو لمنزلها
نوران:ماله ده
شروق:اخوكي اتجنن يا جني
جني:هو طالع لي
نوران:انا اعرف
شروق:تعالوا نطلع
جني:استني هقفل العربيه
صعدوا وجدوا اسر عند الباب
شروق:اسر بتعمل اي هنا
اسر:لا رد
وفجأه فتح الباب وخرج والد نوران
عبد العزيز(والد نوران) بإستغراب :نوران في  اي انتي كويسه
نوران:انا كويسه
عبد العزيز:طب اتفضلوا
دخلوا الي المنزل
اسر:انا اسر الشريف ابقا اخو ادم جوز شروق
عبد العزيز:اهلا وسهلا
اسر:انا طالب ايد نوران بنت حضرتك...