الســــفــــاحــــة الصــــهــــبــــاء🪓|🇲🇦

الحلقة22: المحاكمة

👭🏢يوميات بنات الميتم🏢👭
للكاتبات✒️:Ackerman Chan و مينة أبوليل
الحلقة22: #المحاكمة
💜📖الجزء 1📖💜
⏳بعــــــــد شهريـــــــن⏳
منى جالسة فقهوة حاطة رواية احلام مستغانمي و تتشرب لقهوة و الجو زوين..ايمن جاي جيهتها تيقاد ماگانتو و تيتفوه و جلس: وا فايقة مع لفجر ياكما صليتي؟
منى:ههه ايوا الجو زوين قلت نخرج
ايمن: وا غير هضري مالك لبارح نعستي بلا ما تقولي بون نوي منى: شوف ا ايمن نتا عارف قصتي انا ماعندي حد فهاد الدنيا مبغيتش نبقا مجلية هكدا شهراين دابا ونتا تتقوليا غانتزوجو واش عائلتك ماراضيينش بيا؟
ايمن:اش تتقولي ا منى حاشة هادشي
منى: انا حاسة بلي شي حاجة كاينة نهار لاقيتيني ب ماماك هي عرفات بتاريخ ماما و شكون مزال خافي عليها؟
ايمن:كيف قلتي ا منى هاديك ماماك و نتي منى يعني واخا ماماك راكوم مختالفين
منى: لكن ماماك معجبهاش لحال غير قوليا متبقاش معلقني بحال هكا
ايمن:متقوليش هاكا ا منى انا غنجيبهوم غير تهناي...
منى ناضت و الدموع ف عينيها و ايمن تابعها...

ف زنزانة دخلات سوكا لابسة اونصومبل ف لون واحد و مقادة شعرها..قربات منها زينة لي لابسة حوايج الحبس...
زينة تسندات على كتف دسوكا...
زينة: مال الزين مأنتك ياكما ناويين اخرجوك من هنا؟
كلثوم لي جالسة فوق حافة تتكمي و دايرة رجل فوق رجل: لاياتا ا هاد لهبيلة السيدة اليوم الحكم ديالها و غاترحل للسونطر ههههه
سوكا خنزرات ف كلثوم و بتاسمات فوجه زينة:ان شاء الله براءة ختي تتسناني
زينة طلقاتها و شدات جنابها: و متشوفيش لينا ا ختي نخرجو معاك؟
كلثوم وقفات كانت امرأة طويلة مفورمية بحال راجل: تخرجنا؟ غاترجعي للفساد؟؟
سوكا:نتوما بعدا غير الفساد خصكوم غير كفالة و تخرجو شغنقول انا ههه؟
زينة: ههه كلثوم فراسك سوكا قتلات بزاف د الناس كون غا تقتل لينا داك ولد لحرام لي مخدمنا
كلثوم دارت رجل فوق الحافة و رجل فلرض تتكمي: هاداك بغيت نقتلو بيدي
سوكا:خههه غتقتليه غادي ترجعي تاني لهاد الخربة اللهم سيفطي لي قاد ليه عظامو
كلثوم قربات ل سوكا: كيفاش زعما؟
سوكا:زعمة سيفطي لي يقتلو بلا متوسخي يديك شي وحدين لي موالفين بهادشي و معندهوم سوق دوماج كون ما ختي لي تتسنا فيا كون قتلتو ليك بيدي ههه
كلثوم رجعات: ماشي مشكل انا غانسيفط ليه مول الجنوية زينة: هاداك ملي غاتجي دلال تجيب لينا التنفيحة قوليها ليها كلثوم رجعات جلسات: سوكا بون شونص
سوكا بتاسمات:شكرا ليكوم طهلاو نتلاقاو فساعة الخير
زوج حراس جاو: سكينة تفضلي
سوكا مشات معاهوم...
سوكا طلعات للقاعة فين كانو المحاميين و القاضي لوسط و اللجنة جالسين..سوكا تتدور عينيها حتى شافو سمير وقف و شاف فيها ووقف حداه راجل لابس كوستيم و كرشو خارجة شايب...
👭🏢يوميات بنات الميتم🏢👭
للكاتبات✒️:Ackerman Chan و مينة أبوليل
الحلقة22: #المحاكمة
💜📖الجزء 2📖💜
سوكا تمشات لقدام و معاها الحراس فيمينها و يسارها...
سمير بتاسم لسوكا تيطمئنها..حيدوليها لمينوط و جلسوها ف كرسي منفصل قدام القاضي...
القاضي بعد مقدمة طويلة على الملف...تكلم الوكيل لي كان راجل سمر و طويل: كانلتمس من المحكمة الموقرة اشد العقوبات للجانية كونها قتلات و مثلات بالضحايا ديالها و دفاعا عن حقوق الناس و ميمكنش نخليو بحالها يدورو احرار عندنا فلبلاد و تنتمنى من المجلس الموقر ينفذ فيها اقصى درجات العقاب
سوكا بقات محافظة على هدوءها و ابتسامتها..
القاضي شاف فالوكيل لي معصب حتى سالا هضرتو و شاف ف محاميي الادعاء..
القاضي: شي اضافة بالنسبة ليكم ك محاميي الادعاء؟
المحاميين كلهوم ساكتين الا واحد ناض كان اعرج شاد ف عكاز: انا كمحامي الخاص ب موسيو برنار و المكلف بالشركات ديالو بغيت نأكد على ان ما قاله المحامي د الدفاع فالجلسة السابقة افتراء و ان الموكلة ديالو متتعانيش من اضطراب عقلي
القاضي: عندك شي دليل؟
الادعاء: المتهمة تتقول بلي موسيو برنار الله يرحمو كان تيقتل و يغتاصب الاطفال..
سمير وقف: هادشي تبث ا سي امتنان
القاضي ضرب: سي سمير تدخل مرفوض
المدعي ب خبث: لحد الساعة محامي الدفاع ما قدرش اتبث ان المتهمة مريضة عقليا و دليلي انها قتلات و عارفة علاش قتلات قولها ان موكلي مغتصب و قاتل للاطفال و هي ف كامل وعيها
وحدة من اللجنة: لكن ا سي امتنان مع احترامي هذا غير كلام مسترسل و حنا محتاجين ادلة موثقة
القاضي: اعتراض مقبوول
المدعي: لكن..
القاضي: الى معندكش اضافات تفضل بالجلوس
سوكا بتاسمات فوجه المدعي ببرود...
القاضي: الكلمة ل محامي الدفاع..
المحامي: كنلتمس من محكمتكوم الموقرة الاخد بعين الاعتبار الحالة النفسية للموكلة ديالي كونها تربات ف ميتم عاشت فيه مختلف انواع العذاب و العنف(قرب للقاضي و عطاه شي وراق) و هادو وثائق كتأكد كون الميتم تعرضو فيه بزاف د الموظفين للتسريح من طرف المديرة و ان الاقوال د لبنات كلهم تيصبو بلي عاناو العنف و الضرب
القاضي تيشوف لوراق: واش عندك شي دليل طبي على ان الموكلة عندها مشكل نفسي او تعرضات ل شي ضربة ادات ليها لشي خلل دماغي؟
المحامي شاف ف سمير و سمير شاف فالساعة و شاف فيه ب اسف..
المحامي: الطبيب اللي عاين الموكلة ديالي عندو جميع البيانات و خدا التحاليل لفرنسا و كان مقرر يوصل هاد الصباح
القاضي شاف فالساعة: نتا عارف بلي هادا اخر اجل للمحاكمة و اخر جلسة و مغنقبلش ب اي تأخر مزال
سمير خرج من القاعة...
القاضي شاف ف المحامي و طلب منو يجلس..
القاضي شاف ف سوكا: الكلمة للمتهمة عندك شي اضافات؟
سمير هز التليفون تيتاصل بالطبيب..
الطبيب صايك دار لكيت: الو سي سمير
سوكا:بغيت غير نقول فقضية برنار الأدلة لي تقدرو تلقاو على جرائمو كاينين فلكوخ و بالضبط فلاكاب تما غتعرفو علاش قتلتو
محامي الادعاء: قلتليكوم ا سي القاضي بلي هي فكامل قواها العقلي
القاضي ضرب: الاعتراض مرفوض كملي
سوكا:اولا ا سي محامي الادعاء مغاديش نجاوبك حيت هادي خدمتك و مفروض عليك دافع على هداك واخا يكون خاطئ ولكن ا سي الى شفتي 3 لبنات قدامك مغتاصبين جوجات مييتين وحدة لي بقات حية ديتها لقسم الشرطة واش حتى الى كنتي فكامل قواك العقلية غتخلا عليهوم؟بطبيعة الحال لا و انا عرفت بلي داك المجرم بسبب بحال امثالك مغيشدش العقاب تاعو لي يستاحق حيت غتاصب نفوس بريئة و انا منادماش حيت قتلتو و كون كان مصاب نقتلو و نعاود نقتلوو صافي؟
المحامي بالغوات: نتي معندكش الحق تنفذي القوانين بلاصة المخزن نتي تجاوزتي حدك و قتلتيه و مثلتي بيه بطريقة بشعة نتي خصك الاعداااام
القاضي تيضرب: هدوووووء المحامي رد لبال لهضرتك والا غانضطر نتاخد اجراء ماشي فصالحك
المحامي جلس مخنزر...
القاضي: الادعاء عندكوم شي سؤال للمتهمة؟؟
👭🏢يوميات بنات الميتم🏢👭
للكاتبات✒️:Ackerman Chan و مينة أبوليل
الحلقة22: #المحاكمة
💜📖الجزء 3📖💜
واحد منهم وقف: انا محامي خاص بسي عبدالله السعييدي البرلماني المعروف ولي عندو اعمال خيرية بزاف كيفاش تبرري لينا انك حتى هو قتلتيه بنفس اسباب قتلك لبرنار واش نتي تتمثلي القضاء؟
القاضي: انتباه محامي الدفاع
المحامي جلس: تنعتذر يمكن ليها تجاوب
سوكا:هههه اولا داك سي عبد الله تاعك هو لحنش مول اكبر منظمة من منظمات ديال المخدرات و قتلتو حيت قتل و حيت ظلمني معاه و كونما هو كون كاعما نوقف قدامكوم دابا و البرلماني تاعك غير تيتستر بيها ااه ااه و اضافة خرى هو لي قتل مرتو نجاة ههه
واحد الشارف من اللجنة: عندك شي دليل؟..مدة طويلة و التحقيقات تتقلب على شي دليل فقضية اختفاء السيدة نجاة بنجابر؟
سوكا:وي عندي دليل و دليل قاطع مزال ههه
القاضي تلفت: اشناهوا؟
المحامي وقف: هادي خدعة ا سيادة القاضي
القاضي ضرب: هدوووء لتازم الصمت