💜📖الجزء 1📖💜
فليلة مضلمة مكانش القمر واضح كلشي ناعس فالميتم الهدوء و السكون...
ناضت سوكا من بلاصتها مبتاسمة عينيها مغمضين كتلاوح تاجهات للباب و حلاتو خرجات للكولوار هبطات مع الدروج و تمشات جيهة لباب الخلفي د الميتم كتدفعو باب حديدي مغلق بإحكام مبغاش اتحل و جلسات حداه مربعة و حلات عينيها بشوية حتا شافت جوا بيض حدا رجليها و هزاتو و وقفات كتلاوح تاني حتا وصلات لناموسيتها و طاحت فيها...
مينة حسات بشي حاجة باردة تحت راسها هزاتو و كان مبلل من لتحت ناضت: سوكا سوكا
تلفتات لقات الضلام و بان ليها ضو جاي تمعنات لقات راسها فالشانطي فوق الرصيف و الطونوبيلات دايزين...
مينة مخلوعة كتدور راسها و بان ليها شي حد واقف ميزات انه راجل حيت لابس سروال و ڨيست الظل ديالو واضح حدا واحد عمود الكهرباء..
هزات مينة يديها كتستنجد منو و شافت دموع الراجل تيهبطو حتى ولاو بحال النهر حسات بلي تتخنق...
مينة فاقت مرعوبة و الشمس بدات تدخل من الشرجم: واااااع سوكااااا
فاقت سوكا من النعاس مفزوعة:اش كاين تاني؟؟
مينة شادة صدرها: افف غا تنحلم تاني اف
سوكا تتحك عينيها:افف مشبعتش نعاس و كملتيها فزعتيني بغواتك
مينة: مال تحت عينيك كحل واقيلة منعستيش
سوكا:علاه فين جاني مقدرتش نعس بسبب داك لموضوع
مينة: بصح اختي حسيت راسي بحال شي سراق زيت
سوكا تترعد بلغضب:تنحلف ليك يحتى ندمها اولا على النعاس لي منعستو بسبب انها كدباتني و زيدييها على التسمم انااري اش موجدة ليها فدمااغي
مينة حنات راسها و هزات جوا بيض: سوكا اش هادا؟
سوكا باستغراب:معرفتش شكون غيوصلو لهنا؟
مينة تلفتات هنا ولهيه: معرفتش حتى لبنات باقين ناعسات
سوكا:اري اري بوه لهنا نحلوه مكاين ميدار
ترررررنننننسورررررنتتتترتتننننن
فاطمة ناضت كتجبد: افف مشبعنا كاع نعاس
مينة تتنغزها: خبي داكشييي
سوكا خبات الجوا فصدرها بزربة..
السعدية عرات وجهها: اف الليل ولا قصير اي اي
زنفورة دفعات لباب برجلها: يالاه هيه هيييه نوضو تگعدو ليوم كاين بوزروگ غاتنوضو توجدوه
سوكا حلات فمها:اااااا راه صعيب يتصوب
كوثر: افف ا دادا فيه لخدمة بزااف
زنفورة: نتي اديك لمضفرة مبغيتش نسمع صوتك
عيشة جلسات تتلبس سفرتاقتها: دادة و لفطور؟؟
زنفورة: حتا تخدمو تردوه راكم مكاينينش فلوطيل يالاه تگعدو
سوكا تتجمع فلفراش:الله يسيفطك لجهنم انشاء الله
زنفورة: يالاه لي جمعات فراشها تطلع للسطاح
مينة: اي اختي شحال متنحمل هاد بوزروگ
سوكا:انا تنعرف غير ناكلو اما نصوبو لا ههه
السعدية و عيشة خرجو و فاطمة و كوثر تيلبسو...
مينة: نوضي غا نخطفو شي خبز من عند عمي كولوباح قبل متجي تاني
سوكا:شو قالت ليك خبز انا مغنحطش يدي فداك بوزروك تصوبو هي نيت
مينة هزات سطل د حوايجها لموسخين: زيدي اختي جاني الجوع
سوكا:نتي غير سيري سبقيني غنمشي نشفر شي حاجة من الكوزينة
مينة مشات لبيت الصابون و لاحت لحوايج فالبانيو..
سوكا دخلات الكوزينة بان ليها كولوباح داخل تحت الطبلة...
سوكا مشات شوية بشوية حتى هزات شي تفاح كان فواحد الشبكة و لاحتو فواحد السلة كانت هازاها هو الخبز و غطاتهوم بليزار..
كولوباح وقف: اي ا ظهري واحد الفار شيبني لمسخوط
سوكا خبات السلة موراها:ههه ياكما نعاونك فيه ا عمي
كولوباح: حلفت حتى نشدو زيدي تاكلي هاه درت الطوست ب نوتيلا ههه
سوكا لمعو عينيها:بصااح هي الاولى
أنت تقرأ
الســــفــــاحــــة الصــــهــــبــــاء🪓|🇲🇦
Acción⛔ممنوووووع الإقتباااس جميع الأفكاار و الأحداااث من مخييلتي الخاصة⛔ ___________________________________________ 🪓👩🏻🦰الســـــــفــــاحــــة الصــــــهــــبـــــاء👩🏻🦰🪓 ~بنات الميتم سابقا~ ✑𝓥𝓲𝓬𝓽𝓸𝓻𝓲𝓪 𝓚𝓪𝓮𝓵𝓲𝓷 & �...
