الســــفــــاحــــة الصــــهــــبــــاء🪓|🇲🇦

الحلقة5: الحفلة

👭🏢يوميات بنات الميتم🏢👭
للكاتبات✒️:Victoria kaelin و Mina Abou
الحلقة5: #الحفلة
💜📖الجزء 1📖💜
بعد شهر من اليوميات داخل الميتم كان اليوم يوم مهم بالنسبة لبطلاتنا مينة و سوكا يوم مميز و كذلك بالنسبة للميتم حيث كيصادف اليوم العالمي للأمومة و كيصادف ان الفتاتين كملو 17 سنة..
مينة كتطوي لفراش و سوكا جالسة فالشرجم..
مينة: شفتي سعدنا ا ختي غانبداو 17 عام بالشقا و تمارة
سوكا:علاه وجهنا د السعد اصلا
مينة: ليوم كملنا 17 عام مكاين بو حلوة
سوكا:ههه واش باينة بعدا علينا هاد 17عام
مينة: نتي بعدا مزالة مشعككة بحال الصغر ههه
سوكا شادة كريناتها:هههه ياك لمك ملاحظتيش بلي شعري طوال ههه
مينة: امم اجي زعما صحاب الجمعية غايجيو هاد لعام حيت لحوايج دالعام لفايت گاع صغارو علينا
سوكا:وااقيلة شوفي ياختي هاد لكسوة شحال مزييرة عليا واقيلة غلاضيت
مينة: اه اصاحبتي عرفتي اش كتديري للدواز ههه
سوكا:هههه ولكن باقي تنبان فنيكيشة ياكما معييقة بحال ديك سليعفانة د خولة؟
مينة: لاياتا هاديك خارجة ليها بحال نملة ههه
كوثر دخلات عينيها منفوخين: سهرت لبارح بغيت نعيش ديك منتصف الليل ضروني عينيا
سوكا:منتصف الليل مخليتو الله يحفظ حتال لجنون يتساراو كيف بغاو اش مسهرك لديك لوقيتة؟؟
كوثر: ليوم غايجيو صحاب لجمعية مجانيش النعاس البنات (جلسات فناموسية مينة)
مينة: واش متاكدة بلي غايجيو؟؟
سوكا:وايلي باش عرفتي غيجيو؟
كوثر: خصهوم اجيو راه مبقا عندنا منلبسو كاع التبرعات تتمصهم زنفورة
سوكا:ايوا و شغنديرو؟
مينة: معرفتش اش تيديرو دابا لبنات؟؟
كوثر: خليتهم تيفطرو نزلو فطرو عمي كولوباح ملي عرف ليوم عيد الامومة صاوب كيكات و لحلوة
سوكا:وايليي ايوا يالاه ندوزو عليهوم
مينة و سوكا هبطو للكوزينة تلاقاو عيشة و السعدية خارجين تيلحسو صباعهم..
سعدية: امنم فين كنتو طحنا فالكيكة ههه
مينة خنزرات و شافت ف سوكا: فين حقنا؟؟
عيشة: حقكم فالجنة ههه
سوكا شنقات عليها:واش تتقلبي على شي سلخة فهاد نهار فين حقنا؟؟؟
فاطمة خرجات: مالكم ههه سوكا بقا غير اتاي
سوكا:واش بغيتي ندوشك بيه ولا فين حقناا؟؟؟
مينة: زيدي نشوفو عمي كولوباح خلي هاد لمجوعات
سوكا طلقات منهوم:يالاه عرفتي و منلقاش حقي يحتى نعصرو منكوم
مينة و سوكا دخلو لقاو كولوباح جالس ممدد فوق لكرسي سخفان..
مينة و سوكا:كككولوباح عمي مالك؟؟
كولوباح تيهضر بصعوبة: اف فضاو معايا دوك لهيشات
سوكا طلعات كمامها:شفتي راه قلت ليك هادو خصهوم يتمحاو و متتسمعيش
كولوباح: ماخلاو ما كلاو سدو سدو داك لباب كلاو السكر كلاو الدقيق شربو العسل حتا لما و تقول واش هوما بنادم
مينة تتخمم: اف (سدات لباب) لالا عمي هادو ماشي بشر
كولوباح: حتا واحد لعجينة كلاوها كنت حاطها غا ندير لخبز
سوكا:اش بان ليكوم ندوز ليهوم راني مقطوعة مزال مفطرت
كولوباح: علاه غانساكوم راني خبيييت ليكم حقكم فالثلاجة واحد لحلوة د لاكريم
سوكا بتاسمات:داباا مزيان غير رتاح ليك من بعد غناخد ليك حقك منهوم ههه
👭🏢يوميات بنات الميتم🏢👭
للكاتبات✒️:Victoria kaelin و Mina Abou
الحلقة5: #الحفلة
💜📖الجزء 2📖💜
مينة سمعات الثلاجة حلاتها لقات حلوة كبيرة د لاكريم حطاتها فوق الطبلة..
مينة: كيدارو مهزوش هاد لحلوة؟؟
كولوباح: واغا قلتلهم الثلاجة ذهنتها بدوا لفيران عاد ما بعدو عليها
سوكا:اووه باينة بنينة ههه
كولوباح وقف تيتلاوح: غا جلسو كولو غانجيب قرعة د لمونادا من بيتي و عندي ليكم مفاجأة
مينة تتلحس صباعها و تتاكل لاكريم: واو شفتي عمي كولوباح شحال ضريف
سوكا معمرة فمها بلحلوة:اووه نموت انا فالمفاجآت
كولوباح جا خوا لمونادا و حط صنيديقة صغيرة ل سوكا و صنيديقة ل مينة.. مينة حبسات لمضيغ و مسحات يديها بكسوتها..
سوكا حبسات لمضيغ و عينيها على صنيديقة:اش فيها ؟
كولوباح: حلوها ههه
مينة حلاتها لقات سنسلة د النقرة معلقة فيها كلمة صغيرتي و طوينگات دايريين..
مينة عينيها غرغرو..
سوكا حلات ديالها لقات نفس السلسلة و طوينغاات:ج جاامي شي واحد هداني شي كادو هاكا
كولوباح: نتوما تستاهلو حياة احسن لكن هادا هو القدر
مينة مسحات دموعها: اه عيد الامومة متنعرفش انا اشناهيا هاد الامومة
سوكا حابسة دموعها:هاد الأمومة عمرنا نعرفوها اختي هدا هو قدرنا
كولوباح: دابا نتوما بقا ليكم غا عام تخرجو من هنا واش عرفتو فين غاتمشيو..
مينة شافت ف سوكا..
سوكا:غنكريو شي دار و نشوفو شي خدمة هدا هو مخططي حاليا
كولوباح: انا خايف عليكم من ذياب الشارع
سوكا:لا متخافش ا عمي علماتني لعيشة فلميتم انني نكون راجل ماشي غير مرا
كولوباح: المهم ملي غاتمشيو غانتاصل بواحد صاحبي تيكري الديور الا غايتصاوب معاكم
سوكا بتاسمات:شكرا ربي خليك لينا عمي كولوباح عمرني شفت شي راجل بضرافة ديالك
مينة: اه معرفناش كيغنديرو نشكروك
كولوباح: تهلاو غا فريوسك انا غاندير جهدي باش تكونو فرحانين هاد العام لي بقا ليكوم
سوكا:الله يحفظك لينا وخلاص نتا لي مفوج علينا هنايا
زنفورة فالمكتب حتا دخلات عليها عيادة..
عيادة: لالة زنفورة جاو شي ناس بغاو اشوفوك
زنفورة: اه الناس د الجمعية (وقفات) دخليهم
عيادة مشات و رجعات جايبة معاها امرأة لابسة لعصري تتبحلق فالميتم و تابعينها ثلاثة د الرجال..
زنفورة: مرحبا ب استاذة خديجة تفضلي طال غيابك
زنفورة تتسلم: سي زهير استاذ تفضلو مرحبا
خديجة هزات التيليفون شافت فيه: استاذة زنفورة راه شي ناس مطلعين شي اغراض تاصلي بشي حد اتكلف
زنفورة:اه واخا نتاصل ب جمال
مينة و سوكا تيسيقو الدروج حتا بان ليهم جمال و شي رجال طالعين مع الدروج هازين شي كراطن..
مينة: شكون هادو ملقاو امتا يجيو حتا تنسيقو الدروج
سوكا:سييقي سييقي الله يجعل شي واحد يطيح فيهوم
مينة: ههه والله الا كبي التيد
سوكا:هههه دابا وليتي عاجباني
مينة كبات التيد و لما و رجعات اللور كتبتسم: شحال ضريفين هاد الناس
سوكا:ههه دغيا تتحكمي على لواحد اصاحبتي
👭🏢يوميات بنات الميتم🏢👭
للكاتبات✒️:Victoria kaelin و Mina Abou
الحلقة5: #الحفلة
💜📖الجزء 3📖💜
الراجل اللول هاز كارطونة كبيرة غا دار رجلو و هو يزلق و تبعو الراجل لاخر شي طاح فوق شي..
مينة شدات فمها..
سوكا حابسة ضحكة..
الراجل: اي عاوني اش كتشوفو نتوما ا هادوك الزوجات؟؟ مينة جرات سوكا و مشاو تخباو...
الرجل ناض و هزو لكراطن: اف اش دانا نديرو شي خير
جمال: اف هادوك الزوجات واقيلة داروها بلعاني ااه
سوكا:ههه مساكن
زنفورة خرجات مع خديجة: عيادة قولي ل كولوباح يوجد داكشي و عيطي على لبنات (غمزاتها)
دخلات زنفورة للغرفة مع الجمعية و جلسو فطاولات لقدام و لبنات تايدخلو وحدة بوحدة لابسات لكسيوات لي مكتوب فيهم اسم الميتم..
مينة لي كتلبس ليبا فوق الناموسية: سوكا هاد ليبا تزيرات عليا اف
سوكا:انا نيت هاد لكسوة شحال مزييرة عليا افف بلا متلبسي ليبا
مينة: وا رجليا عامرين بالزغب اف
السعدية خشات طرف د الثوب ف سروالها: خفت غا نتفضح البنات لابسة لبيض
عيشة كتدير الريفضور: تانتي هاديك تتجيك غا فبحال هاد المناسبات
سوكا:صافي غير حاولي تلبسيها بزز
فاطمة خدات الصاك د سوكا جبدات عكر تتحكو ل فمها..
مينة طلعاتها: اوا لاباس تنحس براسي بحال الا داخلة ف قرعة هه
سوكا خنزرات:تي حطي داك لعكر اش داك تهزيه
فاطمة لاحتو فوق اللموسية: تانتي لي زين زين شوفو كيجاني
السعدية: اربي ا سوكا عطيني نديرو
سوكا:شو لحمارة سالات منو و لاحتو يالاه هزيه و رضيه لبلاصتو
السعدية هزاتو: هي مغتخليهش ليا نديرو
سوكا:ديريه ولكن رضيه لبلاصتو
السعدية فرحانة كتديرو..
عيادة دخلات: وادوك لغولات طلقونا واش مزال مغتخرجو
سوكا:وا ها حنا (تتقاد ضفيراتها)كلشي هو هداك
لبنات دخلو للغرفة و تسد لباب..
خديجة: احم السلام عليكم لبنات سمحولينا شحال غبرنا عليكم لكن التبرعات كانو قلال
زنفورة: راه لبنات عندهم للي يكفيهم ا استاذة (مبتاسمة)
خديجة: واخا هكداك حنا مسؤولين منهم الجمعيات لخرى بزاف منهم عندهم مشارعهم الخاصة
عصام: اه ا استاذة الجمعيات مبقاوش متعاونين و المحسنين مزاعمينش حيت السمعة د الجمعيات بدات تهبط
خديجة: المهم استاذة زنفورة عطاتني اللائحة د لبنات فالجناح و كل بنت عندها نصيبها من العطاء د الجمعية و كنهنأكم بمناسبة يوم الامومة و نتمنا ان استادة زنفورة كانت نعم الام ليكم
زنفورة: لبنات ا استاذة تيحتاجو زيار حيت هاد لفترة خصوصا صعيبة
مينة طلعات راسها شافت ف جميلة و نغزات سوكا..
سوكا:اح اش كاين
مينة: بغات تزيرنا صدقات المفضلة عندها دايرة لفضايح
سوكا:الله ينزل عليهوم النعلة بجوجات ماركة وحدة
مينة: صراحة بقات فيا جميلة كتبان ديما مهمومة واش الحب هكدا داير؟؟
سوكا:اشمن حب ولا لحبوب اصاحبتي داكشي راه غير فالافلام
مينة: امم علم الله اش گاع جابو لينا
سوكا:انا جوج حيبان عندي عرفتيهوم شكون ياك ههه
مينة: اممم شي جنون؟
سوكا:والاا وراه باينة اصاحبتي
مينة: راسك وانا هههه
👭🏢يوميات بنات الميتم🏢👭
للكاتبات✒️:Victoria kaelin و Mina Abou
الحلقة5: #الحفلة
💜📖الجزء 4📖💜
سوكا:احم بالإضافة لراسي 3حوايج نتي و لفلوس اصاحبتي هههه نتوما هوما لحيبان ديالي
خديجة: جميلة
جميلة ناضت لعندها..
خديجة هزات ميكة و عطاتها ليها..
جميلة: شكرا بزاف
زنفورة بتاسمات: جميلة اصلا كيتعطاوها مكافات حيت ذكية و مهذبة
خديجة: مزيان لاحظتها بصحتك
جميلة: شكرا (هزات ميكتها و مشات جلسات)
مينة: شفتي شفتي ايه اقلبي
سوكا:غير تهدني حبيبتي غناخد ليك حقك واحد الشوية ههه
خديجة: سكينة..
سوكا ناضت لعندها..
خديجة تتقرا ملفها: ههه ممتيقاش بلي نتي كتبو عليك كاع هاد المشاكل و الأسطر
زنفورة: راها غاتضربك على الشعة
سوكا ببراءة تتلعب بضفيراتها:لا ا مدام راه غير تنلعب معاهوم و صافي ههه
خديجة شافت ف زنفورة: تنعتقد غا ضلم هادشي ههه شوفي لبنت شحال كيوت
زنفورة تتخنزر و تعوج وجهها..
خديجة هزات ميكة: تفضلي ابنتي
سوكا شداتها من عندها:شكرا بزاف مدام
خديجة: السعدية..
السعدية ناضت و لبنات سدو فمهم..
مينة: شوفي ناري السعدية الوداد
سوكا:اناري الراية د جابون
فاطمة شيرات عليها بواحد الصدفة للظهر و تلفتات.. العضو د الجمعية قلب وجهو..
زنفورة: غبري الله يغبر لك الشقف
السعدية: اشنو اش ترا؟؟
خديجة: لا خليها سيري ابنتي لبيتك
جميلة ناضت: السعدية اجي معايا
السعدية: اراي ميكتي
خديجة عطاتها الميكة و داتها جميلة..
خديجة خنزرات ف زنفورة: مينة..
مينة ناضت لعندها..
خديجة: مالك ابنتي ضعيفة واش متتاكليش مزيان مينة اشارت براسها لزنفورة..
خديجة خنزرات: امم فهمت نتي غانعطيك زوجات (بتاسمات) حيت نتي باينة مكرفصة
مينة عينيها لمعو: واو ههه شكرا
مينة عنقات الميكات و جات جلسات: سوكاااا حبي
سوكا:ههه بصحتك حبوبتي
مينة: غانقسمو هادشي ياك ههه
سوكا:لي عجباتك خوديها من عندي
كولوباح دخل تيفرق لحلوة و لعصير على لبنات و عطاتو خديجة باكيات د الشكلاط افرقهوم..
كولوباح وصل عند مينة و سوكا: بصحتكوم هزو لعصير و لحلوة
مينة: امم عطيني لقويغطات ههه
سوكا:ههه يامي هادشي باينة بنين
خديجة هزات لحلوة تتاكل و تتهضر مع عيشة لي قتلاتها بالضحك..
👭🏢يوميات بنات الميتم🏢👭
للكاتبات✒️:Victoria kaelin و Mina Abou
الحلقة5: #الحفلة
💜📖الجزء 5📖💜
زينب صايگة رونج زرقة و طالقة لمزيكة بالجهد و جالس حداها وديع تيهز راسو و عينيه حمرين و نيفو تيقطر هاز صاشي د لغبرة ...
فالمقعد الخلفي منى تتبادل القبلات مع خالد و تتعطيه المخدر بصبعها لنيفو و تينفاجرو بالضحك كلشي ناشط فالطوموبيل حتا بدات منى تتغوت: وقفييي وقفيي زينب
زينب كتشوف من لمراية: هههه ياكما درتوها قلتلكم باركة من الحب
وديع تيشوف فالمراية: ههه كترتي لو لاضوز د لبوسان اصگعة هههه زينب كتكلاصوني: هههه السيد ذاب
منى: راه بصح معاكم بارد اهئ واحبسووووو (بالغوات)
زينب: قوقتي ليا راسي ا ساطة اف (زادت للموسيقى)
خالد بدات لكشكوشة تتخرج من فمو...
وديع: زينب حبي نمشيو للبرتوش ههه
زينب: كون تحشم هههه
منى: ناري لكشكوشة عافاكم واوقفووو
وديع تلفت لقا خالد مطيح راسو فوق فخاد منى و لكشكوشة خارجة من فمو
وديع جر زينب من لاڤيست: وقفييي وقفييي مال هاد زبل
منى: مات مات اهئ وقفييي
وقفات طوموبيل...
زينب:انااري مالو؟؟
وديع هبط جر منى لبرا و جلس حدا خالد تيتحسسو و خرج شاف فلبنات: هادا مات (تيعض فكفو)
منى: اهئ قلتهاليكم اهئ معرفت مالو اهئ
وديع: خدا أوڤرضوز البنات موصيبة صافي
زينب تتاكل ظفارها متوترة:نااري مشيناا فيها مشينا فيها
وديع بالغوات: سكتووو سكتوو
منى: زيدو نديوه لسبيطار اهئ
وديع: اشمن سبيطاار اهاد لحمقة (ضرب الطوموبيل) اشمن سبيطار؟؟؟
زينب:لا لا ميمكنش ميمكنش
وديع شاف ليمن و ليسر و حل لباب جر خالد لبرا الطوموبيل..
منى سادة فمها...
زينب:اويلي ميمكنش نخليوه هنا
وديع عرقان عينيه خارجين: سكتي سكتيييي
وديع جرو لواحد النافورة قديمة و حطو لداخل و ركب و صاگ بالزربة...
ف قصر كبير فمنطقة تاغازوت جالس راجل فالاربعينيات كرشو خارجة و الخدامة بعدما هزات لغذا دخلات مرتو..
نجاة: الحاج عبدالله بالصحة
عبدالله: الله يعطيك الصحة ا لحاجة نجاة فين غادية؟؟
نجاة: انا غنمشي عند صاحبتي ماجدولين عندنا لاصال
عبدالله هاز الجرنال: واخا مزيان فين بعدا داك لولد عندك؟
نجاة: راه ملي دخل قبيلة مشفتوش حتا لغدا متغداهش
عبدالله: انا نطلع لعندو (حط الجورنال)
👭🏢يوميات بنات الميتم🏢👭
للكاتبات✒️:Victoria kaelin و Mina Abou
الحلقة5: #الحفلة
💜📖الجزء 6📖💜
عبدالله دق بيت ولدو لي كان غير لباب من برا خيالي...بعدما قاليه ادخل عبدالله دفع لباب: وديع
وديع لي كان تيشوف من لبلكون د بيتو تلفت.. عبدالله قرب منو: مالك ا ولدي واش مريض؟
وديع: لا الواليد (تيحك نيفو و جلس فوق الناموسية متوثر) عبدالله جلس حداه و حط يدو على فخدو: ولدي نتا الولد الوحيد للامين العام لحزب معروف عرفتي شكون باك؟
وديع وقف شاد فجنابو: عرفت الواليد عرفت انا ولد عبد الله السعيدي اكبر برلماني تيتخلص لملاين و رصيده اكبر من اي واحد فهاد لبلاد و من بعد ا الواليد هاد لهضرة ديما تنسمعها منك
عبدالله وقف: اش هاد الاسلوب باش تتخاطبني ا ولدي انا قلتلك خلي عليك داك الكوليج قلتلك تما غا ولاد الشعب انا وجدت ليك وراق تمشي لبرا معرفتش لمن طلعتي
وديع تلفت لعندو: مبغيتش انا برا اش غندير بيه انا بلاصتي هنا حدا لواليدة ولا ناوي تكمل عليها التكرفيص مناش دازت
عبدالله: شوف اولد لعبد راك تطلع تاتعيا حوايجك لي لابسهم نعريك منهم و نلوحك برا تاكل الزبل
وديع تلفت جيهة البالكون و عبدالله طالع ليه الدم خرج ضرب بالباب..
وديع: تفووو ببا بااا بااا انا درت الزبل حوايجي يخ على اب وديع قطع ديباردور لي كان لابس ضرب بيه لرض وديع: هاك حوايجك هاك..
وديع هز لمخدة و هز علبة كحلة صغيرة حلها و خدا شوية بصبعو دارو ف نيفو و طاح فوق اللموسية ستارخا..
مينة فالبيت تتقيس لكسوة و سوكا دخلات عندها هازة خبز عامر باللوبيا..
مينة: انا بعدا متغذيتش غا بالفرحة شوفي اش جابو لينا
سوكا:ههه تي هاكي كولي بعدا راه مكليتي من لحلوة د لفطور
مينة هزات لخبز عضات فيه: شوفي هاد لقميجة غاتجيك زويينة
سوكا شداتها:اوه لونها زوين صبري نقييسها
مينة حطات لخبز فوق الناموسية و هزات سروال دجين: واعر هادا ا صاحبتي
السعدية دخلات بالزربة تخشات تحت لكاشة..
سوكا لبسات القاميجة:اوه اصاحبتي مبغات كاع تسد هاد صدفة من جيهة الصدر
مينة: السعدية عندي هنا واحد الصاية واسعة غاتعجبك ههه
عيشة دخلات لابسة كسوة واسعة جات مورا سوكا ... عيشة كتدور: لمن تنشبه؟؟
سوكا مدابزة مع صدفة تسد:تتشبهي لمونيكات د عاشورا
مينة: صافي ا سوكا لا تقجي راسك
فاطمة لي تتدخل شي صباط بزز: سكتو السعدية فيها لوجع
سوكا طلقات صدفة و بقات القاميجة محلولة جيهة الصدر:ههه صافي هكا نيت مزيان ياك امينة
مينة: اشوفك عبد العاطي يرجع للكومة خلينا اودي ههه
كوثر طارت على لخبز د مينة: الله فيا نيت الجوع
سوكا قصدات السعدية:السعدية وا السعدية
السعدية: همممم
سوكا:شوفي راني شفت داك نهار شي خزامة زرعاتها دادا عيادة فالجردة نجيبلك منها تشربيها غيفوتك لحال راها مزيانة لوجع
مينة لاحت لكسوة و عيشة وجهها ملطخ بنيفيا حلات فمها.. فاطمة: سوكا هادي نتي؟؟
سوكا ضارت لعندهوم:واش بنادم ميتعاملش مزيان نهار عيد ميلادو خليونا نحنو فبنادم شوية(شافت فالسعدية)اش قلتي نتي؟؟
السعدية شافت فسوكا و حركات راسها..
مينة: راه ختي سوكا حنينة غا نتوما بنادم مينفعش احن فيكم
سوكا بتاسمات:قوليها ليهوم اختي قوليها ليهوم هادو ميصلاح معاهوم غير لقاصح عطيني داك لبوليرو نلبسو نغطي بيه هاد الصدر مافيا ميبدل نمشي نجيب ليها لخزامة
مينة لاحت ليها لبوليرو: متعطليش الا تحرمنا من لحفلة غانتاحر ههه
سوكا:لا لا متخافيش(لبسات سوكا لبوليرو)هانا مشيت نتوما عنداكوم شي وحدة تحگر على ختي فغيابي...
كولوباح تيحمر الدجاج حتا سمع شي حد دخل للكوزينة و تلفت..
كولوباح: مابيل سوكا كتباني زوينة ليوم
سوكا:ههه علاه انا خايبة قبل
كولوباح حط لمغرفة: لا ليوم شي حاجة مبدلة فيك تتباني مراة ههه
سوكا بتعجب:وايلي زعمة على لحوايج ههه
كولوباح: ااه لحواايج دوري دوري جاتك لقاميجة غزالة
سوكا بتاسمات:ههه شكرا بزااف (حطات لخزامة فوق البوطاجي)ممكن اعمي تمد ليا ديك لكاسرونة
كولوباح هز لكسرونة: علاه اش غاتديري؟؟
👭🏢يوميات بنات الميتم🏢👭
للكاتبات✒️:Victoria kaelin و Mina Abou
الحلقة5: #الحفلة
💜📖الجزء 7📖💜
سوكا هزات لكاسرونة عمراتها بلما:غنقاد مسكن الم ل السعدية ههه
كولوباح: اه مزيان فراسك غاتكون لحفلة واحد شوية
سوكا:ااه راني تنحااول نزرب نلحق عليهوم(غسلات لخزامة و دارتها تتغلي مع لما)
طوموبيل كبيرة وقفات قدام الميتم و هبط الشيفور حل لباب ل عبد العاطي لي شاد عكازو و تيعرج و جات زنفورة تتجري لعندو...
زنفورة: سي عبدالعاطي على سلامتك مرحبا نورتي الميتم مرحبا
هبطات شافية مرت عبد العاطي و مشرفة الجناحين الاول و الثاني..
شافية: اهلا زنفورة كلشي هو هداك
زنفورة بتوثر: اه كلشي مقاد
عبدالعاطي: شافية تاصلي بلولاد
شافية هزات التيليفون: تنننن الو أمجد فينكم راه حنا وصلنا اش هاد التعطال
شافية: يالاه
دخل عبد العاطي للجردة د الميتم فالجناح الاول جردة كبيرة و منظمة لقا لكراسا و الطوابل منصة كبيرة فيها بيانو و ليباف..
زنفورة: تفضلو ها الطبلة ديالكم
شافية جلسات حدا عبد العاطي تيهضرو و زنفورة جرات للداخل..
كولوباح: صافي ابنتي كملتي
سوكا هازة كاس مغلي لخزامة:صاافي واجد مصفي و كلشي هانا مشيت ا عمي
زنفورة جات تتجري: سوكا اش مزالة كتديري مزالة مبدلتي ما والو
سوكا:دابا نطلع نبدل دغيا دغيا غير نعطي هدا ل السعدية
زنفورة بتقزز شافت فالكاس و دخلات عند كولوباح.. سوكا طلعات للبيت.. مينة لبسات شورط فلبلو مارين و تيشرت فنفس اللون مزوق بالورد و بالغين فالبيج..
سوكا:ايهاااي على الزين جات معاك اللبسة
لبنات كل وحدة لابسة و مقادة جالسات تيديرو لكحل..
مينة: جيتك زوينة ههه اجي ا زغبية مزال مبدلتي
السعدية تلفتات ليهم و جهها مزنگ..
سوكا:وا دغيا نكمل (قصدات السعدية)هاكي شربيه كاملو راه غيمشي ليك لوجع فلبلاصة على حسابي
السعدية هزات لكاس كتشرب عرقانة..
مينة: اش غتلبسي سربي بيما ندير ماكياج (حلات عين و سدات وحدة و كتدير لكحل)
كوثر و فاطمة هبطو و عيشة جلسات حدا السعدية تتحك ليها ظهرها..
سوكا حييدات لبوليرو دغيا و لقاميجة لي لبسات جبدات و واحد القاميجة نص كم فلبيض قصيرة لبساتها مع صاية فلgرونة قصيرة فوق ركبة
سوكا:صافي هانا واجدة
مينة جرات لسوكا الظفيرة: واش لموك احسابليك باقا برهوشة راك وليتي گد لخلا طلقي هاد الظفاير افف
سوكا شادة ضفيراتها:لا اصاحبتي منقدرش انا هكا تنرتاح
مينة: واش كاع لبنات مزوقات ونتي جامعة داك الشعر لمن مخبية سوالفك
سوكا تتلعب بضفيرتها:انا تيجيني راسي زوينة بهاكاا
مينة: اشمن زوينة كتباني بحالا عندك عشر سنين تي نوضي
سوكا:يااك اممم و شنو ندير فرأيك؟؟
مينة: غاطلقي شعرك و تلبسي هاد الصباط باش اصاحبتي تعجبي شي واحد شوفي انا درت هاد لحمر باش نعجب شي واحد تما ههه
سوكا:ههه الى كان لباس عليه علاش لا(بدات تفك ضفايرها)
👭🏢يوميات بنات الميتم🏢👭
للكاتبات✒️:Victoria kaelin و Mina Abou
الحلقة5: #الحفلة
💜📖الجزء 8📖💜
مينة: ذهنيهم بعدا بشي زيت راه غاتلقاي فيهم لقمل هه
السعدية ناضت: الله حسيت براسي شوية واقيلة غانوض للحفلة
عيشة: على سلامتك گاع لبنات هبطو نوضي..
سوكا:موك لي فيه كاالاك لقمل
السعدية: سوكا سيري الله يرضي عليك و يفرج عليك و علينا
سوكا:امييين اختي فاتك الحال مشا لوجع ياك؟
السعدية: وامشا معندي ميتسالك ا ختي غانوض نلبس غا الجلابة د لموبرة لي جابو ليا
سوكا:واخا (فكات شعرها و بقا مطلوق)يالاه هاهوا دابا واش غنخرج بيه هاكا
مينة: صبري نمشطو ليك اهاد لهيشة دوري
سوكا:واخا
بدات تمشط مينة شعر سوكا و سوكا ضفرات جوج صفيرات صغار من كل جهة سوكا:كي جيت واش زوينة قولي واش زوينة
مينة: واش نتي لابدا تظفري
سوكا:واصاافي اصاحبتي راهوم صغارات مباينينش قولي واش جييت زويينة
مينة: تبارك الله عليك احبي
سوكا فرحانة تتنقز:صبري ننعكر ليا حتى انا(هزات عكر غوز دارتو لفمها و شوية ماسكارا)صافي كلشي هو هداك ياك؟
مينة: الطايح كثر من النايض ايهايهاي ا سعدية واش درتي بعدا الاحتياط
السعدية: ههه غا ملي غنخرج اشوفوني تانا هاداك هو الربح ههه
السعدية هبطات مع عيشة..
مينة: يالاه طلقي حنا لي بقينا
سوكا:صافي راني واجدة يالاه نهبطو هههه نهار كبير هدا ملي حييدت ضفاير باينة مغيقشعني حد
خرجات سوكا و مينة للجردة بحال الا خرجو لشي عالم اخر الدنيا عامرة بالبنات د الجناحات لخرا و الناس د الجمعية معاونين فتقديم العصير و الحلويات..
مينة: واو ا صاحبتي هادشي كلو حيت رجع عبد لعاطي
سوكا:ههه وايااه اختي سعداااتو
سوكا تلفتات ملقاتش مينة حداها...
مينة فجهة خرا: سوكا سوكا فينك افف فين مشات هادي
سوكا تتقلب بعينيها:اويلي فين مشات هادي؟
مينة كتمشا تتقلب حتا جرات واحد لولد بكوستيمو: مبانتش ليك واحد لبنت؟؟
الولد: ههه علاه شحال من بنت هنا؟؟؟
مينة ضربات جبهتها: اف سميتها سوكا دايرة زوج ضفرات لا مبقاتش دارتهم كيشتي مخليتهاش تخليهم
لولد: مفهمت والو شكون هاد سوكا واش نجيب لميكروفون تعيطي عليها
مينة: لا لا غاتعرف زنفورة بلي نوضت الصداع غاتكويني
الولد: كيفاش؟؟
مينة: لا غا سير غا سير
سوكا غادة جاية:اوييلي واش تخطفات هادي ولا شنو
عيشة دايزة جراتها سوكا من كم كسوتها:اجي نتي لهنا مبانتش ليك مينة
عيشة:بسم الله الرحمن الرحيم ياك متتفارقوش
سوكا:واش شفتيها ولا لا
عيشة:والاا
سوكا طلقاتها:اففف غبري عليا غير كمارتك....
سوكا غادية تتقلب بعينيها حتا تساطحات مع واحد لولد كبات العصير فصدرو مثلج..
👭🏢يوميات بنات الميتم🏢👭
للكاتبات✒️:Victoria kaelin و Mina Abou
الحلقة5: #الحفلة
💜📖الجزء 9📖💜
لولد: اووف اش درتي
سوكا بتعجب:علاه اش درت اولد لعبد؟اح ا ولد الناس؟
لولد طلع راسو شاف فيها و هو يتبلوكا و بقا تايمسح لكوستيم..
سوكا:اجي بانت ليك واحد لبنت لابسة شورط بلومارين غتشييبني متترصاش
لولد: بنت؟ راه عرام دلبنات هنا و زيدون انا فين تنحضيهم اش لابسين
سوكا تتلعب بضفيراتها الصغار و تتلفت:مقلتش ليك انا حضي سولتك غير واش تصاطحتي معاها
لولد: نعرفك براسي انا..
سوكا:واا اش بغيييتك رااني تنقلب على ختي واش مسالية لشي تعاارف..
مينة: مالك لاصقني كي لغلالة قلتلك مفيك فايدة خليني نقلب على ختي
لولد حابس الضحكة: غا صبري واش عرفتي بعدا شكون انا مينة: اش غتكون شوف خليني حسن ليك
لولد: واغا عطيني فرصة ندوي معاك
مينة: اشمن فورص ولا قمح والله ومنلقا ختي حتا نعضك
سوكا تتلفت:اوووه فين غتكون مشات؟؟
لولد: وا غا شوفي فيا عندك نمرة تيليفون؟؟
سوكا:نمرة تيليفون داكشي لي بقا ليا فين عمرني قست بعدا شي تيليفون(تتقلب بعينيها)خليني نقلب على ختي
لولد جمع تيليفونو: امم قولي نتي من بنات الميتم اينا جناح نتي؟
سوكا:الجناح 3 مالك تتسول و داير ليا لونكيط
لولد عاد غايدوي صونا تيليفونو: الو امجد اش واقع؟ ااه وي وي اه لا بلا ميكروفون راها معايا ههه راه تانا بحالك ههه غا اجي حنا حدا لبيسين صغير غا زيد ههه تننن
مينة: صافي غايجيب لميكروفون ياك قلتليك لا
لولد: وا صافي راه لقينا ختك زيدي معايا
سوكا:شتتخربق نتا اشمن ميكروفون ولا فكرون بغيت ختي لنقتل شي روح هنا
مينة مشات مع لولد حتا بانت ليها سوكا من بعيد و جرات لعندها ...
مينة: اف اف ختي تخلعت
سوكا قرصاتها فكرشها:لمك واش تنقولك متبقايش تفارقي معاايا
مينة: احح شفتي هادا كان تيتبسل عليا قاليك بغا اتعرف عليا
سوكا:نفس الشيء مع هداك قالك واش عندي تيليفون مريض هدااك
مينة حنززات فيهم..
امجد: انا امجد 25 سنة و هادا خويا اكرم 26 سنة تشرفنا بيكم
سوكا:انا سوكا 17عام ليوم نيت لي كملتها و هادي ختي مينة حتى هي 17عام
مينة شافت ف سوكا: شكون قاليك قوليلهم
سوكا:واااش تاني!!! تاديري بحاالا غياكلونا
اكرم: متخافوش حنا مغناذيوكمش حنا ولاد ا..
امجد: اه مينة ممكن دقيقة
مينة شافت ف سوكا: كك كيفاش؟؟
سوكا:شفتك ضسرتي هااه دقيقة و شوية ترجع ساعة اش باغي عندها؟؟
اكرم: غا خليهم انا نيت بغيتك شوية
سوكا:اش بغيتيني اودي؟؟
اكرم منزعج: خصنا نكونو غا انا و نتي
سوكا:وعلاش بالسلامة
اكرم: اوا كحزي بعدي نقول ليك
مينة: اشنو نتا اش باغي؟؟
امجد: غا شوية ورجعي مالك...
حنان تتمسح الطوابل كما العادة فالمطعم و رابطة راسها و جا لعندها السرباي..
السرباي: حنان مزال ماهداك الله؟
حنان تقادات فلوقفة: لا انا هنا باش نخدم فالريسطو ماشي يسيفطوني عند لكليان لديورهم
السرباي: هاداك ماشي كليان هادا الحاج مصطفى مول هاد المطعم كاملو
حنان: و يكون راه مغيشرينيش انا خدامة بالحلال و كون بغيت لحرام غانخرج ليه نيشان
👭🏢يوميات بنات الميتم🏢👭
للكاتبات✒️:Victoria kaelin و Mina Abou
الحلقة5: #الحفلة
💜📖الجزء 10📖💜
السرباي:و الله يهديك ا حنان واش غتبقاي هاكا صابرة لراس شهر على ود جوج فرنك
حنان: واش انا شكيت عليك واش ا عباد الله متتخليوش رحمة الله تنزل
السرباي:رااسك قااصح و الله عييت معاك انا
مشا السرباي و جلسات حنان فالكرسي حيت المطعم متيعمار حتا تغرب الشمس شوية شافت تودا جارتها من بعيد جاية و جرات لعندها..
حنان: خالتي تودا مالك اش هاد لمجية؟؟
تودا: ماماك ا بنتي راها عيانة بزاف ديتها للمستوصف خرجو ليها التحاليل و قاليا ضروري غدا الصباح تديرهم
حنان مخلوعة: وو واخا صبري دابا نعلم داك السرباي دلويل
مشات حنان علمات السرباي و جرات مع تودا للدار لي كانت فدرب شعبي عامرين بديور لكرا ...
حنان طلعات الدروج بالزربة و دفعات لباب د لخشب و ترمات حدا ماماها لي متكية..
خرجات نورة بنت تودا من لكوزينة: راه ا ختي حنان التحاليل واصلين ل شي الف درهم و كثر شوية
حنان: انا جامعة غا 250 درهم لكن متهزيش لهم غاندبرها ا ماما
السرباي تيمسح الطبالي: اف خدمة لعيالات لخدمة د والو السرباي نقز ولقا موراه مصطفى لي حيد نظاظرو..
مصطفى: بوشتة مالك تخلعتي شفتي جن
السرباي: لا ا سيدي غا مولفتش تزورنا بزاف
مصطفى تيقلب ب عينيه: فيين هاديك اسميتها
السرباي: حنان نعام ا سي راها مشات تقضي غاراض
مصطفى: علاه بالسلامة نتا لي بغا يخرج تتخليه باشمن قانون
السرباي: لا ا سي مصطفى لواليدة ديالها للي عيانة مشات تشوفها
مصطفى جبد سيگار: مسكييينااا مالها؟؟
السرباي: معرفتش لكن اصلا ديما تتمرض ليها
مصطفى خرج الدخان من فمو: امم خصني نزورها نتعاون معاها شوية
السرباي بتاسم بتوثر: اه ا سيدي غتدير خير كبيير
مصطفى: نتا عارفني محسن كبير و تنعاون دور الايتام خصنا نمشيو نساندوها
السرباي هز الموني: اه ا سيدي الله يزيدك من خيره
مصطفى: سير قضي شغالك غانرجع بالليل نمشيو عندها
السرباي: واخا ا سيدي
جميلة تتلعب البيانو فالمنصة و كلشي مستمتع بوقتو شي جالس فالطبالي تيشرب العصير شي مجموعين مجموعات ثنائية او اكثر ...
جميلة هزات عينيها بان ليها عبداللطيف حدا واحد لحيط مبتاسم و هي توقف و حيات الناس و هبطات بخطوات متسارعة تتشوف هنا و هنا حتا وصلات عندو مورا لبودرة..
جميلة: لاش جيتي لمن مخلي لباب (تتلفت)
عبد اللطيف:جييت نشوفك
جميلة: اه(متوترة) لكن ماشي هنا و ماشي فهاد لوقت راه موصيبة الا شافنا شي حد
عبد اللطيف:بالنسبة ليك نتي اما انا معندهوم ميقولو لي
جميلة: علاه انا متنهمكش؟؟
عبد اللطيف:مهم جيت نقولك متعطليش الليلة تاني بحال البارح
جميلة: من منقدرش نجي هاد الليلة حياتي
عبد اللطيف كشر ملامحو:و علاااش؟؟
جميلة دارت يديها فوق صدرو: حبيبي انا غا عيانة شوية ليوم
عبد اللطيف:و انا مبقيتش فيك يااك
جميلة: غا صبر حبيبي معرفت مالي هاد ليامات وليت غا دايخة واقيلة لماكلة د داك الطباخ جديد موافقاتنيش
عبد اللطيف قلب وجهو:منعرف انا كنت معول ولكن نتي بان ليا متتبغينيش
جميلة: صافي صافي متقلقش غانجي
عبد اللطيف:صافي داباا مزيان يالله هانا مشيت
جميلة شافت هنا و هنا و مشات عند خولة للي مجمعة مع عيشة..
👭🏢يوميات بنات الميتم🏢👭
للكاتبات✒️:Victoria kaelin و Mina Abou
الحلقة5: #الحفلة
💜📖الجزء 11📖💜
سوكا متضايقة و اكرم واقف حداها..
اكرم: واغا شوفي كيديري عطيني شي نمرة
سوكا:راه قلت ليك معنديش تيليفون باغي نمرة جيبها ليا نتا نيت
اكرم: اا؟ اييه ايه فكرة هاكي فاش غاتكتبيها
سوكا:واش متتفهمش قلت ليك مكاسباا لا نمرة لا تيليفون
اكرم: اف تلفت(جبد بسطامو) هاكي كارط فيزيت ديالي شوفي لابدا يكون تيليفون عندكم مرة مرة صوني ليا
سوكا شداتها و رجعاتها ليه:معندي مندير بيها اصلا علااش اصلا غنتااصل بيك(تمات غادة)
اكرم جرا جا قدامها و حرك راسو: عافاك ماخاسرة والو هاكي غا شديها
سوكا:اصلا اش بيني و بينك باش نتاصل بيك اصلا غير ضييعت وقتي معاك هنايا خليني نشوف ختي فين كاينة
اكرم: تلاقاي ختك شادة ستون مع لخوادري ههه
سوكا:وااخاا نيت غنجرها و نزيدو
اكرم جر يد سوكا و حط فيها لكارط و سدها و بتاسم..
سوكا:اووف متتسمعش(هزات لكارط)أكرم... (خرجات عينيها فلكارط)اااام واش نتا ولد المدير عبد العاطي؟؟
اكرم دار ايديه فجيوبو: اه انا لكن انا عندي مشروعي بوحدي مستقل
سوكا:ااام ااه قول هكاك (ضرباتو لكتفو بخفة)و علاش مقلتيهاش من الاول هيهي
اكرم: علاه خليتوني نهضر ههه (داز السرباي و هز اكرم زوج عصير) تفضلي
سوكا شدات منو العصير:ااام ايوا دوي ليا على مشروعك شوية
مينة: طلق مني واش نتا مبوكر مالك غا لاصق قلتليك معنديش نمرة
امجد:وا شوفي كي ديري باش نبقا ندوي معاك
مينة: راك تتدوي معايا دابا و مقلتي والو
امجد:زعمة باش نبقا نسول فيك الى منقدروش نتلاقاو فهمتي
مينة: وعلاش غاتسول فيا اجي بعدا علاش حال لقميجة من لكول
امجد:عادي علاه متتشوفيش الرجالة لخرين تيحلوها
مينة: تيحلوها؟ اه واخا دابا وسع وسع نمشي عند ختي را جاني الجوع
امجد شدها:مالك فين زربانة ختك راها مع لخوادري غيتهلا فيها فغيابك ههه
مينة: والا اشنو مالك تتشوف فيا هكداك
امجد:اام فلحقيقة عجبتيني بزاف
مينة سرطات دفالها: كك ك كيفاش اش عجبك فيا؟؟
امجد تيشوف فجسمها باعجاب:كلك زوينة تبارك الله
مينة تتقاد الشورط و تهبط البودي: ام ا؟؟ كيفاش زعما؟
امجد:زعمة مكرهتش نعيش معاك بحال كيفما تيعيشو العشاق
مينة: لعشاق؟ راه فالكوزينة فين تيكونو هنا كاين بنادم بزاف (تتحك عنقها)
امجد بتاسم:اجي نمشيو لبلاصة اكتر امان
مينة: امان؟ مبقيتيش باغي تاكل راه لما غا تيشير هنا
امجد:ههه والا نمشيو لشي بلاصة غنرتاحو فيها اكتر
مينة: اه راه حگا تانا جاني الجوع بحالك لكن ياكما بحال مكلة عبد لعاطي ههه
امجد:اام لا لا ااحسن ههه ايوا يالاه اجي معايا(حط يدو على كتفها)
مينة: شي صوسيص هادا ههه فراسك تنشوفو غا فالتلفازة
👭🏢يوميات بنات الميتم🏢👭
للكاتبات✒️:Victoria kaelin و Mina Abou
الحلقة5: #الحفلة
💜📖الجزء 12📖💜
امجد:ههههه وايلي غنخلييك تحسي بمداق عمركي تنسايه
مينة كتطل من موراه: افف غانخبي شوية لختي سوكا
امجد:هههه لا خويا يتكلف بيها غير زيدي
مينة شافت فيه: كيف ااه اه واخا
مشات مينة مع امجد لي هبطها جيهة لگاراج..
لحنش جالس فلبيرو تيضرب الستيلو فواحد لورقة حتا ثقبها كلها... انكوندا جات حداه و جلسات فوق يد لكرسي كتلوى و تحك ليه ظهرو...
اناكوندا:مبقا والو و السلعة توصل ههه
لحنش: اف بقات ساعتاين مزال ساعتاين و المشكل عندنا بلاصة مثقوبة (هز راسو) بلاصة محمد
اناكوندا:اوه ولكن راه ياك قالك خليل يتكلف و يغطي على داك لفراغ لي خلا محمد
لحنش مسح وجهو و تكا على لبيرو: اف خليل لبوسط ديالو اقل من ديال محمد كان نافعنا بزاف لكن داك لبغل خلاهم احصلوه
اناكوندا:واش مزال مجابو شي واحد يبلاصيه فداك لبوسط؟
لحنش: كنتمنا انهم مزال ماجابوه و الا غاتكون هادي النهاية عرفتي شنو لي مطمني (وقف)
انكوندا:وي شنو؟؟
الحنش تلفت لعندها :السمكستي
اناكوندا:ماالو؟؟
الحنش: السمكستي هو رجل المهمات الصعبة انا واثق فيه الا موصلاتش السلعة مغنتفضحوش هو تربية يدي (زير يدو)
اناكوندا:وي عارفة هادشي هو موضع ثقة ولكن و الى تقشعنا؟
الحنش: ميمكنش اقشعونا انا مسيفطو هو بالذات (جبد سيگار) لقطعة دخل: الشاف طوموبيلتك واجدة
اناكوندا:تنتمنى هادشي لميخرجش لينا شي بلان فالجنب
لحنش جبد شي وراق من لبيرو: غادي للبرلمان كثرة النعاس كون غا خلاوني نقابل غا شغلي نتي تهناي (باس جبهتها) الا وصل السمكستي صوني ليا
اناكوندا:واخا لي كان غنقولو ليك....
اكرم : انا عندي محل تنبيع فيه مواد التجميل و عندي صالون حلاقة داكشي كامل الخاص بجمال المراة (تحنا) كوني تنقدر المرأة
سوكا:ااام اااه كاعما باينة فيك ههه هادوك صحاب الصالونات اغلبيتهوم تيكونو مخنتين ههههه
اكرم: ههه علاه عمرك مشيتي لشي صالون؟
سوكا:ههه عمرني فحيااتي
اكرم: وكيفاش عرفتيهم هكداك هه؟؟
سوكا:وا التلفزة التلفزة توريك لعجب هههه
اكرم: امم مزيان اي حاجة حتاجيتيها مرحبا انا مشرف عليهم متنكونش اون كونطاكط مع لعيالات (غمز)
سوكا:اااممم زعمة زعمة
اكرم قرب منها مسح ليها لعصير: والله
سوكا:ااااممم زعمة داير فيها معقول
اكرم: بصح عندك لحق حتا انا جربت لعلاقات لكن معمرني شفت وحدة بالبراءة ديالك
سوكا فخاطرها البراءة حتى شاطت اولييدي:ههه ياك راني داكشي باش معروفة منأدي نملة
اكرم: ههه مزيان اجي نعارفك بالواليدة متأكد غاتعجبيها
سوكا تراجعات:لا لا حسن بلاش ماماك مغترضاش بيا
اكرم: ههه واقيلة متتعرفيش ماما راها انسانة متواضعة بزاف
سوكا:زعمة ترضا تعرفها بوحدة معندهاش اصل
اكرم: الواليدة مولفاتش تدخل ليا فحياتي
سوكا:واخا كيفما بغيتي
اكرم مشا مع سوكا جهة الطبلة فين جالسة الام ديالو..
مينة هبطات للقبو د السيارات لي فيهم سيارات اشكال و الوان..
مينة مستغربة: فين حنا دابا فين لماكلة؟؟
امجد مستغرب:اشمن ماكلة؟؟
مينة: الصوسيط و المايونيز اممم ههه فينهم؟؟
امجد قرب منها:راني جبتك هنا نستمتعو ماشي ناكلو
مينة: علاه كاينة شي متعة بلا د لماكلة ههه خلاتها ختي كرشي قبل كلشي
امجد: حيدي داك لبودي عندي احساس بلي مخبية كنز
مينة: كنز؟؟ عنداك تكون اقول ليك راسك داكشي لي مامزيان
👭🏢يوميات بنات الميتم🏢👭
للكاتبات✒️:Victoria kaelin و Mina Abou
الحلقة5: #الحفلة
💜📖الجزء 13📖💜
امجد جرها زداها مع واحد الطوموبيل: فين غادية؟؟
مينة حسات بلي متقدرش تفلت منو: اا لا مغادية فين غغ غي دابا فين غانحيد انا حوايجي
امجد: اممم هي غا كنتي كتريگلي ههه عرفتكم نتوما محرومات فهاد لميتم ههه (حل السمطة)
مينة: صبر انا غانمشي نحيد حوايجي حتا انا
امجد تيحيد سروالو و تيحل التجاكيطة: فيين بقاي غا هنا نشوفك
مينة: لا انا غا مورا هاد الطوموبيل
مينة تخبات مورا واحد الطوموبيل تتشوف ف امجد لي حيد گاع حوايجو و بقا غادي جاي مقدرش اعيط بالجهد لايسمعو شي حد و تمشا بعد تيطل: بسسسسس بسسسسس
مينة بخفة جرات جيهة حوايجو جمعاتهم و طارت جيهة لباب خرجات لبرا عاد تنفسات...
مينة: افف لبركاسة فينك ا لبركاسة..
مينة لاحت لحوايج فالبركاسة و ساست يديها مشات جيهة لبيفي..
اكرم قرب غا شافتو زنفورة تصدمات..
اكرم: لواليدة
شافية: اهلا ولدي لغزال اهلا بنتي
سوكا:سلام مدااام
زنفورة معرفات تهضر ولا تسكت..
اكرم و سوكا جلسو..
شافية تقادات فالجلسة: معرفت فين شفت هاد لبنت اولدي
اكرم: اا هادي سوكا صديقة ديالي هي من الجناح الثالث
شافية: ااااه ماشي نتي لي مشيتي معانا الفيرمة؟
سوكا:ااه ااه انا هه مكنتش عارفاك بلي نتي مرت با الحاج اح زعمة سي عبد العاطي
زنفورة تقادات شافت هنا و هنا و اشارت لسوكا تقرب لعندها..
سوكا قربات لعند زنفورة...
زنفورة مخرجة لكشكوشة من فمها: واش لتاصيلتك فينما نكون تنقزي جيهتي واش نكويك ا اللفعة
سوكا خرجات فيها عينيها :اش درت ليك راك نتي لي تابعاني حتى فرزقي
شافية تتبتاسم: ههه اش كاين ضحكونا معاكم
اكرم: هاهاه مقلتش ليك الواليدة بلي سوكا عندها روح الدعابة
سوكا:ههه اه وي
شافية: و مقلتيش لينا اشنو نوع العلاقة بيناتكم اولدي
زنفورة تسندات: غايكون ولدك باغيها تقاد ليه شي حاجة ماشي مشكل
اكرم: لا انا متنقلبش على خدامة
زنفورة مخنزرة..
اكرم شاف ف امه: ماما انا عجباتني سوكا بالبراءة ديالها
سوكا تتمثل فلخجل و عيونها تتلمع بلبراءة...
زنفورة ريوقها سالو: هادي بريئة؟؟!!
شافية: حتا انا دخلات ليا خاطري لكن فين ختك؟
سوكا عاد تفكرات مينة:اا ا ختي مع مع...
اكرم وقف: متخافيش غانقلبو عليها
شافية تتضحك و زنفورة مخنزرة تتضحك بزز..
الحال بدا تيظلام خليل واقف بلبستو و لابس عليها مونطو سخون و ليگات و تيحك يديه و الدخان خارج من فمو تيتسنا فالشانطي..
خليل متوثر و لبوليس جالسين فكراسة تحت لمضلة موراه..
شوية بانت ليه مرسيديس كحلة جاية هبط الزاج و شافو كان السمكستي داير نضاضر كحلين...
خليل يالاه قرب منو و حبسو بوليسي اخر قلدة و طولة...
انيس: خليل غا خليه دوز رتاح نتا
خليل:ام لا غير خليك نتا باقي جديد انا نتكلف
انيس: انا مجديدش انا بدلو ليا غا لمدينة دوز رتاح عندي احساس و معمر احساسي خيبني
خليل متوتر:صافي متقصحش راسك راه نفس لخدمة لي غنديرو وحدة
انيس: خليل ههه شفتك مصر اش كاين؟؟
خليل:غير حيت عاد جيتي و صافي ماشي من طبعي نخلي لواحد يتكلف بعملي
انيس حل باب الطوموبيل تيتفحصها: لوراق عافاك
السمكستي"تفو شهاد زمر دابا":واخا(جبدهوم و مدهوم ليه)
👭🏢يوميات بنات الميتم🏢👭
للكاتبات✒️:Victoria kaelin و Mina Abou
الحلقة5: #الحفلة
💜📖الجزء 14📖💜
انيس تفحص لوراق و مد ليه يدو: سوارت د لكوفر
السمكستي:واخا(جبدهوم و عطاهوم ليه)
انيس حل الكوفر و قلبو مزيان و سدو رما الساروت ولوراق للسمكستي..السمكستي بتحية و ابتسامة صاگ بعيد..
خليل قرب من انيس: مالك اش وقع؟؟
انيس: معرفتش علاش مرتاحيتش لهاد السيد
خليل:ههه حاجة عادية تتوقع
خليل مشا يشرب لقهوة و انيس بان ليه كاميو جاي...
انيس وقفو..
انيس لقا شارف صايگ لابس طربوش د لفلاحة...
انيس: السلام ا شريف لوراق عافاك
انيس: دوز عافاك نشوف ل.. ولا بلاش هاك وراقك
الراجل عاد دور لكونتاكت..
انيس: بلاتي بلاتي سمحليا غا هبط نشوف الحمولة
الراجل حل و هبط حل لباب د لكاميو لي داخلو شي كوام د التبن..
انيس طلع للور تيدفع الكوام د التبن عاد غايخرج بانت ليه كرطونة كبيييرة و مشا حلها و هبط..
انيس: خليل عيط للرجال واجيو
الشارف مستاغرب مافاهم والو..
انيس هز علب د لاهاش..
خليل متوثر تيشوف فالشارف لي عرق...
الشارف: والله ا سيدي متنعرف والو على هادشي
واحد من لبوليس تدخل شنق عليه: تيبهلا متديرهاش علينا سمعتي
الشارف تيكح و انيس دفعو: الشريف شي حد اخر تيدخل للكاميو؟
الشارف: لا راني قلبت كلشي قبل منجي بنفسي حطيت التبن انا خليت سلعتي و جيت غا طرگت التبن من واحد لفيرمة
خليل رجع اللور تيسمع مربع يدو..
الشارف: عرفت بلي كلشي ضدي لكن والله ما انا لكن بلاتي
انيس: اشنو تفكرتي؟
الشارف: فالطريق وقفني واحد الراجل و ركب معايا غا ربع ساعة هكداك و هبط غيكون هو لي دارها ليا
خليل: و اشمن مصلحة عندو واش كتفلا سي انيس هاد النوع تنعرفهوم
انيس شاد جنابو: سمحلينا غاتمشي معانا
انيس تاصل بالبوليس لي جات لفرقة خداوه و خداو الحشيش..
امجد: افف فين مشات هادي (مخبي حجرو) افف مشكيلة صافي مخلياني عريان غايبداو الناس اديو طوموبيلاتهم..
امجد سمع صوت طالون و طلع راسو لقا بنت جاية و دخل طوموبيلتو تخبا لتحت..
مينة تتشوف الناس تيمشيو دوزات لكيكة بكاس دلعصير و بانت ليها سوكا جاية تتنقز..
مينة: واهاد لحرام فين كنتي؟؟
سوكا:هههه لهلا يوريك
مينة: اجي عاودي ليا و نعاود ليك ههه
سوكا:خههه واخا اجي نجلسو هنا
مينة و سوكا جلسو فوق واحد لعتبة تيسمعو الصرصار د الليل و الحفلة قربات تكمل..
مينة: عاودي ليا اشدرتي مع داك راس الطنجرة؟؟
سوكا:عرفني على مو ههه قلعي شكون مو
مينة: مو؟ علاه جات موو؟؟
سوكا::وااايه راه مو هي شاافية اصاحبتي
مينة: شكون مزال شافية؟؟
👭🏢يوميات بنات الميتم🏢👭
للكاتبات✒️:Victoria kaelin و Mina Abou
الحلقة5: #الحفلة
💜📖الجزء 15📖💜
سوكا:وا المسؤولة على جناح لي فيه نعيمة
مينة: اممم اوا قوليها هي امو غا بحال زنفورة مخساراش فيه لكلب
سوكا:لا لا بلعكس اصاحبتي ضرافاات
مينة: امم مزيان و باه شكون؟
سوكا:باه هو عبد العاطي اصاحبتي ههههه مصدقتش وا همزة و اشمن همزة
مينة شدات صدرها: عبد اشنو؟؟؟
سوكا:واا عبد العاااطي
مينة: ناري قفرتها
سوكا:علاش ا الموصيبة اش درتي؟
مينة: عقلتي على داك خوه داك خوه لي لابس كوستيم تيشبه لخوسي
سوكا:أاااه اااه مالو اش درتي ليه ؟
مينة: دابا انا كان فيا الجوع ياكي احسابلي بغا يديني ناكلو و هو يديني لگاراج ديال الطوموبيلات
سوكا حطات يديها على خدودها:اويلي ولد الحرام و من بعد؟؟
مينة: انا اناا...
سوكا قرصاتها:واا دوي
مينة: ااح وا حيد حوايجو اش ندير انا اش ندير
سوكا:انااري لحمار ياكما تعداا عليك(تتقلبها)
مينة: واصبري واحبسي راني خديت ليه حوايجو و بقا تما
سوكا:هعهعه عبرتي عليه
مينة: وازعما غايقولها للمدير اناري
سوكا:اناري ا بنت لحرام نهار جمعت راسي كحلتيها نتي
لبنات سمعو الصداع و لغوات الجوقة و جراو لعندهم لقاو شافية جالسة فلرض: اولدي بقاو غا حوايجو
عبد العاطي: تهدني تنتاصل بيه دابا يبان
سوكا تتشوف ف مينة:اناري ا لموصيبة...
حنان فالكوزينة تتغلي شي زعتر حتا سمعات الدقان.. نورة خرجات من لبيت: بلاتي انا نحل
نورة حلات و دخل السرباي هاز زوج ميكات عامرين ... حنان مستغربة حتا تبعو مصطفى..
مصطفى: السلام عليكم
حنان: وعليكم السلام مرحبا سي لحاج
مصطفى: الله يبارك (تيشوف فلحيوط و السقف مشقق)
مصطفى جلس فوق لحصيرة هو و السرباي.. حنان هزات لمخاد: لا الحاج هاك
مصطفى شد فيدها و طلقات منو بتوثر..
حنان: عذبتي راسك الحاج
مصطفى: مكاين عذاب فين لواليدة ديالك نشوفوها
حنان: سمحلينا الدار ماشي قد لمقام تفضل عندها فلبيت
مصطفى داز حداها: مكاين مشكل
مصطفى دخل عند فاضنة لي متكية حداها ميكات د الدويان..
فاضنة تتبحلق فيه و شافت ف حنان...
حنان: هادا الحاج مصطفى الشاف ديالي فالخدمة
فاضنة: مرحبا بيك ا سيدي عمري ليه براد اتاي..
مصطفى: عرفت بلي عندك تحاليل و بنتك الله يهديها مبغاتش نعاونها و جيت عندك نتي غاتكوني عارفة بحق الزمان
فاضنة: عرفت ا سيدي الله يرضي عليك
مصطفى هز فلوس من جيبو و دارهم تحت لمخدة و فاضنة شدات يدو: لاش معذب راسك ا سيدي
مصطفى وقف: مكاينش عذاب بنتك مزيانة و جدية و هادي غا فاتحة خير الله يجيب لعفو
مصطفى خرج و تلقات ليه حنان هازة صينية: جلس تشرب اتاي ا لحاج
مصطفى: مرة خرى تهلاي فراسك و فلواليدة
دخلات حنان عند فاضنة..
حنان: ماما اش قال ليك لحاج؟
فاضنة جبدات لفلوس و حنان قلبات وجهها..
حنان: هادشي لي مبغيناش
فاضنة: شدي ابنتي الدنيا غاتعلمك تحني راسك تاكلي
حنان هزات لفلوس: 1500 درهم علم الله الواليدة اش باغي بلاصتهم واش احسابلك فابور
فاضنة: غا صبري ابنتي غا صبري الله يرضي عليك
حنان خرجات للصالة تتبكي و جات عندها نورة بنت جارتهم للي تتجي تعاونها ..
حنان: هاكي غدا عافا ختي دي لواليدة للمختبر
دخلات حنان لبيتها سدات و بقات تبكي فصمت..
👭🏢يوميات بنات الميتم🏢👭
للكاتبات✒️:Victoria kaelin و Mina Abou
الحلقة5: #الحفلة
💜📖الجزء 16📖💜
زنفورة: غا تهدني ا مدام راه سي امجد بعقلو ماغادي فين
شافية: وحوايجو بسطامو كلشي مليوح فلبركاسة اهئ
عبدالعاطي: كون كانو شفارة غايشفروه غايكون شي سوء تفاهم
شافية: غا قول معامن عندك لحساب و بغاها فلولد غا قول اهئ
مينة تتنغز سوكا: اف قلبي تقبط
سوكا:اناري خليتيه عريان اصكعة
شوية تسمع الصداع و لهضرة وسعو الناس و شافية ناضت تتجري عند امجد لي لابس بينوار بيض و تيخنز ف مينة لي دورات وجهها..
امجد باس راس مو: متخافيش ا ماما
عبدالعاطي تيهبط فيه: مالك عل حالتك اشهاد لعب؟؟
امجد: لا الواليد راه غا هبطت لبيسين معرفت شكون هز ليا حوايجي واقيلة شي دراري صغار
عبدالعاطي: هابط ل لابيسين عريان بلا والو اش هاد لحماق اف على تريكة غاترضوني للكومة
مشا عبدالعاطي لطوموبيلتو و تبعاتو شافية و امجد هز حوايجو منخزر و تبعهم..
مينة: اي اي زيدي نطلعو قبل ميجي ليا
سوكا:هههه واخا هكاك عجبتيني فيه عمرو مزال مغيزعم يجي لميتم
مينة: قاليك بغا يتمتع ههه
السعدية دازت قدامهم فيها طبعة كبيرة حمرة اللوور..
سوكا:اناااري السعدية وا العماالة واا الدرية
السعدية: اتوما خليوني عاد مامشا لوجع
مينة: قالتليك لوجع
سوكا:مشااا لوجع و خلا اتارو راك كلك مطبعة من اللور واش روبيني عندك فلتحت ولا شنو
السعدية صفارت: اويلي تاني خبيوني خبيوني
خباو لبنات السعدية حتا طلعو للبيت و دوزو ليلة مرح كيتفكرو اجواء لحفلة..
#نهاية_الحلقة
يتبع....