معاذ : نشرب نا وياها حشيش باش الحب معانا يعيشش ، ♥️😂😂
سعاد : ريتو شن كنت نرعى ؟ هادا يلي فالح فيهه امتى ناووي ترجع تصلي اخ معاذ
معاذ : هي بنبدو الواحد يطلع يولعله سبسي ارجل
صفاء : خليه Ⴢ̤ امي ذايب ف العسلل
كيغ طلع معاذ
سعاد : مفيش صلاة مش حنمشي للمى
جي معاذ راجع : نلحق ؏ جمعة كان مشيت توا ولا لا 😂😂😂😂 ؟
سعاد : ريتوه الكلبب متدخنش باش الغداء توا
معاذ : دقيقه بسس
كيف طلع معاذ شارع وحط سبسي ف فمه جي محمود خداه ولوحه وشد معاذ دخله
معاذ : تي زففت خلونا نتهنو شوية
محمود : تغدا تغدا
قعمزنا نتغدو ونضحكو جو ملييح اي هكي العيله مش ف حوشنا تلقاهم توا ضاربهم توحد كل حد بروحه😂🤦🏻♀️
معاذ : اهم شيء لجين دخلتش يدها ف الماكله باش ميجيناش تسمم نبي نشوف صغاري قبل
اني : معاذ بتاكل ولا نجي نغطسلك وجهك
محمود : حيعليك ينوض عليها جن النساوين اسكت وكول يا بوي 😂
_______
ف حوشنا امي راقده مفاقتش بوي لوطا يقرا ف كتاب " كيف تسعد نفسك " خلاص الحاج جاه ياس منن الحوش 😂🤦🏻♀️ ولميس راقده
______
محمد فتح باب الشارع ومد راسه انني ف سياره بنعد للعشرة وصدقوني مش حنراجي حددد
ركب محمد سيارة وامه واتيه طول جت
ربيعه : اهم جايين
محمد : هيي
طلعت ميسون ركبت
محمد : ويننها تاخرت
ربيعه : راجيها وليدي
وكيف طلعت مي تلبس ف كندرتها ف شارع ووشاح طايح محمد مشي وفاتها وهي وقفت تشبح لغبرة السياره ومصدومه وبتبكي 😂🤷🏻♀️
ربيعه : ارجعلها تربح شوفها كيف واقفه بتبكي
محمد : غير شوفوها تقول حذفناها ف صحراء 😂😂😂
محمد رجع لمي وهي ركبت
مي : مبردك
محمد : خليتلك الدم العسل ليك يا غزالة😂😂 منن توا يا نبع الحنان بنخش لا تقوليلي خش سلم خالتك وخش سلم بنت خالتك وهادي بريكه ودعيكة وهم احرف ميمشيش معاي
مي : شن دعيكة جديدة هادي Ⴢ̤ محمد😂😂😂
محمد : ماه متشوفيش امك وقت تشوف اقاربها ضروري تعرفني عليهم كلهم
مهم وصلو حوش خالتهم مش حنحكيلكم عليهم كلهم هما هلبا قريب سبعه اولاد وخمسة بنات بس حاليا الاولاد ثلاثه عايشين البرا واتنين ف مناطق تانيه وواحد اسمه " ناصر " عايش معاهم مشاء الله عليه محترم وهو اصغر واحد ف الاولا باقين وبناتها ثلاثه متزوجات زوز ف مناطق مختلفه ووحدة قريبه ؏ حوشهم وزوز قاعدين ونفسالشيء هما اصغر بنات " ضحى وسجى " فرق العمر بينهم سنة وميقروش موقفين
فتحت ضحى الباب تسلم بالاحضان عليهم وقعدت تراجي ف محمد لن جي وكان مطبس راسه وقعد واقف برا
ضحى : هلا محمد
مدت يدها
محمد قعد يشبحلها
ربيعة يلي كانت واقف جنب محمد تبي ترقع اي شيء يديره
ربيعه ابتسمت : محممد
محمد سلم عليها : وينن ناصر
ضحى : قاعد مجاش خش تفضل م فـჂ̤ حد غريب
محمد : لا لا توو نراجيه برا
ضحى : علاش
محمد : هكي
ربيعه : خشي ضحىى توو نكلمه ونجي اني
خشت ضحى كوجينة لسجى
ضحى : يهبلل مولي محممد عسلل
سجى : ضروري وحدة فينا تطيحهه Ⴢ̤ وخيتتي بنسلم عليه وينه
ضحى : مداير فيها رزين مباش يخش
**
ربيعه : محمد خش يي فرخخ
محمد : اممي متخلينيش نمزق حوايجي تتي حوش مفيشي تريس شن بنخش بنصفق مع الانتايات
ربيعه : تي خالتك وبناتها خش سلم بارك لبنت خالتك ؏ الوليد شوفه
طبعا بنت خالته هادي وحدة تانيه هي جايبة ولد اول ولد ليها اسمها " يقين "
ربيعه : خش بس بارك ليقين
محمد : تتي لا يقين لا طاجين كان تفكوني وتطلعو ونبي
ربيعه : محممد ضروري تحشمنيي باهي Ⴢ̤ محمد باهي معنديش خاطر عندك
محمد : نهار احرف ضروري منن النكد تو نخش هي قوليلهم يسترو روحهم
ربيعه : سبحان الله نحس فيك داعشي نوعا ما
محمد : لا لا ونبي قوليلهم يلبسو ارواب تو نخش
ربيعه : تحشمم
محمد : تتي انتي شن تقولي يا امي ونبي سقديني
فجاءة جي ناصر سلم ؏ محمد
محمد " حمدلله انقذتني "
ناصر : وينن Ⴢ̤ ولد الخالة خش خش الحوش نور
ربيعه : منن بكري مباش يخش
ناصر : خش خش بارك ليقين وشوف وليدها
خشت ربيعه سلمت ؏ اختها وع بنتها باركتلها
ربيعة : محمد بيخش يباركلك
يقين : خليه يخش حميده مش غريب
خش محمد ومطبس راسه سلم عليهم
ناصر : شوفه الوليد محمد
محمد : مشاء الله مشاء الله ربي يحفظه
محمد حط للولد فلوس
يقين : قيمه
محمد : لا لا شن بيقيمني فيه يطيح
يقين : لا لا شده
يقين مدت الولد لمحمد وشده
مي : اصبرر نصورك بيهه
محمد : تي بيطيح بسرعهه
ربيعه نخصت محمد : ابتسمم
محمد بصوت واطي : خشي سنوني نبع الحنان
ربيعه : Ⴢ̤ ربب نشوفهه عند محممد
خالة محمد : شني حميده مش ناوي تناسبنا عندنا زوز راه ضحى وسجىىى
محمد وجهه بدي احمر
محمد : ههي ناصر
ناصر : هي هي
طلعو محمد وناصر
سجى : حشمتيه يما
ضحى : مالا شن ياخد يقربوله خير منن برانيه
_____
كنا مقعمزين ف غرفة تقعميز ومعاذ طلع معع اصحابه ومحمود ف داره
صفاء اتصل بيها ايوب ردت
صفاء : ايوا حبيبي
سعاد : تي تحشمي جنب امكك
صفاء : ؏ اسااس تعرفيش توا
ايوب : اهوو ني قدام حوش
صفاء : شنن وههعلياا
ايوب : تي اسس حسستيني متعرفيش
صفاء : بهالسرعهه تمام
سكرت صفاء
صفاء : اهواا بيطق باب اني بنرقد باي
ركبت جري صفاء دارها وباب طق
مروة : افتحي
اني : مصحوجهكم كلمي محمود يجي يفتح
سعاد : تي تو تنادوه يشك فيكم برو افتحو وبعدين نادوه
اني : تتي باهي نايضه
مشيت زي فالحه فتحت باب وجيت عيني ف عينه هالاسمه ايوب وطول طبس راسه
ايوب : ناديلي محمود ترا
اني ضحكت : وعليكم السلام اول شيء تعرف صفاء طول جرت دارها😂
ايوب : تتي بري ناديه تتسهوكي وقت ضحك هو
مهم كان طويل وعضلات عيونه واسعه لحيته خفيفه هلبا بس قنين نوعا ما عموما خالتي احلى ، مشيت جري ناديت محمود وجيت ني وياه
اني : واحد يبيك
محمود : منني
محمود شدني منن شعري
محمود : انشاء الله طالعه وشعرك هككي
اني : اااا اا لا لا كنت مدايرهه وشاح والله حذفته بعدين كلمتك
محمود : طيري به
فتح محمود باب ولقي ايوب مزبطاش
ايوب : محمود ولا ؟
محمود : وصلت خوي تفضل تفضل
خش ايوب ومحمود مربوعه وقعمزو
ايوب : كيفالحال
محمود : حمدلله
ايوب : شنجوك
محمود : بخير
ايوب : شمداير جو خدمه وهك
محمود : الحمدلله
ايوب قعد ساكت محمود شبحله
ايوب : نخشو ف موضوع طول خنعرفك ؏ نفسي
ايوب قعد يعرف ؏ نفسه ويحكي ؏ روحه
ايوب : اي والله عندك اختك شفتها وعجبتني سالت عليها وجماعه شكروك وشكروها وقالولي مش مخطوبة ولا شي ءووصفولي حوشك وقلت نجي منن باب خير
محمود طول زبطه يحكي ؏ صفاء
محمود : تسلم والله Ⴢ̤ خوي اعطيني فترة نسالو ونسالها رايها هي
ايوب : انشاء الله خير
محمود : دقيقه بس
انني ومروة كنا قدام مربوعه وف ايدينا صفرة كابتشينو ونسمعولهم لن سمعنا محمود جايي مروة طول هربت كوجينة واني ف ايديا صفره قعدت واقفه قدام وجهه وساكته
محمود : سنهه الولد قريب يروح
اني : كيف وتيناهه
محمود خدي صفره مني وخش مربوعه يهدرز ؏ ايوب وزاد خدي عليه معلومات وخدي رقمه ووين يخدم وهك
**
مروة : ااي زي م قلنالكك
صفاء : بنشخ Ⴢ̤ بنات ووكعليا
_____
محمد كان ف مربوعه وناصر خش حمام جت ضحى ووشاحها مهناش طايح ؏ رقبتها خشت لمحمد
صحى : حميدة وين ناصر
محمد : خش حمام
ضحى : اي شنجوك انت
محمد وهو شاد نقاله : كويس
ضحى : وين الهى معاي شويه
محمد شبحلها : وشاحك
ضحى : شنو
محمد : البلي يلي ؏ راسك حطيه
ضحى : فهمتش
محمد : مش متحجبة ولا ؟ خلاص البسيه مش راجلك ولا خوك اني
خشت ربيعه وسمعت جزء منن حديث ضحى ومحمد
ربيعه : ضحىى بنيتي ونبي جيبيلي ميه
مشت ضحى واستغربت ف محمد
ربيعه : تتي مالك ومالها انشاء الله تطلع عريانه
محمد : تنظم امورها مش قدامي
ربعيه : غض بصرك وريحنا
محمد : تي اني نغض بصري يقولولي اشبحلنا هي كيف نتصرف معاهم اهمي
ريعيه : ربي يصبرني
مهم مر يوم عادي شوية تانيه محمد واماليه روحو وضحى تفكر ف محمد وياخدو ويحكو ؏ جماله وقوة شخصيته
______
اما اني قعدت ف حوش جدي روح ايوب وقعدنا نراجو ف محمود يفتح موضوع ايوب ومتكلمش بكل عليه ركب داره ؏ سكوتي
**
محمود كان يكلم ف رهف يلي دايب معاها
رهف : نحبك
محمود : نموت فيك وف عيونك
فجاءة خش شخص انتظار عند محمود كانت ملاك
رهف : هادي اكيد هي ولاا اصلا نعرفك منن اول تبيها ولا كنت نهيت علاقتك معاهااا وكلمت امك عليا
سكرت رهف ومحمود رد ؏ ملاك ومتعفلق
محمود : تي شن فـჂ̤ خيركم مليون مرة نقولك انني نعرفك بعد زواج توا وجو خطوبة فكينا منن امه
ملاك : اسفه كان فـჂ̤ موضوع ضروري نكلمك عليه
محمود : شنفي
ملاك : نبي ننهي علاقتنا
محمدو : ميه ميه جت منك مش منني
سكر محمود وقعد يضحك فرح بالخبر وانه فتك منن ملاك وجت منها مش منه لن نادينه ؏ العشاء
**
ام ملاك : بنيتي متاكده ؟
ملاك وهي تبكي : ااي امي خلاص خلوني ف حالي لو سمحتي وانتي كلمي امه ورجعولهم هداياهم
ام ملاك : بوك حيزعل هلبا بالخبر بس يالله زي م تحبي Ⴢ̤ بنتي اهم شيء راحتك مع ان الولد كلهم يشكرو فيه
ملاك : خليني Ⴢ̤ امي اني مش مرتاحه قتلك وتمينا
ام ملاك : باهي غدوا نتصل بامه توا بالك رقدت
طلعت امم ملاك وهي قعدت تبكي
____
قعمزنا نتعشو ومحمود مفتحش سيرة موضوع ايوب
صفاء : تي امتى بيتكلم
اني : قريب نساله خلاص
معاذ : شنفي صفاء ولجين انشاء الله. خير تتامرو هكي
اني قربعت طاولة : خالييي بنسالك
محمود شبحلي : شنفي
اني : امبكري ولد يلي جي شن يبي
محمود حذف كاشيك : باهي يلي فكرتيني قريب نسيت هادا واحد اسمه ايوب نسيت لقبه كتبته ف نقالي متقدم للاخت صفاء وخدمته مليحه وشكله كويس مشعارفه
معاذ : تي منهو اهوا خنقتل جد اصل عمه
محمود شبح لمعاذ : شن لامتى بتحتفظ باختك ولا ناوي تديرلنا عار زي م درته ف مروة
معاذ : ااه لا لا نقصد اهم شيء يكون ولد ناس بس
محمود : اي شن رايً صفاء قبل اني بنسال ؏ الولد لو ينفع ديرو نظرة شرعيه وتمينا شوفيه ولو عجبك قوليلي موافقه نحددو عرس طول مع مروة ونفتكو بدل منن زوز
صفاء : خزي يبي يتفتك منا
محمود : والله م هاين عليا تمشو غير خليني نسال ع الولد ونشوف شن يصير
معاذ : هات اسمه تو نطلعلك جد اصله من الارض اني
محمود ضحك : اسس ي بتاع لمى
معاذ : كله منن هاللجين
اني : تستاههل
أنت تقرأ
كفاح امراءة ♥️
Roman d'amourالانسان ديما يكافح ويكون صبور مهما صارله من حاجات سيئة ، لازم ان يكون عنده إيمان قوي بربي وان الله مستحيل يخلي عبده وزي م نعرفو ان الله اذا أحب عبدا ابتلاه ، ومهما تعبنا ف هادي الدنيا صدقوني ثمرة التعب هادا كله حنلقوه ولو مش حنلقوه ف الدنيا حنلقوه ف...
