"لم نخلق لليأس"
بقلم:- "فطوم67
الحلقة: الثامنة عشر
ركان: هذا أنت قاعد مبطلتش الحركات اهيا
كرم: أكيد أني،اي مبطلتش
رواد:رعشتني يرعش والله عظامك قريب جبتلي السكر وبعدين انت شن جابك اهني مش مش سافرت انت وامك واختك لألمانية
كرم :قصدكم مستاحشتونيش
ركان ورواد حضنوه كرم: تي انبصرو عليك في حد ميستاحشش خوه
كرم حد الدجاكة على الكرسي وجي قعمز ومد رجليه على الطاولة: أكيدة مافيش
كرم:غر لا ياثقة
(" كرم ورواد وركان أصحااب الطفولية يعني كل شيء عاشوه مع بعض هماا اكثر من صحاب يعتبرو خوت♥️ "كرم يخدم مع رواد وركان في شركة تصدير أدوية وومعاهم حتى في المقر كرم مواليد 1992" زي رواد وركان ،أمه وبوه مطلقين من لما كان صغير ، كرم من لما كان صغير قعد يخدم مش يساعد امه في المصروف الحوش يعني يعتبرو فيه هوا سندهم ،"خلي نعرفكم بعيلته أمه أسمها نورا وعنده أخت أسمها ريان تقرا طب بشري ")
كرم: توا بتحكولي على كل إلي صار في غيابي
رواد: تعالو نطلعو نقعمزو قدام لبحر زي ايام زمان وندو
ركان:تمام_"
الدكتور: الحمدلله نبضها أرجع وحاليا فاقت
روابي وروند حضنو بعض
الدكتور:من فيكم أسمها"روند"
روند:اني علاش؟!
الدكتور:من أول ماناضت تقول في أسمك
روند:عادي نخشلها
الدكتور: أي كلمي الممرضة تعطيك لبسة التعقيم وخشيلها ،اصلا حني شوي ومنرفعوها للحجرة والحمدلله على سلامتها إنشاءالله هذا حد السوء
نبيل وقيس وفؤاذ:الله يسلمك
روند خشت لأمها.. رزان حضنت روابي
روابي:فرحانة يارزان أمييي بخير
رزان:أي
..عند روند خشيت القيت ماما تشبح للجيهة الثانية وساكتة
أني طول مشيت حضنتها وقعدت نبكي
أني:معقولة كنتي بتمشي وتخليني كيف انهوون عليك
امي: روند أسكتي خلاص أهو أني معاك علاش لبكي
اني: تتتماام
خشت الممرضة:عفوا لو ممكن تحولي شويا منرفعوها للحجرة
اني:تمام
فات الوقت ورفعو بلقيس للحجرة وكلهممم فرحانين لأن كانو يتوقعوها بتنشل أو بتموت
بلقيس:من اليوم ننسو الماضي ونفتحو صفحة جديدة
بلقيس شبحت لروند
روند طبست راسها:أنيي اسفة بيلسان على خاطر حاولت انفرقكم وعندكم الحق كان مسامحتونيش
بيلسان حضنت روند:أني مسامحاتك،ومن اليوم انتي اختي الصغيرونة
روند فرحت مكانتش متوقعة ان بيلسان تسامحها وتعتبرها أختها وندمتتتت هلبا على إلي داراته
بيلسان صح اني كنت مش حنسامحها على إلي داراته اهوا بدات لكن بعد مشفت الندم في عيونها مطاوعنيش قلبي ان منسامحهاش
أيهم:هي شني بتروحو الدنيا ضلمت
هيام:نسيت معرفتكش عليه ،هذا أيهم ولدي
بلقيس:تشرفت بيك
أيهم ابتسم:بيك اكثر
هيام:روح انتم اني قاعدة مع بلقيس وروابي ورند روحو حتى انتم
روند :اني منقعد مع امي
روابي :حتى اني
هيام:على راحتكم
بلقيس:حتى انتي يا هيام روحي تعبتك
هيام:كيف نمشي ونخليك وبعدين تعب شني تي انتي زي اختي
بلقيس قعدت تبكي:سامحين ياهيام واللهي ضلمتك ومخليت حاجة مدرتها فيك سامحيني
هيام حضنت بلقيس: معش تبكي إلي فات مات خلي نبدو من جديد
رزان كلمت ايهم بصوت واطي:شوف المسلسل الهندي إلي صار
أيهم:انتي شكلك مهوسة بالهندي كل متصير حاجة اتقولي مسلسل هندي
رزان:أي قبل كنت نتفرج على المسلسلات الهندية
أيهم:هذا باش
يزن:هي كان بتروحو
بيلسان وروان وغزلان ورزان ويزن وايهم :هي تصبحو على خير🍃.....وروحو
عند رزان
اني:كيف تسامحيها
بيلسان:وشن فيها كان سمحتها وبعدين باين عليها أنها ندمانة هلبا وبعدين ربي يسامح مني اني مش منسامحش وبعدين كل شخص يستحق فرصة ثانية
اني:منعرفش يابيلسان ديري يلي يريحك،حلا رقدت
بيلسان:اي، خلي نركب هي تصبحو على خير..وركبت"
عند بيلسان ركبت حطت حلا في سريرها
يزن:بيلسان سامحني واللهي منندري على روحي اسف لو غلطت في حقك أو جرحتك ..ونزلو دموعه
أني مسحتله دموعه وشدت أيديه:متبكيش يزن أني مسامحاتك وبعدين أنت كنت مسحور في
يزن :ربي يخليكم ليا ومايحرمني منكم ياارب
عند ركان ورواد وكرم
كرم:هذا كله صار في غيابي
رواد:أي
ركان:نبو حد يكونو ميعرفوشي يخش مابيناتهم ويجمعلنا المعلومات والأدلة عليه
رواد:ومن هوا، أني شافوني
ركان :كرم كيف جي اليوم ماأعتقدش يعرفوه
كرم:كيف بنخشلهم
ركان: #$*********************
رواد:أي هكي حيوثق فيكك🔥
كرم : تي حتمشي 100%
ترن رن ترنن
ركان:أيوااا
حيات:تي وينك ياولد وخيره هذاكه مسكر تليفونه
ركان:تو نروحوو
حيات:توا تنوضو تروحو
ركان:تمام وسكر
ركان : هي نوضو انروحو وكرم تعالى بات معانا
كرم:خليها مرة ثانية
ركان:براحتك ...وروح
ثاني يوم
ناض كرم ألبس بدلة رسمية وساعة وخدي نضاراته وتلفونه وحط سلاحه في خصره
نورا:صباح الخير وليدي
كرم:صباح النور،وين ريان
ريان:صباح الخير
نورا ،كرم :صباح النور
كرم :اني ماشي تبو حاجة؟!
نورا: نبو سلامتك أفظر
كرم: مستعجل تو نفظر برا...وباس راس أمه
كرم: مش ناقصك شي ولاه
ريان:أي مش ناقصني
كرم :تمام ،هي مع السلامة تبو حاجة كلموني..وطلع
___
في المستشفى
غزلان:شن اليوم أول جرعة كيماوي لزيد
أيهم:أي هي نمشو
غزلان:تمام
غزلان:شبحت رباب طول حضنتها:متبكيش
رباب:تتمام
الدكتور:مستعد
زيد:اي..وخش مش يعطوه أول جرعة
ايهم قعد واقف برا مع بوه
طق طق طق طق
صلاح:تفضل
:في شخص يبي يقابلك ومقالش أسمه
صلاح:خودو الأحتياطات الأمنية وخششوه
:تمام
شوية وخش كرم
صلاح :مني انت وشن تبي؟!
كرم:أني كرم نبي نخدم معاك
صلاح:وعلاش جيتني اني؟!
كرم:سمعت بيك مش قلت خلي نخدم معاك
صلاح:تعرف شن خدمتنا؟!
كرم:اي نعرف
صلاح:وتبي تخدمها؟!
كرم:اي
صلاح:كيف بنوثق فيك؟!
كرم : سمعت ان انت والهيبة علاقتكم مش كويسة بكل وان انت لقتلت امه وبوه وخدي منك السلاح
صلاح:كيفف عرفت؟!
كرم :ميهمش من وين عرفت على المهم كلامي صح
شاحنة السلاح نعرف وين مكانها كان تبي تعرف
صلاح:وينن؟!
كرم:#$**
صلاح:لكن لو طلع كمين أو اي حاجة حنخليك تندم على اليوم لنولدت فيه
وويتبع
شن تتوقعو ايصير في كرم؟! وشن تتوقعو ايصير في روند وروابي؟!وشن حيصير في زيد؟!وخطتت ركان حتمشي صح ولاحيكشفهم صلاح🔥؟!كله حتشوفوه في الحلقات الجاية♥️
