مهم رقدت تاني يوم فقت لبست سروال جينز وسورية قصيره لونها رصاصي نظام واسعات ووشاح حرير لونه ابيض ف اسود ف رصاصي وسبيدرو ابيض وطلعت لقيت لميس لابسة سروال جينز ممزق منن ركبه وتيشرت قصير متاع اديداس لونه ابيض وسبيدرو اسود ومدايره شعرها قرن
اني : بتمشي
لميس : يس يس تخرج الغاليه
اني : نمشو بسيارة ولا اتنين
لميس : وليش اتنين سياره ياسر، بنقولك
اني : شنو
لميس : قاعده زعلانه مني ؏ خاطر هداكا موضوع ؟
اني شبحتلها وهي حضنتني
اني : خلاص خنطلعو هي
مهم اني سايقه وركبت معاي لميس وطلعنا للجامعة طول كان عندي محاضرتين حضرتهم وجيت طالعة
مهم وني ماشية لقيت هديكا البنت يلي لقحت عليا مرة وتعاركت اني وياها كانت تشبحلي منن بعيد وتقرم فيا هي وصاحبتها مهم فتتها خشيت كافتيريا وجيت طالعه سمعتها تتكلم ع ولد جي خاطم منن قدامها وتقول انه يهبل والخخ ولما شبحتني سكتت
البنت : اووف ع زبالهه
وكانت شادة طاسه فاضيه حذفتها تحت رجليا
اني : زبالة قاعده فيها انتتي ي حلوة
ومشيت سيبتها خطرت ف بالي فكرة الولد يلي عاجبها نزبطه مهمم وقبل كنت نهدرز معاه ع فيس بيموت ويكلمني كنا اصدقاء عاديين يعني بعدين بديت معاش نرد عليه جت ف بالي خطة جهنميه
مهم فتت ومشيت للحفلة لقيتها بادية كانت حفلة تخرجها مفتوحه يعني هلبا ناس حاضرين كانت صفاء قمة ف جمال لابسه بدله رسميه لونها ازرق كحلي مع قرواطه ؏ حني وكعب حني وشعرها مطلوق وحاطه شوية ميكب وتتكلم بكل ثقة مع دكاترة لقيت خالي معاذ ولمى ولارا وحناي والكل يعني
اني : متاخرتتش ولا؟
لارا : لا لا مليشي هلبا بادي
اني : غير شوفي معاذ مقعمز جنب لمى وحاط يدده ؏ فمه زعميتك ميبينش انه يهدرز وشوفي لمى كيف تضحك اكيد يغازل فيها اصبري بس بنخرب اللحظه
مشيت بشوية وراء معاذ ونخلعه قريب ناض يجري
لممى : يعنشكلك Ⴢ̤ لجين خلعتينا
اني : هايمين ف العسل احضر تخرج اختك
معاذ : تتي برري Ⴢ̤ بنتت الكلبب
حناي مقعمزة ف كراسي قداميه وقت سمعت دوشه تلفتت وفنصت فينا اني رجعت قعمزت جنب لارا تمت حفلة تخرج وطلعنا خلاص بدينا نوزعو ف حلويات وشكلاطه ومحمود مدايره زكرة لصفاء هيجو شباب فيها هياجة ومعاذ يرقص وقاموه فوق
سعاد : معاذ يوري ف مهاراته قدام لمى 😂😂
اني : شكله ، غير خيره محمود شاد تركينه تحسيه يبتسم بالسيف
سعاد : مشعارفه ᘓɹ̇ᓄ امس هكي
اني : حكتلي صفاء ان فسخ خطوبته ، وينها هي
مروة : يباركولها البنات ويتصورو
جي محمود معاه واحد شاده ويبتسم مروة فنصت عيونها واني طول عرفته ايووب لان شفته لما فتحتله الباب
محمود : وينن صفاء جايبلها معاي مفاجاءة ، اممي نعرفك ؏ ايوب زوج صفاء المستقبلي
سعاد : اهلين وليدي تشرفنا
مروة : صفاء غادي
محمود : خنمشولها
مشو محمود وايوب لصفاء وهي قامت راسها لمحت ايوب مع محمود وجهها بدي احمر محمود اشرلها تجي جت وراسها ف الارض
محمود : صفاء هادا ايوب يلي متقدملك
صفاء ابتسمت : اهلين
محمود : درتهالك فجاءة هكي امس كلمته باش يجي يحضر تخرج خير م نديرو نظرة شرعيه وهم تجي فجاءة احلى تعرفو ؏ بعضكم شوية ونجي
مشي محمود صفاء قاعده مطبسه راسها
صفاء : ليش مقتليشش
ايوب : قلت خليها مفاجاءة
صفاء : حيوانن انت
_______
محمد ♥️
فقت بكري مشيت لنسرين رفعتلها شوية حاجات خطمت ؏ عيادة تطمنت ؏ بوها ومشيت للشركة قعدت نراجي ف لجين مجتش بعدين تفكرت انها قالت مش حتجي جي وقت باش نروح بمي نسيتها بكل مهم مر يوم عادي وممل
______
محمود خدي امه ومشو جهة ايوب وصفاء
محمود : صفاء تعالي نبيك شوية الحاجة تبي تكلم ايوب
خدي محمود صفاء يتمشى هو وياها وحاضنها : شن موافقة ولا لا كان هادا نحددو خطوبه توا
صفاء سكتت شوية
محمود : متسكتيش الراي رايك
صفاء : موافقة
محمود ابتسم : منورتها الحفلة اليوم عروستنا
مهم جتنا صفاء قعدنا نبخو عليها ف البخاخ ونهيجو قعدت نبخ فيها اني معاش بيت نطلقها لن ناضت تجري وراي قعدت نوخر وهي قدامي
صفاء : Ⴢ̤ بنت كلببب Ⴢ̤ لجين اوقفي
اني : لاا
قعدت نوخر لن خبطت ف شخص كان عاطيني بالظهر وفجاءة نتلفتت نلقاه محمد النهار الاحرف شنهاداا
محمد : شنهادا
اني : تي اني يلي مفروض نقول شنهادااا مش انت
محمد : تي شن جابك
اني : تي انت شنجابكك م صدقت مجيتش شركه باش نفتك ᘓɹ̇ᓄ وجهك تلحقني اهنني
محمد : ميت عليك انني تو نفتح ؏ ناشيونال جوغرافيك ونشوف الفيله غادي مفيش داعي نشوفك
اني قرنت حواجبي وبخيته بالبخاخ يلي كان ف يدي وخديت صفاء ومشينا جري ومحمد واقف يمسح ف البخاخ ويشبحلي ومتعفلقق جت مي
مي : هااي
محمد : اركبي اركبي
مي : منين تعرفها
محمد : تي اركبي وريحينا
صاحبة مي : هلا محمد كيف الحال
محمد : بخير
ركب محمد وقربع باب سيارة وركبت مي وصاحبتها
______
صفاء : حيعليكك
اني : ونبي فكيني منه الخرا اهوا مبرد وجهه
مهم كملنا مشروع تخرج وحفلة وكل حد روح حوشه كلنا تاعبين
سعاد : طبعا حميدة تفاهم مع ايوب وحددو موعد باش يلبسك فيه وحنديروه بسيط عيله بس وعرسك حيكون معع مروة ، ايوب وافق بس اماليه مش حيجو يعني حنختصرو هلبا حاجات واني راضيه بيه فـჂ̤ مرا رباته وقعد معاها مدة اهني ف هيي حتبدا عيله العريس
مروة : باهي جتها ف وحده
سعاد ناضت تزغرط
معاذ : مشعارفه اني مش راكب راسي
محمود : الخميس حيجي يلبسك Ⴢ̤ صفاء لان جمعة امك قتلي بتمشي بتتكلم لمعاذ
معاذ : مشاء الله عيله كلها بتمشي بالجملة
سعاد عيونها دمعو : وني م حد بيقعدلي
معاذ : هي نبدو ف افلام شاروخان وكارينا كابور
سعاد : سكر فمك خنكلم فاطمة
معاذ : ᘓɹ̇ᓄ فاطمه
سعاد : اختكم
معاذ : ناسيها بكل هديكا
سعاد : ف نهاية اختكم ضروري تعرف
صفاء : حتني نركب نكلم لجلج
معاذ : ايوا لجين بس تمشي معانا
مروة : وين لميس وحب قبل والخال وبنت الاخت
معاذ : لميس بدت تاخد ف طبع امها لجين طلقه روسيه مليهاش حل
_______
روحت حوش بدلت دوشت شديت فيس دورت ايميل هداكا الولد اسمه عصام بعتتله مسج " اهلين " مكانش فاتح شرين نقالي كانت صفاء
اني : هاي
صفاء : لجينتتي الخميس بيجي ايوب يخطبنني ووهعليا وجمعة بنمشو بنتكلمو ف لمى
اني : ححيعليا خوالي كلهم مشووووو
صفاء صحكت : العقبة ليكك منن بو لحيه هداكا
قصدها ؏ محمد
اني : مصحوجهكك
صفاء : تو تشوفي يدور زمان وياخدك هوو وقولي صفاء مقالتهاش حاستي السادسه متخيبش وزي م يقولو م بعد الكره الا الحبب
اني ضحكت : هادا ناقص ناخد هالشلاكة كان يبدا اخر شخص ف ليبيا
صفاء : حياخدك حياخدك
مهم سكرت منن صفاء لقيت الولد باعتلي رسالة رد عليا
الولد : اهلا اهلا عاش منن كلمك
اني : تعيش وتكلم شنجوك وشمداير
مهم بعد كلامم معسل هكي وسلام
اني : بنطلب منك طلب
الولد : تفضلي
_________
وصل محمد حوش خشت مي وخش هو طول دوش وتمدد بيرقد خشت امه
ربيعه : حميده نوض باسرك نوم
محمد : شنفي يما
ربيعه : غير نوض محمد
محمد : نعم يما هاا
ربيعه : بنخطبلك
______
ممحمود كان ف غرفته مغموم يفكر ف البنت يلي ضحكت عليه ! وفي البنت يلي خانها ! وفي صاحبها ومعرفش هل يكلم صاحبه ويحكيله ولا لا لن ....
.....
وهادي حلقة اليوم انشاء الله عجبتكم ، شن تتوقعو يصير ؟ ولجين شن تبي منن الولد ومنهي البنت يلي ديما تلقح ؏ لجين !! وام محمد هل فعلا حتخطبله ؟ ولا محمد حيرفض؟ ولو صح حتخطبله منن حتكون البنت ؟ وشن حيصير ف معاذ ولمى ؟ وخطوبة صفاء هل حتمشي صح ؟ ونسبة لمحمود شن حيصير فيهه؟ هل حيكلم صاحبه ويحكيله ولا لا ؟
أنت تقرأ
كفاح امراءة ♥️
Romanceالانسان ديما يكافح ويكون صبور مهما صارله من حاجات سيئة ، لازم ان يكون عنده إيمان قوي بربي وان الله مستحيل يخلي عبده وزي م نعرفو ان الله اذا أحب عبدا ابتلاه ، ومهما تعبنا ف هادي الدنيا صدقوني ثمرة التعب هادا كله حنلقوه ولو مش حنلقوه ف الدنيا حنلقوه ف...
