"لم نخلق لليأس "
الحلقة :الثالثة عشر
بقلم:""فطوم67
رواد: تو كيف قاعد مكملش كلامه وصار انفجار 💣💥
ركان:روواااااد
:زعيم لازم ننسحبو لان عددهم كبير منقدرهمش
ركان:مش حننسحبو أقتلوهم كلهم ... مشي ركان لرواد :انت بخير .....رواد كان يتألم من كتفه : أي لاكت كتفي يوجع فيا
ركان ساعده مش يوقف :تقدر تكمل ولالا ...رواد:أي نقدر
ركان:تمام
ركان في اللاسلكي:شن الوضع شباب
:تمام مزال شوية ويتمو
ركان:أني بناخد مجموعة شباب وبنخش الداخل غطو عليا مابين خشيت
:تمام زعيم
ركان: هي تعالو وراي.....:تمام
____
غزلان :انتي خيرك مش على بعضك من امتى ماروحتي؟!
بيلسان تنهدت:مافي شي😔
غزلان :كيف مافي شيء وبعدين معقولة بدسي عليا؟!
بيلسان قعدت تبكي:يزن
غزلان :معش تبكي خيره؟!
بيلسان: منعرفش من لما روحنا وتصرفاته غريبة ومعش طايقيني
غزلان :يزن خوي
بيلسان :أي
غزلان: هر وسعي بالك تو نشوف خيره
بيلسان :لا متقوليلاش فكيني تو يدير مشكلة
غزلان:باهي كيف الحل
بيلسان :منعرفش
_______
ركان : تو اني بنركب لطابق الفوقي وانت خوذ اثنين وانزل لوطة ونتلاقو هني
: منخلوكش تمشي بروحك زعيم
ركان: متخافوش عليا أني مش صغير
:تمام زعيم
ركب ركان لطابق الفوقي قعد ايشوف في الغرف ملقاش حد لين خش لمكتب إلقي زرف خداه وحطه في جيبه وطلع ايشوف في الوضع
في اللاسلكي رواد:هيبة شنصار
ركان : الوضع لحد الأن تمام انتم شنصار فيكم
رواد:مزال شوية وانكملو
ركان :تمام..... ونزل:شنصار شباب
:ملقينا شي ....وانت شنصار فيكم
ركان:حتى اني زيكم...خلي نطلعو ....،وطلعو
________
سوسن : لأمتى بتقعد هكي معاي معقولة على خاطر وحدة متسواش معش تكلم فيا
بوها :درتيه بإيديك
___
رزان شن رأيكم نطلعو انديرو shopping ونرفعو معانا رباب على الأقل تغير جوها
هيام: اطلعو وأني حطوني في حوش بوي
رزان وغزلان وروان وبيلسان:تمام...، وناضو يلبسو
___
رواد:تمينا
ركان :خودو السلاح والمخدرات احرقوها
رواد:شن بدير للكلب يوسف
ركان : إلي زيه شن يستحقو
رواد:الموت
ركان:وهوا كذلك....،ركان:كتفك قاعد يوجع فيك
رواد :مش هلبا...،ركان:كان وجعك هلبا قولي مش نمشو للمشفى
ركان:شباب في جرحى ولاموتى
:في 2 مصابين
ركان :ارفعوهم للمشفى
:تمام
__🔥
أيهم:حجزتلك غدوا عند الدكتور مش نشوفو وضعك ونبدو بالكيماوي
زيد تنهد....،جي أيهم بحداه: زيد قاوم متيأسش خليك جنبي أنت أكثر من صاحبي أنت خوي يازيد متخلينيش بروحي باهي متفكرش في روحك فكر فيا فكر في بوك فكر في أختك
بو زيد خش يبكي:ولديييي متخلينيش 💔
زيد :وكان متت
بو زيد شد وجه ولده :لا مش حتموت انت متيأسش حني كلنا جنبك تفاءل خير تلقاه وبإذن الله مش حيصير إلا الخير غير متيأسش♥️
___
بيلسان قعدت تتصل بيزن مرة اثنين ثلاتة رد:ألووو شن تبي مش قتلك امتى اني طالع متتصليش بيا
بيلسان: بنقولك أني وخواتك وروان ماشين منتسوقو وأمك منحطوها في حوش بوها
يزن: بااه متعطلوش والفلوس تلقيهم في الدولاب
بيلسان:تمام
______
في المكالمة
...:شن متأكدة بيسيبها
....:أي متأكدة متخافيش كلشي حيكون زي ماتبي وأحسن
....:تمام، هي سلام
...:سلام
___
غزلان درست قدام حوش رباب
غزلان : اني بنتزل انكلمها
روان وبيلسان ورزان:تمام
طقطقت غزلان على الباب فتحتلها رباب
غزلان :كيف حالك
رباب :الحمدلله وانتي
غزلان :تمام...، اسمعي توا تمشي تكلمي بوك ولاخوك وقوليله طالعية اني والبناويت
رباب: بس
غزلان :لابس لابسات بتطلعي معانا خير مانزعل
رباب :تمام ...، غزلان: أني نستنى فيك في السيارة
فااات الوقت ومشو تسوقو وروحو
__
ركان كان في مكتبه هوا ورواد فجأة اذكر الزرف
ركان:حييي كيف نسيته
رواد:شن هوا
ركان:الزرف....وطلعه فتحه ووويتبع🔥🔥
شن تتوقع ايصير في زيد ؟! وشن تتوقعو ايصير في بيلسان ويزن ؟! والمكالمة كانت بين مني ومني؟! كله حتشوفوه في الحلقات الجاية!!
هي كلكم اتفاعلو واعطوني توقعاتكم♥️
