الســــفــــاحــــة الصــــهــــبــــاء🪓|🇲🇦

الحلقة 19: القناع

👭🏢يوميات بنات الميتم🏢👭
للكاتبات✒️:Ackerman Chan و مينة أبوليل
الحلقة19: #القناع
💜📖الجزء 1📖💜
عبدالله دخل لبيرو لقا كلشي مرون و طلع ليه الدم و دخل عند الكاتبة لي لقاها دايرة رجل فوق رجل تتبرد ظفارها و تتسمع الراديو...
عبدالله: احلام؟؟
احلام:اش كاين؟
عبدالله تيحاول اتماسك: اشناهيا خدمتك فهاد الشركة؟؟
احلام:معندي ميداير دابا(تتشوف فظفارها بلا مبالاة)
عبدالله:و الاستقالة؟
احلام ضحكات:ههههه من نييتك نستاقل؟
عبدالله: ياك هضرنا فهادشي وقلنا غاتستاقلي وانا مستاعد نعطيك 5000 درهم ديالك
احلام:و انا طلبت 200000 بلا بيها مكاينة استقالة
عبدالله تفاجيء: كيفاش شحال؟!!!
احلام:كيفما سمعتي ا سي عبد الله
عبدالله مشا ليها و هزها بذراعها: نتي عارفة بلي نقدر نجري عليك و ماتدي من عندي والو
احلام:ونتا عارف بلي الى كشفت اسرارك غتحبس و غندي منك من لفوق ههه
عبدالله شدها بالجهد و الكره فوجهو و لاحها فالكرسي: نتي متتسوايش شحال من عام وانا مخدمك هنا
احلام:ااه منكرش هادشي ولكن مغتجييش ا سي تطردني بهاد السهولة
عبدالله: نتي كتستافزيني اش هاد لخدمة كتديري فين الملفات د المفاوضة مع الوفد الصيني فين الدوصيي د شركات مارتيل؟؟
احلام:مكاينة حتى حاجة من هادشي و مغتكونش انا عييت من نبقاا ديماا حانية ليك الرااس اش تكون كاع فملك الله بينما انا فييدي نغرقك و هادشي كااملو لي تتشوف نهدمو عليك بجوج كلمات
عبدالله: كتهدديني؟
احلام ربعات يديها:فهمها كيفما بغيتي
عبدالله خرج مشا للبيرو ديالو حل لمجر هز شي كتوب شاف لفردي هزو و مشا للباب و حبس...
عبدالله:هاد الساقطة متستاهلش غانفرح بزاف الى قتلتها لكن مخصنيش نتعصب..
عبدالله هز فاليزتو و خرج من الشركة و ديمارا بالطوموبيل..
احلام تتفرقع لمسكة هزات تليفونها و تاصلات...
عماد: اللو حياتي
احلام:حبيبو صافا
عماد تيقطع الخس و حاضي لايدخل شي حد...
عماد: اش درتي مزال فداكشي راه غير تاخدي لفلوس منو خصنا نحيدو من هاد لبلاد
احلام:راني حييحت عليه و بان ليا ممكن يتراجع فقرارو و يعطيني لفلوس
عماد: نتي تعرفي و لكن واحد لحاجة ديريها فبالك غاتجيبي لفلوس و الا غانشوف امراة خرى لي تعطيني لي بغيت
احلام:عماد حرام عليك صبر عليا راه تندير جهدي كاملو
عماد: الى باغة نصبر ديري جهدك و جيبي لفلوس(قطع)
احلام:اففف شغندير مع هدا

مينة تتمسح الزاج د المطعم حتى سمعات خطوات موراها تلفتات...
مصطفى:صباح لخيير مينتي
مينة مستغربة: هاه؟
مصطفى:ياك قلت ليك مديري والو
مينة: منقدرش ا سي مصطفى خصني نخدم
مصطفى:راني دويت معاك اجي تجلسي
مينة جلسات فطبلة و جلس مصطفى قدامها و هي متوثرة..
مصطفى:شوفي ا مينة انا شفت فيك بنت الناس و بنت داخلة سوق راسها و تاع الزمان داكشي علاش بغيت نطلب يديك لزواج و كوني أكيدة مغتنقصك حتى حاجة معايا تشرطي لي بغيتي
مينة: ولكن نتا مزوج ا سي مصطفى ونتا...بغيت نقول انا صغر منك
مصطفى:ماشي مشكل مبقاتش فلعمر بقات فالتفاهم
مينة معرفات متقول وقفات: سمح ليا ا سي مصطفى مغنقدرش انا ميمكنش
مصطفى:كيفااش؟؟؟وعلااش؟؟؟
مينة : لا وا راه انا صغيرة و نتا عندك ولد كبر مني
مصطفى:داكشي متيهمش(شد ليها فيديها)شوفي راني مستعد نعطيك لي بغيتي قدما بغيتي من لفلوس و كلشي
مينة: انا مت...
بوشتة جا هاز فوطة: مينة..سمح ليا ا سي مصطفى.. مينة خصها تمشي للكوزينة حيت الناس د الدورة التكوينية قربو يوصلو
مصطفى:مهم فكري مزيان فلي قلتو ليك
مينة حنات راسها و مشات مع بوشتة...
👭🏢يوميات بنات الميتم🏢👭
للكاتبات✒️:Ackerman Chan و مينة أبوليل
الحلقة19: #القناع
💜📖الجزء 2📖💜
سبيكا تيمسح لحيط بالشيفون و الماء...
سوكا جات من موراه تعلقات بيه من عنقو:سبييييييكتيييي ههههههه
سبيكا دار و دارت معاه و دورها: طلقي اديك لمسطية يلقانا لحنش غايوريك سبيكتك
سوكا جبدات ليه حنكو:ههههه تا مالك على الصباح عاقد 11 فجبهتك اممم و ماالك رااك سبييكتي صديييقي هههههه
سبيكا تيتلفت: شوفي ا ديك الصكعة را الشاف طالع ليه الدم ليوم يا اما يقتل شي واحد يا اما غايقتلنا كاملين
سوكا ربعات يديها:وااايلي حكلك طالعة ليك حتى نتا لي كنتي غير مترع فمك علاش زعمة اش واقع تاني؟
سبيكا جبد شي كاوكاو من جيبو : شدي (بدا تياكل) اش غانقوليك ملي دخل قبيلة ساد عليه و مرة مرة تنسمع شي حاجة تهرسات
سوكا شدات كاوكاو تتاكل فيه:اممم ايوا ياكماا على شي منظمة خرى تاني؟؟
سبيكا: مانعرف
سوكا ماحسات حتى جاتها دقة فالراس تلفتات لقات الزيزوار جاي رجل بسباط ورجل حفيانة...
سوكا شادة راسها:اااييي ا زمر راه راسي هشييش مالك على هاد الدقات على الصباح؟؟؟
الزيزوار: واش تتاكلو بلا بيا اش تتمضغي اراي لهنا
سوكا:الجوع ان شاء الله(عطاتو فيدو)غير كاوكاو هداك مزال حتى مهبط لمعدتي
سبيكا هبط رجلين سروالو: اجي نتي علاش عطيتيه ليه
زيزوار تيعوج فيه...
سوكا:ايوا راه مسكين تلقاه مداق النعمة من لبارح هههه
سبيكا مشا شنق على الزيزوار: حط كاوكاو حططط
سوكا تتضحك و هي تشوف جيهة الشرجم دلبيرو د لحنش..
سوكا خلات سبيكا و الزيزوار متناگرين و طلعات لبيرو عند الحنش و دقات...
لحنش شاف جيهة لباب و هو تيعمر لفردي: شكوووون؟؟؟؟
سوكا:غير انا هادي اشاف
لحنش: مبغيت نشوف حد بعدي من هنا (تيرا فالسقف)
سوكا:الشاف مالك اش واقع غير تهدن
لحنش: قولي لسمكستي يجي لعندي دااابااا دابااا
سوكا:واخاا غير تهدن انا غنصوني عليه(جبدات تيليفونها)
سوكا تتصوني لكن تاواحد متيجاوب..
سوكا تشوشات على السمكستي:الشااف راه متيجااوبش
لحنش: اوا سيري متجي حتى تجيبيه معاك...
سوكا:واخااا انا غنمشي
سوكا هبطات بزربة خرجات من المقر لقات الشيفور باقي مبلاصي...
سوكا: نجيب ديني دابا لدار د سمكستيي سربي...