("لم نخلق لليأس ")
episode(7)
بقلم:-فطوم67
♥️
ركان ورواد كانو مقعمزين ويفكروا شن بديروا لان الشخص لقتل أم وبو ركان كان راس كبير يعني أي حركة غبية حينضرو
رواد :ناض وقف وقعد يلود تو شن بنديروا معقولة بنقعدوا ساكتين كانك بتسكت أني مش حنسكت وحنمشي نصفيه حتى لو كلفين الأمر حياتي
ركان: قعمز وأهدا حني مش حنسكتو
رواد قعمز :باهي شن بنديروا
ركان: توا حنقعدوا نجمعوا أدلة وهلبا حجات نستخدموهم ضده
ايهم : أني حنتزوج روان كان موافقة
غزلان وروان نصدمو مكانوش متوقعين الشيء هذا
روان انت شن تقول مستوعب إلي تقول فيه
ايهم اي مستوعب
غزلان ابتسمت شدت يدها نتمنى انك توافقي وفكري براحتك حني مش حنغصبوك على شيء انتي ماتبيشي،، وحتى كان موافقتيش في أي وقت أني وحشنا بابنا مفتوح ليك واني اختك قبل كل شيء
روان قعدت مصدومة وفي نفس الوقت فرحانة انها إلقت أخت زي غزلان هي كانت يأسه من الحياة لاكن في ساعة تغير كل شيء
(وزي ماجي في القرأن الكريم [" فإن مع العسر يسرا إن مع العسر يسرا "] /"وكلما اشتدت فرجت" ،كله السر في الصبر ، تصبري تنالي ، وكله امتحانات من ربي ،،، وروان تحملت وصبرت رغم ان كانت الدنيا ضايقة بيها ،من صغرها عاشت في ذل وقهر معاشتش الطفولة زي الثانين بس مع هذا كافحت وميأستش ،، وتوا كيف بدت تفرج عندها♥️
سوسن حكت لبوها كل شيء
بوها :هيا دارتلك هكي
سوسن :اي
بوها: والمطلوب
سوسن: نبيك تنتقملي منها
بوها :انتي هبلتي ولاكيف
سوسن: لا مهبلتش
بوها :وتقولي فيا بكل صحة عين
سوسن :وشن فيها
بوها :تي شن شن فيها تبي ننتقملك من بنت على خاطر حجات تافهة ...
سوسن :تي شن شنفيها، اني نقولك هانتي قدام ليقرو في الجامعة كلهم والمدير اعطاني الملف متاعي وتقولي شن فيها😡
بوها :اني مش حندير شي وموضوع الجامعة تو نحاول مع المدير بالك يرجعك وكان هذا تو نشوفلك جامعة ثانية
سوسن: قصدك من حول من الجامعة على خاطرها
بوها انتي لدرتيه بيديك ... ومن توا انقولك البنت مديريلها شي لان لوصار ودرتيلها مش حنسامحك زي كل مرة
سوسن قلبت عيونها ومش عاجبها لكلام🙄
غزلان: كانت بحدا روان وايهم مشي يشوف الحالات
غزلان توا وين بتمشي
روان :منعرفش حتى بوي إلي مفروض يكون سند ليا مجاش
ولا سأل عليا
غزلان: بتروحي معاي مدخلنيش فيك اني اعتبرتك زي اختي
روان: منحبش نكون ثقيلة على عليكم
غزلان: اسسسس ميجيش لكلام هذا بعدين اني مقتلكش اعطيني رايك اني قررت وانتي بتقعدي معانا وبالنسبة لايهم تو يدور وين يقعد وانتي فكري ف إلي قالك عليه
روان: عيونها دمعو وحضنت غزلان
غزلان: خيرك علاش الدموع
روان: اني مش مصدقة ان إلقيت حد إيحس بيا
غزلان: لا صدقي وأي حد يضايقك قوليلي
روان: ربي يخليك ليا
غزلان :وليا
شوية وخشت رباب
رباب: غزلان انتي هني واني من بكري اندور فيك
غزلان خيرك شن في
رباب لاشي غر قلت نهذرزو
غزلان خلي نعرفك هيا روان نعتبر فيها زي اختي ولو وافقت حتكون مرت أيهم،،،،، روان هاذي صاحبتي من الثانوي
رباب ابتسمت تشرفت بي معرفتك
روان وأني أكثر😊
وقعدو يهذرزو وانسجموا مع بعضهم ووتم الدوام وروحو
كيف وصلو للحوش تلاقو مع رزان
رزان :هلاا شن اخباركم🤗
غزلان: وايهم اهلين ، الحمدلله
رزان :شبحت روان واستغربت لاكن ابتسمت ومدت يدها هلا
روان :شبحتلها وردت نفس الابتسامة اهاين
رزان :عرفونا
غزلان: خشي تو نقولك
على المهم خشو للحوش استقبلتهم امهم وبعدها جي قيس
غزلان: ماما بابا هاذي روان وقعدت تحكيلهم
هيام ثأترت وحضنت روان :متخافيش بنيتي حني عيلتك الثاني واعتبريني زي امك وحنعوضك على كل شيء
قيس: واني اعتبريني زي بوك ومن اليوم انتي بنتي
روان كان شعورها مايتوصفش لأول مرة تحس انها عندها عيلة حتى لو انها مش من دمهم لاكن كان هذا كان كفيل ان ايخلي روان تفرح.
("احيانا مجرد اشخاص يخلوك تحس بالسعادة")♥️
فات اسبوع غزلان وروان ورزان منسجمين مع بعضهم وبدو زي الاخوات وطبعا روان كانت تحس في روحها أسعد وحدة في العالم ،، وايهم قعد في الشقة متع بوه الأولى ،طبعا بو روان ناسي ان عنده بنت ومرته وبنته كانو فرحانين لان افتكو من روان
***
غزلان كانت تشوف في ملفات متع الحالات
طق طق طق
غزلان تفضل
رواد خش وخش معاه ركان ......،، غزلان: انت خيرك شن تبي مني مزال
رواد :اسكتي مش جاي لسواد عيونك
غزلان :مالا شن تبي
رواد جنبه يسطر عليه ديريله حل
غزلان وخيره ميتكلمش هوا ولامعنداش لسان
ركان فنص فيها هوا ورواد
غزلان خافت :باهي قعمز وانت لو تقدر تطلع برا يكون افضل
رواد فنص فيها وكيف جاي بيطلع السلاح
ركان :اطلع
رواد :بس
ركان :لا بس لابسات اني مش صغير مش تخاف عليا
رواد طلع وهوا مش عاجبه
غزلان أي من وين الألم تحس فيه ومن امتى بديت تحس فيه
قعد تشوف وقالتله على مسكن ياخده وطلع وفات الوقت
رزااان كانت في الجامعة تهذرز فجأة جي شخص ملتم يجري ضربها بالموس وهرب😱 وووويتبع
وشن تتوقعو ايصير في رزان ومني تتوقعو ضربها كله ؟حتشوفوه في الحلقات الجاية؟ هي كلكم تفاعلو😊☝️
