كفاح امراءة ♥️

الحلقة 36 والاخيرة ♥️

36
مهم نضت دوشت وتعشيت اني ومحمد ووتفرجنا ع فيلم ورقدنا ، مر اسبوع هكي وجو حلو هلبا جنب حميدتي وعيلتي نكلم ف لميسس مرة كل يوم ونطمن ع الكل وخلاص باقين نفضاش نكلمهم ، احني ديما طالعين ونروحو نرقدو طول
كنت طالعة اني ومحمد وقفنا بناخدو جيلاطي الراجل مدلي جيلاطي ملقيتش محمد جنبي شبحت يمين يسار لقيته واقف بعيد ويتكلم ف نقال مشيتله
اني : خيركك
محمد : لا شيء امي اتصلت بيا ومفيش تغطيه بعدت شوية
اني لويت فمي وقرنت حواجبي : بههه مشعارفه نحس فيكك مخبي شيء
محمد ابتسم وشد وجهي : م عندي مً نخخبي ، بنقولك نبي نرجعو ليبيا خلاص
اني : شنوو هادا شهر عسل ولا قلة ادبب تي لينا اسبوع بسس منبيش محمد منبيشش
محمد : باهي باههي اسكتي خلاص مش حنروحو نبي نشوف رايك بس نحسابكً مليتي
اني : لا لا مً مليتتتش ، ححي محمد دراجيححح تعاللل درجحني
محمد : بالله عليك بهالطول والعرض وبندرجحكك
اني : وشنفيهااا
جبدت محمد منن يده ومشينا دراجيح لعبت لنن عيتت وهو يدف فيا ويضحك عليا ! نحس فيهم مش للصغار بسس دراجيح انني نحبهم ونستمتع وقت نلعب بيهم والله ! مهم روحنا فندق خديت دوشت وطلعت شديت نقاللي
اني : بنتتصل بصفااء استاحشتهها
محمد جبد نقال منني وحضنني
اني : شنففي
محمد : مستاحشكك لوحي هالنقالل ومدة هادي خلينا معبعضنا بسس
مهم مر اسبوع تاني ومحمد تصرفاته مش طبيعيه كل م نشد نقال يجبده وديما طالعين وهو جنبي ووقت يجيه نقال ينوض بعيد منني ويقولي تغطيه مهم انني مركزتش ع هادا كله !
كنت ف فندق نساوي ف شعري قدام مرايا جي محمد باسني
محمد : نوضي وتي شنطتك بنرجعو ليبيا
اني : علاش
محمد : حبيبتي اسبوعين ياسر شركتي يلي غادي لو مجيتش حتخرب راه اسمعي كلام وخلينا نروحو
انيً تنهدت : باهي محمد
محمد قرص خشمي : زعلانه
اني حضنته : نزعلش منكك
محمد : طيارتنا ف ليل وتي روحكك
مهم وتيت شناطي ودوشت بدلت كلينا ني ومحمد طول للمطار منن ماليزيا بنمشو للشارقه بعدين لليبيا مهم وصلنا ليبيا تاعبيين " سيارة محمد قبل م نسافرو درسناها ف مطار " وصلنا ركبنا سيارة وطول مشينا حوش جدي خشيت تاعبه سلمنا ع الكل وقعمزت كانو كلهم قاعدين اماليا ومروة ومعاذ ومحمود
اني : وين صفااء كلكم اهني
مروة : ااء
لميس : صفاء تعبت رفعوها مستشفى
اني : شنن كيف ف مستشفى شنحالها خيرها
سكتو
محمد تنهد وطلع
اني : شنففي هو يعرف ولا شنففي نكلم فيككم !!
مروة : صفاء ف غيبوبه منن اسبوعين
اني : شنووووو
ونضت نخبط ع وجههي ونبكي ونعععيط
اني : حيعليااا كيف صارر اااه ي خالتتي وخلاااص وني نقول اسبوععينن ي ربي اسبوعيننن هيي غايبه مكلمتنيشش ومحمد يعررف وساكت
معاذ : تي لو قالك راه متتي غادي اسس ياسر بككي
اني : تواا ترفعونني مستشفى تواااا
معاذ : قعمزي اهني مفيش مشي وبالاساس مفيش فايده منن مشيتك
اني قعدت نبكي : كيف صارر كيف
فلاش باك تالي
لما طلعو بنات سوق وروحو لميس مشت حوشنا مهم  كانت معاهم صفااء ركبت غرفتها حطت كيستها يلي شرتها فيها مكياج ونزلت لوطا
صفاء لقت لمى
صفاء : وين مرووة وملاك
لمى : ملاك ركبت توري قفطان لمروة فوق ف حوشها
صفاء : ديرلناا شيء ناكلوهه جيعانه بنموتت تعرفي
لمى : ههي اصلا بندير دحي سخون توا
صفاء ابتسمت : مييه ميه ديريه انني بطني انقلبتت منن كيكة يلي كليناها امبكري يا ريت مكلينهاش
لمى : مليحهه لاكن
صفاء : معاش خاطري ف حلو ديري دحي بسرعه ونبيي بنخش حمام ونجيي
خشت صفاء الحمام ورجعت "حشاكمم" فجاءة معااش قدرتت تتنفس وحست بشيء غريب ف راسهها شدتت راسها وجايه بتعيط معاش قدرت تطلع ولا صوتت لن فقدت توازنها وطاحت ف الارض حاولت تعيط للمى مقدرتش قعدت تزنن وخلاااص ! لمى خاطمة جنب الحمام سمعت صوت اننين طقت باب والانين قاععد ! طول لمى فتحت باب حمدلله ان صفاء مكانتش مسكراته بالمفتاح ! وانصدمت لمى وقت شبحت صفااء طايحة ! حاولتت تقيمها مقدرتتش كانت رزينهه هلبا طلعتت لمى وهي تعيط تنادي ف مروة وملاكك
لمى : مروووووة ملاكككك الحقووو صفاااااء ي مروووة
جو مروة وملاك يجروو
لمى : مشعارفهه خيرها ف حممامم
خشو الحمام
مروة : نهار احررررف صفااء صفااء تسمعي فياا
صفاء كان فمها متعوج زي يلي صايرلهً جلطة ومشقادرة تتكلم كان تدير ف صوت اننين ودموع ينزلو مننها وخلااص لمى وملاك ومروة بالسيفف سحبو صفااء سححب لن وصلوها وسط حووش
مروة : صفااء صفااء شنفيكك
ملاك : طاحت ف حمام ولا شن
لمى تبكي : مفيش دم مفيش شيء هي اهوو تشبح فيناا
كانو يكلموً ف صفاء وهي فمها ملوي مقدرتش تتكلم او تنطق بحرف ابدا !
لمى تبكي اتصلت بمعاذ
لمى : وين انتت الححق صفااء
معاذ : شنففي خيرهاا انني ف راس شارع جايي جايي
لمى : ..
ونقالها فصل شحن مسافه دقيقتين معاذ جي خاش يجري
معاذ : شنفي شنفي
لمى : مشعارفه ي معاذ كيف روحنا منن سوق صفاء قتلي ديري شيء ناكلوه وخشت حمام لقيتها طايحه
معاذ : ولد جيرانا عنده اسعاف هي خنكلمه
كلم معاذ ولد جيرانه ووتو سياره اسعافف وجي حاول يقيم صفاء مقدررش لبسوها بنات عبايتهاا ومعاذ كلم صاحب سيارة الاسعاف جو كلهم قامو صفاء يلي وقتها بدت رزينهه بشككل غريب جداا !!! رفعوها مستشفى رقدوهاا ف سرير وخشو بيهها لعند خشت مستشفى هي تشبحلهم وعيونها يدمعوو خشت حجرة اعطوها دكاترة مضاد ووقتها غمضت عيونها كشفو عليها وقالو ضروري ان تكون ف عناية المركزة لانها خاشه ف غيبوبه
الدكتور : اي غيبوبه
مروة تبكي : شن غيبوبه هادي كيف طلعت سوق معانا
الدكتور : للاسف عندها نزيف ونزيف بتاعها انفجار ف شريان الرئيسي ف دماغ ومليشي يوم او يومين النزيف بادي ليه قريب اسبوعين او اكثر ف جسمها تقريباً ،  اعراضه ديما صداع وترجيع وتنميل ف يد يمنى
مروة : وهادم اعراض كانو يجو لصفاء قلنالها نرفعوكً مستشفى بس هي تعبت منن مستشفيات مبتش تمشي وكانت تقول انها كويسهه ااه يا اختي وخلاص
الدكتور : مروة انتتي تخدمي معانا مفروض تهدي العيلةة
لمى : اااه وخلاص ي صفااء
الدكتور : للاسف النزيف جي منن ارتفاعع عالي ف ضغط ادى ان الشريان الرئيسي ف دماغ ينفجر !
مرو اسبوعين ع صفاء وهي ف نفس حالة راقده وخلاص والاجهزة متركبتلها دارولها صورةً ع دماغ وعرفو ان النزيف مغطى كامل الجزء الايمن من دماغ ! ونسبة للتدخل جراحي ميقدروش يتدخلو ! وميقدروش يحركوها او يسفروها البرا لان نزيف دماغ يبي شخص راسه تابتت ميتحرككش !!
نرجعو لواقعنا ❤️
مروة : ااه وخلاص ادعولها وبسس
اني : نبي نمشيلها
معاذ : ي لجين افهميي ممنوع دخول هي ف عنايهه خيركك
اني بصوت عالي ونخبط ف راسي : نبي نممممشي نبيي نمشيي
خش محمد
محمد : اسسس خلاص خلاص اطلعي قدامي تو نرفعك خليها ي معاذ تمشي ومش حيخلوها تخش وترجع
معدلتش عليهم وركبت مع محمد مشينا مستشفى وفعلا مخلونيش نخش ع قد م تجديتهم بس لا مفيش فايده !!! قالولي تعالي غدوا ساعه ثلاثه ظهر !! !
مهم روحت حوش وني نبكي مش شابحه شيء قدامي !! لقيت ام محممد سلمت عليها وقعمزنا
مروة : لجين ياسر بكي ممش اخر دنيا قصدي هي مماتش ادعيلها بس وكويس حاصرو نزيف يعنني
محمد : ههي لجين وامي نوضو نروحو حوش
اني : محمءءد
محمد : غدوا حنرفعك لصفاء حاضر
مهم نضنا روحنا حوش اني ومحمد وامه
محمد : يومين هادم بنقعمزو اهني بعدين حيسلمولي حوشنا جديد
ربيعه : محمد اني نبي نقعد اهني
محمد : متناقشينيش بروحك لاا
اني : عمتي خليك معانا شنفيها
محمد : بعدين حوش كبير ودورين وكل حد ياخذ راحته
مر شوية وقت وني خشيت غرفة محمد قعمزت ع سرير شوية نضت توضيت صليت دعيت لصفاء منن قلبي دعيت ان ربي ينوضها سالمه ونضت نطبق ف صلايه وبدلة صلاة !!
شوية هك خش محمد حضني منن تالي انني نحيتله ايديه وقعمزت ف سرير
محمد : لجين
اني : لو سمحت اقطع دوة معاي
محمد قعمز ف ارض وشد يدي
محمد : كلهم قالولي متكلمهاش واني اصلا مكنتش نبيك تعرفي لن نروحو وتعرفي بروحك ي لجينن
اني عيوني دمعو : معقولة خالتي ف غيبوبه وني فرحانهه ونضحك ! صفاء روحي را ي محمد وانتت كذبت عليا وخبيت عليا مقتليشش
محمد ناض قعمز ف سرير وحطني ف حضنه بكيتت لن رقدت تاني يوم نضت بكري وتيت فطور لن فاق محمد وربيعه مر شوية وقت ورفعني محمد مستشفى مبوش يدخلونا قالو مازال ساعه قعمزت انني ومحمد قريب ساعه نراجو قدام العنايه لن دخلوني اعطوني لبس نلبسه وعقمت ايديا وخشيت منظرها كان يقطع اللقلب !! كيف منن دون حوايج ! وجسمهها كلهه اجهززة منن راسها لرجليهها !! قربت مننها وكانني نقرب منن موت !! نحاول نقنع نفسي انها مش صفااء نفسها
وصلت للسرير لقيتها منفوخه هلباا بسبب الضغط والاجهزة ! زي الامبولة !
شديت يدها ومقدرتش نسيطر ع روحي ودموععي بديت نبكي بعبرتتي !! حطيت ايدي ع فمي حاولت منطلعش صوت بس مقدرتش
ممرضة : لو سمحتتي اطلععي براا هكي حتزيدي حالتها تسوءء
شدتني ممرضة طلعتتي لمحمد طول حضنتهه وبكيتت لن عيت
اني : ي محممد الاجهزة ي محمد
مهم طلعني من مستشفى وحطني محمد ف حوش جدي وهو رجع حوشهم قعدت معاهم نهدرزو شوية ونتنكدو شوية ! لن جي معاذ ومحمد ومجاهد
لمى : نمشو لصفاء
مروة : اي خنمشوو
معاذ : خيركم خواتي هبلتو ولا شن ساعه 10 ف اليل يعني مستحيل يخلوكم تخشو
سعاد : تربح معاذ خلينا نمشو كلنا ! وقت يشوفنا اكيد عادي يدخلنا
معاذ : استغفر الله العظيمم
محمد : تي خليهم يمشو زي امس رفعت لجين وروحت يقتنعو بروحهم ويروحو
معاذ : ههي
مهم لبسنا عباياتنا ومشينا كلنا اني ولميس ولمى ومروة وملاك ومحمود ومعاذ ومجاهد ومحمد وامي خشينا مستشفى وقفنا دكتور
دكتور ابتسم كان يزبطنا عيله صفاء : عيلة صفاء ولاا
انيء: دكتور تربح خلينا نخشو
دكتور ابتسم : اكيد تفضلو خشو ، وخشو كلكم مرة هادي
اني استغربتت منن رده ! قصدي قبل يشحطوك باش تخش وتوا قاللنا خشو وكلنا مهم معدلناش ولبسنا لبس عنايهً وخشينا نساوين كلنا لصفااء
اما معاذ ومجاهد ومحمد خداهم دكتور ع جنب
محمد : شنفي دكتور
دكتور تنهد ونحى الابتسامة منن وجه : نراجو امتى تطلع روح بسس عندها حتى تمانيه واربعين ساعه اما بعدها مش حتعيش اكتر
معاذ قعمز ف ارض ودموععهً نزلو
محمد : معاذ مش هكي انتت راججل ي معااذ ! بنات شن يديررو تو يطلعو يلقوك هككي شن يديرو متجيبلهمش سيرة
احني خشينا لصفااء شدينا يدها وقعدنا نهدرزو عليها هي ضغطتت ع يدي ! وفتحت عيونهااً وغمضتهم ورجعت فتحت عيونها وشبحتلنا كلناا وابتسمتت ودمعه نزلت ف عيونها ورجعت غمضت عيونهاا اني طول جريت لمحمد وحضنته وني نضحك
اني : محمد محممد صفااء فتحت عيونها وغمضتتهم وضغطتت يدي يعني في استجابهه حمدلله ي ربيي بتنووض
اني حضنت محمد وفرحانه بنطير ومحمد عيونه تعبو دموع بس حضنني ومعاذ وقف وابتسم
معاذ : حمدلله
مهم روحنا حوش جدي بعدين اني ومحمد روحنا حوشنا فقت منن نوم جو تسعه عشرة ملقيتش محمد وملقيتش ربيعه نتصل بيههم نقال ربيعه ف حوش ومحمد مقفل ! قلت اكيده ربيعه ف حوش جيران ومحمد خدمة كنت فرحانه لان صفاء فتحت عيونها وشبحتنا ! كنت نغسل ف حوايج ف حمام ونرقص ونغني لن خش محمد وعيونه حمر ومنفوخات
اني : حميدتي وين كنتت
وطلعت لمحمد انصدمت بشكل عيونه
اني : شنفي محمد
وفجاءة خش معاذ وراء محمد وقعمز ف ارض يبكي
معاذ : صفاء ي لجين صفااء
اني شبحتله : شنوو صفاء خيرها محممد معااذ
معاذ شبحلي وهزلي براسه لاا انني طول خشيت حمام وسكرت عليا باب وقعمزت ف ارض وبكيتت لن عيتت
اني : لا ي ربيي مستحيلللل لا لاا امس امس شبحتلنااا كيفف كانت تودع فينا ي ربي
محمد : افتححي باااب
معاذ كان مقعمز ف ارض يبكي : اااه وخلاااص اختتي ي محممد اختتي
محمد : الله يرحمها ي معاذ
اني فتحت باب حمام وحضنت محممد
محمد : البسي عبايتك بسرعه نرفعك حوش العزي
اني : مش مصدقه ي محمد مش مصدقهه صفااء ي محمد صفاااء
محمد خش جاب عبايتي ولبسهالي وطلعنا رفعوني حوش العزي لقيتهم يديرو ف خيمة تردددت نخش كيف ! كيف بنخش وصفاء خلاص فارقتنا !! خشيت وطحت طول ف مربوعة لقيت لمى وملاك ولميس كلهم غادي ويبكو حضنت مروة وبكينا لن اغمى علينا زوز طولل خش محمود ومعاه مجاهد يقيمو فينا ويبخو ف ميه بس شيء ناس كلها تبكي وتعيط
مروة : محرها ناركك ي وخيتتي عانيتي هلبااا عانيتتتي
اني مشيت غرفة صفااء لقيت شكارتها يلي شرتها منن سوق قاعده ف مكانها م حد مسها !! قعدت نشم ف ريحة حوايجهاا !! ضحكتها صوتها كل شيء يفكر فيا بيها !! لقيت مذكراتها فتحتهم ! قريتهم وني نبكي ! في شوية كلمات قعدو ف ذاكرتي ومستحيل ننساهم كاتبتهم صفاء ! " "و من حيُصدِق ان انني تاعبه ومتحطمة منن كلشيء اذا كان اني نبتسم طول االوقت !"💘
"اني واثقة انها مش النهاية ربي مستحيل ينسى دعائي ! "
" مفيش شيء يبقى ع حاله حتى شمس نفسها ف يوم حتكسر القاعده وتشرق منن الغرب وتعلن النهاية ! "
" هيا الأيام هذي مش ح تنتهي؟ أنا نبي نغمض عيني و نفتحها نلقى الفترة هذي كلها أنتهت ، متعبة مهما عافرت و حاولت و أقنعت روحي أن كل حاجة خلاص أنتهت في حاجة جوا تقولي مزال يمكن تصير حاجة يمكن يجي و يجيبلك أخبار حلوه! نبي نموت خلاص ! نبي ربي ياخذ روحي تعبت !
تعبت واني نبكي يوميا ف غرفتي وجدران غرفتي شاهدة ان كل ليله نرقدش الا وني نبكي ! تعبت تعبت والله ! هو مش عدم رضا بحالتي ! بالعكس اني راضية بكل شيء حتى برجلي الصناعية ! انا راضية على كل حاجه وديمه حَريصه على اني نكون راضيه ، نخاف قلبي يقعد فيه ذره سخّط حتى ومتعمده نحسس نفسي ديمةة بالرضا مهما صار ، مش حيصير إلا الخير ،، كل الخير ! بس تعبت منن دنيا منن ناس منن كلشيء نبي نرتاح خلاص 💘 " "‏"يارب شخصًا يُناجيك لأجلي إذا اخذني الموت يومًا ونُسيت كأنني لم أكن ، اللهم شخص لا ينساني ، يقف كل ليلة بين يديك يرجو رحمةً لي ونورًا لقبري .. فتسمعه وتجيبه."💘"
كانت كل كلمة تتردد ف ودنني ااه ي صفاء قداش عانيتتي ف حياتكك !! رغم هادا كله كنتي مبتسمه مفقدتيش الامل كانت صبورة مثال لاي شخص ! وقدوة ليه ! قعمزت ف سريري ولافه وشاحها ع يدي ونشم فيه ونبكي
" هادا كلام منني انني الكاتبة ! قصة صفاء قصة حقيقية ميه ف الميه ! قصة خالتي يلي كانت اقرب شخص ليا وهالقصةً جسدتهالكم ع شكل روايه ! كانت اطيب شخص واحن شخص ممكن تشوفه وديما مبتسمة والكل يحبها مفيش مرة زعلت حد او جرحت شخص ف كلام ! تزوجت ايوب وعانت معاهه لمدة ثلاثه سنوات !!!! حتى بعدين رجعت ليبيا وتطلقت انني اختصرت الوقت باش يتماشى مع احداث الرواية ! بس هي عانتت ثلاثه سنين ! وموضوع مرضها ورجليها وكل مرة يبترولها صبع عانت فيه خمسة او ستة سنين !! لن سلمت روحها وتوفت ف يوم " 12/4/2018 " يوم الخميس الساعه عشرة الصبح !! كانت صبورة هلبا مهما تالمت متبينش لحد مكانتش حابة ان تكون عبء ع حد ! وف اخر حياتها ! صارلها نزيف ف دماغ كانت حاسه ب الم هي وعارفه انها مريضة بس مبتش تمشي مستشفى ! قالت ياسر خمسة سنين وهي ف مستشفيات تبيش خلاص عييت منن علاج وادوية ! لليوم يلي قبل م ترقد فيه غيبوبه كنا معبعض ونضحكو ونغنو وانصدمت يوم جمعة خشت غيبوبه ! وبعد اسبوعين فارقت الحياة خلاص ! مستحيل ننساها ومستحيل شخص عرفها ينساها ! الكل تاثر ف وفاتها ! وكذالك زوجها السابق ووقت عرفت بموتها بككي لنن عيي وقلب الدنيا !! كل م نتفكرها عيوني يدمعو لا اراديا مكانتش تخلي حاجة ف خاطر حد تخدم وتسوق وتعتمد ع روحها فرحانه بحياتها وتحمد ربي ع كلشيء ! وانشاء الله تكونو استفدتو منن قصتها عرفتو شنن معنى كلمة " كفاح " وصبرر ادعولها بالرحمة كلكم "
نرجعو لروايتنا !
مر اول يوم عززي وني ف غرفة مشقادرة نتقبل هالصدمة ! مع عشية قال معاذ يلي يبي يمشي يشوف صفاء ف مغسله ومنه حيدفنوها طول مش حيجيبوها الحوش ع طول لبست عبايتي ومشيت ف السياره مع مجاهد ولميس وحناي وامي ! وصلنا مغسله خشينا كلنا كانو لافينها بالابيض !  مرت لحظة صمت علينا قعدت نمشي اتجاه المكان يلي راقده فيه صفاء وخطوات رجليا نسمع فيهم ونسمع ف دقات قلبي وصلت جنب الجثة المرا يلي ف المغسله نحت الكفن منن وجهها اااه وخلاص ع هالمنظر مستحيل ننساهه كيف وجهها ابيضض ومبتسمهه ووجها ازرققق قربت منها بستها كانت مصقعه هلباا شديت يدها ومقدرتش نتحمل طلعت طول برا قعدت ف ارض نبكي وخلاص ! مر يوم منن اسوء ايام حياتتي ! ثاني يوم سمعنا صوت دوشه برا شبحت منن روشن لقينا ايوب !! اي ايوب راجلها الاول نفسه جيي كان مقعمز ف الارض ويعيط
ايوب : ي ربيي ليشش ي ربييي يا ريت خديتت روححي قبلهاا
كان مقعمز ف الارض ويبكي زي البناتت !! مع انه متزوج وبصغارهه
ايوب : تي حوايجهها قاعدينن معلقاتت ف دولابييي اااه وخلاااااص نادمم انني نادمم والله نادمم
بس شن حينفَع الندم بعد ما دار هذا كلـه ؟ شن يلي حيفيد بعد اللي صار ؟ شن يلي حيرمم الكسر يلي كسره لصفاء ! بعد شن جاي ايوب بعد موت صفاء !! لو ناس قبل م تجرح شخص وتكسر قلبه تتفكر ان الموت اقرب منن الشعرة للانسان راه م حد زعل او جرح حد ؟ خلاص مش حيفيد ندم ! صفاء ماتت ! سلمت روحها ! بعد عانت ف حياتها ! عانت مع ايوب وتحملاته ! وتطلقو وعرفت انه تزوج وجاب اولاد وقهرها ومعدلش عليها ! بس تو وقت عرف بوفاتها شن حيفيد !! ااه وخلاص
ايوب : ااه وخلاص وقت ريت خبر وفاتها ف فيس دبي كاملة معاش قدرت نقعد فيها ركبت طيارة وجيت ااه وخلاص ي صفااء اااه وخلاص شن درتي فيا شن درتتي
لما معاذ لمح ايوب جي طول يجري وينقز فوق كراسي وسيارات لن وصله وضربه لن عيي وطلعه برا حوش ناس شدوه بالسيف منن ايووب وقالوله عزي وهككي !
مرو يومين ف عزي وني لا ناكل لا نشرب لا نبكي لا شيء ! ف غرفة صفاء مقعمزة وبس
اني ودموع ف عيوني فتحت نقالي ع صوره صفاء وتنهدت : انتي عارِفة منن يوم عرفت بموتك خلاص كلشيء نسبة ليا تم ! معاش نتنفس زي ناس ! حتى الاكسجين مش طايقاته !
عارفة كارثةة كُل مكان كل زاوية يذكروا فيا بيك ..!
انا ليش كنت نتصل بيك يوميا ، انا ليش ضروري نحكيلك بكل شيء ، انتي ليش كنتي ف كل مكان ف حوش ! ف كل مكان عندي ذكرة معاك فيه ! ، انا ليش لما تزوجت محمد م نشوفش ف حد جنبي الا انتتي تفاصيل عرسي وكل شيء عبارة عنك انتتي ، انا ليش شفتك ف وسط حوش بعد غياب ثلاثه سنين وحضنتكً وبكيت لن عييت !!
انا ليش حطيتلك فكُل مكان ذكرى !!!
اللومان مش عليك ابداً .. ، انا اللي مفكرتش فيُوم انه ممكن نبعدوا ، انا الغبية اللي وهمت رُوحي انن كل يمشي الا انتي ي صفاء بتقعدي معاي للموت
كنت نتكلم ونبكي لن خشت عليا ربيعه
ربيعه : بنيتي نوضي تاعبه انتتي
اني : م نبي شيء
ربيعه : نوضي بنتي
شدتني ربيعه واني اغمى عليا حاولت تفيقنني مفيش فايدهه لن خش محمد قامني ورفعني مستشفى ركبولي تغذيه شوية هكي نضت ودكتور طلع
دكتور : عندها ضعفف وهلباا ف كل مواد جسمها راهو مش كويس لا ليها ولا للعيل يلي ف بطنها
محمد : نعمم
دكتور : ضروري تهتم بنفسها هي حاممل
محمد تنهد ومسح ايديه ع وجهه وابتسم معرفش يفرح ولا يزعل
ربيعه حضنت محمد : مبروك وليدي مبروك
خشو عليا محمد وربيعه لقوني مقعمزة وتغذيه ف يدي سرحانه
محمد شد يدي وباسها : فكينا منن هالجو اهتميلي بنفسك معاش بديتيً واحد
محمد حط ايده ع بطني : اتنين راا
اني شبحتله واستغربت
ربيعه ابتسمت : بنيتي راك حاممل راه وف بدايه حملك ضروري اهتمام وكلشيء
اني بدون م نشبحلهم اصلا : وشن يهم توا اني خلاص شخص ميت ف جسد !
محمد : شن شنو يهم انتتي حامل
اني معاش فارقهه معاي شيء بجديات حتى خبر حملي م اثرش فيا !! محمد نزل لوطا جابلي ماكله وجي ركبلي مدهالي اني رديتها بيدي
محمد : لجينن
اني : منبيش
محمد قرن حواجبه
ربيعه نخصاته واشرتله باش يهدا
محمد : حبيبتي ع خاطري كولي ي لجين راهو ف بطنك في روحح يمشو ناس ويجو ناس شن ذنبه يلي ف بطنك
اني عيوني دمعو وشبحتله بنظرة حادة : قتلك منبيش وخليننني ف حاللي
محمد طلع برا غرفة ولحقاته ربيعه
ربيعه : وسع بالكك معاها حامل وخسرت اعز شخص عندها
محمد : منتحملش اني را منتحملششش !! نعرف الموت صعبب بس الله يرحمها خلاص علاش تهمل ف روحها لجين ! كلنا واجعتنا صفاء بس هي مدايرة الفرق !
ربيعه : وسع بالك معاهاا
محمد تنهد : باهي ي امي
ااه وخلاص الموت صعب ! خاصة لما شخص يكون يعز عليك وتقدر تعيش بلاه !
مر شهر وني نفس حالة مشينا لحوشنا جديد اني ومحمد وربييعه ! وصفاء مقدرتش ننحيها منن بالي يوميا نبكي بعبرتي ونتفكر فيها محمد ديما يهتم بيا وبيلي ف بطني بس انني خلاص تعبت معاش خاطري ف شيء !! معاش نبي نعيش متمنيه الموت ! كنت نصلي وف سجودي نبكي بعبرتي لن مرات يغمى عليا اثناء سجود مرحلة صعبه هلبا !
كنت ف غرفتي كيف صليت قعمزت ف ارض واتكيت ظهري ع حيط ونبكي خشت عليا ربيعه ومي قعدو يهدو فيا
اني : مقدرتش ننسى وربي ! شاتنا ف واتس قاعد لتوا !! اقسم بالله الشات قاعد ! ايميلها فيس تعليقاتها مقدرتش ننسى صفاء كانت حياتي راه خالتي نصي الثاني نموت بدونها
ربيعه : ياسر بنيتي قتلتي روحك ويلي ف بطنك شن ذنبهه مر شهر ادعيلها وبسس شن حيفيد البكي هي تعذبت ف دنيتها مش ناقصه تعذبيها ف اخرتها ب بكاك هادا ! وحناك حلمت بيها فرحانه وقتلها وزعي حنة ع ناس ! يعني هي مرتاحة خير منن دنيا وعذابها ! راه توا متالمة بموضوع رجلها
خش محمد متعفلق ودف امه وضربني كففف
محمد : حولو منهها حووولوو اطلعووو برا
ربيعه شدت يد محمد وفنصت فيه : محممممد
محمد : اطلعووو براا قلتت خلونني نتفاهمم معاهااا اطلعوووووو
ربيعه ومي طلعو ممحمد قربع باب وجي شدني منن يدي بقويه
محمد : فهميني شن انتتي مريضة نفسيا ولا كيف ! اني متزوج مريضة نفسيا تبي علاج !! صفاء ماتتت الله يرحمها يلي جاي جديد شن ذنبه شنن ذنبهه تقتليه ! تي انتتي موتي ف ستين دهيه مدخليش فيكك يلي ف بطنكك نبيههه انتتي حتكوني امم !! ام انانية هككي ومتفكريش الا ف روحك تي ياسر جهل عذبتي صفااء انتتي
اني ونبكي بعبرتي : حرام عليك محمد اني امنيتي صفاء تجيني حتى ف الحلم
محمد : تي ضميه فمكك شهر وني نساير شهرر كامممل !! بس خلااص !! انني مش حنفهم شيء بتبديً علاج مع دكتور نفسيي مدخليش فيك انتتي اولدي ولدي وبعدين اقلبيي وجهك كان بتموتي
محمد طلعع منن حوش متعفلق وني قعمزت ف سرير نبككي بس كلامهم صح علاش نبكي ونتعب ف صفاء ! مفروض ندعيلها وبس ! ومش حيوصلها شيء غير دعاء ! هي صح فكرة موت صعبه بس متجيش نبكو ونعيطو ! ضروري نكونو صبورين ! ضروري نعرفو كيف نتصرفو ! وني تصرفت غلط نسيت روحي نسيت عيلتي نسيت محمد ونسيت انني حامل وضروري نهتم بروحي حتى لو مش ع خاطر ع خاطر يلي ف بطني ! قعدت نبكي شوية ف غرفتي ونراجيً محمد نتصل بيه مقفل لن جت ساعه اتنين ف الليل هو روح !
شداته امه
ربيعه : توا مروحح ! كيف تضربهاا كيف تمد يدك عليهاا اصلااا حامل هيي ! ومرتك وحبيبتك وهي ف صدمة حاليا بدل م تساندها تضربها
محمد : ياسر ! ضروري حد يديرلها ححد انني معاش متحمل العيشه هاديي كل ساعه تبكي كل دقيقه يغمى عليها كل ثانيه شادة صورة صفااء كل نص ساعه وشاح صفااء تي هي حامل زفت ترحم روحها وترحمنا معاها
ربيعه : انتت ضربتها ! ابصر شن مدايره ف روحها توا منن بكري ف غرفتها منزلتتشش
جريً محمد ع غرفة لقاني مقعمزة ع سرير مجرد م شفته نضت حضنته !
اني : اسفه هلبا اسفه محمد
محمد قعمزني وشد يدي باسها : اني اسف مديت يدي عليك بس انتتي جبرتيني
اني : محمد انتت عارف كمية حبي لصفاء ! اني تاثرت هلبا والله ! صح يلي درته غلط نوعدك خلاص حنوقف بكيي وندعيلها بسس وحنهتم بروحي وعد وبيلي ف بطني ، وكذالك حنمشي للدكتور نفسي نتعالج اني موافقة.
محمد ابتسم وباس راسي
اني : خاطري نحلم بيها والله امنيتتي بديت ندعي نشوفها ف حلم
نضت توضيت صليت دعيت ربي وترحمت ع صفاء وهلبا ! لما رقدت تصدقوً اني حلمت بيها اقسم بالله حلمت بيها ! كانت مدايره تسريحة وممكيجة ولابسه ابيض وقايمة تغذيه ف يدها وتضحك وقتلي تعاللي ودارتلي باي كانت ف سكة قطار جنبها وهي فرحانه هلبا وقتها ! لما حلمت هالحلم فرحت هلباا حسيتها مرتاحة ف اخرتها ! واخيرا شفتها حتى ف الحلم راضية بيه ! راضية بطيف خالتي ! يلي كانت جنبي ومفارقتنيشً راضية بالانثى القوية يلي عرفتها !
مرو ايام وكنت نمشي لدكتور نفسي تحسنت حالتي وتعالجت وديما نتفكر ف صفاء كل م نتفكرها نبتسم وندعيلها بسس ! لن حان وقت ولادتي ومحمد مهتم بيا لابعد حدود جبت بنوتة عسللل سميتها صفاء طولل وهي اصلا نسخة صفاء كانت! من بعدها حياتي تحسنت وهلبا بدخول صفاء جديدة ع حياتي ! كملت قرايتي مع ان كلهم مشجعونيش وقالولي مش حتقدري توثقي بين قرايه وخدمة والخخ بس لا تحديتهم وكملت قرايتي وخديت رخصة طب وبديت نخدم ف مستشفى !
نحب نقولك متستلميش ! حتحققـჂ̤ اهدافك مدامك مؤمنة بِـ ذاتك وواثقة فـ نفسك ، وتتجاهلي كل مـ‏ᘓɹ̇ يوقف فـ طريقك ودَافعي ؏ احلامك كأنها جزء مـ‏ن روحك بدون خوف 💕! وني حلمي نبدا دكتور وحققت هالحلم رغم ظروف !
مهم مرو عشرة سنين نرجعو للواقع اني دكتوره لجين كنت ف خدمة ف مستشفى نتامل ف سرير ف غرفة عناية كانت راقده فيه صفااء لن خش عليا محمد وطلعناا حط ايده حول خصري وجينا طالعين نهدرزو
محمد ابتسم : ضروري كل م ندور عليك نلقاك اهني ! نقال خارج تغطية عرفت مكانك طول
اني : شاطر تعرف مكاننني حفظتني
طبعا محمد بدي يروح ييا ويوصلني خدمة معاش يبيني نسوق لان ف يوم درت حادث اني وصغار قريب قتلتهم 😂
طبعا بنوتي صفاء حاليا عمرها عشرة سنوات تقرا صف خامس وهي نسخة خالتي صفااء ف كل شيء شكل او طبع ونفس الهدوء ونفس ضحك ونفس كل شيء سبحان الله عندي ولد عمره ثمانية سنين اسمه يزن نسخة محمد يغار ع خواته وعصبي هلبا بس حنين ويحبني وليدي المفضل عاد دلوع امه يقرا صف ثالث ، وبنتي تقرا روضة عمرها خمسة سنين اسمها دارين هادية وطفولية هلبا شخصيتها يحبها الكل ، والصغيرة بكل "روند" حبيبة محمد عاد م يرضا فيها شيء عمرها سنتين بسس وعيلتي جميلة وبوهم محمد المهبول يلي مهبلني !
مشيت اني وحميدتي روحنا بصغار من مدرسه وروضة طبعا روند مع ربيعه ! روحت حوش درنا غدي تغدينا بعدين خشيت كوجينة نطيبلهم ف كيكة
خشت روند شادة رجلي وتبكي
اني : رونند نححي منني ! صفاااء زودي شدي اختككك بنقتلهاا انني طلعوها منن كوجينة
روند قعدت تبكي
خش محمد قام روند : خيرك تكشخي فيها انتي بشوية
اني : انتت يلي مدلعهااا تحملها ههي مترضاش فيها غصة شوكةة
محمد : انتي موليه عصبية معاش تكشخي عليها
اني حطيت يدي ف نصي وقرنت حواجبي: تعرف تقلب وجهك انتت وبنتك منن علياا لان شياطين الحمرر كلهم جنبيي وبتنوض عليا حالتتي تواا وني بنطلع برا حوش ونخليهولك
محمد قعد يقلد فيا : وني بنطلع برا حوش ونخليهولكًك ودورو منن يهتم بيكم ويديرلكمً ماكله حتضيعو بدوني
محمد ضحك وشبحلي : دسكة كل يوم ضروري منها
اني حذفت كاشيك ف كوجينة وشبحت لمحمد : والله م تتحشم وابرد منن دمك مفيشش
وركبت غرفتي متعفلقهه شوية هكي جي يزن حب حياتي وليدي العسل
اني : شنفي حبيبي
يزن : الابلة اعطتنا واجب معرفتاش
اني : قعمز حبيبي
جت صفاء
صفاء : ماما انني ضميت كوجينة خلي يزن انا نقريه انتتي تاعبه
اني بست خدها : حليلي منن يلي تساعد مش زي خواتك البقرتين مع بوهم الثور الكبير
خش محمد قايم روند ودارين تلعب ف رجليه
محمد : اهمي اصل النكد  الام وولدها
اني : استغفر الله
محمد : صفاء حبيبتي خودي خوتك وخشو الغرفة العبو
صفاء : حاضر بابا ، ههي يزن وروند ودارينن خنلعبوو " لودو "
اني ابتسمت لان صفاء الله يرحمها تعشق هاللعبه
مهم طلعو صغار وني بننوض محمد شدني من يدي وضمني ليه
محمد : شنفي
اني : انتت ديما معع روند ودارين وواقف معاهم ع الغلط ومدلعهم وخص نص روند يلي شوية تانيه بتضربني
محمد : زي م انتتي مدلعهً يزن
اني : مش مدلعاته
محمد ابتسم : ااي واضحح امالا علااش م تخليش حد منن صغار يرقد جنبنا الا يزن
اني : اااء
محمد : رددي هيي
اني : حوول منني وبرا لبناتك
محمد : تي انني نحبك قداش عندي لجين ي ام صغاري وحياتي انتتي نحبكك ومهبول فيك مهما كبرتي ومهما الحوش تعبى صغار حتقعدي انتتي نمبر ون صدقيني
محمد باسني وني حضنته وابتسمت
طبعا مي تخدم معاي ف مستشفى وعندها ثلاثه بنات منن مهاب ، لميس عندها ولد وبنت ، مروة حاليا عندها ستة اطفال تكر فيهم محمود مجابش صغار معاذ جابوله بنتين عسل نسخته ولارا تزوجت عبدو حياتنا حلوة هلبا ! وهادي نهاية قصتي نعرفش قصة الكفاح لمني تعطوها ليا انني يلي حبييت محمد وف نهاية خديت انس وتعبت معاه وعذبني بس حمدلله بعد طول هالكفاح خديت محمد ! او تعطو هالاسم لخالتي صفاء يلي كافحت وتحملت راجلها واهانته ليها ! وكافحت وواجهت المرض رغم ظروف وكلشيء الا انها كانت متحملة ! منعرفش لمن تعطو اسم المكافحة بس اني نعطيه لخالتي ! نشوف فيها انسانه عظيمة بجديات والعظيم هو الله طبعا ! اني لو كنت مكانها مكنتش حنتحمل يلي تحملاتها ههي ! .
وهادي نهاية روايتي يلي كانت تعبر ع احساسي الكبير وحبي لخالتي انشاء الله تكون عجبتكم ! واستفدتو منها ! منن ام لجين اعرفو ان مش كل شيء فلوس راه الفلوس حتمشي ف نهاية يلي حيثعذ الشخص نفسهه ! منن محمد يلي بعد موت شيرين كان مسكر قلبه تماما بالعكس هالشيء غلط ! يلي مات ادعوله بالرحمة ف النهاية كلنا للموت وكلنا بنموتو بعمر محدد م حد حيموت وراء حد ! منن لميس يلي هانت مجاهد ف بدايه وسمعت كلام صحبتها لان مجاهد معنداش فلوس ! وحبت انس وشوفو انس شن دار فيها !! بس ف نهاية كان نصيبها مجاهد ! معاش تشوفو للناس بسطحية تعمقوً ف اشخاص بعدين احكموً عليهم ! محمد شبح للحين بسطحية هلبا ! وخدي فكرة عليها منن مبدا ان عندها فلوس واكيد حتكون مرتاحة ! بس بعد تعرف عليها عرف انها تعاني هلبا ! متحكموش ع ناس منن برا ! كل شخص عنده اسرار وحاجات داخله ! الشيء يلي برا مرات يظهر عكس يلي داخل !
اما صفاء هالانسانة سكتت هلبا قدام راجلها وتحملت رغم انه غلط بس هي صبرت عليه !! وف نهاية شوفو شنصارلها منن كتر م سكتت لن تفجرت ! متسكتوش ع غلط هلبا ! حاولو تمشو مرة مرة بس مش ديما ! شدو احيانا ! اصبرو فان الصبر مفتاح الفرج ! كافحوً باش تحصلو ع شيء يلي تبوه لان الشيء يلي يجي بالساهل مليشي فرحة الفرحة بالشيء يلي كافحت وعانيت باش توصله اهني حتحس بحلاوه النصر !
رسالة لجماعة طب مهما سمعتو كلام او احباط تدوروش ! لجين لما تزوجت وجابت قالولها انها مش حتقدر تكمل قرايه والخ بس لا كملت وتحدت الكل وبدت دكتور كافحو ع خاطر حلمكم تتخلوش عليهه الضعف والتخلي ع الحلم للجبناء وانتي ك بنت حواء عمرك م كنتي ضعيفه وجبانة !
لجين لما سيبها محمد عانت بكت وتعبت هلبا ! اغلب بنات نشوف فيهم هك بفراق الحبيب تحساب نهاية دنيا لا يا عزيزتي مش نهاية دنيا انتي بنت حواء يكسركش ولد ادم ابداا ! ليش هو اكسجين ! ميه ! هو امك ! بوك ! لاا طبعا لهذا تقدري تعيشه بلاه ! زي م عشتي قبل بلاه تقدري تكملي بدونه ! معمرها نهاية دنيا كانتت شخخص !  يلي يرحل يجي غيره واحلى منه تزعليش ع فراق حد ! عمرك ما تخافي تخسري حد لان الشخص الصح مينخسرش يا عزيزتي ! كوني انتتي كوني واثقه بنفسك ويلي مكتوبلك حيصيرلك صدقيني ! اما انك تنهي حياتك ونفسك ع خاطر شخص تافهه حي يرزق سيبك برضاه لا ! طز فيه !!
اكسري كل القواعد وديري المستحيل باش تحصلي مرادك مً تسمعيش كلام ناس واحباطهم ليك !! هما يقولو " تجري الرياح بما لا تشتهي السفن ! بس اني نقولك تجري الرياح كما تجري سفينتنا
نحن الرياح و نحنُ البحر والسفنُ.💘🔥 !! "
اسفه لو بكيتكم ف هالرواية بس هادي قصة حقيقة ضروري نوصلها كامله ! محبيتش ندير شخصية صفاء البطله باش تتاثروش هلبا ! باش هكي دخلت قصة لجين ف نص 💕
انشاء الله تكون رواية عجبتكم شكرا لاي شخص علق ولو تعليق بسيط ودعمني فرحت هلبا بتعليقاتكم !
استنوني في رواية جديدة 💕>>> " وتيني "