♡"لم نخلق لليأس"♡
بقلم:-fatomar67
الحلقة3
--part 1
غزلان شافت الدكتور إلي كان يعالج فيها
قيس: غزلان رزان تعالو سلمووقعمزو
غزلان ورزان سلمو وقعمزو
قيس : هذا ايهم يكون خوكم بالرضاعة
رزان وغزلان:😳
غزلان: شن تدوي
قيس : ايهم ولد صاحبي المقرب الله يرحمه قبل امتى كان صغير توفت امه ف امك رضعاته وبعد مكبر بوه اعطاك عمره بعدين سافر وهو وحيد معنداش خوت ولاخوات وتوا روح ... وهوا لتبرعلك بالدم...وخوك يزن يعرف
غزلان ورزان قاعدين تحت ثأثير الصدمة😳
خشت هيام وشافت ايهم وطول حضنو بعض
هيام : كيف حالك وليدي
ايهم : بخير كيف حالك انتي
هيام : بخير بعد ماشفتك وليدي
رزان بصوط واطي : نحس في روحي في مسلسل تركي
غزلان: حتى اني
هيام : يا بناويت هذا خوكم ايهم
غزلان ورزان : نعرفو قالنا بابا
ايهم: نتمنى تعتبروني زي خوكم الحقيقي
غزلان ورزان : بأكيدة مافيش فرق
قيس : غزلان وتي روحك من غدوا بتبدي تخدمي في نفس المستشفى ليخدم فيها أيهم
غزلان: تمام
ايهم : هي تصبحو على خير، أني مروح
هيام: خليك وليدي اقعد معانا
جي باس راس هيام : مرة ثانية
قيس : لا بتقعد اهني معانا معندك مع مني بتقعد
ايهم : لا اصلا اني حاجز في اوتيل
قيس : غدوا تلغي الحجز وتجي تقعد معانا
ايهم: لاا وال...وهوا كيف بيكمل كلامه قص عليه قيس
: متقولش شيء اني لعندي قلته
ايهم: حاضر♥️ ... تو نجي غدوا
ايهم باس راس هيام وقيس وسلم على خواته وروح
,, هيام مشت توتي في غرفة لأيهم مش يقعد فيها
ᨖᨖᨖ
ᨖᨖᨖ.
ثاني يوم
شرين المنبه متع غزلان ناضت سكراته خشت الحمام توضت وصلت ونوضت رزان مش تمشي للجامعة وبدلت ونزلت امي ورزان
غزلان ورزام : صباح الخير
هيام وقيس: صباح الورد شن واتين
غزلان رزان: اي
قيس: كلمت ايهم ايجي يرفعك لانك متعرفيش مكان المستشفى
غزلان: تمام
على المهم كملو فطور ورزان مشت الجامعة وغزلان جاها ايهم
غزلان ركبت في السيارة: صباح الخير
ايهم : صباح النور... شجو
غزلان: تمام... وانت
ايهم : تمام ... خيرك متوترة
غزلان : لا شيء غير اول يوم ليا هذا باش
ايهم: متخافيش كله حيكون بخير
عند رزان كانت في الجامعة تلاقت هيا وبناويت يقرو معاها قعدت تهذرز وخشو للمحاضرة
........................
عند غزلان وايهم درسو السيار وكيف نزلو
ايهم: متخافيش كل شيء حيكون تمام ولو حد كلمك او دارلك حاجة كلميني
غزلان : صحيت ايهم
ايهم ابتسم: ولو مش بيناتنا شن نسيتي انك تكوني اختي
غزلان ردت نفس الأبتسامة:لا
ايهم هي نخشو ... غزلان: هي
على المهم خشو وقعد يعرف عليها
ايهم : وهذا صاحبي زيد نعتبر فيه زي خوي ... زيد هاذي اختي غزلان لجابوها هذاكة اليوم
زيد : اهلين تشرفت بمعرفتك
غزلان : اهلين ، بيك اكثر
زيد: مش قبل قتلي معندكش خوات ولا خوت
ايهم: هاذي اختي بالرضاعة
زيد: اهاا
ايهم : بتبدا تخدم معاي لان نفس التخصص...غزلان تعالي نوريك حجرتك
غزلان: تمام
وهما ماشين جت دكتورة اسمها لمار سلمت على ايهم
ايهم: هاذي اختي غزلان بتبدا تخدم معانا... غزلان هاذي لمار دكتورة باطنة
لمار سلمت على غزلان وابتسمت:تشرفت بمعرفتك
غزلان ردتلها نفس الابتسامة:بيك اكثر
على المهم فات الوقت ، غزلان روحت هيا وايهم للحوش
هيام:اهلا اهلا نورتونا
جت رزان خاشة كيف روحت من الجامعة : شن هما بس نوروك
هيام : لالا حتى انتي
هيام : كيف كان يومكم
غزلان وايهم ورزان: تمام
هيام : هيا امشو اغسلوا ايدكم وغيرو حوايجكم وتعالو تغدوا بوكم قريب يجي ،رزان وري ايهم غرفته
رزان : تمام
غزلان مشت بدلت وغسلت ايديها ورزان توري لأيهم في غرفته
ايهم:انتي الصغيرة وله
رزان: اي
ايهم:شن تقري
رزان:it
ايهم : بالتوفيق
رزان:سلمك ... تبي اي حاجة كلمني ولا كلم اي حد انتى مش غريب وليت
ايهم: تمام
على المهم روح قيس وتغدو وفات اليومم...
ثاني يوم
ايهم: غزلان واتية
غزلان : اي
هيام : استنوا تعالو افطرو
ايهم وغزلان: تو نفطروا في الكافتيريا تأخرنا
ايهم:رزان اليوم عندها جامعة ولالا
غزلان : لا
على المهم طلعو وصلو للمستشفى خشو قابلهم زيد
زيد : صباح الخير
ايهم وغزلان :صباح النور ، شجو
زيد:مية مية شنجوكم انتم
ايهم وغزلان : تمام ،،ايهم: في حالات
زيد:في حالة وحدة تستنى فيك
ايهم: تمام اني ماشي نشوفها غزلان تبي اي حاجة تعاليلي في الحجرة
غزلان: تمام
مشت غزلان قعدت اتشوف في الحالات وهيا ماشية في الممر تنخبط في بنت غزلان طاح تلفونها نزلت تقيم في تلفونها
غزلان : خيرك متشبحيش وكيف قامت راسها شبحت،...غزلان :انتي،... خيرك...
هيا:/***********,غزلان انصدمت😳،،،ووويتبع
من هيا لشافتها غزلان؟ ، وشن قالتلها مش انصدمت؟،وشن تتوقعو ايصير ؟ كله حتشوفوه في الحلقة الجاية؟! ومرات انزل حلقة إيضافية كان إلقيت في تفاعل كبير♥️هي تفاعلو ياحلوين ♥️
