طموح بنت❤

الفصل العشرين

ادم:هو قال ان اجي شكاوي من ناس كتير انكم بتجيبوا رجاله الشقه وسمعتكم وحشه جدا وهو مرضاش كده علي نفسه وانا مكنتش مصدقه بس الحقيقه شكلك كده
قامت شروق وصفعته علي وجهه بقوه
شروق:اخرس يا حيوان احنا اشرف من الشرف
ادم بصدمه:انتي بتمدي ايدك عليا
شروق:لما واحد يتكلم في سمعتي وشرفي اكيد همد ايدي وكويس اوي انها جت علي القلم ده
ادم بعصبيه وصوت عالي:انتي عارفه انا ممكن اعمل فيكي اي
في هذا الوقت دخل اسر (اخو ادم)
اسر:في اي لم يعره احد انتباه
شروق:طز فيك وفي اللي هتعمله انت انسان زباله ووقح انا كنت جايه اتفاهم معاك لكن واضح انك مينفعش معاك تفاهم
ادم:طب والله ههد البيت فوق دماغكم عشان تتربي وتعرفي انتي بتكلمي مين
شروق:بكلم مين يعني اي احنا كلنا بشر زينا زي بعض لو حضرتك شايف ان في فرق فدي مشكله عندك ابقي البس نضاره
ادم:انتي انسانه مش متربيه وزباله
شروق:والله انت اللي زباله و.
قاطعم اسر بصوت عالي:بس في اي انتوا الاتنين اسكتوا شويه
عم الصمت الا ان قاطعه اسر:ممكن اعرف في اي بهدوء لو سمحتوا
ادم:دي واحده زباله ومش متربيه وضربتني بالقلم انا اضرب بالقلم
شروق:والله انت اللي زباله وتصدق انك تستاهل مليون قلم
اسر بصوت عالي:كفايه بقا هتتخانقوا تاني ممكن تهدوا وتتفاهم براحه
شروق:اتفاهم مع مين مع ده وهي تشير الي ادم بسخريه ده انسان ميعرفش يعني اي تفاهم
ادم:اللهم طولك يا روح انا مش راضي امد ايدي عليكي عشان انتي بنت
شروق:طب ابقي حاول تمدها كده بس عشان اقطعهالك
ادم:تقطعي اي يا بت انتي انتي والله مجنونه
اسر:اقعدوا كده واستهدوا بالله وفهموني انا مش فاهم
شروق:لا انا مش هقعد انا ماشيه من المكان الزباله ده وتركتهم وذهبت
اسر:ممكن اعرف  في اي
قص له ادم مع حدث بإنفعال شديد
اسر بضحك:يعني البت دي ضربتك بالقلم طب والله جدعه انت محدش قادر عليك
نظر له ادم نظره اسكتته
اسر:خلاص يا عم هتاكلني روح شوف اللي ضربتك وتركه وذهب قبل ان يضربه
ظل ادم في المكتب يمشي ذهابا وايابا
ادم محدثا نفسه بصوت عالي:انا زباله ووقح لا وكمان معرفش تفاهم انا تضربني بنت ..طب والله لوريها مبقاش ادم الشريف ان مخلتها تندم علي اللي عملته ثم طلب احد العمال
ادم:عايزك تعرفلي كل حاجه عن شروق عبد الحميد في ظرف يوم تكون جايبلي حياتها من يوم ما اتولدت يلا
العامل:حاضر يا ادم بيه

اما عندشروق خرجت من الشركه وهي في قمه عصبيتها وجدت من ينادي عليها :يا انسه شروق يا انسه شروق استني
التفتت شروق ووجدته اسر
شروق:افندم في حاحه الاستاذ اللي فوق نسي يقولها بعتك تقولها
اسر:والله حرام عليكي انا غلبان ومش زيه خالص انا بس حبيت احيكي علي شجاعتك
شروق:شجاعه اي مش فاهمه
اسر:علي القلم اللي عطهوله والكلام اللي قولتهوله
شروق:والله ده واحد غلط اكيد لازم اهزقه
اسر:اصل انتي متعرفيش ادم هو محدش يجرء يقف قدامه
شروق:والله ما اعرف شايف نفسه علي اي
اسر:معلش بس لازم تشوفه حل بهدوء وبلاش عصبيه عشان هو ممكن فعلا يهد البيت
شروق:انا معرفش حضرتك مين
اسر: انا يستي اسر ابقا اخو ادم
شروق بصدمه:انت اخوه ازاي ده
اسر بدراما :شوفتي نصيبي بقا
شروق:لا انت حاحه وهو حاجه تانيه هو استغفر الله العظيم محدش يطيقه اصلا
اسر:طب انا شايف انك انسانه محترمه وهحاول اساعدك في موضوع بيتك
شروق:هتعمل اي يعني متتعبش نفسك انا هتصرف
اسر:هتتصرفي ازاي
شروق:معرفش بس كل اللي اعرفه ان ربنا ميرضاش بالظلم واكيد مش هيسبني كده ضايعه
قاطعم رنين هاتف شروق
شروق:لحظه ارد بس
اسر:اتفضلي
شروق:الو ايوا يا نوران
نوران:بقولك المحاضره اتلغت ومش هحضر المحاضره التانيه فمش هعدي عليكي
شروق:لي مش هتحضري التانيه انتي تعبانه لقدر الله
نوران:لا ابدا انا كويسه بس حصل موقف الصبح ضيقني جامد وعايزه اروح مليش مزاج احضر
شروق:موقف اي
نوران:هحيلك بعدين المهم عملتي اي في موضوع البيت
شروق:روحت للي اسمه ادم الشركه واتخنقت معاه وقصت لها ما حدث بإختصار
نوران:هو عمك ده اي بجد راجل زباله اوي
شروق:والله ما عارفه اعمل اي
نوران:طب انتي فين 
شروق:لسه قدام الشركه
نوران:طب هتعملي اي دلوقتي
شروق:هروح مش عارفه اعمل حاجه
نوران: طب لما تروحي كلمني
شروق:اوكي
اسر:ممكن رقم موبايلك عشان لو لقيت حل
شروق:اسفه جدا رقم موبايلي مش بعطيه لحد وشكرا جدا مش عايزه اتعب حضرتك معايا وتركته وذهبت هي كانت تعتقد ان ادم من ارسله لها لكي يعرف عنها ماذا ستفعل لذلك اوقفته عند حده

عند بسنت
كانت تقف في اول شارع منزلها مع اسلام حيث كان يوصلها بعد محاضراتها
اسلام:بردو مصممه علي اللي في دماغك وهتتجوزي واحد مش بتحبيه
بسنت:يوو بقا يا اسلام انا لازم انتقم منها
اسلام:انتي بنتقمي من نفسك مش منها وبعدين سيبك منها وعيشي حياتك انا بجد بحبك يا بسنت وعايز اكمل حياتي معاكي بلاش تعملي كده
بسنت بصدمه:بتحبني؟
اسلام:ايوا بحبك وعايز اتجوزك
بسنت:صراحه انا كمان حاسه ان معجبه بيك وانت انسان كويس بس انا لازم اتجوز ايهاب
اسلام:حرام عليكي يا بسنت انا بجد بحبك شيلي بقا من دماغك القرف ده
جاء صوت من خلفهم :بتعميلي اي هنا يا بسنت..