هوس العشق

الحلقه 5

هوس_العشق

الحلقة5

( قتلتو ليه ؟!)

صرخ جلال بقوه حتى بانت عروقه

( انت مجنوون ، كيف اقتل ولدي يعني ، حتى لو عاق ومعاملتو زفت ، وبعدين انا هسي عرفت منك خبر الموت )

( تقدر تقول لي كنت وين الليله من الساعه 11لحدي 12 ظهرا )

( كنت معزوم فطور عند واحد بعرفو ، طلعنا سوا وجينا هنا بيتي من تاني ، بس الزمن بالظبط ما متأكد منو )

( يعني كنت مع صحبك وقتها وتميتو بقيه الكلام هنا )

( ايوا )

( من متين منتصر ما موجود في البيت ؟!)

( من امس بالليل )

( ما فكرت تتصل عليه وتسأل عنو )

( دي طبيعتو ، ممكن اسبوع يكون مافي في البيت ما بشتغل بالموضوع اصلا ولا هو بيعبرني لمن اتصل عليه )

( قول لي تعرف ان منتصر عندو شقه صغيرة )

( عرفت غريب بموضوعا كان داسيها مني ومن الناس عشان يجيب فيها بنات )

( احكي لي عن منتصر )

( هو امو دللتو شديد وغير الطلبات المجابه ما يعرف شي

رفض الدراسه فساعدتو علي انو يفتح مشغل نسوي ويديرو

حياتو عباره عن بنات وسكر
ما بهمو زول

عندو صاحب واحد اسمو رابح ، خطب بت جيرانا وبعد شهر فسخ الخطوبه ، ولمن سألتو السبب ما وراني )

( وما سألت اهل البت عن سبب الفسخ ؟!)

( دا اذا رحبو بي اول في بيتهم ، من يومها معادين بيتنا ، سلام ما بيسلم علينا ابوها )

تقدر تديني رقم صحبو ورقم البيت المشيت ليه

( اي تمام )

( قول لي ، البت الخطبا بيتهم البجهه اليسار لبيتكم مش كدا ؟!)

( ايوا صح ؟)

( هو كان عندو حبيبه معينه بيريدها اكتر من غيرها )

( بصراحه ما بعرف عنو الا بس متعدد علاقات البنات )

اخذ ياسر ارقام صديق جلال وصديق منتصر رابح وعناوين المنازل ثم استأذن جلال ان يحقق مع الخادمة نعمات ، فاذن له

خرج من غرفه الصالون مناديا لها ، ما ان رآها ياسر حتي قال

( شكلك ماشا البيت )

( ايوا )

( طيب رأيك شنو اوصلك ونتكلم في الطريق
بس اديني نص ساعه احقق في غرفة منتصر وبعدو امشي جيرانهم في المسافه دي تكوني جهزتي نهائي )