كفاح امراءة ♥️

الحلـقة الاولى ♥️

كفاح أمراءة ❤️
القصة حقيقية فيها شوية احداث خيالية❤️
الانسان ديما يكافح ويكون صبور مهما صارله من حاجات سيئة ، لازم ان يكون عنده إيمان قوي بربي وان الله مستحيل يخلي عبده وزي م نعرفو ان الله اذا أحب عبدا ابتلاه ، ومهما تعبنا ف هادي الدنيا صدقوني ثمرة التعب هادا كله حنلقوه ولو مش حنلقوه ف الدنيا حنلقوه ف الآخرة ❤️
واحني قدرنا مكتوب وعلى كل شخص يرضى بقدره ونصيبه اهم شيء القناعة بالنصيب والرضا بيه مهما كان ، ولن يصيبنا الا ما كتب الله لنا ومرات الشر يلي يصيرلنا يكون فيه خير لينا بحكمة يعرفها ربي ♥️
هادا شيء بسيط ؏ رواية وانشاء الله الباقي حنعرفوه مع بعض ♥️
الشخصيات متاع الرواية نتعرفو عليهم مع الوقت ❤️
_____________
الدكتورة لجين❤️ :
كنت مقعمزة ف مكان قدام سرير كان فاضي ونتأمل ف السرير وعيوني مليانات دموع لن جي شخص حط يده ع كتفي
؟؟ : حبيبتي خلاص عاد مش قلنا معاش نبو دموع ؟❤️
اني : لا لا منبكيش
؟؟ : اي واضح متبكيش ، را مر ع الموضوع قريب عشرة سنين أو اكثر وخلاص توا كل شي تصلح وتحسن ولا وقدرنا نتجاوزو هالمرحله الصعبه
اني : باهي شن ندير مقدرتش ننسى بككل ، يلي مريت بيه
؟؟ : نوضي هي ، محلاك وقت تبكي شوفي عيونك وخدودك كيف حمر 😂❤️
اني : مبردك 😂 حي حقا صغار ف مدرسة نوض خنمشو نروحو بيهم قبل م يفوت الوقت
؟؟ : طيب فيكك يلي تفكرتيهم صغارك
اني : فهمني برادتك وخفة دمك وراثه ولا مجهود ذاتي
؟؟ ضحك وقام عيونه للصقف وحط ايديه ف جيوبه : يقولو منن عاشر قوم اربعين يوم صار منهم فما بالك انيي عاشرتك سنين شن تتوقعي يطلع دمي خفيف وعسل يا حسرة ايام كنت مع اماليا دمي عسل كان
وناض طلع ‏ᘓɹ̇ᓄ باب وني لحقته وخبطته
اني : مبردك
حط يده وشدني ‏ᘓɹ̇ᓄ كتفي
اني: شن هالحركات
؟؟ ؛ مرتي فـ‏Ⴢ̤ مانع ؟ لا ! اصلا عارف مفيش مانع بالك في
شبحلي وقام حاجبه وني هزيت براسي لا وابتسمت ♥️
أكيد كلكم تبؤ تعرفو شن صار قبل ومن هو شخص يلي كنت نتكلم معاه ، هادا كلهه حنعرفوه
___________
فلاش باك التالي
امي : نوضي نوضي ‏Ⴢ̤ فرخة نوضي ياسرك نوم
امي نحت البطانية واني رجعت رديتها
امي : نووضي
اني : ونبي خليني امس للفجر مرقدتش نقرا
امي : فالحة تقري وبس ناسية تهتمي بروحك مش عارفة اليوم صاحبتي بتجي منن كندا وقتلك عندها ولدها الكبير مشاء الله غزال صوره معبيه الفيس
اني نحيت البطانيه منن وجهي وشبحتلها : وشن نديرله يعني صوره معبيات الفيس بس حاضر تو نعبيله صفحته لايكات تدللي بس غير خليني نرقد
خشت اخـتي لميـس اصغر منـي بسنتين
لميس : ماما شن رايك فيا هكي كويسه
امي : اي تمام البسي تاكم الالماس
لميس : شن بنقعد بيه ف الحوش
امي : غير البسيهه خير ما نجي نعجنك
لميس هزت براسها حاضر ومشت
اني : ممكن تكملو نقاشكم البرا
امي : تيي نوضي يا فرخه ماري بتضم الدار
" ماري شغالتنا "
اني : تي داري نضمها بروحي فيها خصوصياتي
امي : نوضي نوضي احسن ! بتركبيلي السكر والله م نسامحك لا دنيا لا اخرة..
اني نحيت بطانية وحطيت يدي ؏ فم امي وابتسمت :خلاص منبوش الدسكة متاع كل يوم تو ننوض هي
اني نضت بست امي وخشيت حمام غسلت وجهي
نسيت نعرفكم بنفسي 🌝♥️ اني لجين كيف بنوصف روحي مشعارفه كيف نوصفها المهم قصيرونه ومعبيهه شوية مش ضعيفة هلبا ومش سمينة هلبا شعري طويل عيوني عسليات وواسعات ملامحي حادة وجذابة نوعا ما نقرا بشري كان خاطري ف هندسة بس امي نقت عليا بالسيف قاعدة ف ثالث سنه جيت ف عيلة مرتاحة امي تحب المظاهر قدامكم يعني وني معنديش ليه خلوق الجو هادا نحب نتصرف بطبيعتي بس هي لا كل شيء برستيج والخ تعرفوه الجو هادا ، اختي لميس تقرا طب اسنان تساير ف امي طيوبه وحنونه وتدير اي شيء تقولها عليه امي تشبهني وهلبا غير اضعف مني لميس مش متحجبة ومتدورش لا عادات لا تقاليد لا شيء عندها كل شيء عادي اما اني لا عندي لكل شيء حدود ومتحجبة احني زوز بنات بس وبوي ديما مسافر خدمه نرجعو للواقع 🌝♥️
خديت دوش وطلعت لقيت غرفتي مضمومة وامي موتيتلي حوايج ف سرير قفطان دانتيل ثلاثه ارباع هكي ايديه شيفون اسود وكعب احمر وجنبه اكسسوارات ورائحة اني ابتسمت وشديت القفطان
اني : بالك عابيه بنلبس هادا 🌝😂 اي حق
خشيت دريسنق روم " غرفة الملابس "
خديت سروال جينز وسورية مربعات احمر ف الاسود ودرت شعري كودة وجيت نازلة "
امي : نهارررررر احرررف مغبر ايامات سود نود فوق راسي اني
لميس كانت تشرب ف عصير وشرقت
لميس : تتي شن فيي منن ماتت
امي : انتتي يا بتهبليني يا بتهبليني
اني ابتسمت : امي خيرك عاد قصدي شن تبيني نلبس هداكا يلي فوق
امي : لا بتلبسيه تتي المرا قريب توصلل وانتتي مش واتيه
اني : خيرني هكي كويسه بس تو نحط وشاح لما تجي
امي : تي مش ليا ساعه نقولك عندها ولد وتقوليلي هكي كويس بري بدلي يلي جبتهولك
اني : اي وقتيلي صوره معبيات فيس وقتلك تو نديرله لابكات شن فـ‏Ⴢ̤ تاني 🌝😂
لميس ضحكت 😂
امي : تي الولد فلوس ومشاء الله عليه بري بدلي متركبيلش الضغط
اني : باهي ربي يزيده🌝♥️ بعدين اهي لموستي الحلوه لابسه القفطان يلي جبتيه وينن المشكله
لميس كانت لابسه نفس قفطاني غير لونه مشماشي
امي : والله ماني مسامحاتك لا..
اني : باهي باهي خلاص تو نلبسه ، بس اسمععي بنلبسهه وبنلبس وشاح ومتقوليش لا احسن ما والله نقسم مننزلش بكل
امي شبحتلي منن فوق للوطا وني ركبت بدلت هالقفطان وحطيت وشاح ؏ راسي ونزلت
امي : اي اضعفي سامنه هلبا وشكلك مولي اخي
لميس : اني سامنه
امي : ااي وهلبا
لميس ناضت ركبت دارها
اني : خيرك عليها كيف تبيها تضعف اكثر منن هكي
امي : كان تنحي هالوشاح
اني : تتي شن ننحيه قدام الولد مش بيجي
امي : وكان خلي يشبح جمال شعرك كيف عادي
اني : اي عادي ماه اني متحجبة ؏ ناس وع ناس لا تي بالاساس القفطان مش عاجبني بالسيف لابساته🌝
شرين نقالي عيوني بدو قلوب قلوب
امي قامت حاجبها لان طول عرفت مني
اني : الووو خالتي الغزالة العسللل
امي : فرقة الخالات بالله مارري وينن انتتي
مشت امي وني كملت مكالمتي
اني : وينك مغيبة مختفيه ف جامعة
صفاء : مريضة اني
اني : انشاء الله ف قطوستنا
صفاء : قردة افتحي الكاميرا استاحشتك 😂
اني : هي هي
اني فتحت الكاميرا
صفاء : شن كل هالجمالل
اني : غير اسس امي صحبتها هادي جاية منن كندا منفختهم تعرفي وانتي تعرفي امي ونظامها
صفاء : هههه كان معرفتهاش منن بيعرفها
اني : وين مروة
طبعا هادي خالتي صفاء اقرب انسانة ليا نحبهااا هلبااا جوها ضحكك ونيتها صافية وحنونة هلبا وتحب تكون ناشطة متحبش كسل بككل وعندها أخت توام يلي هي مروة عكسها تماما كسولة بكل وعنايدية 😂💔 عمرهم ٢٤ سنة صفاء تقرا ف جامعة علم نفس ومروة تقرا تقنية طبية " معامل تحاليل جو هادا طبعا امي علاقتها سطحيه بخوالي وهكي وديما مشاكل بس اني ديما نتواصل معاهم وجو مليح 😂♥️ وامي وحناي تزوجو وعمرهم صغير ف خوالي قراب ؏ عمري
امي : لجينننن لجينننن تعالييي وصلو
اني : هي هي سكري انجلينا جولي وعيلتها وصلو تو بعدين نكلمك نهدرزو😂
صفاء : اوككك
سكرت مكالمه وخشيت كوجينة لقيت ماري توتي ف حاجات لقيت عصير طبيعي صبيت طاسه وكيف حطيت مالقي شكلي حطيتاش زين وطاح فيا القفطان مشي فيها وايامي سوده نوده منن امي 🌝😂
اني : لا يا ربي قولي اني نحلم ااه يا قلبي حيعليا امي حتشردني ، ساهله تو نمشي نبدل
اني شديت ماري : don't tell my mum please " متقوليش لامي "
ماري ابتسمت وهزت براسها باهي ونضت نجري ؏ داري بسرعه بدلت لبست سروال واسع اسود وسوريته المربعه نفسها وللبست وشاح باش تعرفو بس القدر بروحه ميبينش نلبس القفطان😂
**
امي : اهلين اهلين زارتنا البركة والله تفضلو تفضلو
كانت صاحبة امي وبنتها ف عمر لميس اختي وولدها الكبير اكبر مني بستة سبعه سنين ممكن اسمه انس طويل وعريض جنتل لحية وهك البنات دايبين فيه ؏ اساس 😂🥺
خشو وقعمزو
صاحبة امي اسمها " عبير " : شني يا فاطمه عندك بنتين ولا
امي : ااه اي اي لموسه بري نادي لجينن اكيد لاهيه تساوي ف شعرها بنتي تحب تهتم بروحها
عبير : ههه سامنه يا فاطمه
امي وجهها بدي اصفر
انس : تبصر عليك بالعكس موليه احلى يا عمتي وبهلبااا ولموسه طالعتلك شكلها
لميس ابتسمت وناضت خشت كوجينة
لميس : where is lojin mary ? وين لجين
ماري : in her room " ف غرفتها "
ماري تفهم عربي بس مش هلبا ف متستغربوش مرة تلقونا نتكلمو معاها عربي ومرة انجليزي ويلا
جتني لميس
لميس : حي عليك امي حتقتلك
لجين : ونبي فكيني حوايجي تبزع فيهم عصير خننزل
لميس : اقري الفاتحة ؏ روحك🌝😂
لجين : ونبي هي انزلي
نزلت اني ولميس وماري كانت توزع ف عصير وشكلاته واهني امي جتها صدمه بدت تكح معاش عرفت كيف تتصرف اني سلمت عليهم ووولدهم قعد ساعه شاد يدي يشبحلي ،
عبير : مشاء الله بنتك كابره يا بنات تعرفو ؏ بعضكم كنتم صغار لما اخر مرة تلاقيتو اكيد ناسين بعض هادي بنيتي ساره نسيتوها
اني : هو الولد بروحه ناسيه اسمه بتجي ف البنت
عبير : شنو
اني : قتلك ‏اჂ̤ نتعرفو😂
امي : هادي بنيتي لجين الكبيرة الدكتورة طبعا
عبير : تقرا اهني
امي : والله قبل بنسفرها بس مصارش نصيب قلت خليها قدامي خير لن يجي صاحب نصيب وتكمل معاه هههه
اني فنصت ف امي
طبعا هادي صاحبة امي منن قبل غير كنا صغار وقت كنا معبعض بعدين هما سافرو وتوا جو
عبير : واني اهو وليدي غزال مصنع ممنع انوسي
انس شبح للميس : ولميستنا شن نظامها
امي شدت لميس باهي يلي نحت مني : لموستي تقرا طب اسنان اول سنه ليها بنيتي
عبير : اوو زي سويرة سارة بنحولها اهني خير
امي : اطلعو برا كان هادا هدرزو وتعرفو
لميس : هي نطلعو
امي : عبير تعالي انتي نخشو دار نهدرزو خير ، اطللع انس معاهم تتحشمش الحوش حوشك
انس : عارف والله 😂
مهم طلعنا برا وني قعمزت ربعت ايديا ونشبح وبس نفكر ف امتحاناتي ولميس وانس وسارة يهدرزو طبعا سارة كل هدرزتها ماركات واللخخ جو بارد وانس ولميس تفاهمو يضحكو وجو مليح
سارة : ‏اჂ̤ شفتي ساعتي هادي اصليهه وقنينه بس كان عجباتك تغلاش عليك وعندي ساعة تانيه نحبها نفس اللشيء اصليه وتلمع منن بعيد معرفتش شن نلبس فيهم لما نمشي اول يوم الجامعه  ، شن تنصحيني لجينن لجينن
اني : معاك معاك
سارة : اي شن ننصحك
اني : قتلك اهم شيء الصلاه
سارة : شنو
اني : لميسس
لميس : نعمم
انس : شنجو لجين
اني : حمدلله
انس : صار تقري طب
اني ابتسمت : انشاء الله
انس : واضح عليك اصلا منن الوشاح
اني : عفوا يلي يلبس وشاح يبدا يقرا بشري ولا شنو :)
انس ضحك : لا لا مش هكي انسي 😂
**
امي : اي وين مقررة تنزلي
عبير :‏ بنقعدو يومين ف فندق خمسة نجوم بعدها حوشنا بيكمل قاعده اخر تشطيبات خلاص
امي : خلاص تنزلو فندق وحوشي قاعد
عبير : لا لا تو نجوكم زيارات غير توا انوسي حجز وهكي
جت ماري
ماري : مدام الاكل جاهز
امي : تمام نادي ؏ الصغار برا
مهم جت ماري نادت علينا باهي حمدلله يلي جتنا مليت قداد وهدرزة مملة