كفاح امراءة ♥️

الحلقة الثالثة ♥️

كفاح امراءة الحلقة الثالثة ♥️
ثاني يوم فقت منن نوم ؏ نغمة نقالي كانت صاحبتي نورس تقرا معاي وصاحبتي بعد لاار طبعا 🌝😂 مهم كم مكالمه هك وني نسكر بعدين رديت وني شبه راقده
اني : هاا
نورس : راقدهه تي نوضيي جامعهه اني ف كلية بتتاخري يا ويلك منن الدكتور
اني : حيي نسيتت بككل هي دقيقه
سكرت عليها ونضت جري خشيت حمام غسلت وجهي توضيت صليت لبست سروال جينز وسورية لونها اصفر ف قهوي ووشاح شيفون قهوي وكعب وشنطة ؏ قهوي نزلت لوطا لقيت ماري مدايرتلي فطور
اني : وينن امي ولميس
ماري : راقدين الزوز
اني : شن لميس عندهاش جامعة اليوم اكيدد لااا
ماري : الفطور
اني : لا لا تاخرت تو ناخد اي شيء ف جامعة
مهم ركبت سيارة ومشيت وني ف طريق لقيت كافي شن بنفرط ف روحي طبعا لا خنخش ناخد شيء ؏ سريع ونمشيي ، مهم درست سيارة ؏ سريع نزلت طلبت نسكافيه وبريوش خديتهم وجيت طالعه لقيت واحد لابسة سورية رصاصيه وسروال اسود قدام سيارتي ويمشي ويجي وشكله متعفلق طويل هلبا وعريض ولحية مرسومة وسوداء وشعره يهبل لابس نظارات شمسية
اني بابتسامة : عفواا
الولد : عفوااا صارر مسكرهه ؏ امنا الطريققق مبروكك كان شريتتيه تتي شن تحسابيه طريق بوكك مسكرهه ؏ ناسسس
اني : اسف...
الولد : فعلا حمار يلي قال ان نساوين عادي يسوقو تي شن هالغباء صبحح زفت ومتاخرينن تقابلنا اشكال مقلبه زي هكي نهار الاحرف ، حمير يعرفوش يسوقووو ولا يعرفو يدرسوو ناقصات عقل ودين فعلاا
اني طارتلي منن كلامه وفنصت فيه وكيف مديت يدي قدام وجهه
اني : منسمحلكشش
الولد كان شاد نقال ف يده وبنقال نزلي يدي
الولد : غالطه وبتتكلمي هلبا علينا هكي تفضلي حولي ام سيارتكك عندك خمسة ثوانني يا بتحولي امهها يا شوفي شن بندير واعتبريه تهديدد
واعطاني بظهره وخبط مرش السيارة متاع الروشن الخلفي بيده وركب سيارته اني وبدون نقاش ركبت سيارتي ووخرت خبطت سيارته طاحت الطارقه القداميه 🤦🏻‍♀️♥️ اني نزلت وهو نزل خلاص قلت حيقتلني يا ناس فرق طول بيناتنا مش طبيعي
الولد قعد يصفق : ميه ميه رخصة مزين ميه مههه سلميلي ؏ يلي عاطيك الرخصه بس
اني : خود رقمي وتو نصلحهالكك
الولد : رقمككك
الولد اشر بنقاله وحطه قدام وجهي : حركات البنات هادي بتاع اعطيني رقمك وواحد ماتمشيشً معاي فخليك بنت ناس واحترمي نفسك
اني منن صدمه تفكيره لن شهقت وقعدت ساكته
الولد : شن مدايره فيها مخلوعه تفضلي حركي سيارتك تو نصلحها بروححي عليك حصلهه
الولد قام طارقة وركب سيارته واني زي المهزبه ركبت سيارتي وطلعت مشيت شوية بعدين درست سيارتي ووقفت نستوعب ف الموضوع وف الهزيبة يلي كليتها وقعدت نضرب ف روحي " تتي كيف كيف منردش عليه تي كيففف منردش نهار لاحرف مسح بام كرامتي الارض هالحيوان خزي يحسابني ميته ؏ شكله يحساب روحه قنين هو اي صح قنين بس دراه كبد تي شن هادا ونبي هي تاخرت بما فيه الكفايه "
ولعت سيارة وفطرت وطول مشيت لقيت محاضرتي باديه فتحت باب وخشيت وجاية بنتشقلب لاكن حمدلله متشقلبتش
اني وبابتسامة : السلام عليكم
الدكتور : البرا
اني رجعت ابتسمت وشبحتله : عفوا
الدكتور : البراا مفيش حد يخش بعدي
اني زي المهزبة سكرت باب وطلعت
**
عند صفاء ومروة ف جامعة ف كلية صفاء قسم علم النفس
صفاء : حي مروشتي جيتي ومحاضراتك
مروة : هربت 😂 بنهيج ف سوق معاكم ، قلتيلهم عندنا هلبا محاضرات؟
صفاء : اي اي قلت 😂
بنت ٢: صفصف اهوا يلي يبيك مرة فاتت 😂💛
ليش الكذب بس خالتي من كثر جمالها الكل يبوها عيونها واسعات ورموشها كاثفات هلبا وبيضااء هلبااا وتهتم بروحها ولبسها هلبا ومكانتش متحجبة ومروة نفس الشيء مش متحجبة بس متشبهش صفاء ابدا ف الجمال صفاء اجمل ميبانوش توام ابدا ❤️
فجاءة جي ولد : السلام عليكم
صفاء ابتسمت : وعليكم السلام 😃❤️
الولد :صفاء شوية نبيك
مروة : لااا لااا مفيش مشي
صفاء:مروة اسكتي
مشت صفاء مع الولد وقعمزت ف مكان هكي وجامعة كلها عيونهم عليهم
الولد : شنجوك صفصف ،
صفاء طبست راسها وسكتت
الولد : والله نحبك ولينا هلبااا معاش تكلمنا
صفاء : الحمد لله كويسة وانت ايوب ؟
ايوب : هههههههه هادي اجابة الكلام الاول باهي الكلام التاني شن نظامه
فجاءة جي ولد اسمه ناصر ❤️ هادا ولد مشاء الله عليه الحق ومن قبل يحب صفاء ويبيها ويهتم بيها  وهي مش عاطياته اي اهتمام تحس انه يضايق فيها وهو لتوا م اعترفلهاش بحبه بس هالشيء واضح والكل يعرفه الا صفاء تبيش تفهم
ناصر : نوض نوض من اهني روحح
ايوب : شن دخلك جامعة بوكك؟
ناصر : مش كملت وتخرجت ؟ شن تبي  توا هي ؟ يضايق فيك صفاء؟
صفاء : ناصر مدخلكش هادا حبيبي
ناصر : شنو حبيبككك؟!!!
صفاء : اي
ناصر مشي وكان متكنطي وجاياته صدمه
ايوب ؛ الحمد لله ي ربي يلي قلتيها😍❤️❤️ واخيرا سمعتها منك
صفاء : مشعارفه يا ايوب كنت مش متاكدة من مشاعري وتوا امممم
ايوب : توا شن
صفاء شبحتله وابتسمت خلاص تاكدت
ايوب : باهي اسمعي منبيش علاقتنا تقعد هكي اني بنجي نطلب يدك من عيلتك
صفاء : شنو بالسرعة هاادي
ايوب : اي منبيش حد يخطفك مني
صفاء : ايوب توا مدة جايه عرس مروة
ايوب : خلاص امالا حيكون عرسنا معاها شن رايك 😍❤️ اليوم شنو فالايام؟
صفاء: اليوم اربعاء
ايوب : باذن الله جمعة نجيكم
صفاء : امممم ايوب
ايوب : معاش ايوب حنبدا راجلك توا😍❤️
صفاء : نحبك هلبا
ايوب : واني نمموت فيك
صفاء : هي توا بنمشي للبنات
ايوب : تمام ردي بالك ع روحك
صفاء : حتى انتي
مشت صفاء لباقي البنات وواضح ع ملامحها الصدمة والفرح وف نفس الوقت اني كنت ندور عليهم وجيتهم
اني : هايي معاكم المهزب المطرود يلي ميعرفش يسوق
بنت ١ : خيرك صفو شنصارلك شن دار
صفاء : ي بناتت مش مصدقة ، لجينن تعالي الحقيني
صفاء شدتني
اني : شنففي
مروة : تي خيرك
لميس : بيجي الجمعة بيخطبني
بنت ١ : والله طلع كويس مش نيته يجري بيك 😂
مروة : متاكدة انك تحبيه؟
بنت٢ : تي من لما كان يقرا اهني هي تموت فيه بس تدير ف روحها تتجكتر 😂💔
صفاء : الحمد لله ي ربي رزقني بكل يلي نبيههه مفي شي ناقص ❤️
اني : غير فهموني منهو
.............
لمى : لاروشتي نبي نقال ضروررري
لارا : من وين بنجيبلك
لمى : الارضي ؟
لارا : مرت بوك جنبه تو تشوشد للبوي
لمى : نبي نكلم بشرى خمسة دقايق بسس واني حافظة رقمها
لارا : بس نقدر نخنب نقال مرت بوي نجيبه
لمى : كيفف
لارا : نمشو ع اساس نكلموها وانتي لهيها بالكلام اني نمشطه ونجي
لمى : هي خنمشو 😂❤️
..
لمى : مرتت بووي
لارا قعدت تركز ع نقال بعيونها ولقاته ف كومدينه يلي ع يسار مرة بوها
لمى : كنت بنقولك حاجة
مرت بوها : شن تبي !!!!
لمى : امس
مرت بوها : يا ادوي ي اقلبي وجهك اطلعي
مرت بوها مشت لدولابها بتحط حوايج مكانهم ولارا استغلت فرصة وخدت نقال ومشت تجري
لمى : خلاص اسفة باي
وطول خشو دارهم وسكروً عليهم واتصلو ببشرى
لمى: بشرى
بشرى : مني
لمى: اني ايلاف ومعنديش وقت باش نشرحلك نبيك تفهمي معاذ يلي صار معاي كله اني بجديات نحبه ومنقدرش نقعد بدونه
بشرى : اسفة معاذ يستاهل وحدة احسن منكك ، لو انتي اصلا تحبيه را مدرتيش كل شي باش تخليه يبعد عليك ، اني نحبه معاذ ومصدقت اني تقربت منه توا منبيش نخليه
لمى: شنووو
وبشرى سكرت ف وجه لمى ودارت للرقم بلوك
لارا:لمى خيرك تبككي
امى: بري حطي نقال ف صالة وتعالي نحكيلك 💔
لارا: حاضر ...
مشت لارا وجت
لارا :  هي قولي
لمى : ريتي صاحبتك لميس ؟ خالها  معاذ هادا يلي كنت نحبه وقبل نحكيلك عليه ونوصي بشرى تقوله ان لمى تحب غيرك وخاناتك وامس وقت لقيته ف عيد ميلاد كلمته وكان حيبكي
لارا: حي ع جو وليش مقلتيليش منن اول ، باهي شن حل
لمو: مفيش حل خلاص بنرضى بيلي كاتبهوليً ربي
لمى: نكلم لجين ؟ وهي تقول لخالها تشرحله
لمى:  لا لا ردي بالك تقوليلها ، بيقوللها انتي مع اخت صاحبتك
لارا: تي نقوللولها وهي تشرحً لخالها
لمى: حي صوت بوي برا خنطلعو نسلمو عليه
طلعو❤️
لمى: اهلين بابا كيف حال خدمتك
لارا: بابا استاحشتك
الاب : عاد مش فاضينلي من عيد ميلاد وهم ، المهم امبكري علي ولد عمك جاني وحددو العرس الخميس جاي لا يلي بعده
لمى: شنووووو بوي اسبوعينن طول هكي بدون م يسالونا
الاب : سكريه فمك بدون م تعلي صوتك كلموني اني وقلتلهم عادي ، وبعدها طول حتسافري مصر
لمى خشت دارها وقعدت تبكي شوية ولحقتها لارا
مرة بوها : هادي الاخبار يلي تفرح 😍
الاب : غدوا نعطيكم فلوس اشرو الحاجات الناقصة وكل يلي تبوها ، واني توا بنركب نرقد شوية
___________
اني كنت نتمشى مع صفاء يلي طايره منن الفرح
صفاء : اي قوليلي خيركً جاية كليتي
اني : ونبي فكيني منن صبح يومي زفت
صفاء : شنصارر
اني حكيتلها يلي صار وهي انفلقت ضحك
اني : تي هزبني مسح بيا قريب ضربني حسيته بهيم
صفاء : غريبه بلسانك الطويل مرديتيش عليه😂
اني : خفت ناكل فاكو كان متعفلق هلبا وحواجبه مقررونات هكي يرعش وزيدي عليها بعدها طلعت الدكتور لزني
صفاء : خنمشو جهة كليتك اكيد تمت محاضرة
مهم مشيت لكليتي اني وصفاء لقيت نورس
نورس : خيرك صبح خاشة سكرانه😂؟
اني : ونبي فوتي كلب لزني
فـ‏Ⴢ̤ بنت كانت تلقح منن بعيد
البنت : فيي ناس اليوم لزوهم ههههههههههههههههه وخشو قريب يتشقلبو هادي اخرة يلي يتشقلع ويدير روحه راقي وهو ميسواش تحساب الفلوس بتدخلها القاعه وهي متاخره
اني نضت نجري عليها وشديتها منن وشاحها مهم جت صفاء ونورس حزوها يشدو فيا وني ننقز
اني : خلوني عليهااا قداش ليااا ناويتهها تلقحح تي شن فيي بيني وبينك اصلا باش تلقححيي
صفاء : اهدي اهديي الاولاد يتفرجوو حيي ؏ العار
اني : خلوني عليهاااا
مهم بالسيف بعدوني ؏ البنت خليتها تبكي المهم
نورس : حيي ؏ العار♥️😂😂 انفضحنا
اني : ونبي بعد لزوني خلاص معاش فيي شيءءء انني بنروح معاش خاطري ف باقي محاضرات
نورس : غير خليككك عندنا محاضره "هييستو "خليك
اني : ونبي لا بطيخ لا عمك نوم بنطير الحوش تعبانه اليوم
صفاء : حضرتك شن درتيي حتى محاضرات محضرتيش 😂😂😂😂
اني : باااي
نورس : محاضره بتبدا تو نسجل ونبعتلك بااي
مشت نورس وصفاء وصلتني للسيارة
اني : شنجو جدي
صفاء تنهدت : اهو نفس الوضع
طبعا جدي مريض ف كرسي الاعاقه لا يتكلم لا شيء عنده جلطة يتفكر شوية حاجات بس مش كل شيء وميتكلمش قاعد ف الحوش بسسس وعنده ممرضه تهتم بيه وبادويته
اني : اركبي نوصلك حوش كلمي مروة
صفاء : لا لا عندي محاضرات بعدها بنطلع معع لبنات
اني : اوكك
مهم روحت حوش تاعبهه لقيت امي تفطر كيف فايقه
اني : اهلا
امي : خليك لابسه باش تمشي شركة توقعي ؏ شوية اوراق بدل بوك لانه مسافر وضروري منن توقيع
اني : فوتي تاعبه
امي : اسمععي متخلينيش...
اني : بدينا اووف باهي تو نمشي وين لميس
امي : نندريش عليها ماري قتلي طلعت بكري ، بري شركة تتاخريش
اني اعطيت امي بظهري وتنهدت ومشيت حياة مملة ممهم مشيت شركة درست ونزلت
اني : السلام عليكم
يعقوب : اهلينن انسه لجين عاش منن شافككً الاستاذ قال انه حيبعتك توقعي ؏ الاوراق الشركة نورت
اني بابتسامة : شكرا
خشيت غرفة بوي ووراي يعقوب
اني : وين الاوراقي خنوقع عليهم ونمشي
يعقوب : توقعي عليهم وفي موضوع متاع ميتينق ضروري نتناقشو فيه غير خلي محمد يجي مشي يجيب الاوراق وجاي خنطلع نشوفه تاخر
اني : اووك
قعدت واقفه مربعه ايديا ونتامل ف صور يلي ف غرفة بوي كلها شهائد وصوره
اني بابتسامة : مهتم بخدمته اكثر منا هه
**
يعقوب : بما ان الاستاذ مسافر بعت بنته هييي حتحضر ميتينق معانا وتوقع اهيا داخل
محمد : ايححح نفخ البنات مش ناقص امهه
يعقوب : تحمل عادي
**
جي يعقوب ومعاه واحد وقت شفته جتني جلطههه
يعقوب : انسه اهوا محمد جي ، محمد هادي الانسة لجين بنت الاستاذ
اني وبابتسامة قعدت نتمشى ف المكتب لن قعمزت ف الكرسي وشبحت لمحمد 🌝♥️
اني : محممد تشرفنا والله تشرفنا
محمد قعد مصدوم ويشبحلي
اني : ايي وين نوقع قتولي
يعقوب : محمد وينن الاوراق
محمد مدهم ليعقوب وهو ساكت
يعقوب : اهنني
اني : ايي تفضلو قعمزو ننتناقشو موضوع ميتينق غدوا
مهم قعمزو وقعدنا نتناقشو ؏ ميتينق وع شوية تعديلات ف شركه
يعقوب : شوفي هو ميتينق ‏Ⴢ̤ مفروض غدوا ‏Ⴢ̤ بعد غدوا
محمد : غدوا احسن كل م استعجلنا خير
اني بابتسامة : بعد غدوا يا يعقوب كل تاخيرة فيها خيرة 🌝♥️
محمد : علاش غدوا شن عندنا م فيي شيء وكل م استعجلنا فهالصفقة خير وخير بعدين انتي شن تفهمي فهالمواضيع
اني : قلت بعدد غدوا
يعقوب ابتسم : حاضر حاضر يلي يعجبك انسه ، امتى تحبي نحددو وقت ليه
محمد : جو ثمانية خير منن العصر وهك بما ان الناس اشغال
اني بابتسامة : العصر نبيه 🌝♥️
محمد شبحلي وابتسم
اني : اني نقرا ف كليه البشري ومش فاضيه الصبححح الحق
يعقوب : وعلى كمم نوافقو السعر والربح
محمد شبحلي : تفضلي
اني : وامرهم شورى بينهم ضروري ناخد برايك انت قبل انتت عضو منن الاعضاء زي م تعرف
محمد قرب وجهه وابتسم : وانتي الامر الناهي
اني : واني قلتت تكلمم
محمد ابتسم : لا
اني : يعقوب بما انككك حتجهزز اوراق الميتنق جهز اوراق طرد وفصل الاستاذ هادا واعطيه باقي مرتبه وزياده عليهم وني غدوا نجي ونتكلمو ؏ الميتينق 🌝♥️
يعقوب : بسس
اني : بس بس هادي ف اغنيه قلب قلب وين وين غايب عليا يومين ، احني اهننني ف شركه وقتلك جهز اوراقي طرده
اني قمت شنطتي ونقالي وماشيه بنطلع
محمد : مش طرد اني بنقدم استقالتي وباقي مرتبي حلال عليك يا يلي واخدة رخصة المزين
اني كنت عاطياته بظهري وكلامهه قهرني معرفتش كيف نرد اعطيته بوجهي وابتسمت
اني : انني كريمهه وانتت تستاهل ‏Ⴢ̤ غالي اعطيه مرتبه وزياده واستقالتك مقبولهه
جيت بنمشي الكعب متاعي تنالي رجلي وقريب نطيح غير شديت روحي
محمد : غير بشوية عليك عرفنا سياره تعرفيش تسوقيها تعرفيش تتحكمي بروحك هلبا😂😂😂 ستر الله سيارتي مهناش توا
اني جيت راجعه وع اساس خديت كلينكس منن طاولة وعفست رجله عفسه قنينه
اني : سورري نعرفش نسوق
وجيت طالعه
محمد : تو نعطيك كورسات كان تبي ومجانيه تخافيششش 😂😂 كيف تقودين سيارة وكيف تقودين نفسك وكيف تحافظي ؏ وزنك وايضا طريقة المشي بالكعب لو تبي
اني قمت الكعب متاعي ف يدي وطلعت قربعت الباب ركبت سيارتي  شن هالمخلوق البارد
**
محمد كان يضحك مجرد م طلعت اني انقلبو ملامحه ورجعو الباردات العصبيات
محمد : نفخ بنات قتلك شن تفهم هيي ف مواضيع شركه باش تتدخل توقع وتقلب وجها بس مفروض
يعقوب : علاش دويتت معاها بسس
محمد : خلاص ‏Ⴢ̤ راجل فكني ونبييي
يعقوب : اصبر نعطيك مرتبك الله غالب
محمد : لا تعطيني مرتبي لا شيء اصلا قاعدين بدايه شهر اهني مهم تشرفت بمعرفتك
يعقوب : غير اصبر نتصل بالاستاذ قبل وخيرها فاصله منك هي
محمد ابتسم : صاير موضوع ، لا لا م تتصل بحد بنروح اني
طلع محمد وركب سيارته وني شفته قعدت نراقب فيه بعيوني لن ركب بعدها ني وخرت وجيت جنبه بسيارتي شبحتلهً منن فوق للوطا وهو يشبحلي ومشيت جري غبرتها عليه يستاههل وقاعد قلبي محروق عليه نبي نقتله😂🤦🏻‍♀️
محمد : ودرهه شن هالبنات هادم اخر زمن بالله