طموح بنت❤

الفصل السابع والعشرون

يوم جديد بأحداث جديده
استيقظت بطلتنا وادت صلاتها وخرجت الي والدتها
سلوي:صباح الخير
شروق:صباح النور يا ماما
سلوي:يلا عشان تاكلي عشان نجهز البيت للضيوف
شروق:طب انا كنت عايزه انزل الجامعه
سلوي:يعني بقالك يجي اسبوع مش بتروحي وهتيجي تروحي النهارده
شروق:المشروق اللي عامله مكملش ولازم اروح عشان اخلصه
سلوي:بس ادم قال محدش يخرج
شروق:معلش لازم انزل وبعدين هو هيمشي كلامه علينا
سلوي:متنسيش ان هو ساعدنا وبعدين مش فاهمه مش بطيقيه لي ده شب كويس وابن حلال
شروق:اوف بقا يا ماما مش بطيقه ده بارد ورخم
سلوي:طب كلميه اسأليه
شروق:نعم لا طبعا مش هيحصل اكلم مين واسأله
سلوي:يا بنتي انا خايفه عليكي محمود ..
قاطعته شروق:بصي يا ماما محمود كان هنا امبارح مش معقول هيجي تاني وكمان في حرس تحت ولو عليا فهاخد بالي من نفسي متخافيش
سلوي:طب تعالي افطري وبعدين نشوف

عند ادم استيقظ مبكرا وتوجه لشركته لانهاء اعماله لكي يذهب الي شروق في الموعد الذي حدده معها حيث انه اخبر اهله واتفق معهم ورحبوا جميعا وفرحوا لانه سيخطب
ادم وهو يدخل المكتب:شوفيلي الشغل المستعجل  بس ولو فيه مواعيد الغيها
السكرتيره:بس يا فندم فيه معاد مهم جدا لازم حضرتك تروحه
ادم:مينفعش يتأحل
السكرتيره:للاسف لاء ده معاد في كليه عشان الندوه بتاعت الطلاب
ادم:اه اه افتكرت خلاص الغي الباقي
السكرتيره:حاضر

اما بسنت استيقظت وعزمت علي تنفيذ ما اتفقت عليه مع اسلام
فلاش باك
اسلام:بصي في خاحه ممكن تعمليها
بسنت:اي هي
اسلام:لازم الفتره الجايه تقربي من ايهاب اوي وتبدأ تقوليله ان عندك اعداء من زميلك مثلا عشان لو الصور وصلتله وقتها تقوليله حد مفبركها من اعداءك
بسنت:تفتكر هيصدق
اسلام:علي الاقل نبقا حاولنا ولما تبقي قريبه منه تعرفي بيفكر ازاي
نهايه الفلاش باك
قامت بسنت بالاتصال  بإيهاب
بسنت:هاي يا ايهاب عامل اي
ايهاب:هاي يا بسنت انا كويس
بسنت:مليش مزاح اروح المعهد النهارده ما تيجي نخرج
ايهاب:غريبه علطول لما اقولك نخرج مش بترضي
بسنت بمكر:الله يعني مش جوزي وعايزه اخرج معاه
ايهاب:تمام هعدي عليكي الساعه ٤

عند شروق انهت ارتداء ملابسها
شروق:يلا سلام يا ماما
سلوي:لا اله الا الله
شروق:هو انا راحه احارب بس محمد رسول الله سلام ونزلت وجدت الحراس في الاسفل
الحارس :حضرتك راحه فين
شروق بكذب:صاحبتي جايلي علي اول الشارع هجيب منها حاجه وراجعه متخافش مش هروح بعيد
الحارس:طب هاجي مع حضرتك
شروق:لا مفيش داعي انا مش هتأخر خليك وتركته وذهب وتوجهت الي الجامعه

بعد نصف ساعه كانت شروق في الجامعه
الدكتور:ازيك يا انسه شروق
شروق:الحمد لله يا دكتور
الدكتور:النهارده جاي ناس مهمه جدا وهتطلعي تشرحي فكره مشروعك تقدري
شروق:اوكي مفيش مشكله
الدكتور:ماشي دي ناس مهمه وممكن تبقي فرصه كويسه ليكي
شروق:ربنا يسهل
الدكتور:يلا ربنا معاكي
ذهبت شروق الي نوران
نوران وهي تعانقها:وحشتني اوي اوي اوي
شروق:انتي كمان وحشتني اوي عامله اي
نوران:كويسه الحمد لله
شروق:الدكتور قالي هشرح مشروعي في ناس مهمه جايه
نوران:طب فرصه حلوه الحمد لله انتي قدها
شروق:يارب
نوران:اه صح جيتي ازاي
شروق:ههه فكرتني ضحكت علي الحرس دول هبل اوي
نوران:عملتي اي
شروق:قولتلهم هاخد حاحه من صاحبتي من اول الشارع وخلعت
نوران:ههه اي الدماغ دي
شروق وهي تعدل ملابسها:دي اقل حاجه