هوس العشق

الحلقة 10

هوس_العشق

الحلقة10

هجما علي المنزل بسرعة اذ كان الباب مفتوحا ، ما إن دخلا هكذا حتى أطلقت شهقة فزعة من فم إقبال التي كانت تحرق الكثير من قطع القماش في صفيحة معدنيه كانت قد اصبحت سوداء من كثرة الحرق بها

طالعتهم بخوف حتى تكلمت بحدة

( في شنو ؟! وقعتو قلبي ياخ )

عدل كل من مجاهد وياسر وضعيتهما ليستقيما من وضعية الهجوم التي إتخذاها عن دخول المنزل ثم نطق ياسر

( اسفين بس شفنا الدخان الاسود افتكرنا في حريق ولا شي لا قدر الله )

زفرت إقبال قائلة

( لا انا بحرق قمامه بس ، اتفضلو )

قالت كلمتها تلك وتقدمت امامهم تدلهم علي الطريق

ما ان دخلو حتى قابلتهم آلة للتطريز تعمل عليها صبا بروح خاويه ، عندما رأتهم توقفت تطالعهم 
تكلم ياسر

( السلام عليكم ، اسف جينا في وقت زي دا بس عايزين نتكلم معاك شويه ولو ممكن مع الحجه حبوبتك )

اومأت برأسها ثم اشارت بيدها لسرير امامهم تدعوهم للجلوس

جلس مجاهد مع ياسر ، همس مجاهد لياسر

( ياخ البت دي متأثرة بموتو اكتر من ابوه حتى ، أخيرا لقيت في زول زعلان علي موتو )
اعاد ياسر الهمس

( انت ما شفتها لمن انهارت ولا اليوم الجات المكتب ، هسي ارحم واحسن )

قاطع تبادل الهمسات دخول إقبال بكؤؤس الماء ثم خرجت صبا قائلة بصوت خافت

( تحبو تتكلمو معاي اول ولا مع حبوبه  ، قالت ممكن تدخلو )

نهض ياسر  قائلا

( لا حنتكلم معاها اول )

ثم توجها للداخل وعادت صبا لآلتها تخيط الثياب .

دخلت معهما إقبال لتقول

( خالة سلمى ، ديل المحقيقن الدايرين يسألوك )

ثم اشارت لهما بالجلوس علي كرسيين يقابلانها تفصلهما طاوله ملئ بالادويه

( انا ياسر يا حجه ، محقق في قضيه قتل )

ابتسمت بسخرية ثم قالت

( حجة !! يا ريت والله ، بس زي ما شايف مشلوله وعميانه ، يا ريت لو حجيت  ، ولدي مات وخلاني من غير مصاريف وقروش تكفيني بس صبا تساعدني الله يجبر بخاطرها ويصبرا علي مصيبتها)

قاطعها  ياسر اذ علم انها تثرثر وهذا من مصلحته ثم قال

( يعني انتي بتعرفي القتلوه دا ، قصدي منتصر ؟)

( يا حليلها صبا دايما تجي تحكي لي عنو  لمن تجي من المشغل

اتكلم معاي ...وابتسم لي ، وعمل وفعل وترك وكتيير