هوس العشق

الحلقة 9

هوس_العشق

الحلقة9

نظر له مجاهد قائلا

( كدي خلينا نفتح كل الاوراق ونطلع كل الفي راسنا لبعض يمكن نتفق ويمكن التاني يقنع اخوه برأيو )

( معاك حق ...

نبدا بجلال وسليمان ديل الاتنين وراهم لغز كبير لهسي بحاول افهمو ....
كان القتيل بيحاول يذلو ويهينو تفتكر عشان بس قال هو السبب في موت امو )

( بتظن انو الاتنين إتعاونو سوا عليه )

( انا ما متأكد واثق ، لمن زرت جلال شفت السجائر كتيره في الطفاية ، دا دليل انو شربو سجائر كتير في اليوم الاتقتل فيه منتصر ووقت نقاشهم كان معناها انهم يا متوترين او خايفين

، فلو كان كلامهم عادي حول عقوقو ولا عدم تسديد مالو فما اظن محتاج كل التوتر دا ، بالاضافه للنقاشات المستمره بينهم )

( معاك حق ، دا لو فرضنا انو اجتمعو الاتنين اكيد لمصلحه مشتركه بينهم وما اظن بخلافهم الكبير داك يتصالحو بسهوله او بعزومه أكل

افتكر واحد اتصل للتاني وقال ليه خلينا نتقابل ننهي المهزله دي ، وانا اشك انها القروش )

( بالظبط واليحير في الموضوع انو لو فرضنا عايزين يقتلوه ، حيقتلوه عشان بس شويه قروش آلات ولا بس يمنع الذل الحاصل بيه )

( اممم صح ، دا لغز في حد زاتو ، طيب بالنسبه لجيرانهم ، وخطيبتو القديمه )

( الشي الواثق فيه انو خطيبتو السابقة بتحبو لسا والدليل انها بتنتظر قدومو ، بالرغم من انو عارفه علاقتو بالبنات .....)

( ممكن ابوها يكون سبب الفسخ )

( اكيد سببو هو ، كانت لمن بتتكلم معاي تعاين لابوها كانها خايفه من كلامها دا ، بس الغريب ليه من الاول وافق علي الخطوبه دي )

( يمكن زنت عليه واصرت علي منتصر )

هز برأسه نافيا

( ما اظن ، محمد من النوع الم يقبل النقاش في قراراتو ، في لغز مخفي حولو برضو )

( تفتكر القتيل عمل حاجه لبتو بسببا ضامر ليه الحقد )

( يجوز ، بس الزيو ما حيسمح باي تجاوز لبتو لانها في عينو 24ساعه وما اظن منتصر غبي للدرجه اليخليه يتجاوز حدودو قدامو )

( بما إنو قلت متحفظ علي بتو شديد ، يمكن دي عقده في نفسو ، مش قلت بناتو ماتو وما فضل الا هي )

( ايوا صح ....ماتو وهم ما معاه ، فمثلا اختها الكبيره ماتت بتلدي مع راجلا ، وديك ماتت مع خطيبها )

( تفتكر جاتو عقده نفسيه ، ففسخ الخطوبه لخوفو علي بتو زي ما حصل مع اخواتها ؟)

( ممكن جدا وقد يكون سبب منطقي ، بس المعضله هنا ، سبب فسخ الخطوبه الحقيقي المنو خلاه يكره البيت كلو اكيد في سبب وجيه )