هوس العشق

الحلقة 6

هوس_العشق

الحلقة6

نظر ياسر لنعمات التي إصفر وجهها قائلا

( ليه كل الخوف دا ؟!)

( ل ل ل لا انا م ما خايفة ولا حاجة )

( هااه عندك بنت مش كدا ؟! )

ابتلعت ريقها قائلة

( ايوا ، في داخليه للطالبات ساكنة )

قالت آخر جملة لها بسرعة ، ابتسم ياسر ليقول

( ما عندكم زول شكلو كدا ، ولا ما عندك غيرها؟)

( لا عندي بتي الكبيره متزوجه بعيالها في مدينه تانيه ، بنمشي ليها في الاجازات ، عشان كدا دخلناها داخليه وانا اشتغل ، ونتقابل جمعه وسبت دا لو فضت )

( بتك حصل جات بيت منتصر ؟!)

ابتلعت ريقها اكثر لتقول يخفوت

( مره واحده جات )

اومأ برأسه

ثم اوقف ياسر السياره بعد ان ارشدته للمنزل

( ممكن تنادي لي بتك عايزه اسأله كم سؤال ، هي قلتي لي اسمها منو ؟! )

توسعت عين المرأة ثم اومأت علي مضض قائلة

( طيب لحظة اناديها ليك ، اسمها رماز )

ذهبت وما هي الا بضع لحظات حتى خرجت فتاة تبدو معالم الكشرة جليه بوجهها ، مستعدة للانقضاض علي فريستها في اي لحظة

وقفت امامه مربعه يداها امام صدرها

( نعم )

( انا ياسر محقق في قضية قتل منتصر ، اكيد ورتك امك الحاصل )

( وبعدين )

( حابي اعرف تعرفي شنو عن منتصر )

( دا واحد حيوان وواطي وما عندو دم )

( الله يرحمو )

( الزيو ما تجوز عليهم الرحمة )

( شكلو ماخدة منو موقف للضيقه دي كلها )

( بركة المات وريحنا ، مش سكينه كنت قطعتو حته حته )

قبل ان يجب ياسر حاولت الام تهدئه ابنتها وسط توترها الشديد مما تقول

( طيب ممكن تقولي عمل شنو )

( حاول يتحرش بي)

( التفاصيل لو سمحتي )

( وليه ان شاء الله عايز تكتب قصه بيها )

( يا انسه اختصري الكلام ، دا تحقيق ما لعب عيال )

حينها ابتلعت ريقها لتقول

( امي يومها كانت عيانه ، رقدوها مستشفى اسبوعين

أصرت علي الا امشي بدلها واعتذر عن الغياب عشان ما يرفدوها
فمشيت
بس الحيوان داك ماصدق في البيت في بت جا المطبخ وقفل الباب وحاول يعتدي علي