"لم نخلق لليأس⚜"
الحلقة : 10
بقلم:فطوم67
رواد :شن اديرو بإلي شديناه
ركان :فكرت في خطة مليحة
رواد :شن هيا
ركان:#$******
رواد: اوووو مكنتش نحسابك عبقري لهل الدرجة تي خطة متخطرش على الجن ، لاكن حيوافق ايديرها
ركان :مش ينقد حياته حيديرها ، امشي كلمه واقنعه كان رفض
رواد : تمام
__________
روند وهيا تضمغ في المستكة :مزال خوك مش مروح
غزلان: مش مروح وانتي شن دخلك فيه متنسيش ان هوا تزوج وعنده بنت والقصة القديمة انسيها وردي بالك تحاولي تقربي منهم!
""روند قبل مايتزوج زيد كانت تبيه بس هوا مايبيش وحاولتت هلباا مرات تبعده على مرته لاكن حبهم كان اقوى وتزوجو وجابو بنت واستقرو برا""
روند: وانتي خيرك تدوي هكي ولامرته معبيتلك راسك عليا
رزان: تحسابي كل الناس زيك ،تي مفرووض تتحشمي على وجهك بعد إلي درتيه ،شن هالجرأة ،وين تحسابيي روحك ،كان مافيش حد وراك حدودك اني حنوريك! ،فعلا صدق إلي قال (إن لم تستحي فأفعل ماشئت)
روند :قصدك اني منتحشمش تي انتي اصلا مفروض اتجي مع بنت عمتك مش مع البرانيةةةة
رزان :كان جت مقاسك ألبسيها، وإي منجيش معاكك
غزلان :رزان خلاص مش معقولة بتتعاركو
روابي قعدت تنخص في روند: اسكتي سكري فمك اني مش قتلك متجيش
رونددد :اني مش ساااكتة
رزان واني مش سااكتة واعلى مافي خيلك اركبيه
روان: خلاص يابناويت انسو الماضي مش معقولة بتتعاركو افتحوو صفحة جديدة في الاخير بنات عم
روند :حني منستنوش في وحدة زيك معندهاش أم وبوها مش مدورها باش تجي تنصحنا النصيحة خليها لعمرك
رزان طول ضربتها كف خلتلها وجها خمسة صوابع: اني منسمحلكش تدوي هكي مصح والله وجهك يلي متتحشميش تفووووه على هكي ناس وتوا منبيشششششش انشووف وجهكك ولو قربتي من حد في العيلةةةةة حتشوفي حسابك
روااان طول نزلو دموعها ومشت طووول للحمام
هيام قيس بلقيس ركبو يجرو بعد ماسمعو صوت العياط : خيركم شن في شنصااااار!!
بلقيس: بنتي خيرككك من دار فيك هكي!!!
("ملاحظة : بلقيس وهياام وقيس كانو مقعمزين في الطابق الاول هذا باش ماسمعوش")
روند:رزااان دارت فيا هكي كله على خاطر يلي متسوا وقالت عليا منتحشمش ولزتني قالتلي معش نبي نشوف وجهك
بلقيس: ريت بناتك ياقيس عقاب العمر يلزو بنت عمهم ،ناقصين ترباية قتلك مدلعهمش هلباا لاكن انت سكرت راسك ودلعتهم هاذي اخرت دلعهم😏
قيس: منسمحلكش توصلي في تربايت بناويتي مش تحسابي كان اختي معناها بنسكتلك بعدين اني بنربي صغاري زي منبي وقبل ماتتكلمي على الترباية علمي بنتك ولانسيتي شن دارت قبل على خاطر زيد وبعدين اني واثق في صغاري ومايغلطوش في حد الا مايكون غالط فيهم وامتى اتجينا معش اتجيبي بنتك روند
بلقيس: اني اتقولي هكي هذا بدال ما ادافع عليا وعلى صغاري ،يابناويتت هيا بنروحو معاش قاعدين في الحوش اهوا😡
روحتتت بلقيس هيااا وبناتها
قيس :توا بتفهموني القصة، وووينها روان
غزلان :رزان تو تفهمك اني بنمشي انشوف روان
مشت غزلان ورزان قعدت تحكيلهم في إلي صار
غزلان اطقطق على باب الحمام ..... :رواان نعرف انك الداخل اطلعي مندوي معاك
طلعت روان وغزلان طول حضنتها
روان: اني مش ذنبي كان امي ميتة ولابوي مش مدورني واللله خاطري بوي يحبني ويبدا يفهم عليا لاكن مش بيدي هذا قدري واللهي خاطري تكون عندي عيلة ام وبو يحبوني لاكن مش كل شيء في الدنيا نتمنوه ايجينا🥺💔
هيام :متزعليش بنتي وبعدين حمي عيلتك اني امك وقيس بوك ورزان وغزلان خواتك واني زي منخاف على صغاري نخاف عليك واني يشهد ربي ان حسبتك زي بنتي واغلى واي حد يضرك كانه ضرني اني
روان حضنتها: ربي يخليكم ليا يااارب
قيس: بالنسبة لموضوع الزواج اني كنمشيغدوا انكلم بوك وبإذن الله مايصير إلا الخير♥️
رزان: اي خلاص خيركم قلبتوها دراماااا هي ابتسمو واضحكو الحياة حنعيشوها مرة وحدة
غزلان: اي كلام رزان صح من اليوم معش في زعل
ثاني يوم♥️
قيس : واللهي اني جاي ليك اليوم لان في موضع نبيك فيه
بو روان شن هوا
قيس: نبي بنتك روان لي ولدي ايهم على سنة الله ورسوله
بو روان :اني معنديش بنت اسمها روان
قيس: تي كيف معندكش لهل الدرجة معندكش قلب تي انتى متستاهلش ان تكون بو
بو روان: اني هذا كلامي اني مدخليش فيها هاذي مش بنتي
قيس :لا إله إلا الله ، هر استهدى بالله، انت مستوعب شن تقول
بو روان: هاذا لي عندي
قيس :كلامك الاخير هاذا
بو روان: اي
طلع قيس من حوش بو روان ومشي لشركة وحكي لأيهم
في المستشفى
ايهم :اي هكي قالي
زيد: باهي كيف الحل?!
ايهم: منعرفش تو نسأل بـوي
____
عند غزلان كانت اتشوف في الحالات
رباب :هلا
غزلان: اهلين
رباب :شجو
غزلان: تمام الحمدلله شن جوك انتي
رباب :بخير
وقعدو ايهذرزوا
في الجامعة عند رزاز
نور :سمعتي سوسن رجعت للجامعة
جوري: الواسطة عاد ، شن بديري رزان?!!
رزان: مش حندير شي مدامه هيا مدارتلي شي
جت سوسن
رزان: اذكري القط ايجيك انط...، شن استاحشتينا انسة سوسن
سوسن: اني مش ناسيتلك لدرتيه وحتندمي
رزان: وباهي شن بنديرلك كان انتي قلبك اسود وانانية ، وبعدين اعلا مافي خيلك اركبيه ياااا أنسة سوسن
مشت تغلي
رزان :امشي ودرة انشاءالله
__
الساعة 10:00 في اليل 🕙
رزان وغزلان وروان وهيام كانو يهذرزو وقيس في غرفته
فجأة طقطق الباب✊
ناضت غزلان فتحت الباب وانصدمت😳😍
شن تتوقعو ايصير ؟! وسوسن شن حدير؟! وركان لشني يخطط ؟!وروان وايهم شن حيصير فيهم ؟!وغزلان من شافت مش انصدمت؟ !! كله حتشوفوه في الحلقات الجاية ؟!! هي تفاعلو واعطوني توقعاتكم♥️
