كفاح امراءة ♥️

الحلقة السابعة ♥️

مهم قمت عيوني وجو ف عيون محمد وهو طول طبس راسه
محمد : اني نستاذنكم توا
بوي : شكرا محمد هلبا
محمد : ولو واجبي
طلع محمد ورجع ركب الاصانصير مفهمتش ميتوبش ولا كيف 🤦🏻‍♀️💔 وني نتبع فيه بعيوني
اني : خلاص بابا اني توا احسن مش محتاجة مستشفى بنروح حوش
بوي : تمام اني اصلا عندي خدمه هي يعقوب
طلعت نزلت بالدروج طبعا توبة هالاصانصير يلي قريب يقتلني معاش راكبة فيه 🤦🏻‍♀️😂
ركبت سيارتي خطمت ؏ شركة ليبيانا طلعت شفرة بعدين مشيت لحوش جدي ♥️
_________
لميس روحت الحوش لقت عيلة انس واصلين ويهدرزو خشت سلمت
لميس : كيف الحال
امي : وهادي لموستنا جت
انس :اي الحوش كيف نور
لميس شبحتله وابتسمت : بنركب بناخد شور ونبدل ؏ سريع ونجي
لميس كيف بتطلع غمزلها انس وهي ركبت
دوشت لميس ولبست شرط للركبة اسود وفلينية واسعه ابيض عليها كتيبة بالانجلش وربطة راس لونها احمر وطلقت شعرها ونزلت ♥️
جت خاشة لقت انس بروحه
لميس : وينهمم
انس : ركبو يشوفو حاجة شن هالجمال
انس شد يد لميس ولودها وقعد يشوف لجسمها منن فوق للوطا
انس : مولية احلللى وبهلبا منن اول يوم شفتك فيهه
لميس تحشمت وطبست راسها : حتى انتت
جت سارة نازلة لميس طول بعدتت منن انس
سارة : اي لموسه شنجو قرايه انني مرات نبطل فيي واحد يبيني
جت امي وعبير نازلين
عبير : اي مقتلكشش واحد طلب يد بنتي قاعدين نفكرو ، مشاء الله عنده شركتين تصدير ذهب تعرفو وقنين قل هو الله احد
امي : مشاء الله مشاء الله
________
جيت حوش جدي لقيت حناي سلمت عليها بالاحضان
اني : استاحشتكك شن وين باقين شنجو جدي
طبعا علاقتي بجدي مش قوية عاديه يعني وسطحيه هلبا هلبا
سعاد : محمد خدمة ومعاذ راقد والفرختين مروحوش منن جامعة لتوا  تاخروو ونتصل بيهم مقفل الزوز
فجاءة انفتح باب شارع وخشو
صفاء بصوت واطي : هششش اكيد يكونو راقدين يقيلو خنركبو بشوية قيمي سبيدروك ف يدك واركبي طول دار
مروة : هي هي
وجو خاطمين وبيركبو دروج احنني كنا مقعمزين ف غرفة الجلوس ولما تطلعي منن غرفة الجلوس ؏ يدك اليسار تلقي دروج هما كانو راكبين بشوية
سعاد : تعاللي جاي ‏Ⴢ̤ فرخة انتتي وهي
صفاء : انفضحنا
سعاد : تعالو تعالو
صفاء جت حضنت امها ♥️
صفاء : اوو يا غاليه استاحشتك شفتلك وصفه ف نت بنديرها للغداء تواا ، حييي لجلج حيوانتي
جت خالتي حضنتني وبعدها سلمت ؏ مروة
صفاء : هيي م تبو شيء بنشوف الوصفة توا بنديرها واليوم الكوجينة عليا يا اممي ارتاحي بس وضم ؏ مروة
مروة هزت براسها ايي
فجاءة نسمعو صوت معاذ يعيط ويقول " مقتلتهاش مقتلتهاش ماتتت ماتت والله م قتلتها " وكان يعيط وهلبا نضنا جري خشينا الغرفة لقيناه عرقان ويعيط وهو راقد
سعاد : بسم الله معاذ معاذ وليدي فيقققق
صفاء : مدي ميهه
قعدو يبخو عليه ف ميه وفجاءة ناض وقعمز وكان داهش هلبااا سعاد حضناته
سعاد : اهدا اهدا وليدي كنت تحلم اهداا ♥️
معاذ نحى منن امه وخش حمام
سعاد : نفس الموضوععع
صفاء : ضروري يشوف حل لروحه موضوع ليه هلبا خلاص عاد
اني كنت زي الاطرش ف الزفه : موضوع شنوو
صفاء : فوتي تو نقولك عليه بعدين غير تعاللي تو نحكيلككك ؏ يوم جمعة
اني : وخيرك وطيتي صوتك وقت قلتي الجمعة
مروة : تتتي سكري فمكك معاذ يسمعنا
اني : شنفي جمعة
صفاء : تتي اسس شن نسيتي
صفاء سكرتلي فمي بيدها بعدين تفكرت جمعة بيجي ايوب بيتكلم ف خالتي😂♥️
اني : اووووو تفكرتت
صفاء : طيب فيك
جي معاد
معاذ : شنن كان غرفتي بدت غرفه تقعميز تي اقلبي وجهك برا انتتي وهي
اني : تي غير سلم ؏ بنت اختك شن كنت بايته معاك
معاذ ابتسملي : السلام عليكم ومع السلامه يلا البرا 🌝♥️
حناي طلعت واحني قعدنا نشبحوله
معاذ قعد بدور ؏ حاجة : تتي اعطوني مصيبهه نخبطكم بيهاا
صفاء ومروة طلعو وني وقفت مقابله
اني : اسمعوو انتتم برو شوية ونجي نبي الخال القنين ف موضوع
معاذ ربع ايديه وقعد يشبحلي : شنففي
اني ربعت ايديا وابتسمتله : لمى
معاذ سكر الباب وجبدني قعمزني ف سرير وقعمز جنبي
معاذ : خيرها شنفي صارلها شيءء
اني : لا م صارلها شيء بسس
معاذ : باهي مصارلها شيء ليش تكلمي فيا عليها ولميس متخبي شيء ف فمها زي الهم
اني : معرفتش منن لميس لارا كلمتني لمى عرسها الاسبوعين جايات
معاذ : شنوو
سكت معاذ شوية وني سكتت تجمعو الدموع ؏ عيونه ووجهه بدي احمر وعروقه بانو وعيونه حمر وفنص فيا
معاذ : اطلعي برا دار
اني : غيرر دقيقه بس اني مكلمتش كلامي
معاذ : منيش سامعه
اني فنصت فيه : لا بتسمعهه اول شيء كل يلي قالتهولك بشرى كذبب لمى تحبك وبالسيفف عليها خدت ولد عمها وبوها غاصبها حارمها منن كل شيء وحتى منن قرايتها هيي واختها والله لمى تحبك وهلباا ومتكذبش ف ولا حرف
اني قعدت نتكلم مع معاذ وحكيتله كل يلي قالتهولي لارا وقعدت نقنع فيه ان لمى تحبه
معاذ : يعني بشرى كذابه
اني : تتي مصحوجهككك هادا يلي استنتجته منن كلامي
معاذ ضحك بالجنب وخبطني : تتي تحشمي خالك يا فرخه 😂
اني : ايوا ؏ الابتسامة مهممم لمى تحبك وهلبا والباقي شغلك شن بتخلي علي ولد عمها ياخدها منكك بالسيف ل حاجتك ويلي يقرب منن حاجتك شن يصيرلهه
معاذ : هههههع يلي يقرب يخلص ولا لا يا بنت الاخت
اني : ايوا هادا خالي يلي نعرفه
معاذ مسح ؏ لحيته : الباين حنرجعو للعب تاع قبل وللضرب 😂😂😂
ناض معاذ فتح دولابه وطلع السلاح وشبحله : بالدم
اني : لا لا يا راجل رد البلي الاحرف مكانهه والله نعيط لحناي تي مش هيي قتلك معاش نبي حاجات زي هككي لا لا والله نعيطط
معاذ : تي سكري فمككك تو تسمعنا تجي
طبعا خالي كان يخدم ف مليشيات وهك ويوميا عركة حناي نقت عليه لن سيبهم بس اصحابه كلهم غادي قعد مدة فايت الجو هادا واحني نحسابو خلاص فاته بالرسمي بس توا طلعلي السلاح قلبي طلع معاه
اني : اسمعنني حلها بس مش بالطريقة هادي
معاذ : مليكش علاقه نحلها بطريقتي يا غاليه خالك وتزبطينيي
اني : هادا وين حسيت ان ردتلك الروح 😂
اني كنت مقعمزة ف سرير ومعاذ واقف جنب الدولاب مقابلني لابس كنتيرا بيضاء وشرط قصير برتقالي ف الاخضر
اني : غير شن هالشرط يلي لابسه وووكعليا 😂😂😂😂😂😂😂😂😂😂😂
معاذ : تي تحشمي واقلبي وجهك برا قوليلي شن اسم ولد عمها قبل
اني : اسمه علي ال )£)£
معاذ : تعرفيش وين يخدم ولا وين حوشه
اني فنصت فيه : وشن تبي فيه اسمعني مشاكل منبيش ترا
معاذ : غير سكري فمك وجيبيلي هالمعلومات ومش حندير مشكلة
اني : اسمع اني توا ماشيتلهم بنعطيهم شفرة بالدرقة باش نقعدو ؏ تواصل معاهم
معاذ : شفرة تي بسرعه بسرعه اعطيني الرقم هياا
اني : تو نسالهم هما قبل
معاذ : تي تسالي امكك اعطيني رقمها الشفرة
اني : ف السيارة هيي
معاذ : ههي رجلي ؏ رجلك للسيارة
جيت طالعه ومعاذ وراي
اني : شن بتطلع بشرط البحر هادا تقول عيل عمره خمسة سنين تي بدل
معاذ : هيي تو نجيك
اني نزلت لوطا سلمت عليهم ♥️
صفاء : شنففي بينك وبين معاذ
اني : تو نقوللك بعدينن بعد تقوليلي ؏ مشكلة معاذ طبعا غير توا بنطير سلام
ركبت سيارة وجاني معاذ ركبت شفرة ف نقالي وعبيتلها رصيد ودرت رنه لمعاذ
اني : هي باي
معاذ : اسمععي
اني : شنن
معاذ :....
اني : مصحوجهكك
معاذ : غير هيا وراس بنت اختي
اني : نفكرر
معاذ : تي هيا
اني ابتسمت : به
مهم ولعت سيارتي ومشيت
______
محمد كان ف غرفته يدير ف تمارين ضغط لابس كنتيرا رصاصيه وسروال اسود اديداس وعضلاته يجلطو خشت مي
مي : محمد ماما تنادي فيك قتلك هيا الغدا
محمد : نبيش نتغدا
مي : هياا
مي ركزت ف التخبيشة يلي ف يد محمد وقعدت مركزة وساكته طبعا هادا اثار يدي وقت شديت يده ف الاصانصير
محمد شبحلها عيونه حمر : قلنا نبيشش
كان فيي كرة ثلج ف طاولة متاع محمد مستها مي
محمد : ههههي خلي امها واقلبي وجهك برااااا
طلعت مي
ربيعه : وينه
مي : مباش بري شوفي يده فيها اثار تخبيش
ربيعه : تخبيش شنو
شوية هكي خشت ربيعه ؏ محمد
ربيعه : وليدي نوض كول
محمد : قلنا مانبيش ولا خلوني نتمرن ف حالي
ربيعه وهي تشبح ليده وهو يتمرن : مش واكل انت
محمد : الهم الاحرف تو ناكل يما والله ناكل
ربيعه وهي مركزه ف يده: براحتك
طلعت ربيعه وسكرت باب شرين نقال محمد ناض منن تمارين كان صاحبه مجاهد فتح الخط وفتح المايك وحطه ف طاولة جنبه وكمل تمارين ♥️
محمد : هاا
مجاهد : الو
محمد : اخلص شنفي
مجاهد : ...