"لم نخلق لليأس "
بقلم:فطوم67
الحلقة: الرابعة عشر♥️
ركان :فتح الزرف ..إلقي صور رواد ومكتوب عليها من الخلف " رد بالك مزال تلعب بذيلك وإلا حنذمك ونخليك تتمنى الموت"
رواد:خيررك؟!
ركان اعطاه صوره.....، رواد:حيي هذا أمس كيف طالع من الشقة ، والثانية في المحلل ...من وين جابهممم
ركان:اقرا لمكتوب من خلف....،رواد قعد يقرا: كيف يتجرأ هالحيواان شكله مايعرفش مع مني يتكلم وبعدينن حني لحندموه ونخلووووه يتمنى الموت ألف مرة لكن مش حيلقاه
ركان: معش تطلع بروحك خلي معاك حراسةةة وحنغير الشقة
رواد: مانبيش ......، ركان:أني كلمتي وحدة حيمشو معاك الحراسة يعني حيمشو
رواد قلب عيونه:تمام
ركان خدي الجاكيت متاعه وسلاحه وبيطلع...، رواد:على وين....، ركان: ماشي للشركة منشوف الوضع قداش ليا مامشيتش
رواد:تمام خلي نمشي معاك
ركان: تمام ....،ومشو
غزلان:يزن تعالى نبيك
يزن مشالها في الدار :خيرك شن تبي...،غزلان :قعمز....،يزن قعمز: هيا تكلمي
غزلان :خيرك مع بيلسان
يزن :خيرني مافي شيء
غزلان :لا في متكذبش عليا نشبح فيك كيف تعامل فيها
يزن :مافي شي غير انتي تتوهمي وبعدين من لعبالك راسك عليا؟! هياا ولاااه؟!
غزلان: اني منتوهمش ومافيش حد اني شوفتك كيف تعامل فيها وبعدين متنساش ان هيا على خاطرك دارت المستحيل وعمرها مزعلاتك ولا رفضتلك طلب ومتنساش ان هيا أم بنتك
يزن : بااه نعرف هذا كله علاش تعاودي فيه؟!
غزلان : يزن لو يصيرلها حاجة بسببك ..انسى ان عندك أخت اسمها غزلااان
يزن: وزي ماقتلك أنتيييي تتوهمي ...وطلع وقربع البااب
___part2
عند بيلسان كانت مقعمزة على الكنبة تتفرج على ألبوم صور فجأة جي يزن متعفلقق
يزن:بيلسااااان
بيلسان انخلعت:خيرررك شن في
يزن :صاار شنفييي شن هوا لقايلتيه لأختيي مش انقلبت علياا
بيلسااان :مقتلهاا شييي وبعدينن هياا شن قالتلكك
يزن :مديريش رووحك بريئةةةة
بيلسان : توا طلعتلك مش بريئةةةة وينا يزن متع زماننن وين وعووودك ويننن ولانسيتت كل شيييي ماهووو شن بنتوقع من اشخاص زيكككك شن بنتوقع وبالك تحسابني مش حاسةةةة عليك وربي ياااايزن كان طلعت تخوننن فياا معش حتشوف وجهي ولا وجه بنتك في الحوششش تسمععع فيااا💔
يزن :نقصيييي صوتكككككك معش تعليهه عليا وبعدين شن تخرطي
بيلسان:منيش منقصااااااته ياااسر تحملتك فيما فيه كفايةة ومنخرطش
يزن كيف جاي بيضرب بيلسان وقف...،بيلساان :كمل خيرررررك وقفت كمل هاذي اخرتها معااك يايزن انيي انيي ادير فيا هكيي😡
حلا بدتت تبكيي
يزن معش عرف شن يدير طلع من الحوش وهوا نازل قابل امه وخواته
هياااام :خيركم شنصاررر اصواتكم طالعة لبرا الحوش
يزن مردش عليهاا ومشي
ركبت هيام هيا وبناويتها إلقت باب الحوش مفتوح وصوت حلاا تبكي وبيلسان تبكيي رزان مشت تسكت في حلا
هيام حضنت بيلسان: خيرك بنيتييي شنصار خيركم اللطفف
بيلسان:عيتتت واللهيي عيت معاش قادرة نتحملل الشخص لقلت مش حيزعلني مش حيخلي دمعتي تنزل دار فيا هكي
هيام:هر اهذي وأحكيلي
بيلسان: يزنن يا أمي شاكة انه يخون فيا من امتى ما روحنا من السفر وهوا مش طايقني وشاد التلفون وكل منشده ياخده وكل مانتكلم معاه يقولي انتي ادوري في المشاكل ويطلع يسيب الحوشش
هيام :توا أهذي وأستعوذي من الشيطان وأهتمي بي بنتك وأني تو نتكلم مع يزن
بيلسان: كان يطلع شكي صح معاد شايف وجهي
ولا وجه بنته في هالحوش😠
غزلان: متزعليش عليه واللهي مستغربة فيكم معقولة انتم يصير فيكم هكي بعد الحب هذا كله لااا أشبح شنصايرلهه هذا مش خوي متع قبل
رزان:أكيدة سحر
غزلان :شن تخرفي قال سحر ، وكان حتى سحروه على شني بيسحروه شن معش في رجالة إلا هوا مش يسحروه
بيلسان: باللهي إقلبو عليا هالسيرة
قعدو هيام وغزلان يهذرزو على بيلسان يحاولو يغيرولها جوها ورزان تلعب في حلا
روان كانت مقعمزة تقرا في شيتاتها خش أيهم
أيهم:شجو
روان:تمام الحمدلله وانت
أيهم:تمام ،وين أمي والبناويت
روان: ركبو يشوفو في بيلسان
أيهم:خيرها
روان:منعرفش صوت عراكها هيا ويزن وصل لأخر الدنيا
أيهم:ربي يستر وخلاص تو نكلمه، شن اديري
روان:نقرا في إلي فاتني
أيهم:في حاجة مفهمتيهاش ولالا
روان:لا فاهماته
أيهم: كان في حاجة مش فاهمتيها ولاحاجة ناقصاتك قوليلي
روان:تمام، صحيت
أيهم:ولو مش بيناتنا ....، وطلع
ايهم قعد يتصل بيزن لاكن يعطي فيه مقفل
___
ثاني يوم🌕
9:00
في المستشفى🏨
غزلان خشت لغرفة أيهم:شجو
ايهم:😞
غزلان :خيرككككك شن صار؟!
ايهم:زيد
غزلان:خيرررره؟!
ايهم:#$*******
غزلان:😱
_____🔥
بيلسان ناضت الصبح كان يزن راقد على الكنبة خشت الحمام توضت وصلت وبدلت حوايجها وهيا ماشية خطمت من بحدا الكنبة اللي راقد فيها يزن كان مش متغطي مشت جابتله بطانية وغطاته كيف بتمشي وصلل مسج على تليفونه فتحت المسج وهني كانت الصدمة لبيلسان😱💔
شن تتوقعو قال أيهم لغزلان مش انصدمت؟! وشن تتوقعو ايصير في يزن وبيلسان؟! وشن كان في المسج مش بيلسان انصدمت؟! وشن تتوقعو يصير في ركان ورواد؟! كله حتشوفوه الحلقات الجاية .
