"لم نخلق لليأس ⚜"
بقلم : فطوم67
الحلقة: الخامسة عشر♥️
أيهم:زيد
غزلان:خيره
أيهم:السرطااان منتشررر عنده هلباا وأحتمال 49% أن يقدر يتغلب عليه
غزلان:متأكد
أيهم:أي مع الأسف💔.....، غزلان:وينه هواا
أيهم:في الحجرة متاعه منمشيله وأنتي أمشي لرباب ومتقوليلهاش غزلان:تمام
عند رزان وروان في الجامعة
رزان:أني جعتت نمشوو للكافتيريا
روان:تمام....، ومشو للكافتيريا
رزان: سخفنيي زيد تعرفي
روان: أي ورباب كيف تبكي قطعتلي قلبي ، أي حقا شنصار فيه مش على أساس ان اليوم أيهم بيرفعه للدكتور مختص بالأورام
رزان: تو نكلم غزلان نسألها شنصار
طوط طوط
غزلان : ألوو
رزان: أيوا غزلان شجو؟! ،شنصار في زيد؟!
غزلان:تمام، السرطان منتشر هلباا واحتمال 50% يقدر يتغلب عليه
سحر جت شادة طاسة نسكافيه
رزان: غزلان توا بنسكر باااي
غزلان:بااي
رزان:شن تبي جاية
سحر : بنهذرز عليكم
رزان:مانبوش نهذرزو عليك
سحر:أني مسألتكش
روان:سحر إمشي بلامشاكل
سحر طبست على روان:أنييي انديرر في المشاكل وبزعت عليها طاسة النسكافي
روان:ااااه شندرتي
رزان تعفلقت: شن درتيي يامحسديةواللهي لعرفتك جاية بدير مشكلة
سحر:الي شفتيه وباااه اهوا عرفتيني شن درتي
رزان:اهاا قولي من الأول هكي صاار تبي تشوفي شن اندير حاضر حنوريك شن بندير.....، ومشت طلبت قهوة سخونة خدتها وبزعتها على وجه سحر طبعا إلي في الكافتيريا كلهم يتفرجو...، سحر: اااه وجهي شن درتي ياحيوانة؟!
رزان:مش تبيني أنوريك أهوا وريتك مع ان أنييي مش من مقامي انكلم ناس محسديةةةة لاكن يلاا
وبعدين مفيششش حد حيواان الا إنتي ..، ومشت لروان:انتي بخيررر حبيبتي
روان: إي ياقلبي
سحر قربت من روان: أني مش حنخليك تتهني في حياتك والأيام بيناتنا يااااا روان
رزان: إلي بديريه وراك ديريه قدامك ياامحسدية
سحرر مشت متعفلقة قريب تطربق
رزان: اسمعي شن رايك بعدين نطلعو كلنا للبحر بعدين
روان:اي الجو نو والضي اكيد بيهرب
رزان: تمام ،هي نروحو مش نكلم أمي
روان:هيي
سحر وهيا ماشية نادتها بنت
البنت:انتي يابنية
سحر:نعم شن تبي
البنت طلعت تلفونها وورتلها صورة:تعرفيها هاذي
سحر:أي
البنت :شن مشكلتك معاها
سحر:وانتي شن دخلك
البنت: هر قوليلي شن بتخصري انتي
سحر: اختي من بوي قاعدة معاها اني منحبهاش ومنبيهاش تعيش يوم حلو وكل مانديرلها حاجة هديكة ادافع عليها لدرجة ان اليوم بزعت عليا طاست القهوى في وجهي على خاطرها لكن مش حنخليها في حالها لما نوريها
البنت:أي متسكتيلهاش وأني حنكون معاك
سحر:علاش
البنت:قصة تو نحكيهالك على المهم اني بننتقم منها تبي تكوني معاي
سحر:تمام، شن أسمك
البنت:سوسن وأنتي
سحر:سحر
سوسن :تشرفت بمعرفتك
...ومشو يخططو ويهذرزو
غزلان في الحجرة متاعها تشوف في المريضة
غزلان: من وين
الحاجة مدتلها يدها :اهني بنتي
غزلان شافتها: توا أني بنخيطها وبنعقمها مش متلتهبش
الحاجة:تمام بنيتي
غزلان قعدت تخيط في الجرح وعقماته
غزلان:كملت...، وين صغارك
الحاجة طبست راسها....، غزلان:أسفة لو أدخلت في حاجة متخصنيش
الحاجة : لاعادي ، أني عندي بنت متزوجة وولد حتى هوا تزوج من لما مات بوهم تخلو عليا خدو الحوش والأراضي ولوحوني في الشارع
غزلان انصدمت متوقعتش في ناس هكي: باهي وين سكنتي
الحاجة: لما كنت في الشارع شافني شاب ربي يحفظه ويبارك فيه اعطاني حوش سكني فيه ومخليش في حاجة تنقصني ويعتبر فيا أمه ، أمه وبوه تخلو عليه من لما كان صغير ومعنداش خوت ولاخوات
غزلان:ربي يحفظك ويحفظهولك ويعطيك ما تتمني هوا وين توا
الحاجة :تو يجي
الحاجة:منطلب منك طلب بنتي
غزلان:تفضلي
الحاجة: أمس جي نشبح فيه يتألم من كتفه كان تشوفيهوله
غزلان:تمام أمي
الحاجة نزلو دموعها على الكلمة....، غزلان مشتلها ومسحتلها دموعها :خيرك شن في
الحاجة: أذكرت بنتي
غزلان وجعها قلبها على الحاجة: أني من اليوم بنتك أي حاجة تبيها قوليلي وتو نزورك في حوشك أعطيني رقمك وعنوان حوشك ومن اليوم اني بنتك منبكيش على إلي خلوك تو يندمو
الحاجة حضنت غزلان: ربي يحفظك بنتي واللهي حبيتك من بكري ♥️
غزلان بعدت عليها ومسحتلها دموعها:من اليوم مافيش بكي باهي أمي
الحاجة:باهي بنيتي أني أسمي حيات وأنتي
غزلان:غزلان
طق طق طقق طقق
غزلان :تفضلل
خش رواد وركان.....، غزلان انصدمت: انتم شن جابك هني
ركان باس راس حيات هوا ورواد ...، ركان:كيف حالك أمي
حيات:تمام ولدي، اهوا ولدي لحكيتلك عليه رواد وصاحبه ركان نعتبر فيه زي ولدي، تعرفيهم
غزلان قاعدة تحت ثأثير الصدمة يعني كيف الشخص لرفع عليها السلاح وهددها إيدير هكي :كي قاعدة مكملتش كلامها قص عليها رواد :أي جيت مرا خيطتلي جرحي
غزلان شبحتله فنص فيها
حيات : شوفيلها كتفه
رواد:لا مانبيش
حيات: لا خليها تشوفهولك وألا ماعاد قاعدة في الحوش
رواد :تمام أمي..."ميبيش يخسرها لان يعتبر فيهاا أمه وأغلى واثمن حاجة عنده"
غزلان كيف ماشية بتشوف رواد خش أيهم
أيهم:اسف خشيت ماغير منطق كنت نحساب الحجرة فاضية
حيات:عادي ولايهمك وليدي
أيهم :غزلان كملتي ولالا
غزلان:لا انت روح وتو نلحقك
أيهم:تمام
حيات:شن يقربلك بنتي
غزلان مشت شدت إيدين أيهم: ااه نسيت معرفتكمش ... هذا خوي أيهم..، وهاذي أمي حيات
أيهم أستغرب لاكن مشي وباس راس حيات
حيات :سلمك ولدي ... مشاءالله طالع زي أختك طيبين وتنحبو فيسع
أيهم وغزلان أبتسمو:تسلمي أمي
طبعا هذا كله تحت نظرات ركان ورواد لي مستغربين لاكن سكتو
أيهم:أني ماشي رذي بالك على روحك وأول ماتطلعي قوليلي
غزلان:تمام ....،طلع أيهم
غزلان:إي وين كنا
حيات:بتشوفي كتف رواد
غزلان:تمام ومشت شافتهوله
غزلان:في شوية شطاية في كتفك ..،تو نحيهملك
حيات:شطاية شن
رواد:اا شيء ياأمي
حيات :كيف شي مالا كتفك من شني مش قتلك بعد على المشاكل
ركان:اهو اموره طيبة مفيش داعي إلي صار صار
غزلان : ممكن تفضو الحجرة مش إنحيله الشطاية
ركان وحيات: تمام...وطلعو
غزلان نحتله الشطاية
غزلان:كملت حاول الفترة هاذي متحركهاش هلبا
رواد:تمام...اسمعي
غزلان:شن تبي
رواد:ردي بالك تقولي لأمي أي حاجة على ليصار
غزلان:تمام....وطلعت وطلع رواد برا
حيات :شني بنيتي
غزلان :كملت ومادبيه الفترة هاذي ميحركش إيده هلبا
حيات:تمام بنتي ،..اعطيني رقمك مش نتصل بيك كان صار شيء لو مافيش مانع
غزلان : أعطيني تلفونك نسجله
حيات قعدت أتشوف في شنطتها لكن ملقتاش :نسيته التلفون..،ترا رواد تلفونك مش تسجله
رواد قعد يدور على التلفون في جيوبه ملقاشيي:حيي وين التلفونن
ركان :وين نندري عليك وانت ديما حايس في روحك ...فتح التلفون واعطاه لحياة :هاك سجلي وبعدين خوذي الرقم من تلفوني
حيات:تمام ...،شن رقمك
غزلان:09#$********
حيات:تمام صحيتي بنيتي
غزلان :ولو مش بيناتنا بعدين انتي أمي
حيات حضنتها كان شعورها لايوصف كانت فرحانة ان القت بنت زيها واعتبرتها أمها وهيا أعتبرتها بنتها:مش أتجي إديريلي زيارة
غزلان باست راسها:انشاءالله
رباب جت كانت تبكي حضنت غزلان: غزلااان
حيات:هي مع السلامة
رباب بعدت من غزلان :اسفة مش بحتكش
حيات:ولايهمك
غزلان:مع السلامة ....، وروحو
غزلان:خيرك
رباب:خوي قالو احتمال 49% إنه يتعالج
غزلان:من قالك
رباب:بالصدفة سمعت زيد وهوا يدوي لأيهم
غزلان:متبكيش بإذن الله حيتعالج
رباب: إنشاءالله
____🔥🔥
روند كانت تتكلم في التلفون : #$*******
روابي كانت وراها وسمعت كل شيء وانصدمت :كككيف إديري هكي😱
روند طاح منها التلفون:اانتي شنن جابك هني
شن تتوقعو إيديرو سوسن وسحر؟! وروابي شن سمعت مش انصدمت ؟!كله حتشوفوه في الحلقات الجاية! ♥️
