الســــفــــاحــــة الصــــهــــبــــاء🪓|🇲🇦

الحلقة16: رهينة القدر

👭🏢يوميات بنات الميتم🏢👭
للكاتبات✒️:Ackerman Chan و مينة أبوليل
الحلقة16: #رهينة_القدر
💜📖الجزء 1📖💜
شاب وسيم واقف وسط شارع مظلم عينيه فوق قطرات المطر لي تيطيحو من شعرو على الشارع و تيصدرو اصوات...
الشاب طلع راسو و حل عينيه بصعوبة تيشوف شعاع جاي من بعيد...
وديع مد يدو: مينة جيتي تعتقيني من ظلمة الحياة من بابا من لوحش لي ولدني جيتي تعلميني الحب و ترجعي ليا الامل بعدما...بعدما شعلت فتيل الانتحار
الضوء تيقرب حتى حس وديع بالم فعينيه...
وديع فوق لباياص تيحرك عينيه بصعوبة حتى حلهوم كلشي مضبب... بدا تيدور عينيه بصعوبة تيبانوليه لخيوط و التلفازة التجهيزات و الحيط لبيض تيلمع مع شريط د فايانص مزخرف بالاخضر...
وديع حاول يهضر حس بصعوبة: م م مينة (شد راسو) باببا فين كاين انا؟
وديع تيدور راسو الغرفة مظلمة و ناض بصعوبة و جلس حيد الخيوط من يدو بالجهد: احح (حاول يوقف لكن..)
الفرملية دخلات شداتو: سي وديع علاش نضتي و حيدتي الدوا الله يهديك
وديع: طلقي فين انا؟؟؟
الفرملية:نتا فمصحة تهدن ا سيدي
وديع: ولكن انا ممريضش اش تندير هنا؟؟؟
الفرملية: هادي مصحة خاصة لمعالجة الادمان
وديع شحاب وجهو و وقف: كيفاش؟؟ انا ماشي مدمن شكون جابني هنا حيدي من قدامي
الفرملية:تهدن ا سيدي سي عبد الله كلفنا بكلشي متزيدش تصعب الامور على راسك و علينا حتى حنا
وديع كشر وجهو: اهاااه هي عبدالله مورا هادشي خليني نخرج هو هدفو السمعة ديالو اما انا متنهموووش بعدي
دفعها و مشا جيهة لباب تساطح مع الدكتور لي دخل وقف قدامو...
وديع: شكون نتااا خليوني نخرج
الدكتور زيير عليه و دخلو:انا الدكتور لي مكلف بيك و غتهدن اولدي ولا غنضطر ندگ ليك ابراة
وديع...
الدكتور: حليمة عيطي على سعيد و مسعود و سعد داباااا سربييي
الدكتور شاد وديع تيطلع فيه فوق لباياص و هو تيغوت...
حليمة خرجات بالزربة و هي ترجع مع 3 لكياضر مكلضميين لابسين لباس ابيض سروال و تيشورت...
حليمة:تكلفوو
لعملاق فيهوم هز لبرا دكها ليه و لخرين شدوه طلعوه للباياص و شدوه بالسماطي...
الدكتور:دابا مزياان و الى مبغاش يتكوون غيشوف الوجه لاخور يالاه دابا حتى يفيق عالله يدير عقلو
لفرملية: اف راسو قاسح ا دكتور
الدكتور:متخافيش كلشي غيكون تحت السييطرة عاد بدينا هاهاها
وديع نعس و مشا ف نوم عمييق...

مينة تترعد من لبرد دايزة قدام الديور ف شارع عريض و شعرها مشعكك...
مينة: زعما غاتكون ختي تتبيع هنا علاش مجاتش لبارح اهيء اي (تترعد) اف فيا الجوع ريحة لخبز...
مينة جلسات حدا الجامع و تتشوف فالقبة ديالو و تتدعي..
مينة: يارب تلاقيني بختي ياربي متكون وقعاتلها حتى حاجة ياربي نلقا لي يحن عليا اهيء مكليتش من لبارح اسيدي ربي و كرشي تضرني بالجوع...
مينة مسحات وجهها لي توسخ بالغبرة...
مينة بانت ليها مشة و بقات تتلعب معاها: سنبل كان بحالك لكن مشا كلشي مشا بقيت غير انا هنا
راجل كبير وقف على مينة لابس جلابة ذهبية و رزة..
الرجل:مالك ابنتي؟
مينة: اا؟
الرجل:مالك اش واقع معاك زعمة حتى وصلتي هاكا؟
مينة شافت فيه بعينين حمرين و تحتهوم زرق: والو ا عمي والو (ناضت تتسوس)
الرجل تلفت يمين و يسار و قرب لعندها:غير قولي كلشي عندو حل
مينة: انا تجلات ليا ختي
الرجل حط يدو على ذقنو:اممم فين تجلات ليك؟
مينة: مشات صباح للخدمة مرجعاتش
الرجل:غتكون غير شدوها فلخدمة ولا شي حاجة متهزيش الهم
👭🏢يوميات بنات الميتم🏢👭
للكاتبات✒️:Ackerman Chan و مينة أبوليل
الحلقة16: #رهينة_القدر
💜📖الجزء 2📖💜
مينة: لا ميمكنش ا سيدي (وقفات مشعككة) هي غا تتخيط الزناقي و ميمكنش شي حد يشدها بزز انا تنعرفها وقعات ليها شي حاجة
الرجل:و مديكلاريتيش زعمة؟
مينة: كيفاش زعما؟
الرجل:ممشيتيش تعلمي لبوليس
مينة: لا لااا ميمكنش و الى شدوني
الرجل:علاش غيشدوك راه غادي تمشي تعلميهوم بلي ختافات
مينة: لا لا انا تنخاف من لبوليس اهيء (جلسات)
الرجل:و شغديري دابا؟
مينة: معرفتش ا عمي غانتسناها هادي طريقها
الرجل:علاش متسنايهاش فالدار ممكن تكون جات
مينة: لا ا عمي فا فالحقيقة معنديش الدار
الرجل:وايلي و فين غتمشي دابا؟
مينة سرحات رجليها: مالي جالسة فوق كتافك؟
الرجل:الى بقيتي هنا ضروري ميجي لي يگريسيك
مينة جمعات كراوعها: كيفاش تاني هادي؟
الرجل تحنا لعندها:غيسرقوك و يخسرو ليك وجهك
مينة شدات ف خدها: اهياناري (وقفات) لكن انا معندي والو و معرفت فين نمشي اهيء ختي غاتجي مغتلقانيش
الرجل بتاسم:الى بغيتي يالاه عندي حتى تلقايها
مينة هبطات فيه: واش عمي كولوباح لي سيفطك؟؟
الرجل:ااممم بحاال هكاك
مينة حلات فمها بابتسامة واسعة: بصااااح هي خديتو معاكوم ختيييي
الرجل:اام رااه غتجي قرييب تجي غير نوضي
مينة ساست حوايجها و قادات جلابتها: و اش تنتسناو انابا ..