27.
وشفنا البنتين يلي لقوني اني ومحمد ف كافي قبل ايامات العز بنات خالته ومعاهم بنت تانيه شادة رضيع ومرا كبيرة ف عمر مهم بعد سلام طويل ومحمد واقف بعيد شوية ومداير روحه لاهي ف نقاله ومرة مرة يديرلنا باص عيون
طبعا البنيتن سلمو عليا ببرود
ربيعه : لجين هادي اختي وهادي بنتها يقين وهادم سجى وضحى ، طبعا هادي لجين تكون..
ضحى : حبيبة محمد ولا
مي ضحكت : صاحبتي واختي قاعدة عندنا مدة هادي
ميسون : بتحضر تجهيزات عرسي
ربيعه : حقا مقلتلكش حددو عرس ميسون اسبوع جاي
اختها : والله باهي مبروك
محمد شبحلنا : امي سوق هيا هدرزة ف حوش ف نقال مش اهني
يقين : محمد خيرك متسلمش انت
محمد ابتسم ابتسامة مزيفة ورجع شد نقال مهم مشينا لدنا سوق كله
مي : شوفي لجينن عجبوني هادم زوزز اما احلى هادا ولا هادا
اني : اممم
الولد متاع محل : خودي هادا يطلع عليك وتاني لصاحبتك ولا اختك هادي ماشي مع جسمها
محمد كان واقف وراه الولد يناري ميحسابش محمد معانا : نعم خووي شن تفضلتتتتت
الولد : ااء نقصد نقصد حلو القفطان يعني ذوقها
محمد : هي نشوفو محل تاني معجبنااش بضاعة قديمة
محمد فنص فينا وطلعنا طول وهو ورانا
مي : محمد خيرك كيف لقيت قفطان عجبنني
ربيعه : خليتها تاخده Ⴢ̤ محمد وهي ذوقها شلال تعرفه
محمد : لا
ربيعه : امالا متنقش وقت تلود ف سوق
محمد : لودو ؏ راحتكممم شن قلت انني غير بسرعه بس
مي : كيف تجي لودو ؏ راحتكم وبسرعه
مهم قعدنا نلودو محمد مخلانيش ندفع ولا حاجه كرهني ف حياتي يخلص عليا شن يحساب ،غير ؏ خاطر امه قتلي خليه مبيتش نرد عفلقني مهم اذن مغرب روحنا خطمنا ؏ مطعم خدينا عشي معانا
بدلنا وحطينا العشي تعشينا وكيف قعمزنا بنهدرزو ع العرس طق باب مشي محمد يفتح كانو حوش خالته ومعاهم ولدهم اسمه " ناصر " ، مهم محمد كحح انني ومي وميسون طول خشينا جبنا اوشحتنا وطلعنا سلمنا
ضحى : ااي بما انن عرس ميسون قريب قلنا بنباتو معاكم انني وسجو
محمد : براا
ربيعه : اي توا كيف كنا نحكو ؏ مواضيع العرس احني
يقين : اي شن قررتو خالتي
محمد : الفاتحة الجمعة جاية باذن الله
ناصر : عقبال عندك Ⴢ̤ صقر
محمد ابتسم وشبحلي : يا رب
ربيعه : بنيتي لجين شن اماليك وصلو
اني : اي بعتتلي لميس رساله وصلو
مي : حمدلله ؏ سلامتههم
ضحى : اها ماليك مسافرين
اني هزيت براسي اي
ناصر : تقري مع مي قالولي
اني هزيت براسي اي
ناصر : باهي موفقة بتحضري معانا العرس يعني
محمد : شنن ناصر نطلعو
ناصر : لا لا خلينا اهني عيلة مفيش حد غريب Ⴢ̤ راجل
محمد كان يحاول يطلع ناصر بس هو شيء لصق.
مهم مر وقت وهدرزة ومحمد بيضرب ناصر ، لن روح هو وامه واخته يقين قعدو سجى وضحى يلي مستحقريني ويشبحولي ف شبحات اخخي مهم خش محمد غرفته واحني خشينا غرفة نهدرزو
مي : الرقصه هادي باش ترقصيها Ⴢ̤ ميسون انتتي وصلاح 😂
ميسون : منعرفهاش Ⴢ̤ وخيتي
مي : معقولة تي رقصه " سلو " منن ميعرفهاش نوضي نوضي نوريهاللك
ناضت ميسون ومي شادتها تحاول تعلمها الرقصه
مي : هكي Ⴢ̤ حمارهه
جي محمد كان يصفق : مشاء الله ؏ الغباء غير حولي ناس هكي ترقصها
محمد شد مي وكان شاديها غلط حاط ايديه ف كتفها تقول بيتعاركو 😂
اني: Ⴢ̤ غبيي 😂😂😂😂😂 مش هككككي وووهعليا شكلكم يضحكك صوريهم صوريهم ، غير حولي مي مش هكي
اني بكل جراءة حولت مي وحطيت ايدين محمد حول خصري وشديته هو منن رقبته وقعدت نرقص معاه وهو سرحان ويشوف لعيوني وني نشوف لعيونه ونسيت انن اخواته وبنات خالته قاعدين نسيت كل شيءء
مي : عرسان مناسبين محمد ولجين
اني طول بعدت منن محمد : بنشووف عمءءتي لءءو تبي شيء
طلعت طول لربيعه كانت ف كوجينة
محمد : خنشوف سيارتي انني
وطلع محمد
ميسون : حشمتيهم
مي : ونبي مش طالعين ؏ بعض
**
اني : ااي عمتي شن تديري
ربيعه : اهو بندير حلويات زيادة ونكتب ف حاجات ناقصهه
اني : شن بتديري
ربيعه : مقروض وبكلاوة وسلة وشوية حاجات ميسون تعرفهم
اني : خلاص انني نديرلكم مالفي فالحة فيه نعجبكك
ربيعه ابتسمت ومسحت ؏ راسي حسيت بالحنان يلي مخديتاش منن امي ♥️♥️ : نعرفك فالحةة
مهم قعدنا نهدرزو شوية بعدين هي مشت رقدت وني خشيت للبنات
سجى بنظرات استحقار : شني لجين معندكش فيسس ولا محمد قالك م تضيفي حد
اني ابتسمت : اي عندي لا عادي نضيف
ضحى : وينه خنشوفه الايميل حتني
مهم كتبتلها ايميلي وبعتتلي طلب هي واختها وني قبلتهم ، مهم خشيت بعدها هدرزت ؏ صفاء شات قتلي ان جوها مليح وفرحانه انها بتمشي دبي مدة جاية
قعمزنا نهدرزو جتنا ربيعهً وضحكً لن ربيعه لمحت محمد طالع ᘓɹ̇ᓄ حمام حاط فوطه ؏ كتفهً ومبلول كله ومكيف مقابله
ربيعه : بتقتل روحك ولا شنن محمد نكلمم فيكك
محمد شبحلها وخش غرفته
ربيعه / بيقتلي تو تشوفو بيمرض مرضه حلوة
مي : امي خيرك تعاملي فيه تقول بيبي
ربيعه : وليدي وحيد مالك وماله خنوض نديرله شيء سخون باش يمرضش
_____
صفاء مقعمزة ف صلاية وتدعي كملت دعاءها ومسحت ووجها وخدت زاوية ف غرفه وقعمزت " زعما علاش هكي صاير خيره ايووب كله منن خوه الكبير يعبيله ف. راسه يقوله تعال دبي استغفر الله Ⴢ̤ ربي زعما كيف عيلته ! شن بندير اني استغفر الله وخلاص ! بنوكل امري لله واكيد مش حنخيب !
شدت صفاء نقالها وكلمتني وفرحت شوية ووايوب قاعد مروحش
_____.
بعد مرور عدة ايام خلاص وتينا كل شيء لعرس ميسون وغدوا اول امتحان ليا اني ومي ، محمد كل وقته يتقرب مني زي الهم وني نبيش نشوف وجهه اصلا ! وضحى وسجىً قاعدين وميحبونيش ولا ني نحبهم اصلا ، وصفاء ايوب قاعد يعامل فيها نفس معاملة !
كنا كلنا مقعمزين نديرو ف باكوات حلويات ونغنو
ربيعه شدت ميسون : انشاء الله يا نوارة عيني بالصيت الباهي تفوتيني
اني : هادا وين نجحتي حق نجاحك الاول غير ورق
مي : شن اخت لجين غدوا امتحانا وانتي تديريلنا ف احباط هكي 😂
ربيعه : كان تنوضو تقرو انتم زوز
اني : Ⴢ̤ عمتتي قرينا وعيينا وراجعنا ستين مرة
أنت تقرأ
كفاح امراءة ♥️
Romansaالانسان ديما يكافح ويكون صبور مهما صارله من حاجات سيئة ، لازم ان يكون عنده إيمان قوي بربي وان الله مستحيل يخلي عبده وزي م نعرفو ان الله اذا أحب عبدا ابتلاه ، ومهما تعبنا ف هادي الدنيا صدقوني ثمرة التعب هادا كله حنلقوه ولو مش حنلقوه ف الدنيا حنلقوه ف...
