35
انس قعد يدور يمين ويسار لقي سلاح ف سيارة قامه وابتسم وكمل وسواقته باسرع سرعه
اما شيرين ف بدت تفيق شوية شوية
شيرين حطت يدها ع راسها وتلقط ف انفاسها بصعوبة وتحاول تتفكر يلي صارر ! تفكرت شنصار وحاولت تتستجمع قوتها باش تنوض وتكلم محمد ! لقت نقالها مكسره انس ! قعدت تدور ع نقالها تاني يلي بعتت مننه صور لمحمد ! كانت مش قادرة تمشيي لن لقت نقال ف شنطتها استندت ع حيط واتصلت بمحمد
شيرين : محممد محممد
محمد : تتي واخيرا رديتي شنصار
شيرين : محمممد الححق لجين ي محممد انس حيقتلها انس عرف كلشيءء الحق لجين
محمد : شنووو
سكر محمد خط وبدي يرعش وطلع يجري ومعاذ يحاول يوقفه باش يفهم شنصايرر
محمد : انس عرف كلشيء يً معاااذ بسرعهه جمع شباب والحقوني حيقتل لجين لو موصلناش حيقتلهاا
معاذ : هي هي استنانني
محمد مدورش وركب سيارته ومشي معاذ طول وراه بسيارة هو وعبدو وشباب تاننين ف سياره محمد كان سايق بسرعه وعكس طريق وفوق مرشبيدي وفً طريق مخالف ع امل انه يوصل بسرعه
معاذ : تي خير امه محمد سايق بهالسرعه تي السياره بيقلب امها
عبدو : تي شويةة وطيحها منن فوق كوبرري اتصل بيه يهدي سرعههه
** عند شيرين قعمزت ف كرسي لن قدرت تستجمع كل قوتها وخدت الاوراق وركبت تاكسي وقتله مكان حوش محمد وصلها وخشت لربيعه لقت راسها مضروب داوتهولها وتمددت ترتاح شوية وبالها مشغول ع محمد
_____
مجاهد وهو حاضن لميس : نحبكك
لميس : مجاهد بنقولك نبي نمشي طرابلس
مجاهد : بعد كل هالسنين بتمشي
لميس : ااي نبي نمشي للجين ونستقبلها لما يلقوها وهكي
مجاهد : حاضر منن عيوني
مجاهد سكت شوية : وموضوع امك
لميس : متناقشنيش فيه امي منبيش نكلمها
مجاهد : متجيش ي لميس راهي امكك هادي ! وانتتي طول مدة فاتت متبيش تكلميها وهيي حاولت تكلمك بس انتتي كنتي تصدي فيها امك ف نهاية
لميس قلبت عيونها : منناقشنيش ! وينها ف عرسي حرمتني منن احلى يوم ف حياتي !! وخدت منني سياره وسكرت حساباتي ف مصرف تحساب همي فلوس واني بنرجعلها ف نهاية ! وبسببها اني خسرت اختي الوحيدة ! وبرضو بسببها بوي تغرب ف امريكا بروحهه !! انني عندي اب واخت بسسس امم معنديشش
لميس قعدت تتنفس بصعوبه ومجاهد طول شدها قعمزها
مجاهد : اهدي اهديي خلاص حبيبتي خلااصص
لميس : ميه ميه
مجاهد طول صبلها ميه وهي شربتها وقعدت ساكته
مجاهد : انتتي حامل متتعبيش روحك
**
ف نفس وقت بتول كانت ف كوجينة تدير ف شاهي للميس
بتول تبتسم : ايوا وهادا للموستنا العسلل ! عشبة اكليل الجبل
شدت بتول الشاهي وقامت الكيسة بتاع العشبه بتلوحها ف كناسه شوية خشت مريم عليها بتول طول توترت وحذفت ورقة ف كناسهه
مريم : خيرك
بتول : ااء ااء بنرفع شاهي للميسس حامل وهككي
طلعت بتول وخلت مريم ف حيرة
مريم قامت حاجبها ولوت فمها وحطت يدها ف نصها " منن امتى بتوول تود شخص او تمد يد العون لشخص "
خشت مريم كوجينة وناشت سلة كناسة " حشاكم " وطاحت سلة وبالغلط شبحت كيسة بتاع العشبة قربت منها قرتها
مريم : ححي هادي عشبهه !!! بسس !! تي عشبة هادي باش تخلي الحامل ترممي وبتوول ! ححي
وطول ركبت مريم لغرفة لميس لقت بتول مبتسمهً وبتمد طاسه للميس طول مريم جت وبزعت طاسه
لميس : شنففي
مريم : لا لااا مدايرتلك فيها عشبةة ردي بالك تاخذيها
لميس شبحت باستغراب : عشبه شنو
مريم : بتول مدايرتلك ف الشاهي عشبة بتاع اكليل جبل تخلي الحامل ترمي
بتول : اءا شن تقولي لا لا
مجاهد طول ضرب بتول كف
لميس : مجاههههد
بتول طلعت منن غرفه وخشت غرفتها ومجاهد نزل يعيط ينادي ف خوه
لميس : حي عليناا
مريم شدت لميس : توا انتتي كويسة
لميس دموعها نزلو وشدت بطنها : وليدي ي مريمم حيعلياا
نزل مجاهد يعيط وينادي " معتز " العيلة كلها جو مخلوعين
ام مجاهد : شنففي
هالة : معتز راقدد
مجاهد : فيقوههه فيقوه يشوف عمايل مرته المصونههه
ام مجاهد : خيررها شن دارتت
مجاهد : حاطهه لمرتتي عشبههه باش تخسر يلي ف بطنها
هالة : نهار احرف
سجى : كيءءف كيف صار
مجاهد : نحمد ربي ان مريم شبحتها وجت قتلنا ان شاهي ف عشبة !!
جت بتول نازلة تبكي ووراها معتز
بتول : تتيً تكذب وانتم تصدقوهاا
معتز : شنفيي
بتول : تعال معتز اسمعع قالو ان اني حطيت عشبة تطيح البيبي ف شاهي للميس الخير فيا جايبتلها شاهي
مريمم : لو مش مصدقيني برو خشوً كوجيننه حتلقو باكو العشبه
وفعلا مجاهد خش الكوجينة وطلعع باكو العشبه
بتول : والله م اني هادي اكيد مريمم حسدت لمميس لانها حملت مرتين قبل ورمت ف متبيش اول حفيد يكون للميس
مريم : ااء
مجاهد : بتوول متكذبيشش الكل يعرف حسدكك
معتز : ههي مجاههد مرتي هاددي شن عرفك ان عشبه دارتها بتوول
مجاهد : تي مصح وجهك مصدقهاا ! الشاهي جاباته بتوووول اصلاا
ام مجاهد : متتعاركووش انتت وهو يلي جايبه عشبة اكيد عندها كمية تانيهه مجاههد برا لدولاب بتول فضيهه كلهه ومعاك هالة ومعتز برا لدولابب مريم شوفهه كلهه
اول شيء ركبوً لغرفه بتول وهي ترعشش وتبكي
بتول : معقولة تشكو فيا معقولة
معتز : خلي يتاكدو بسسس
هالة فتحت دولاب ونكتت حوايج كلهم ولقو عبوات تانيه للعشبه معتز قعد مصدومً ويشبح لبتول
بتول : اكيد مريم...
ومعتز قاطعها طول بككف
معتز : تواا تقيمي شنطتكً وتمشي حوش امك
بتول : معءءتز
معتز : حوش امكك
مجاهد : خليهاا اصلا اني ولميس بعدين ف اليل بنتحركو لطرابلس هالحوش معاش مقعمزلكمً ف امهه !! اليوم حاولتو تقتلو العيل ابصر مره جايه يموت بالرسمي ولا شن
مجاهد شد لميس وجبدها وراه وخشو غرفتهم قاللها وتي شنطتك وشنطتي بيمشو طرابلس
___
عندي اني كنت ف غرفة نوم نتفكر ف محمد ونبتسم ! لن سمعت صوت فتحت باب غرفة لقيت انس خش ويدف ف كومدينا ويحط فيها وراء الباب
اني : شنففي
اننس هجم فيا وخنقني : شننفي صارر محمدددد هااا محمممممد ؟
اني معاش قدرت نتنفس حاولت ننحي يده منن رقبتي مقدرتش ضربني كفف وطيحني ورجع شدني وضربني وفجاءة طلع سلاح اني خلاص خوف قتلني دموعي ينزلو وخلاصص
انس : صارر تحبيهه صارر تتي بنقتلهولكك
اني ابتسمت منعرفش منن وين جتني قوة بس خلاص معاش فارقه معاي : ااي نحبهه ومتخافش هو حيجي يقتلك محمد وعدنني
انس : ترحمي ع روحككك
ف نفس الوقت محمد وصل عماره نزل طول لقي باب حديد مفتوح ، بالمفتاح حاول يفتح الباب تاني بس مباش واعطاهه تيرو قلعههه طوللل وخش لقي انس مقابله شاد سلحح كان موجهه عليا خلاص ! رغك صوت الباب بقويه انس مفاقش ع روحه ولا شيء بالعكس قعد موجه سلاح عليا وعاطي باب بظهره ويبتسم ف ابتسامات غريبه ، فهاللحظه محمد خش خبط انس بونيه وطلعت طلقه منن سلاح انس جت ف مرايا
معاذ وشباب لوطا كيف وصلو سمعو الاطلاق
معاذ : نهارر احرف
وركب معاذ جري لقي محمد طايح ضرب ف انس واني ف ارض شادة رجليا ونبكي
محمد : بنقتلككك شن تحساب روحككً نراججي فهاللحظة قداش ليا
جي معاذ حضني وباس راسيي وطلب منن باقي شباب يقعدو برا وطاح ضرب ف انس هو ومحمد قداش م ارتحت وحسيت تعب سنين كلهه ردهولي محمد ومعاذ تواا
معاذ : محمد ياسرر خلاص مات
محمد : ياسرر صار وربي منيش موقف لن خلاااص
معاذ شد محمد وهو دفه وكمل ضرب ف انننس ضربه قريب قتلهه ودم انس عبى الغرفة
كنت نشبح لمحمد ومبتسمة " فعلا الافعال هي يلي تبين هل شخص يحيك او لا مش الكلام ! ومحمد اكدلي توا انه يحبني ومستحيل يحب بعديي "
محمد : خسرت كلشيء راه شركتك فلوسك لجينن ! وبو لجين حيطلع سليم متخاففش ! وتوا ارمي طلاق ع لجيننن
انس ابتسم وخدي نفس عميق : ولا ف احلاممككك
معاذ ضرب انس تيروو : طلقهاا
محمد : ميفهممش هكككي
معاذ هز براس لا وحذف سلاح ل محمد
محمد : اسمع ابدا اضربه منن رجليه لن يتربى ويحس بالالمم ويتادب
محمد صوب سلاح ع انس
اني حطيت ايديا ع ودني وغمضت عيوني
محمد ضرب رصاصه بس كانت ف الارض بين رجلين اننس
انس : لاااا لااا خلااص
محمد ابتسم : ايواااا تواا ارمي عليها طلاقق
معاذ : راهو محمد يلعب بيك بس اني صدقني الطلقه يلي بتطلع حتكون ف مكان يلي نبيه مفيش يما ارحميننني
محمد : ارممي عليها الطلااق توااا
انس سكتت
محمد طول ضربه طلقه ف رجلهه اليمين انس عيط
انس : لجينن انتتتي طالق بالثلااثهه وقت سمعت هالجملة خلااص زي مية مصقعهه صبتت ع قلبيي قداش م ارتحتت غمضت عيوني بقوية لثواني وكلمات انس تتردد ف ودني وفتحتهم ودموع طول نزلو
محمد ضرب انس شوية وكمل وقعمز ف ارض اتكى ع حيط ويتنهد داههش منن ضرب اننس كانن فارد رجله وتانيه تانيها نص ركبه وحاط يده عليها وقايم راسه ويبتسم
محمد وهو يمسح ف لحيته : قيموه الكلبب اهوو
معاذ : تو نوصله للدروج بتيرواتتت زي بمبلة الغاز هادا مستواهه
خش عبدو ومعاذ طلعو اننس
معاذ : فيي هلبا دوة بيناتكم انني برا
طلع معاذ وسكر باب ! اني كنت ف حيط حاطه راسي بين رجليا ومحمد مقابلني قعدنا ف سكوت لمدة خمسة دقايق ! بعدين نضت قعمزت جنب محمد وحطيت راسي ع ركبته وشديت يده بستها
محمد : مش مصدق يلي صارر واخيرا ي لجين واخيرا تفكينا منن هالبلوة ! تعرفي ثلاثه سنين وني نحاول ننسى ذكراياتنا وكلشيء مقدرتتش
محمد ابتسم: وقتها عرفت ان في ذكرياتت متموتش لاكن تقتل الشخص نفسه ! انني متت ميه مرة صدقيني كل دقيقه كل ثانيهه ! صح بعدنا مسافات هلبا يس قلبي مكانش الا عندكك ي لجين
اني حضنت محمد وابتسمت : نحبكك هلبا والله نموت فيك
محمد بيده مسحلي دموعي وهو عيونه دموعو : يلاا باش تواا بنمشي نقرا فاتحتك طوللل
اني ضحكت : تتي غير اصبرر
محمد : مفيش صبر مفيششش
اني : خنطلعو
اني وقفت ومديت يدي لمحمد وقف وقام حاجبه : بالك عابيه تتطلعي وتريسس كلها برا ! قعمزي اهنني خنشوف وضع ونجيك
اني هزيت براسي حاضر
طلع محمد لقي معاذ وشباب
محمد : انس وين
معاذ : الكلب لو سمحت حرام فيه اسمه
محمد ضحك : وينه به
معاذ : ف سياره لوطاا
محمد : خنمشو ههي
معاذ : وينها لجين
محمد : ف دار بننزل انني وشباب وكلمها تنزل وطول للجامع معاذ ااا بنقرا فاتحة طول
معاذ ضحك : الصبر مش فيي شيء اسمه عدة طلاق م طلاق
محمد : منفهمشش انني
معاذ حضن محمد : نروحو حوش ونتفاهموو
مهم نزلو شباب شوية خشلي معاذ شد يدي ونزلني ركبت معاه ف سيارة شوية نزلو شباب منن سيارات وضربو سلاح ف سمي ومعاهم ومحمد بعدين طلعنا وهما يبيبو ويغنو ويصفقو وني كنت بنطير منن فرحةة خشيت حوش جدي فتحتلي سعاد وانصدمت وقت شبحتني خدتني باحضان وبوس شوية جت لمىى ومروة وكذالك احضانننن وصلت وسط حوش كانت صفاء تمشي بالشوية عليها لن وصلتني وحضنتني وهي تبكي وني نبككي وسلمتت ع محمود وع ملاكك مرة محمود وحولت ملاكك نلمح اممي قدامي وقت شبحتني عيونها دموعو ولا اراديااا وقفتت !
معاذ : اخءءتتي
اني بدون تفكير طول جيت حضنتها ! صح يلي داراته معاي غلط بس ف نهاية امي وواجبي نحترمها حتى لو زعلانه منها ! معاذ قالي انن امي مقعدة ووقت خشيت عليها منن صدمة وفرحة وقفت !
سعاد : اليومم فرحتنا فرحتينننً رجعة لجينن وفاطمة وقففت
معاذ : ثلاثه ي حاجة محمد يبي لجين
سعاد ضحكت : لادت لادت ورجعتله
اني : اممي نوضي نتمشو شوية ف صالة
امي ابتسمت اني شديتها منن يدها وتمشينا شوية ف صالة كانت تمشي بس بصعوبه حمدلله وخلاص مع تدريب وهك حترجع حركتها عاديةة قعمزت اممي ومشيت حضنت صفاء شفت رجليها وكمية الالم يلي فيها وهي مبتسمة وتضحك وصابره رغم هذا ! عيوني دمعو لا اراديا وحضنتها وحاولت منبكيش باش هي متحسش بشيء !
شرين نقال معاذ
معاذ : اني طالع محمد برا
سعاد : محمد دخلهه دخلهه نسلمو عليهه
امي : اي اي دخله معاذ نبي نشوف راجل بنتي ونعتذر منه
معاذ ابتسم وطلع نادىً محمد
معاذ : انزل بيسلمو عليك
محمد : تبصر اكيد
معاذ : نساوين يبوك
محمد : تي نساوين ي راجل شن بنخش
معاذ يضحك : والله انزل تفاهم معع مرتك وام مرتكك
محمد : والله ماهي صايرة
معاذ ففتح باب سيارة لممحمد : تي انززل
معاذ نزل محمد وهو وقف قدام باب مطبس راسه طلعتله سعاد
محمد ابتسم : شنحالك ي حاجة
سعاد : متحشمم خش خش عيلة عيلتتك وحوشكك
معاذ : تي قتلهه ! جو متحشمم
معاذ حضن محمد وخش بيهه ومحمد يشبح لمعاذ ف شبحات بتاع حنقتلك ي معاذ
خش محمد سلم ع كل وسلم ع امي
امي : اهلين بمحمد اهلين بسيد رجاله يلي واخد قلب بنتي سامحني وليدي ع غلطتي معاك منعرفش وين كان عقلي بس توا لجين امانهه وحنسلمهالك انتت
محمد قعمز ف ارض وباس يد اممي : واني حنكون قد هالامانه انشاء الله
سعاد : قعمز محمد قعمز
قعمز محمد جنب معاذ وهدرزو شوية
محمد : خنوض اني
سعاد : تي خليك
محمد : مرة تانيه ي حاجة توا بنجيب عيله بيجو اهني يوشوفوً لجين
معاذ : قعمز قعمزز مازال وقت طويل
محمد بصوت واطي لمعاذ يلي مقعمز جنبه : ي ولد كلب طلع اممي توااا الحوش يتعبى نبدا سعاد وانت مبروكة ولا شنن
معاذ يضحك : علي صوتك ي محمد خيرك متحشم
محمد عفس معاذ : صدقني حنقتلكك
معاذ ضحك : ههي احني طالعين
طلعو معاذ ومحمد وطول طريق محمد يسب ف معاذ مهم مشي محمد لحوش اماليه جاب شيرين وامه لينا وجت مي وميسون ولارا وحوش تعبى وطبعا لارا خطبها عبدو صاحب معاذ شبحها ف عرس معاذ ولمى وعجباته وطلب يدها منن معاذ وتقدملها بشككل رسمي وعرسهم قريبب !!
مهم نسرعو احداث شوية تاني يوم فقت مرتاحة وفرحانه نزلت كوجينة لقيت معاذ
اني : معاذ بوي وينن
معاذ وهو ياكل : خيره مش اتصل بيك
اني : اي خيره مجاش
اني : اي خيره مجاش
معاذ : يبيش يشوف امك ديما معانا بالاتصال وبس
اني تنهدت : مفروض يرجعو لبعض
معاذ : بعد هالعمر
اني : وعاددي
معاذ : مرات بعدين يجيك مهم اني طالع معع محمد بنشوف اوراق طلاق وناكده ف محكمة وخلاص
اني : تمام
_____
عند محمد وصل شيرين بترجع تركيا ورجع للحوش
محمد : اممي اني بنحدد فاتحتي منن لجين
ربيعه : تي اصبرر عدة طلاق تتم
محمد : مدخليش منعرفش عده طلاقق !
ربيعه : تي شن متعرفش كلام ربي
محمد : نبي نتزوجها وتمينا
ربيعه ضحكت : تي اصبر تتم العدة وطول تزوجها
____
قعمزت ف حوش جي بوي وجت لميسس خديتها بالاحضان وبوس فرحت هلبا لوجود عيلتي جنبي !
كنا نهدرزو اني وامي وبوي ولميس ! بوي ولميس زعلانين يتكلموش مع امي
اني حضنت امي : معقولة بنقعدو متوزعين هكي طالما رجعنا وتجمعنا خنبدوًًً منن جديد ولميس انتتي حامل حيبدا عندنا حفيد ضروري يتربى ف عيلة متماسكة العيلة هي اساس كلشيء
بوي تنهد : ونعرف ان عيلة اساس كلشيء بس امك مخلتش عيله !
امي : نعرف روحي غالطه بس الله غالب غلطه شن ندير ! معقولة الغلطه هادي تنغفرش ! اني اسفه وهلبا
لميس عيونها دمعو طول حضنت اممي
بوي ابتسم وشد يد امي
_____
عند معاذ ومحمد كان معاهم مجاهد وعبدو مشوً محكمة كملو اجراءات طلاق وبعدين مشو مقر طلعو انس ربطوه وغمضو عيونه ركبوه ف كوفن سياره ورفعوه لمكان خلي مخلي قعمزوه ف ارض ونحوله العصبة منن عيونه ! انس كان ايديه ورجليه مربوطين قعد يشبح يمين يسار لقي عبدو ومجاهد ومعاذ ومحمد محاوطينه منن جميع الاماكن وشادين اسلحتهم وموجهينها عليه
معاذ : جيت لقدرك
محمد : مرة هادي مفيش سماح
مجاهد : يلي درته ف لجين مستحيل حد ينساهه
محمد : شوف انتت ف كندا مطلوب وف امريكا محكوم عليك اعدامم ونسبة ف ليبيا انني اوراقك وكلشيء وصلتهم للشرطة وبعد اجراءات واللخ اليوم الصبح اصدرو قرار باعدامك حال يلقوك وقتتي وصدقنني انني يلي بنقتلك ع ايدياا
جت سيارة درست كانت سيارة شرطة يلي طلبو منها تلقي القبض ع اننس ومحمد كلمهم بموقع بتاعهمم
الولد : ميه ميه محمد وصلناا
محمد ابتسم : تفضلو المهمة ليكمم شرطة هادي عادد
الولد طول طلع سلاحح وفضاه ف اننس وججي طايح وسلمم روحهه وانتهت حياته اهني ! محمد كان يبتسم ابتسامة نصرر طول باقي شباب قاموً جثة اننس ورفعوها
_____
بعد مرور ثلاثة شهور بوي رجع اممي وبدت تمشي ووضع تمام عيشتنا حلوة هلباا ! ولميس قاعده معانا ف حوش هي ومجاهد وقالو حياجرو حوش جنبنا ! اما محمد قعد يراجي ف عدة امتى تتم باش نتزوجو وتمت عدة بس ع خاطر صفاء وهك اجلنا عرس ! صفاء قاعده تعاني يوميا تمشي مستشفى تدير غيار قاعده تسوق ف سيارتها وتكافح وتخدم وتتطيب ف حوش وتضم ! رغم كلشيء صارلها
معع العشية كنت ف حوش جدي مع غرفة انني وصفاء وهي تبكي وتتالم منن رجلها ! بس تلعب معاي ف " لودو " وتنسى
صفاء : تعرفي طيبت عصبان بكرري بري ذوقيه
اني : كليتت منه يهبل
خش معاذ
معاذ : صفاااء غدوا نبي منكك بازينن منن تحت ايديك
صفاء ابتسمت : منن عيونني
طلع معاذ واني وصفاء كملنا لعبب مهم تم شوط وقعمزنا نتفرجو ع فيلم تايتنك وني وصفاء حاضنين بعض فجاءة صفاء بدت تبكي
اني : خيرك شنفي صفاااء
صفاء وهي تبكي مخنوقة بالعبرة
اني : شنففي ي صفااء
صفاء : اااه وخلاص ي لجين منن جههة رجلي توجعع فيا تعبتت ! ومنن جههة ايوب تزوج ي لجين وعنده ولاد
اني : وكيف عرفتي
صفاء : قاعده ضايفاته ف فيس منزل صوره ولاده ي لجين تخيلي
اني : فوتتيه متدوريشي خليك صبوره زي م نعرفكك ومتعدليش ي صفااء حسبيالله ونعم وكيل فيهه هو سبب يلي صايرلك توا !!
صفاء قعدت تبكي وحاضنتني وني نحاول نهدي فيها لن سكتت ورقدت شوية نزلت لوطا مع حناي فتحت فيسس لقيت فيي علاج بالاكسجين لجماعه سكر للرجل وناس شاكرينهم هلباا مكانهم ف دبي ! قلت نكلم معاذ باش نرفعو صفاء تتعالج معاهم غادي ! وتتحسن حالتها وترتاح منن الالم معاذ وافق ع هالشيء وحددنا رحلة لدبي ! كانت بعد اسبوع ! مشيت اني ومعاذ وصفاء منن مطار طول للعيادة حجزنا موعدنا وبدينا علاج وقتي تكاليفهه كانت غاليه هلبا بس كلنا معع بعضنا تجمعنا ودفعنا السعر حمدلله قدرنا عليه ! مبيناش نحسسو صفاء بشيء قعدنا ف دبيً شهر وصفاء يوميا تتعالج كان علاج مؤلم هلبا ! دكتور يفتحلها جرحها ويدخل حديدة داخل الجرحح ينخرهه وينظفهً ويعقمه صفاء كانت تبكي هلبا وني جنبها شادة يدها ونبكي لبكاها والمها معاذ مكانش يتحمل ! خش مرة وحدة معاها وانهار منن البكي منن قساوة المنظر !! مر شهر علينا وصفاء فرحانه يوميا نطلعو فيها ! وندهورو فيها ! وتعالجت خف الالم هلبا ! كانت صفاء متفاءله وتستغفر وتحمد ربي ع كلشيء ! مهم كملنا فترة علاج وروحنا ليبيا مر شهر ورجعت رجل صفاء توجع فيها رفعناها لدكتور وسام ! بس صدمنا قال ان رجل ضروري تنبتر كلها منن اسفل الركبة ! جتنا صدمة كلنا وصفاء كذالك جتها صدمة ! م سمعناش كلام دكتور وشفنا دكاترة تانين وكلهم نفس الكلام ! صفاء منن كتر الالم يلي فيها هي طلبت انن تدير العملية وخلاص ! حددولها موعد عمليه وخشت بتديرها كنا كلنا برا ندعولها وخلاص كملو دكاترةً وطلعو
اني : شنصارر
مروة : كملنا عملية واهي توا راقده بمخدر تمانيه ساعات اقل شيء باش تنوض
معاذ : نوضو روحو وارجعو باش صفاء لما تفيق حتكون نفسيتها تاعبة وقت متلقاش رجلها ! ضروري كلنا نكونو جنبها
وفعلا روحنا ورجعنا بعد سبعة ساعات راجينا شوية صفاء فاقت مجرد م فتحت عيونها ابتسمت
صفاء : الحمدللهه معاش في المم حمدلله ي ربي
كلنا استغربنا منن رد فعلها توقعنا حتبكي هلبا ! بس هي حمدت ربي بجديات هادي قوة !! قوة وصبر وتحمل !! اول مرة نشوف شخص هكي !
مر كم شهر منن عملية وركبنا رجل صناعيه لصفاء وبدت تمشي بيها ووضع طيب ! وتطلع وتخش وتخدم تدير حلويات وتبيع فيهم ! كانت معتمدة ع نفسها وشادة حوش تضم وطيب وكلشيء ! مرو ايام وجي اسبوع عرسي مشي ع خير اكتر وحدة وقفت معاي صفاء ! م خلت شيء ينقص ف عرس كانت شادة كلشيء ! يوم العرس للبست فيلو اخترته انيي وحبيتهه كنت ف مزين نراجي ف سيارات يوصلو
اني : وينن صفاء
مروة : مشعارفه ف حجرة تانيه شوفيها
خشيت حجرة لقيت صفاء لابسه قفطان منفوخ حني دانتيل منن جهة الايدين ومدايره مكياج وشعرها ! ومقعمزة ف كرسي وجهها احمر ومطبسة راسها وحاطه يدها ع راسها
اني : شنفففي
صفاء : شيء شيء صداع شويهه
اني : ليك مدة هالصداع لن معاش تقدري تتنفسي ، نمشو مستشفى ؟
صفاء : ونبي ياسر مستشفيات كرهتهم ! فكوني منهم وني كويسهه صداع بسيط وبسس !
لن وصلو سيارات وسمعنا صوت تبييب طلعنا شدني معاذ منن يدي وركبني سياره وباقي بنات توزعو ف سيارات وصلنا صالة خشينا ع " اسماء الله الحسنى " دخلوني بوي ومعاذ لابسين بدله وشكلهم يهبل ! شفت يمين يسار لقيت ككل يلي نحبهم جنبي والكل يرقص وفرحان ! شوية هكي جي دخلني محمد ف تدريجةً تانيه كان قارن حواجبه وشادني ومرة مرة يوشوشلي كلمه ويبتسم ويمسح ع لحيته ! لحيتة سودااء مرسومة رسمم وتحليقته تهبل !! وبدلة زايده فيه النص ! وقفنا ف منصة ومصورة خدتلنا كمم لقطةً وانصدمت محمد قدام الكل باسني انني تحشمت ووجهي تقشرر
محمد بصوت واطي : مش وعدتك نديرها !
ولعولنا اغنية ورقصت اني ومحمد كان حاط ايديه حول خصري وقراب هلباا منن بعضنا ! انفاسنا مختلطه كانت ! وقصينا تورتة ووكلنا بعض ، وطلع محمد ، مر وقت ف عرس لن خلاص بنطلع نروح
حضنت صفاء وقعدت نبكي " بجديات الخال ام تانيه وني اكتر وحدة قريبه عليا صفااء ! " حضنت باقي عيلة وركبت سيارة مع محمد كان هو سايق شد يدي باسها
محمد : اليوم انتتي حلالي
اني ابتسمت : نحبك هلبا
محمد : نمشو فندق اليوم وصبح طيارتنا
مهم وصلنا فندق ومعانا جماعة ورانا بالسيارات خشيت انني غرفة وقعمزت ف سرير ومحمد ودع شباب بعدين ركبلي قعد متوتر يمشي يمين ويسار معرفش شن يدير
محمد " تشجع ي راجل مرتك توا ! تي شنصاير راهو نفسها لجيننن "
بعد مرور نص ساعه وني ف سرير ومحمد ماشي يمين يسار جي قعمز ف ارض وشد يدي باسها
محمد : يعني اليوم انتتي حلالي قدام الكل
اني سكتت
محمد : نحبكك هلباا
جي محمد قعمز جنبي ف سرير وجبد الطرحة وبدي يفكليً ف تسريحة
محمد : نوضي بدلي وارتاحي شوية
اني : ااطلع به
محمد ضحك : راجلكك توا
فجاءة قعدت نبكي بدموعي : نبي اممممممي
محمد : تي شنففيي
اني : نبيي بوووي نبي اممميي
محمد : لجينن
اني : نبيي اممممي
محمد : متزوج بيبي ولا كيففف
انيي : نبي اممميي
محمد شدنني منن شعري وقاملي راسي فوق وحط خشمه ع خشمي بديت نشبح لعيونهه وبسس
محمد : اسسسس اسسسس ولا صوتتت
اني سكتت شوية
محمد : ولا دموع ولا بككي
اني هزيت براسي حاضرر
محمد باسنني وساعدني باش نبدل الفيلو وني ساكته ومتحشمة منن عار يلي درته ، بدل محمد ورقدنا ف سرير جي وراي وحضنيً قعدنا نهدرزو لن خدانا النوم ،
ثاني يوم فقنا فطرنا وطول طيارتنا ع ماليزيا جي معاذ وصلنا مطار قعدنا شوية ونادو ع طيارتنا حنمشو منن اهني للشارقه نقعدو فيها ترانزيت ثمانيه ساعات وبعدين لمطار ماليزيا ! مهم كانت رحلة متعبهه ورومنسية شادة يد محمد وجنبه وف حضنه وخلاص مهم م صدقت وصلنا ماليزيا كانت ساعه عندهم خمسة فجر طول خدينا تاكسي مشينا فندق
محمد : لو سمحت عندي حجز باسم محمد ال&(&
الرسبشن : اسف الحجز هادا يبدا ساعه اتنين ظهر
محمد : نعمم
الرسبشن : اسف ي سيد ساعه اتنين ظهر
محمد : كيف اتنين ظهر اهياا
محمد جاي بيضرب الولد انني شديته
اني ابتسمت : كيف لو سمحت
الولد : ي انسة شوفي الحجز اهوا موجود عندي هو غرفة وحيده فاضيه صاحبها حيطلع مع 12 م بين نظفناها ساعه اتنين جت
كان ولد يتكلم انجليزي وباسلوب ومحترم بس محمد متعفلق
اني شديت يد محمد وطلعنا برا فندق
محمد : تي شن في الهم
اني : اهداا ساعه اتنين نخشو وريحني خلاص حجز ساعه اتنين مكتوب عنده
محمد : عليك حالهه
كانن فيي جردينه قريبه ع فندق قعمزنا فيها كنت مقعمز ف كرسي ومحمد حاط راسه عً رجليا ومتمدد قعمزنا برا لن جي موعد فندق ومشينا خشينا غرفة تهبلل وسط حوش كبيرر وغرفة نومم وحمامينن يهبل كان منن ناحية كلشيء خدمات وديكور واثاث محمد خدي دوش ولما طلع لقاني راقده ف صالون قامني مددني ع سرير قعدت نفتح ف عيوني ونبتسم ونشوفله شديت لحيته وبسته
محمد : ارقدي ارقدي بعدين دوشي حبيبتي ارتاحي
اني غمضت عيوني وحضنت محمد ورقدت
_____
في ليبيا ساعة عندهم كانت تسعة ف الليل وقت احني عندنا خمسة فجر ف اليوم يلي بعده معع العصر
مروة : خنطلعو سوق ي بنات
صفاء : ااي هي اصلا نبي حاجات
لمى : ااي تتمشي معاناا
مروة : خلاص هي ساعه هككي ووتو روحكم
مرت ساعة وبنات وتو روحهم لمى وملاك وصفاء ومروة ولميس باش يطلعو سوق وطلعو فعلا وشرو حاجات ومكياج وروحو للحوش
____
ف فندق
محمد جاه اتصال رد ولما سمع خبر جاته صدمة وملامح وجهه تغيرت !
اني كنت راقده بديت نفتح عيوني محمد واقف مقابلني يتكلم بنقاله شفته حاط يده ع راسه ويقول " لا حول الله "
طول نضت
اني : شنففي
محمد سكر خط وابتسم جي قعمز جنبي : تتي وءءلد معاي مات قالو الله يرحمه !
مشعارفه حسيته يكذب بس مدورتش وحضنته
اني : ساعهه كم حبيبي
محمد : كان بنقولك حتنصدمي
اني : كمم
محمد : ساعة 2 ف الليل حاليا
اني : كيف كيف
محمد : تتي امبكري جيتي اني دوشت وانتتي رقدتي
اني : حيعليا نومي بينقلبب مدخليش فيكك بتفيقق معااي ، خنتصل بعيلهه نطمن عليهم واي فاي مفتوح
محمد جبد نقال منني ورقدني ع سرير وجي فوقي حضني وباسني
محمد : توا نوضي دوشيي باش نطلب عشاء كنت نراجي فيكك بعدينن كلميهم
اني : باهي ممكن تنحي
محمد ابتسم : ولو مبيتش ننحي
اني ضحكت : ندفكك
محمد قعد يدغدغ فياا لن خلاني خلاص ونضت خشيت دوشش....
وهادي حلقات يوم شن تتوقع يصير منن يلي اتصل بمحمد باش انصدم !! وشن قالوله حلقة الجاية الاخيرة
أنت تقرأ
كفاح امراءة ♥️
Romanceالانسان ديما يكافح ويكون صبور مهما صارله من حاجات سيئة ، لازم ان يكون عنده إيمان قوي بربي وان الله مستحيل يخلي عبده وزي م نعرفو ان الله اذا أحب عبدا ابتلاه ، ومهما تعبنا ف هادي الدنيا صدقوني ثمرة التعب هادا كله حنلقوه ولو مش حنلقوه ف الدنيا حنلقوه ف...
