"لم نخلق لليأس"
الحلقة<5>
بقلم:– فطوم67
غزلان كانت تشوف في المرضى فجأة جي حد جبدها وطلع مسدس كان ملتم
???: اسس مطلعيش صوت
غزلان:مني انت ، شن تبي مني
??: تو تعرفي تو تبعيني وماديريش حركة غبية خير مانصفيك
غزلان قعدت تبع فيه لين وصلت للمخزن قبل كان متع الادوية
*************** 𝓡𝓮𝔀𝓪𝔂𝓪𝓽_𝓯𝓪𝓽0𝓸𝓶67♥️
بنت: سوسن لتعاركتي معاها سمعتها تتكلم هيا وحدة عليك
رزان: شن تدوي
سوسن قالت#$********
رزان :تمام تو نتصرف
غزلان خشت للمخزن قبل كان متع الأدوية، القت ثلاتة اشخاص كانو مدارين وجهم بكمامة، اثنين واقفين وبحداهم شخص متكي على السرير باين عليه متصاوب ويتألم
الشخص لكان قايم السلاح على غزلان صكر الباب
:تو تعالجيه بدون اي صوت واهيا العدة قدامك الرصاصة في جنبه
غزلان: وعلاش ماجبتوشي لقسم الطواريء
:بلا دوة زايدة ديري لقتلك عليه خير منصفيك
غزلان خافت :باهي اطلعو مش معقولة ثلاتة اشخاص راهوا هاذي عملية مش هندرميسة مش تخشو كلكم
واحد من جماعة المجهول: حني طالعين لاكن لو صار شي اعتبري روحك ميتة
طلعو وقعدو واقفين برا يشوفو في الوضع
غزلان كيف جاية بتضربله الأبرة بعد يده وشبحلها : شن هاذي
غزلان هاذي إبرة مخدر مش متحسش بشي
المجهول :مد يده وغزلان ضربتله
وقعدت إديريله في العملية وهيا خايفة
*******
عند رزان كانت مقعمزة في كافي معاها نور وجوري
جوري شن بديري توا
رزان : تو تشوفي
شوية وجتهم سوسن
سوسن : اني مش قتلك حتندمي هي أمشي خودي ملفك وأطلعي من الجامعة ومعاش توريني وجهك
رزان بكل بورود: الله ومن قالك أني ل منمشي، حسستيني قاتلة روحي مش نشوف وجهك ل كله زواك😏
سوسن: ههههيه زودتيه من تحسابي روحك مش تكلميني هكي تي انتي متجيش ضفرة من صبعي لصغير
***********
عند غزلان كيف كملت العملية خش واحد من جماعة المجهول
:شنصار
غزلان: الحمدلله نجحت العملية بس محتاج راحة على الأقل اليومين هاذم♥️ ، وتوا هوا تحت ثأتير المخدر ساعة وتو ينوض♥️
: تمام تقدري تشوفي شغلك وردي بالك اتقولي حرف من إلي صار هني كان نسمع حرف واحد طالع من هالموضوع حتشوفي شيء مش حيعجبك
غزلان خافت :تتتماام... وطلعت تجري
عند رزان
رزان :ههههههههه ضحكتيني على اساس اني نكلم في بنت ملكْ؟!صح اني منجيش من ضفر صبعك الصغير لأن اني اكبر من صوابعك ومنك 😂
الجماعة لفي الكافتيريا كلها قعدت تضحك عليها😂 وهي طارتلها يا ناري😂
رزان :وتعالي نشوفو من إلي بيطلع من الجامعة😏
مشت هيا ورزان لغرفة المدير وجوري ونور وراهم
طق طق طق طق
المدير; تفضل
سوسن: هيا لكلمك بوي عليها
المدير :اول حاجة اني مش خنطردها على خاطرك ثاني شيء خودي ملفاتك لأنك مطرودة لان في هلبا يشكوا منك وثالت اعلى مافي خيلكم اركبوه واني سايرتكم بما فيه الكفايه... اني مش خايف من حد وتوا تفضلي اطلعي
رزان قربت من سوسن توا هذا جزاء إلي يلعب معاي وتوا تفضلي اطلعي لالا مزال في حاجة قبل مننسا ...رزان خدت ملفات سوسن واعطتهملها
رزان: وتوا تفضلي اطلعي ومعاش نبي انشوف وجهك
اما سوسن قاعدة في حالة صدمة مش مستوعبة شنصار لدرجة معش عرفت شن تدوي رزان طلعتها من الغرفة
غزلان كانت ماشية في الممر ومش مستوعبة إلي صارلها خشت حجرتها وحطت راسها على الطاولة
طق طق طق
غزلان قامة راسها: تفضل
ايهم خش : شجو ،،خيره وجهك اصفر
غزلان :منعرفش مدورش ممكن من التعب
في مكان ثاني كانت في المطبخ تغسل في الماعين
مرت بوها خشت للمطبخ : هيا فيسع اغسلي مش تمشي تغسلي الحوايج وتمشي تشوفي بنتي شن تبي
روان معش قدرت تتحمل: يااسر عاد مش معقولة هكي اني مش خدامتك انتي وبنتك تبي حاجة امشي ديريها عندي منجير حتى اني كل يوم روان ديري روان ديري هذا فاش فالحة خيرك متكلميش بنتك تجي ادير معاي ، لا عاد انتي متكلميهاش ماهو في روان البنت إلي ماتت امها وهيا صغيرة بوها تزوج مرا وقلباته على بنته بري الله لاتربحك انشاءالله حسبي الله ونعم الوكيل معندكش قلب انتي كيف اديري في بنت يتيمة هكي من لما صغيرة مخليتيش نوع من العذاب وتهديد ومدرتيشي واني سكتت وتحملت قولت عيب اسكتي متجيش هيا اكبر منك ، لااكن انتي شي متحسيش ولا عمرك حتحسي ،انشاءالله تتلقيه
مرت بوها : ضربتها كف وشدت شعرها صار اتعلي في صوتك واطولي في لسانك توتشوفي
روان يارب اعطيني القوة والصبر اني مش حنيأس من الحياة
ومشت قعدت تعبي في راس بوها
ويجي يعطيها طريحة نباشة القبور هوا يضرب فيها ومرته حتى هيا
خلي نعرفكم عليها
روان مواليد 1999 تقرى في it ،،معندهاش خوات امها ماتت من لما كان عمرها ثلاتة سنين بوها كان يحبها وديمة مهتم بيها ومينقص في شيء عليها لاكن لما تزوج من مرته فتحية تغير بكل بدير لتقول عليه مرته ايديره ويضرب في روان وبعدين جاب بنت من "فتحية" كانت شينة اسمها 'سحر"البنت روان احلى منها بهلبا ، سحر متحبش روان لانها احلى منها وهيا وامها ياعملو فيها زي الكلبة ماخلوش حاجة و مداروها
على المهم اعطاها طريحة وطبعا صوت لعياط عبا الدنيا الجران سمعو الصوت نزلو طول يطقطقو على الباب وينادو ،،،
وبعدين شدها من شعرها وضربها كف من قوته لين انضرب راسها في حاشية الطاولة واغمى عليها وراسها قعد ايصب في دم ،،،
الجيران قلعو الباب وخشو شافو المنظر
بوها طلقها وقعد واقف متحركتلاش شعره مرت بوها وبنتها فرحانين
طول قاموها الجيران ورفعوها للمستشفى
*
ايهم وغزلان كيف بينزلو للكافتيريا
جي ممرض يجري
الممرض :دكتور ايهم تعالى في بنت جابوها في قسم الطوارئ راسها مفتوح
ايهم طول مشي يجري ولحقاته غزلان ووووويتبع
شن تتوقعو ايصير في روان هل حتعيش ولالا؟ ورزان هل حتخليها سوسن في حالها او لا ؟وغزلان شن بيصير فيها ؟وشن قصة المجهول؟ كله حتشوفوه في الحلقات الجاية ♥️، هي تفاعلو♥️♥️
