هوس العشق

الحلقة 8

هوس_العشق

الحلقة8

( ما قايل خلى سحر عشان يرتبط بيها )

عقد ياسر حاجبه لمعرفه من سحر تلك ثم وجه حديثة لصبا التي قطعت كلامها سابقا

( انتي كنتي عايزه تقولي شنو قبل شوية ؟؟)

( كنت عايزه اقول من قبل اسبوع لمن امشي في الشارع احس بزول مراقبني وماشي معاي ، لمن إلتفت ما بشوف زول )

تكلمت إقبال بسرعة مؤيدة لها قائلة

( اي ، بالجد الكلام دا حسيت بزول ماشي بورانا لمن جااين ).

ارجع ياسر ظهره للخلف ثم قال

( الكلام دا بعد ما حضنك منتصر ؟؟)

( ايوا بالظبط )

ثم وجه حديثه مع رابح

( وانت عرفني بنفسك ومعرفتك بمنتصر )

( رابح سالم حسن ، عمري 25 سنه خريج هندسه معماريه ، إتعرفت عليه قبل تلاته سنة في نادي اتواصلنا لحدي ما بقينا اصحاب )

( اخر مره اتصل عليك فيها متين ؟)

( كان تقريبا بالليل قبل الحادث قال لي عايز يريح راسو ويهدا في شقتو )

( وبيت هناك ؟!)

( ما عارف الصراحه ، ما اتصلت عليه لانو بيقلب عصبي لو زول ازعجو فما حاولت
الا لمن سمعت خبر الموت قلت اشاعه بس لمن اتصلت عليه لقيت الرقم ما في زول بيرد وبعد مده انت اتصلت علي ووريتني وقتها اتأكدت )

( عندو علاقات بالنساء كتير ، اسف يا انسه صبا بس لازم نعرف الحقيقه وانت زاتك بتعرفي )

( ايوا بس كان بيقول لي انتي غير كل البنات ما زيهم )

اومأ برأسه ثم وجه نظره لرابح الذي تكلم بدوره

( الصراحه عندو علاقات متعدده ، بس غالبا تكون ليوم او ليله واحده ، هو كتوم في حياتو الخاصه حتى معاي

البعرف عنو بس الخطبها و سحر )

( منو سحر دي ؟)

( دي بت اتعرف عليها في مطعم كانت بتقدم الطلبات عجبتو وقرر انو عايز يوقعا لحدي ما حبتو ودي اكتر بت استمر معاها مده طويله شهرين كدا ، دا البعرفو )

( وهي في اياماتو الاخيره مرتبط معاها )

( كان بيجري منها لانو بتتبعو في اي حته وهو يتجاهلا

وحسب قولو مل منها ، لكن قبل يومين من موتو قال لي عايز يرجع ليها وانو ما يقدر يستقني عن جمالها )

اغمضت صبا عيناها ثم قالت لياسر

( لو سمحت في حاجه تانيه عايز تسألني ليها ، ما بقدر اسمع عن علاقاتو دي )