الســــفــــاحــــة الصــــهــــبــــاء🪓|🇲🇦

الحلقة15: آخر نظرة

👭🏢يوميات بنات الميتم🏢👭
للكاتبات✒️:Ackerman Chan و مينة أبوليل
الحلقة15: #آخر_نظرة
💜📖الجزء 1📖💜
كولوباح تيتمشا فالسويقة و هاز ميكة عامرة بكرواصة...
كولوباح: تعطلت دابا تنوض لالة شافية واخا ماشي بحال زنفورة دلخلا لكن حشومة مخصنيش نستاغل الضرافة ديالها..
كولوباح خرج للشانطي تيتلفت هنا و هنا حتى بانت ليه طاكسي حمرة واقفة فالجهة لخرى عنق الميكة و ضربها بجرية و ركب..
الشيفور شاف فالمراية..
كولوباح: ديني لحدا قهوة الشوكة
الشيفور بابتسامة ديمارا..
كولوباح حل الميكة جبد كرواصة: ندير لخير فراسي عاد نش..  شاف من الشرجم و بدا تيتلفت..بقا تيدور فراسو و عينيه و تسند مع لكرسي و طل شاف لعداد طافي...
كولوباح: الشريف وا الشريف بلا ما تطول عليا الطريق راني غا بوفري
الشيفور ساكت...
كولوباح: واش سمعتيني ا سيدي شوف غا حطني فشي بلاصة قريبة راه هاز غا 20 درهم
الشيفور: غا صبر ا سيدي راه الجهة لخرى مسدودة تايوجدو للمرطون
كولوباح تسند تيشوف من الشرجم تيبانو ليه البنايات تيختفيو و تيدخل لمجال عاد تيتبنا...
كولوباح: فين هنا ا خويا سمحليا راني زربان
الشيفور: غا صبر ا سيدي نحط شي سلعة لمولاها و نديك فينما بغيتي
كولوباح: و لكن حنا متافقناش على هكدا
الشيفور هز زيف من حدا الزاجة لقدامية..كولوباح شاف فردي محطوط و حبسات فيه لهضرة...الطاكسي مشات بسرعة...
الشيفور وقف تحت شجرة و كولوباح تهز وجهو شحاب بالخلعة..الشيفور هز لفردي و هبط حل لباب..
الشيفور: خرج
كولوباح:ع عفااك ر راني مدااير والوو
الشيفور غوت:راني قلت ليك خرج
كولوباح خرج راسو محني بين كتافو: شكون نتا اش باغي عندي؟؟؟
الشيفور مخنزر ب كاسكيطتو شد كولوباح من حوايجو: تقاد.. (لبسو زيف كحل لعينيه) تحرك نعميهوم ليك
كولوباح تيترعد معرف باش تبلا..
الشيفور دفعو تيتمشا موراه شوية توقف كولوباح..
الشيفور بداو علامات التوتر فيه و قرب منو معصب : تمشا
كولوباح ركلو برجلو و طاح شاد حجرو
كولوباح: شفتي لكونج فو
كولوباح حيد الزيف من عينيه و ضربها بجرية حتى حس برصاصة زكلاتو و جات فشجرة و طاح على كرشو...
الرجل لي كان ملثم وجهو: تبارك الله عليك غاتنوض و تغطي عينيك و تمشا بلا قسوحية الراس
كولوباح ناض بتثاقل و طلع الزيف لي باقي فعنقو و ربطو لعينيه
الرجل: زير مزيان
الشيفور جا تيعرج: الشاف سمحليا
الرجل الملثم ضربو لفمو حتى سال منو الدم: حسابي معاك من بعد
الرجل دفع كولوباح حتى داوه جيهة معمل قديم و دخلو...

مينة فاقت مخلوعة: اف لماراض داك الزمر تابعني واغا خليني فالشانطي مالي اش غنخاف معايا ربي و معايا ختي لهبيلة (تلفتات ليها ناعسة بحال الملاك) شحال تتبان بريئة هههه معمرنا نتفارقو ياك راه واعدتيني مغتخلينيش و مغنكونش فديك الشانطي بوحدي.. سوكا سوكا فيقي قولي اه
مينة حطات يدها هلى سوكا و تخلعات.. : سوكاا مالك فيقي
سوكا حلات عويناتها بتثاقل:م مينة
مينة تتبحلق فيها: مالك؟ (قاست جبهتها)اوه سخوونة اختي
سوكا:معرفتش اختي تنحس بعظامي تقال عليا
مينة: حيت قلتليك عطي الراحة لراسك لبارح كانت شي شمس ملي خرجتي تبيعي لورد واش تيعرفو ليك هادو لورد؟؟؟
سوكا:اختي راه مسلكة بيه راسي و الله اففف راسي تيضرني باغا نخوي السم دهاد الراس فشي حد
مينة: يالطيف ننوض اوكان نوجد لفطور لا تخويه فيا شوفي (وقفات تتجبد) متقوليش ليا خارجة تاني ليوم؟
سوكا تكعدات:و اش يتصحاب ليك راه خصني نخدم على ريوسنا
مينة: لا ياختي شوفي والله و تخرجي يا حتى نتبعك و نمشي نخدم هاني راه حلفت
سوكا خنزرات فيها:الى تياكلوك عظامك ديريها واش انا لمك مقاضياش الغرض
مينة جلسات حداها: اوا ديري ليا خاطري شوفي غا حتى تبراي نديرو لعدس واخا متناكلوش غاناكلو
سوكا:والااا غنخرج يعني غنخرج
مينة: راه حلفت و مغنصومش و بسبابك غاندخل جهنام هادشي لي بغيتي
سوكا(اففف هادي لي فراسها فراسها):واخا حبيبة مغنخرجش غير سيري
مينة: بصح حلفي؟
سوكا:وصاافي نحلف ولا نم اصلا عيانة جاني النعاس غطيني كاع
مينة بنظرات حزن: الله يشفيك ليا ا كبيدتي
غطاتها و مشات سدات باب لبيت...
سوكا:افف دابا خصني كي ندير نخرج واخا نموت و منخليش ختي تخدم
سوكا طلات من تحت لكاشة تتدور فعويناتها و بان ليها مونطو ديالها..
سوكا شافت فراسها لابسة بيجامة د النعاس...
👭🏢يوميات بنات الميتم🏢👭
للكاتبات✒️:Ackerman Chan و مينة أبوليل
الحلقة15: #آخر_نظرة
💜📖الجزء 2📖💜
سوكا:افف واقيلة نخرج هكا نيت
سوكا لاحت لغطا و مشات جيهة لمونطو لبساتو و طلات من لباب مكاينش الحس و قادات لمخاد تحت لكاشة و سدات لباب و سلتات لبرا...