الســــفــــاحــــة الصــــهــــبــــاء🪓|🇲🇦

الحلقة2: الحنان

👭🏢يوميات بنات الميتم🏢👭
للكاتبات✒️:Victoria kaelin و Mina Abou
الحلقة2: #الحنان
💜📖الجزء 1📖💜
كلشي ناعس فظلام حالك كل نزيلة فبلاصتها و سوكا لي ناعسة ففراشها مع مينة.. مينة للي ك كل ليلة عرقانة كتحرك راسها و مغمضة عينيها... مينة حسات بشي حد طلع ليها راسها و مبقاتش كتحس بالبرد و البلل تحت راسها هزات راسها و طلعات عينيها لي محلولين بشوية و لمسات هاديك اليد الحنونة اللي تمدات ليها كانت يد بيضاء و فيها خالة صغيرة بتاسمات و حسات بالأمل و شافت حولها لقات راسها فشارع عامر بالما د الشتا و هي طايحة فالطروتوار و الشارع غادي مضوي بمصابيح الانارة و دخان بسيط غادي معاه شعرها فازگ تلفتات ملقاتش اليد لي تمدات ليها توثرات بدات كتخبط الضاية د الما حتا فاقت من نعاسها كتغوت عرقانة..
سوكا لي كانت فايقة ساهية فهاد الحالة لي هوما فيها تتفكر فشي حل و شي تخريجة لهادشي قاطع غوات مينة حبل افكارها..
سوكا:م ميينة بسم الله عليك اختي مالك تاني
مينة دموعها تيهبطو: اهئ نفس لحلمة ثاني نفسها اهئ شكون هاداك شكون
سوكا تتهدنها:صافي صافي حبيبتي تهدني راني حداك غير حلم هداك
مينة تتبلع ريقها خدات قرعة لما غرغراتها: اف اختي معرفت اش هادشي كان تيجيني مرة فشحال هاد ليامات ولا كل ليلة تنشوفو
سوكا:هه غير شيطان هداك الله ينعلو خربقتي ليا افكاري اصاحبتي بغواتك
مينة كتحك عينيها: علاه شحال الساعة ياكما دق الجرس
سوكا:لا مزال باقي لحال اصاحبتي
مينة: باقي الحال؟ و مالك فايقة ولا ياكما برزطك...
👭🏢يوميات بنات الميتم🏢👭
للكاتبات✒️:Victoria kaelin و Mina Abou
الحلقة2: #الحنان
💜📖الجزء 2📖💜
سوكا تنهدات:لا غير مقديتش نعس تنفكر شغيطرا ليوم تاني مع هاديك وصافي
مينة: اه بصح لبارح جابو الطبيب لرجلها و باينة ليوم غاتصبح علينا نيت حيت غايجيبو الطيابة الجديدة افف
سوكا بقات ساهية تتفكر:صافي صافي لقيتها
مينة: لا عافاك مقادة على عصا ولا نتسد عند لفيران
سوكا:لا لا ا لهبيلة راه ضربتي متتنوضش الغبرة علاه قشعونا فبلان حليمة هههه
مينة: اوا يالاه قولي لكن شي حاجة خفيفة
سوكا:كحزي كحزي نقولك راه حتى هاد لحيوطة لي تتشوفي عندهوم ودنين ههه
مينة تخشات فيها: امم
بقات توشوش سوكا لمينة فودنيها حتى سالات:و دابا فهمتي ههه
مينة ضربات خدودها: لااا واش بغيتي ندخلو لحبس نكملو فيه لي بقا
سوكا:اويلي علاه علاش ندخلو لحبس اودي مالنا اش انديرو كاع
مينة: اوا ا صاحبتي الا سكت ليها لقلب و ماتت
سوكا:هههه وا هاديك على رقبتي و على حسابي و الله لا سكت ليها لي مدوز على امة محمد هاد الحرب كاملها علاه غتوقع لو شي حاجة
مينة تتلعب ب ظفيرة سوكا و لاحتها: و الا عرفاتنا حنا اش نديرو
سوكا:وراه مغتعرفناش اصاحبتي غير تهناي راك عارفاني تنعرف نقلد الأصوات ههه غنبدل صوتي مغاديش تعرفو
مينة: اف (شافت فالشرجم) و اش كتسناي دابا يطلع لفجر
سوكا ناضت بشوية:واخا نتي غير حضي معايا ليشوفني شي واحد صافي
مينة: فين غانوقف دابا غاتفيق السعدية تصلي لفجر راها من نهار حلمات براسها فجهنم ولات كتصلي
سوكا:هههه وا غير لهيها ترجلي معايا شوية اصاحبتي راه لوقت مبقاتكش تلواي بغاتك تجمعي ههه (هزات واحد ليزار فييديها و تمات خارجة)
مينة متوثرة: ناري ا هادي غاتخرج علينا
بدات تسلت سوكا لكوزينة على صبيعاتها و الضو باش تتشوف فقط ضو القمر لي مضوي المكان حتى هزات من تلاجة صوص طومات و لطخات بيها ليزار و تمات طالعة لبيت زنفورة..
زنفورة لي مشات فسابع نومة بعدما دلكو ليها رجلها لبارح نعسات حالة فمها لسما..
حلات سوكا باب لبيت بشوية تتبان ليها زنفورة حالة فمها ناعسة تلحفات سوكا بليزار لي كان ملطخ بصوص طومات و مبيين ليزار بحالة ملطخ بالدم و هزات المقدة لي كانت محطوطة فلكوزينة طلعاتها معاها دخلات و سدات لباب دغيا هادشي لي خلا زنفورة تفيق من النعاس مخلوعة و لي زاد خالعها الكائن لي قدامها
زنفورة: اا م منم بسم ا بسمحمرحمن
سوكا مبدلة صوتها:زنفووورة بنت علي بنت قدوور بنت الهاشمية بنت بوشعيب السرغيني
زنفورة كتبلع ريقها و كتلفت هنا و لهيه: اهي شكون نتا بسمحمرنحم
سوكا:انااا لي غنجبد مصاارنك و نوكلهووم لكلاب عبد العاطي ولد خدووج بنت لمعطي ولد موسى لحجاام نياهاهاهاهاها
زنفورة: لل لكن عبدالعاطي جدو دجدجو مفيههممش حجحجام
سوكا:نياهاهاها كدب عليييك كدب علييييك واش انا لي غتورينيي (تتحرك فلمقدة)
زنفورة: اهي صوتك مغريبش ش ششكون نتيي
سوكا غلضات صوتها:انا رووح المرحوومة مرزووقة لي قتلتو شحااال هادي نياهاهاها جيت ناخد حقي بيدييي
زنفورة: اا اينا مرزوقة اهي انا مقتلت حد (دارتهم فحوايجها) مقتلتش اهيي
سوكا:انااا جيييت ناااخد رووحك بييدييااا نياهاهاها ليييوم غتمووتي ا زنفوورة ليوووم غتهنا منك شحال من بنت عدبتيها فهاد الميتم ناياهاهاها
مينة كتطل من لباب دلبيت حتا سمعات شي خطوات موراها و دارت بالزربة..
مينة: سسس سعدية فقتي
السعدية هازة صلاية و لابسة زيف بيض:سملحمنرحيم اش فييقك فهاد لوقت اتا
👭🏢يوميات بنات الميتم🏢👭
للكاتبات✒️:Victoria kaelin و Mina Abou
الحلقة2: #الحنان
💜📖الجزء 3📖💜
مينة: و وو واش وذن لفجر
السعدية:لا غير نضت لقيام الليل اما لفجر باقي ليه شي ساعة هكاك (قربات منها)اش مفييقك اوكان
مينة سدات لباب: والو غانضت نتوضا ساعة ملي مزال لفجر غانرجع ننعس
السعدية:علاه نتي تتصلي كاعما فراسي
مينة: اه راني حلمت تانا بحالك مسمعتيش ملي غوتت غانبدا من ليوم
السعدية:اااه اختي مزياان مزياان انا نشجعك ديك لحلمة خايبة اختي اجي نعطيك شي ادعية زوينين تقرايهوم
مينة مشات معاها ل ناموسيتها و هي كتقلب جيهة لباب..
زنفورة شادة فالحديد د الناموسية: اش باغي اهي اش بغيتيييي منيييي؟؟؟
سوكا:بغييييتك تعطي تيسااااع لكاااع بنات الميتم و متمارسييش عليهوم السلطة ديااالك و بلخصوووص مييينة و سوووكا نياهاهاها
زنفورة: لكن شكون نتااا اهي شكون فين تتعرفهوم
سوكا:انااا هنااا مراااقبهوووم من شحالل هادي حتى حاجة متتفلت بين عينيا الى مدرتيش لي قلت ليك ف غنصفييهها ليك داباا نياهاهاها(حركات لمقدة جيهتها)
زنفورة غمضات عينيها تتغوت حلاتهم لقات عيادة واقفة قدام لبيت لابسة ملحفة بيضة و هازة صلاية..
زنفورة مخلوعة:ااووف اوووف بسملهرحمنرحيم واش نتي هادي
عيادة: مالك يالطيف مال وجهك صفيفر اوعدي
زنفورة:تف تف يختي كان تيدوي معايا واحد الجن
عيادة كتدفل فصدرها: اوعدي على جن واش حماقيتي تينا مكينش جن هنا بسم الله الرحمن الرحيم
زنفورة:واش غتكدبييني و الله حتى دوا معايا
السعدية دارت: السلام عليكم (دارت للجهة لخرا بانت ليها سوكا واقفة بالغطا بيض) السلا....
السعدية سخفات..
مينة ناضت من فوق الصلاية: واكواك الهيشة سربي دابا تفيق
سوكا:اووف اووف فين غنحط هادشي فيين
مينة: ناري المصيبة قتلناها و هي كتخاف من الجنون
سوكا:هههه تي راه غادية لجنة سعداتها ماتت و هي تتصلي
مينة: هي جنة و حنا الحبس تي نوضي فين غانخبيو هاد لحرام
سوكا:اجي نديروه فلمااريو
مينة: اينا ماريو؟؟؟
لبنات سمعو التخرشيش مورا لباب و بالزربة خشاوه فالمجر لتحتاني دلماريو د سوكا و مينة..
👭🏢يوميات بنات الميتم🏢👭
للكاتبات✒️:Victoria kaelin و Mina Abou
الحلقة2: #الحنان
💜📖الجزء 4📖💜
عيادة دخلات: مينة سوكا شتكوم فقتو ليوما قبل الصونيط اش واقع؟؟
سوكا: راه سمعنا لغوات د السعدية و فقنا معرفت مالها مسكينة
عيادة شعلات الضو: مال هادي تاهيا
مينة: معرفناش والله ماحنا
عيادة كتضربها برجلها: مالك اتا نوضي تگعدي
السعدية فاقت كتحك عينيها: فين انا شكون اهئ مشا داكشي فيناهوا (كتلفت)
عيادة: لا يقول ليك راسك تديري مريضة باش تهربي من الشقا ليوم كاين التصبين
سوكا: ياك غا لبارح صبنا و مال لبنات د لتحت سمعتهم تيقولو غاديين للفيرمة واش حنا تحبسونا هنا
عيادة: راه مغاديينش افوجو هادوك عندهم شواهد غاديين اقادو الزرابي تما و يعاونو سي عبد العاطي يحلبو ليه لبقر و يجمعو التبن
مينة: اوه بغينا نمشيو ياك ا سوكا
سوكا: اه مغتمنعوناش ياك اللجنة قالت بحالنا بحال لخرين
عيادة: اوا راه ابنيتي اللجنة غا كترگع نتوما غاتبقاو هنا باش تلقاكم الطيابة الجديدة ملي تجي
مينة: علاه شحال من بنت غاديين للفيرمة
عيادة: خمسطاشر بنت الجناح الثاني كلو
سوكا: و علاش هوما يخرجو ووحنا نتحبسو هنا هادشي مشي عدل
عيادة: نتوما عندكم عرام دلخدمة هنا تعلمتو الشقا د الدار اش كتفهمو فالفيرمة و لبهايم ا البهايم
سوكا: متشدينيش تاني ا مينة (قربات ليها) علاش كتعاملونا هكدا بالطبع جميلة و خولة غاديين تاني
مينة كتجر سوكا..
عيادة: اه غاديين ب اوامر لالة زنفورة و لاليست تقادات ا زيونات
زنفورة دخلات تتعرج و زيفها محلول و شعرها منفوش: اش كاين اش واقع هنا؟؟
الصونيط:تررننننننرررنننننننسسسسوورننننن
عيادة: لالة هادا وقت لحمام جيت نطل على لبنات ادوشو زنفورة عقدات حجبانها شوي شدات ف راسها: اه واخا صافي دوشي ليهم
سوكا: و ماشي حشومة عليك ندوشو بالتيد نتوما معندكومش لقلب
عيادة تتشوف فيها ب شفقة..
زنفورة يالاه هزات عصاتها و هي تلوحها و مسحات يديها: لا عيادة سيري لبلاكار ديالي كبي ليهم الشمبوان و عطيهم صابونة
عيادة بصدمة: كيفاش؟؟؟
زنفورة: راك سمعتيني اراس لمقلة
عيادة مستغربة جرات لبيت زنفورة و هزات المواد و جابتهم ليها..
زنفورة مدات ل سوكا: هاكي ا بنتي قسمي مع صاحبتك تخرجو تتشعلو بالنقا
👭🏢يوميات بنات الميتم🏢👭
للكاتبات✒️:Victoria kaelin و Mina Abou
الحلقة2: #الحنان
💜📖الجزء 5📖💜
🛁فالحمام🛁
مينة جالسة كتدير الصابون لبلدي: الله على راحة شحال وانا نغسل بالتيد حتا وليت كي لبرمة ههه
سوكا تتمشط شعرها:الله اختي شعري شحال مشاف شامبوان هههه
مينة شافت فيها بعمق و قرصاتها فكرشها: وا غا قولي ليا كيدرتي ليها
سوكا:اححح(تتحك بلاصة لقرصة) هههه وا صاحبتي عندنا مواهب و منستاغلوهومش لوااه شفتي قلت ليك غير تيقي فيا و هانتي شفتي النتيجة هههه
مينة: اوا عل الله هادشي ديالك يكمل بيخير
دق دق دققق خولة و جميلة دخلو هازين السطولة..
خولة: امم نتوما هناا
جميلة ممسوقاش مشات عمرات السطل: سوكا مينة لاباس عليكم
سوكا:لباس الحمد الله ونتي بيخير
خولة: معرفت اش وقع تا سبقتونا ياك ولفناكم تتغسلو طو..
جميلة: صافي ا خولة
مينة: لاباس لاباس
سوكا خنزرات فيها:واش مغتهنايش واقيلة حتى نقطع ليك داك اللسان
خولة لابسة كيلوط د زنفورة صغار عليها فلبلو مارين كاشف و كتعوج: كتخلعيني زعما مزيان تانتوما عندكم الصابون
مينة: سوكا زيدي حكي ليا ظهري
سوكا خنزرات فيها و ناضت لعند مينة:واخاا يالاه تقادي
جميلة كتغمز خولة: زيدي لداخل دابا اجيو لبنات
مينة: متبقايش تسوقي ليها عاد قلنا عفا الله
سوكا:يختي هادي بلانها هو لخر غير بلاتي عليها من نهار طييحاتك ديك الطيحة و نييشت عليها ديال بصاح
لبنات بداو ادخلو يدوشو و مينة و سوكا ضاحكين حتا وقفات عليهم...
سوكا متعجبة:و وايلي شتنشوف
زنفورة: تفججتو غسلتو مزيان غانمشي نجيب ليكم لفوطات ولحوايج
مينة كتجر سوكا: لمااريووو
سوكا وقفات:هيهي دادا زنفوورة بلا متعدبي راسك راك باقة مريضة حنا نجيبوهوم ياك ا مينة هيهي
مينة وقفات: اه بصح
زنفورة:كيفاش؟؟ نخليكم تخرجو هكدا فلبرد و تمرضو هي بغيتو خلا عشتي
سوكا ممصدقاش اش تتسمع:ام ام ااا لا لا نعديو بديال لبنات ام ااا(شافت فين علقات خولة و جميلة ديالهوم)اام نهزو ديال خولة و جميلة و نجيبو ليهوم وحدين خرين الى لبسنا هيهي
مينة كتقرص سوكا: مشينا فيها مشينا
زنفورة بعد تفكير: واخا قضيو بيهم انا غانمشي نتاصل بالطباخة الجديدة واش وصلات
سوكا:هيهي واخاا الله يحفضك دادا
مينة جرات فوطة د خولة: اجي ياكما فيها شي عجب تعادينا
سوكا:هههه وا تي غير ستري لحمك حتى نوصلو لبيت و حرقيها كاع
مينة لاحت لفوطة فالطارو: لالا غانقسمو انا وياك لفوطة د جميلة ههه
سوكا:هههه واخا راها كبيرة تقدنا بجوج يالاه نلويوها علينا بجوج
مينة و سوكا خرجو نيشان للبيت ديالهم..