هوس العشق

الحلقة 11

هوس_العشق

الحلقة11

عدل ياسر من جلسته ثم قال

( وانا سامع ...)

( انا لمن جيت إشتغل في بيت جلال كانت الدنيا قايمه وما قاعدة   كانو اي واحد يعاين للتاني بنظره اخطر من التانيه ....
وقتها جلال جا وقال لي لو عايزه تشتغلي في البيت دا ما عايز اي شي يطلع بره والا حتندمي وما يلقو اثرك

وقتها كنت محتاجه شديد وما عندي اي حل وقلت في نفسي وانا مالي بيهم  اصلا في حدي ...

بس كل يوم بتحصل حاجه اقرب من التانيه الولد منتصر يذل ابوه وهو مش يسكت يحنس فيه ....
واسماعيل دا بيجي كل شهر يقبض قروش ويمشي )

( يقبض قروش ؟!! )

( ايوا ، منتصر يجي يرمي القروش في الطربيزه ويمشي يخليهم 

في يوم طلبو مني شاي اجيبو ليهم في المكتب محل الخزنه  ، كان الباب مفتوح سمعتهم بيتكلمو ، جلال قال

لو ما منتصر دا كان قبضت كتير بس نعمل شنو  )

( قصدهم شنو ؟!)

( ما عارفه ، حتى عباس دا ما بعرفو  كان الشي العرفتو  مره كنت  بنضف لقيت اسم عباس مطابق لاسم جلال عرفت وقتها انو عباس اخو جلال )

( اخو جلال ؟!! طيب ليه ما ذكرو لينا حاجه زي دي )

( اصلا مسترين علي الموضوع دا ، حتى الاوراق مدسيه
في يوم ما بعرف حصل شنو فار منتصر فوره شديده خلاص

بس هدا لمن جلال اداه ورقه ما عارفه فيها شنو ، ابتسم ومنو معاملتو بقت زفت مع جلال واسماعيل )

( وليه ما قلتي  لي حاجه زي دي )

( والله العظيم هددني منتصر لو فتحت خشمي لاي زول بتي تكون التمن )

( وهو عرف انك عرفتي ؟!)

( كان رابح يجي يسألني عن عباس دا منو ولمن عرف كتره اسأله رابح لي هددني بعد اليوم الحاول يتحرش ببتي داك )

( تعرفي شنو عن رابح  ؟)

( والله غير انو صحبو ولا شي )

( ما شفتي تعاملهم كيف مع بعض ؟)

( الطبيعي رابح دا زي الخادم اي شي يقولو ليه يعملو ...)

( تعرفي انو رابح عندو اسره ولا حاجه ؟!)

( لا  بس كان بيقول عندو اخت عندها متلازمه داون ماتت

ودايما لمن يحكي لي كدا عايز مني طلب فبقيت ما بتأثر بقصه كفاحو معاها وليها
وشايفه منتصر كل ما يحكي كدا هو يضحك بسخرية منو )

( حصل شفتي صوره اختو دي )

( لا بس مره طلب مني بالزوق انضف ليه بيتو ، في غرفة المكتب لمحت صوره لبت عاديه جدا ، بس ما سألتو نهائي عنها )