____
ربيعة : تخيلو محمد هكي قال لضحى تي قتله شدخلك ف الحجاب
مي : 😂😂 لسانه زفت
ميسون : ولدككك
جي محمد طالع منن داره بيخش الحمام
مي : هي اذكر الحقير يجيك يطير
ميسون : امك تحكيلنا ف كلامك لضحى
محمد : امممي تبي تدبسنني ف وحدة فيهم بعدين مش مدايره لمة نشبح احني بس معزومينن
ربيعه : ماه تعزنا
محمد : اي واضحه المعزه تعرفي ، قولي تبي تحشيني لبناتها يلي سنونهم زي البينسه رايحات
خش محمد حمام وقربع الباب
مي : زي البينسة قال ولا😂😂😂😂😂!! وربي فعلا
ميسون : معليشي خوي غزال قدامهم
ربيعه : اس انتي وهي بنات اختي غزالات
مي : شكار العروسهه امها وخالتها وعشرة منن قبيلتها
_______
اني : هههي Ⴢ̤ عيله بنروح تواا
اني سلمت عليهم جي معاذ نازل منن دروج
معاذ : وينن يا طير
اني : الحوش يعني وين
معاذ : تتي باتي خيرك ؏ النكد
اني : غدوا بنمشي شركة مع بوييي
معاذ : اصبري هي نلبس ونجي نوصلك
اني : مفيش داعي اهو طريق ماشيه
معاذ : لا ماشيه لا جايه اركبي سيارتك نعدل سيارتي ونجي
اني : اوكك
مهم ركبت سيارتي ومعاذ وراي بسيارته لن وصلني الحوش ♥️
معاذ : اني تفاهمت مع امي وحتحدد يوم وتجيكم
لمى : تمام حبيبي
معاذ : انتتي م فـჂ̤ شيء ناقصك ومعاش كلموك ؟
لمى : لا لا امور طيبه ؏ قولة لجين😂
_____
محمد كان يصلح ف سرير مي يلي كسره شرين نقاله مشت مي تجيبه ♥️
مي مدت نقال لمحمد : نسرين
محمد جبد نقال وخش داره
محمد : ايوا
نسرين : كويس رديت حميده شنجوك
محمد : اهو ماشيه شنجوك انتي ؟
نسرين : شن بنقول ي محمد عنديش غيرك نشكيله ونطلع يلي ف قلبي
________
اني روحت حوش
لقيت بوي مقعمز سلمت عليه وركبت داري بدلت توتي وطول رقدت جتني لميس ♥️
لميس : كنتت بنجيك غادي
اني : مفروض جيتي
لميس : تي اهني كل حد مطلعش منن داره
اني : هيجنا غادي
مهم هدرزنا شوية وطلعت لميس اما اني شديت ساعه محمد يلي كنت لابستها وقعدت نتامل فيها لن رقدت وني شادتها ♥️
ثاني يوم فقت لبست سروال جينز وسورية لونها سماوي فاتح ووشاح حرير فيه هلبا الون ازرق وسماوي وابيض وبودري وكندرة كعب وشنطة ؏ ابيض ولبست ساعه محمد وبخيت صنة وطلعت♥️
وجيت نازلة لقيت لميس تاكل
اني : صبحخيرر وين بابا
لميس : صبحورد بوي طلع قالك لحقي بسيارتك
اني : مشاء الله انتي مبكرة
لميس : لا لا مرقدتش لتوا
اني : هي بااي
ركبتي سيارتي ومشيت للشركة
____
محمد فاق دار تمارين خش دوش توضى وصلي لبس سوريه لونها سماوي فاتح وسروال ازرق كحلي وخدي سنسل ف جيبه وجي طالع
ربيعه : محمد راجي
محمد : بنديرو طقوس تانيه ؟ امي كيف باخ صنه متخنقيناش بالبخور
ربعيه : تو يوم تستاحش هالبخور وتقول وينها الغاليه
محمد : بدينا
ربيعه : باهي Ⴢ̤ محمد به
محمد ابتسم وجي حضن امه وباس راسها : بخريني هي تفضلي
ربيعه : هي خنجيبهه منن كوجينة
مهم جت ربيعه وهي تقرا ؏ محمد وتدعيله وباساته وطلع للخدمه
______
مهم اني كنت نراجي ف محمد وحاطه رجليا ؏ طاولة وفجاءة جي خاش وانصدمت لقيته لابس نفس لون سوريتي قريب غطست روحي ف وركينة
مهم بعد جو دقيقتين وني نشبحله ونفنص وهو يشبحلي ويفنص وقفت وجيت قدامه كان حاط ايديه ف جيوبه وسورية مفتوحه لنص صدر وبتطربق عليه منن كتر عضلاته
اني : فهمني شن تحسابب روحكك تدير هككي مع اختي ! بالك تحسابها زي باقي البنات !
محمد ابتسم وهز براسه اي
اني : مصحوجهك اذا كان صاحبككك هووو يلي خانها شن جاي تدافع عليه وتهددو فيها بصورها فوقها !و تعرف انتتت انسان وقح ومغرور ودراه كبد وزيد عليهم متاع ينات تحساب روحك وقت تهزب اللبنات بيموتو عليك يا جورج كلوني
كنت نتكلم ونعيط معاه وهو ساكت فجاءة شدني منن يدي ولصقني ؏ حيط وشدلي ايديا وضغطهم ؏ حيط بكل قوته وقرب وجهه منني عيوني بدت ف عيونه كان قريب مني لدرجة انفاسي تخلطت مع انفاسه
محمد : سكتتلك مرةة اتنننين خلاااصص عاد ! اول شيء اني مش مضطر نبرر لحد ولا لشكل زيك ! بس بنقولك حقيقة اختكك
محمد حكالي الموقفين بتاع كافي يلي دارتهوله لميس وصحبتها وني ساكته ونسمع بس
اني : كذاب
محمد : مش مصدقهه حره تقدري تشوفي صوري ف نقال اختكككك ! بعدين شن هالقصه جديدة متاع مجاهد خانها !! مخانهاش هي بروحهاا مشت وسيباته وصدقيني السبب حيكون الفلوسسس لان جيعاناتتت ف تحترمي نفسكك ومتعرضيش عضلاتكك وتديري فيها بتعلي صوتتك علياا لان اني م حد يعلي صوته عليا
محمد كان يتكلم معاي بنبرة عصبيه ويضغط ف ايديا ؏ حيط وني نحاول نفكهم منه مقدرتش
اني : حووول محمممد ايديا
محمد كمل يضغط وني لابسة حديدة وساعه ف يدي لما ضغطهم ايديا انجرحو
اني : حووول
محمد : مش بمزاجك
محمد شبح لساعته يلي ف يدي وشد يدي نحاها وخداها وركز ان يدي انجرحت بسببه ولا عدل ولا شيء طلق ايديا وقعد يشبحلي وخلاص وني نشبحله فجاءة دفيته وجاية بنمشي حديدتي علقت ف سوريته قعدت نجبد مبتش تتنحى
محمد : تي معاش تجبديي تو تقطعي السورية
اني : خايف عليها ترعشش
محمد : حقها اغلى منن حقك لعلمك بس
اني : فيي خيط اقطعه
محمد : وانشاء الله بشن نقطعه ولا قالولك رقبتي زرافه لدرجة نطبس ونقطعه
اني قربت منن محمد وقعدت نقطع الخيط بسنوني يلي علق بين بطمة سوريته وحديدتي
خشت البنت بتاع رسبشن
البنت : استاذ محممد
وشبحتنا وطول طبست راسها
البنت : اسفه اسفه
وطلعت البنت
محمد : تي تعالللي جاي شن اسفهه تي منعرفهاش اهيا تي تعالي
اني : خيرها هادي شن تحسابني حاضناتك شكلها لا
محمد : تي بسرعهه اقطعيه وسكري فمك درتي لامي شبهه
مهم قطعت خيط وبطمة محمد انقطعت
محمد : ميه ميه سنون ولا منشار هادم نهار الاحرف
اني : الزوززز
وطلعت برا غرفة محمد خشيت حمام نتفكر فيه كيف كان قريب عليا وكلامه ولميس معقولة هكك مهم قعدت نمسح ف دموعي يلي كانو ينزلو وخلاص وشفت ايديا يلي مجروحات بسببهه وطلعت برا ندور ؏ موظفين ونتعرف عليهم لمحت بنية شكلها صغير ف عمر قصدي ووجها احمر منن بكي شكلها قربت منها
اني : اهلا ؟
البنت شبحتلي : اهلين
اني : خيرك تبكي
البنت سكتت
اني جبدت كرسي وقعمزت جنبها
البنت : ظروفي
مهم قعدت نهدرز مع بنت وحكتلي قصتها يناري اسمها نسرين عمرها ١٦ سنه بسس وعرسها توا بوها بيزوجها بالسيف وهي متبيش تبي واحد تاني وبوها رافض وتوا تخدم باش تجيب فلوس لبوها
اني : متبكيش كلشيء يتصلح
فجاءة جي محمد شدها منن يدها وفنص فيا
محمد : نسرينن اهيا معاش نبيك معاها فاهمه !!!
نسرين : محمءءد
محمد : كلمة وبري اعطي الاوراق هادم ليعقوب يوقعهم وبعدين حطيهم ف مكتبي
نسرين خدت الاوراق ومشت ومحمد قعد يشبحلي وني ركزت ف يده لقيته لابس الساعه يلي خداها منني ، وقعدت نفكر ف نسرين زعما منهي هادي وخيره هكك كلمها شن قصتها زعما يحبها
مهم قعدت نلود ف مكتب لن جيت خاطمه جنب غرفة محمد وشفت هالشوفه
**
نسرين اعطت اوراق ليعقوب وجابتها لمحمد قعمزت ف كرسي تحكيله وتشكي وتبكي جي محمد وقف قدامها وباس راسها
**
ريت محمد باس راس نسرين انفلقت ضحك " ححي هادا حبيبها " ووووه محمد هالشكل 😂😂😂😂😂
أنت تقرأ
كفاح امراءة ♥️
Romanceالانسان ديما يكافح ويكون صبور مهما صارله من حاجات سيئة ، لازم ان يكون عنده إيمان قوي بربي وان الله مستحيل يخلي عبده وزي م نعرفو ان الله اذا أحب عبدا ابتلاه ، ومهما تعبنا ف هادي الدنيا صدقوني ثمرة التعب هادا كله حنلقوه ولو مش حنلقوه ف الدنيا حنلقوه ف...
