هوس العشق

الحلقه 19

هوس_العشق

الحلقة19

إتصل صديقه المدعو عاصم يخبره بما توصل إليه وطلب منه

( اهلا بيك يا عاصم ، ما تقول لي بس جبت المعلومات )

( يا زول إنت بتهظر ، وما خليت  فيه شي فتتو فت )

( لا لا انا اختياري دايما صائب اها قول لي يا عاصم  )

سرد له كل تفصيل وكل شي علم به فقال ياسر مبهورا

( لا لا ياخ انت ما ساهل ، تشكر كتير كدا انت وفرت علي حل لغز واحد )

( انا في الخدمه لو احتجت اي شي )

( تمام تسلم يا صحبي )

وضع ياسر الهاتف علي طاوله مكتبه ثم قال

( كدا فضل عقبتين بس )

ضيق حاجباه يفكر ثم أخذ يبحث من جديد في ما توصل اليه ثم نهض متوجها لمكان ما    ...

نزل من السياره ثم نظر بتمعن للمكان فتقدم  من رجل

( السلام عليكم يا عم )

رد الرجل الذي تبدو عليه علامات الطيبه

( وعليكم السلام والرحمه ، اتفضل اتفضل )

( تشكر ، بس عايز أسألك من الصوره دي  تعرفا ؟!)

( ايوا اكيد ...)

ثم شرع يسرد له ويتكلم وياسر يستمع بتمعن

سلم ياسر عليه مصافحا ثم دس له بعض النقود قائلا

( دي امشي عشي بيها عيالك ...يا عمي )

( الله يديك العافيه وينور طريقك ويحفظك قادر يا كريم )

عندما تقدم يريد ركوب السياره لاحظ شخص يقف يرتدي غفازات ، تعجب رقم ان الجو ليس باردا هذا اليوم

فعاد للرجل من جديد قائلا

( معليش يا عم ، الراجل داك تعرفو قصدي حصل شفتو في المكان دا ؟)

( ايوا )

بعد عده محاورات ذهب ياسر مبتسما

تقدم من الرجل فقال

( السلام عليكم )

نظر له الرجل اذ كان يبدو متعبا بهالاته السوداء  فرد

( وعليكم السلام )

( ممكن بس نتكلم عايزك ضروري )

( انت منو ؟ وليه عايزني )

( انت بس تعال معاي )

ذهب الرجل مع ياسر اذ كان حزرا في نظراته له

( اركب ما تخاف وخايف ليه )

( معليش انا ما بركب الا تقول لي عازني في شنو )