𝗜𝘀 𝗧𝗵𝗶𝘀 𝗟𝗼𝘃𝗲?

البارت السادس - هل هذا حب؟

كان اليوم هو آخر يوم في الامتحانات وقد قمت بعمل جيد في هذا الامتحان وكذلك الامتحانات السابقة أتمنى حقًا ان يكون لهذا التعب والجهد كله نتيجة في الأخير أنا خائفة جدًا لان النتيجة سوف تظهر بعد يومين من الآن...

ما إن رأت ليان صديقتها ليلى خارجة مِنْ اللجنة ذهبت إليها قائلة،
"ها قوليلي عملتي ايه في الامتحان" سألتها ليان.

قالت ليلى و الابتسامة على وجهها "كان حلو اوي الحمدلله حليت"

"طيب الحمدلله يلا بينا عشان هموت وانام" قالت ليان بتذمر.

ضحكت عليها ليلى ثم قالت لها بجدية "الا صحيح قررتي هتروحي اي بلد"

نظرت لها ليان قائلة "من غير ما أقرر انتي عارفه انا عايزه اروح فين"

تنهدت ليلى ثم قالت "ليان يا حبيبتي انا عارفه انك بتحبيه وكل حاجه بس مينفعش تربطي نفسك بيه في كل حاجه"

امتلأت عيناها بالدموع "عارفة بس غير ان هو سبب من الاسباب بس سببي الاساسي هو الدراسه هناك عندهم الدراسة حلوة وده اللي انا عايزاه وكمان انا بعرف اتقن اللغه كويس يعني الوضع هيبقى سهل شويه عشان هعرف اتعامل مع الناس"

وهي كانت تقول الحقيقة فهو لم يكن فقط سبب من اسبابها الذي جعلها تذهب الى تركيا بل لأن أيضًا هناك الدراسة جيده وفي الأصل من قبل ان تحب دانيال كانت تركيا المفضله لديها دائمًا لذلك هي تحبها جدًا وعندما أحبت دانيال احبت تركيا اكثر على آمل ترى الذي سرق قلبها يومًا ما.

ابتسمت لها ليلي قائلة "مادام ده اللي انتي عايزاه يبقى ربنا يوفقك"

ابتسمت ثم قالت "طيب وانتي هتروحي فين ولا هتروحي معايا تركيا عشان الممثلين"

حدقت بها ليلى بدهشة "ايه ده عرفتي ازاي"

ضحكت عليها ليان "صاحبتي وعرفاكي كانت حاجه متوقعة أصلًا"

ثم تذكرت مره اخرى "اععع يعني احنا دلوقتي هنكون مع بعض في نفس البلد مش هكون لوحدي"

ضحكت ليلى "اه هنكون مع بعض"

رقصت ليان رقصة تُعبر عن شدة تحمسها،
"الله يخربيتك فضحتينا في الجامعة الكل بيبص علينا يلا نمشي" قالت ليلي مازحة.

بعد يومين

لقد مر يومين و ظهرت النتائج وكانت كل من ليان وليلى ناجحين بإمتياز وقد حصلوا أيضًا على منحة إلى تركيا، لقد تم تجهيز كل امورهم في تركيا من قبل الجامعة وهذا سهل عليهم بقية شؤونهم.