الســــفــــاحــــة الصــــهــــبــــاء🪓|🇲🇦

الحلقة6: الوباء

👭🏢يوميات بنات الميتم🏢👭
للكاتبات✒️: Victoria Kaelin و Tagette Patula
الحلقة6: #الوباء
💜📖الجزء 1📖💜
نعيمة كتفرج مع لبنات و تتاكل الزريعة حتا سمعات شي حاجة طاحت فالدوش.. جلسات مخلوعة و ناضت سميرة صاحبتها كلشي تخلع و جراو لبنات للدوش لقاو صفاء بنت معاهم طايحة ف ارض الدوش وجهها حمر...
نعيمة ضربات خدودها: اناري اش وقع لهادي؟؟؟
لبنات لي كانت فيهم النوبة د التنظيف جاو لابسين طابليات مخلوعين و كانو مجموع لبنات فالجناح الثاني 11..
نعيمة و سميرة و بنات خرين تعاونو هزو صفاء داوها للصالة و تكاوها...
نعيمة تتقيسها فوجهها: صفاء صفاااء
سميرة كتحك يديها: زعما تكون قتلات راسها ياسيدي ربي هي مكانش عاجبها تعيش فالميتم
نعيمة متوثرة: سكتينا كتفرجي بزاف صفاء خوافة مغتديرهاش..
صفاء بدات تتحل عينيها للي حمرين: اه راسي كحح كحح
شافية لي عاد فاقت حيت باتت مع لبنات جات تتجري...
شافية:ماالكوم اش كاين شهاد الصداع؟؟؟
غزلان: دادا راه صفاء لقيناها طايحة فالدوش شوفي حالتها ولات تخرج و تدخل فلهضرة
شافية:صفااء ماالك شنو بيهاا واش مريضة؟؟
سميرة: خفت غا تكون كلات شي حاجة باش تقتل راسها
نعيمة: اش تتقولي ميمكنش..
صفاء بدات بحال الا غاتقيا و بدات تكح الدم فلرض.. كلشي بعد مخلوع تيغوتو...
نعيمة: عتقوها ديرو شي حاجة كتموت
شافية مفزوعة:صبرو نتاصل بالإسعاف
نعيمة: غانمشي نجيب لما
نعيمة جرات للكوزينة و تصدمات ملي لقات الطباخة هنية طايحة فلرض و الدم خارج من فمها...
نعيمة طلقات غوتة حتا تسمع صوتها و سخفات..
سميرة جات و معاها لبنات...
شافية: محجووبة فينك؟؟..
محجوبة جات تتجري: نعام ا لالة
شافية: جمعي ليا كاع لبنات د لجناح الاسعاف جاي فالطريق معرفناش اش واقع هنا
محجوبة ضغطات على الجرس و تجمعو لبنات ملي عيطات عليهم شافية لقات ناقصين 5 و مشات تتجري هي و محجوبة لقاو لبنات لي ناقصين كلها فين مليوحة و فمها خارج منو الدم...
الاسعاف وصل و خداو لبنات د الجناح كلهم للمستشفى...
👭🏢يوميات بنات الميتم🏢👭
للكاتبات✒️:Ackerman Chan و مينة أبوليل
الحلقة6: #الوباء
💜📖الجزء 2📖💜
مينة فاقت تتكسل: الله على نعسة نعستها ليوم
مينة طلات لقات سوكا مزالة ناعسة قالبة وجهها جيهة لحيط مينة كتغدغدها: حوبي نوضييي
سوكا متتحركش من بلاصتها..
مينة: اف اتي نوضي ماشي من عادتك تنعسي حتال هاد لوقيتة اش هاد لقلب عندك
مينة: صافي مغنستحملش مزال نوضيييي
مينة جرات لغطا و تخلعات ملي شافت الدم فوق لمخدة حدا فم سوكا و هي تغوت ...
سوكا مقداتش تحبس الضحكة كتر و نفاجرات بالضحك...
مينة: اش كتديرييي اااش واش باغة تسكتي ليا لقلب (جلسات فوقها تتقجها)
سوكا:ههههههه و الله الى غير تشهيت نشوفك مخلوعة
مينة سخفات...
سوكا:اناري ممعاك لعب(تتفييقها)
مينة حلات عين و سدات خرا: غا تنضحك هههه
سوكا ضرباتها لكرش:ههههه يمسخك تفو
مينة: ايي هههه
السعدية طلات عليهم لابسة بينوار د الشينوا: شوفو تكلمو ل دادا زنفورة راه جامعة لبنات عند لفطور معرت اشبغاتنا
مينة شافت فسوكا..
سوكا:ياربي السلامة اش كاين تاني؟؟
السعدية: معرفت اودي واش مزال مافطرتو راني خبيت ليكم خبزكم لا يدوزو ليه
مينة ناضت: اف هاد لفراش خص نطلعوه للشمس
سوكا:هههه خليه هكاك نيت
مينة و سوكا خرجو لقاو كلشي مجموع فالطبلة لكبيرة دلفطور و على راسهم زنفورة وكلشي جلس تيشوف فيها عين فيها و عين فالفطور..
زنفورة: سمعوني مزيان
سوكا:احم اشنو؟
مينة: شتتت
زنفورة: حنا تنواجهو مشكلة كبيرة لدابا مزال معرفناش نوع المشكل و مدى الخطورة لكن باش نحميو انفسنا غانخبركم
عيشة: هادشي تيخلع
سوكا:اش وقع ياكما فجرتو شي مكان بلا خباري ههه
زنفورة: الجناح الثاني تصابو فيه شي بنات هوما 5 بمرض الارجع انه معدي مزال معرفنا نوع المرض لكن تاوحدة فيكم متعتبش جيهة لباب غانوليو فاي حاجة نخرجو من لباب لخلفي
مينة: الجناح التاني ا سوكا راها نعيمة تما
سوكا:اناااري ياكما ياكما حتى هي...
زنفورة: شتتت انا خبرتكم فين جميلة؟؟
خولة: راها عيانة شوية ناعسة فلبيت
زنفورة: مغتفطرش؟؟
خولة: قالتليا مقاداش و من لبارح لي كلاتها تقياها
سوكا بخبث:مسكييينة ياكما يكون عندها باااس تيجيها داك لعيا غير فليل ياك ا خولة ههه
خولة خنزرات: راها عيانة راها تتقرا بزاف ماشي بحال شي مكلخين
مينة: اا سم سمعيها
زنفورة مشات جهة لبيت د جميلة..
سوكا قربات من خولة جراتها من لكول د القميجة:(بنبرة حادة)توگضي معايا لنوريك المكلخين كيدايرين متنسايش بلي المصير تاعكوم بجوجات بين يديا
👭🏢يوميات بنات الميتم🏢👭
للكاتبات✒️:Ackerman Chan و مينة أبوليل
الحلقة6: #الوباء
💜📖الجزء 3📖💜
خولة جرات قميجتها متوثرة و ناضت تتجمع لمواعن..
مينة: فطري فطري كتضل تدير داكشي لي ممزيان و جاية تهضر( عضات فالخبز)
سوكا:غير بلاتي و الله حتى نخليهوم يركعو عند رجليا نوريها المكلخين شتيسواو
مينة: هاكي لقهوة جبدي ليا ديك لمسمنة
سوكا مداتها ليها:هاكيي فطري غلقي مزيان ليك مع راسك
مينة تتقلب عينيها: خولة كبي ليا كاس اتاي
خولة:اش كيفاش؟
سوكا خنزرات فيها:راك سمعتي لالاك يالاه طلقي راسك
خولة خرجات عينيها مصدومة..
مينة: اففف واش بغيتي يوحل ليا طلقينا
لبنات تيوشوشو مستغربين..
سوكا ضربات فطبلة:واش ندير شرع يديا؟؟
خولة متوثرة كبات اتاي فالكاس و مداتو لمينة.. مينة تتشوف فيه: عرفتي شنو غا رديه نسيت متنشربش اصلا اتاي
سوكا:هاهاهاها يالاه رضيه
خولة معصبة هزات اتاي كباتو فالكاس و مشات بخطوات متسارعة..
مينة: مفكرتينيش نسيت بلي متنشربش اتاي
سوكا:هههه تعمدتها هههه
مينة: ههه خليها تفقس (طلعات مينة راسها لقات كاع لبنات تيشوفو فيها هي و سوكا)
سوكا مخنزرة:فاش تتشوفو نتوما ياكما فينا الجدام؟؟
مينة : حنجرو قبل متجي زنفورة تحررها فيكم
سوكا تتشرب لقهوة:ههه و الله الى
زنفورة جالسة حدا راس جميلة: مالك ابنتي باش مريضة؟
جميلة ناضت و شدات راسها: غا راسي تيضرني ا دادا و الدوخة واقيلة لمعدة
زنفورة:الله ياربي ياكما حتى نتي جاتك العدوى
جميلة: اينا عدوى ا دادة؟
زنفورة:شي عدوى د واحد المرض جاي من الجناح 2 كاع البنات وااش مرضو تما و داوهوم لسبيطار
جميلة: اوه ياربي السلامة
زنفورة:واش تتمشي لداك الجناح ولا شنو؟؟
جميلة متوثرة: لا ل اش غاندير تما اصلا الحمد لله كلشي موفراه لينا الله يخليك لينا
زنفورة ناضت: انا غانعيط ليك على الطبيبة
جميلة: لا بلاش ا دادا دابا نولي بيخير خصني غير نرتاح
زنفورة: واخا بنتي رتاحي
خرجات زنفورة و خولة لي كانت تتقطر بالسم تسلتات و دخلات عند جميلة و سدات لباب..
جميلة:اش كاين مالكي
خولة جلسات فوق ناموسية د جميلة: و تتسولي اش كاين؟؟ دوك لحلوفات
جميلة:اشمن حلوفات علامن داوية تاني؟
خولة:سوكا و ديك لمصفارة لخرا
جميلة:مالهوم اش دارو تاني؟
خولة: راه ا ختي انا عييت والله متعودتش على نتذلل لشي وحدات بحالهم افف واش تبزز عليا نمد ليها كاس اتاي
جميلة:عادي ممكن موصلاتوش
خولة: اشمن راها متتشربوش غا بغات تبين بلي راها شادانا من ذراعنا
جميلة:وايلي واش زعمة ممكن انهم يفضحوني؟؟؟
خولة: هاديك سوكا متنتيقش فيها مينة مزال تتخاف لكن هاديك سليعفانة خصنا معاها بلان
جميلة:بلان بحالاش زعمة ندويو معاها باش تسكت؟؟
خولة: بفف واقيلة نيت نتي مريضة واش هادوك تنفع معاهم لهضرة
جميلة:و شغنديرو معاهوم فرأيك؟؟
خولة: نقتلوهم
👭🏢يوميات بنات الميتم🏢👭
للكاتبات✒️:Ackerman Chan و مينة أبوليل
الحلقة6: #الوباء
💜📖الجزء 4📖💜
جميلة مفزوعة:ك ك كيييفاش؟؟؟نقتلووهوم واش تسطيتي لا لا
خولة شدات فيدها: واش باغية يفضحونا؟؟ راه لا زنفورة ولا عبد العاطي غاينفعوك كلشي غايجي ضدك و غاتسافطي للصحرا
جميلة تترعد:ل ل لا لا الا الصحرا
خولة: و معمرك تحلمي تزوجي بداك تيتيف ديالك
جميلة:لا لا صافي انا ميمكنش ليا نعيش فعذاب بسببهوم و نكون ضحكة الميتم
خولة: هي الا درتي يدك فيديا نغبروهم فخطرة
جميلة:واخا ولكن كيفاش هادشي؟؟هادوك راه عندهوم 7 الأرواح خصهوم شي حاجة نيت
خولة: علاه اشتيدير حمد الجاردينيي هو شحال تيدور بيا غانجيب من عندو الدوا لي تيدير للربيع
جميلة:كيفاش زعمة ممكن يدير ليهوم شي حاجة خطيرة نيت؟
خولة: واغايهنينا منهم
جميلة:تنتمنى هادشي ميمكنش ليا نعيش بقية حياتي فالذل بسبب جوجات بحالهوم
خولة: هادشي لي غايوقع و نتهناو فمرة..
جميلة:صافي داكشي نيت تكلفي نتي حيت انا مريضة...
سوكا:افف ياختي ولاو يدي بهاد الحكان بحال شي سيكليسة
مينة: غا صبري ياختي دابا نخرجو من هنا ونلقاو شي رجال بحال خوسي و سنتياگو ههه
سوكا لمعو عينيها:ايييه تكون عندو فيلا كبيييرة و فلوس كتااار كتااار اختي
مينة: نتي ديما داكشي لي فراسك يا لطيف فكري شوية تعيشي الحب و الغرام
سوكا:لواه لكيلو ماشي الغرام انا القاموس ديالي مافيه لا حب لا صطاحمص مكاين غير زرقلافات تيتشييرو
السعدية دخلات هازة بانيو فيه عرام د السراول و جلسات.. السعدية: مالكم غا مخشيات فبعضياتكم
سوكا:مالك اختي ياكما تتسالينا لكرا؟
السعدية: واش فراسكم اش واقع مع بنات البلوك
سوكا تتحك واحد الكاميلة:وايه اختي راه نيت مشطونين على وحدة تما صاحبتنا
السعدية ضربات بالسروال طارت الرغوة لوجهها: امتا درتو صحابات تما ا العافيات؟؟
سوكا:هههه تي راه مخلينا حتى تقبة فهاد الميتم
السعدية: و جميلة و خولة شفتهوم گاع ماباينين هاد الصباح
مينة: هادوك مايعلم بيهم غير الله
سوكا:باينة تيوجدو لشي حاجة تاني
السعدية:لا راه جميلة مريضة
سوكا:ايوا منعرف راك عارفاني متنتيقش فديك موكا د خولة...
👭🏢يوميات بنات الميتم🏢👭
للكاتبات✒️:Ackerman Chan و مينة أبوليل
الحلقة6: #الوباء
💜📖الجزء 5📖💜
زنفورة جالسة و عبد العاطي غادي جاي تيتسناو فنتائج تحاليل بنات جناح 2..
3 لبنات خرجو من المختبر متصابوش بالعدوى و بقية لبنات تيدوزو اما صفاء و الطباخة فوضع حرج..
زنفورة: سي عبد العاطي اش قال الدكتور مالو تعطل؟
عبد العاطي:راه باقي مشخص الحالات لخرين
الدكتور خرج وزنفورة جرات لعندو..
زنفورة: دكتور عافاك اش واقع؟؟؟
الدكتور: كنتأسف بزاف لبنت لي جبتوها مغيبة ماتت الله يرحمها و الطباخة وضعها حرج
عبدالعاطي: ك كيفاش لهاد الدرجة؟؟
الدكتور:اه هاد العدوى كتجي من بعض الجرذان و لبنت هملات راسها حتا نشرات العدوى و حاولنا نقذوها لكن تصابت ب بكتيريا رئوية و توقف ليها التنفس
زنفورة ضربات خدودها:الله ياربي
عبدالعاطي شدها: شنو لمعمول دابا ا دكتور ولبنات لخرين؟ الدكتور: لقينا المرض فبدايتو عند زوج بنات لطيفة و نعيمة لكن غانحاولو نقذوهم
عبدالعاطي: باش كتنصحونا ا دكتور؟؟
دكتور: منعو اي تواصل بين الجناحات حتا نداويو لبنات و غانسيفط فريق طبي يعقم المكان و يعطيكم تلقيح
الدكتور مشا.. زنفورة عنقات عبدالعاطي: اشمن تلقيح اهئ حنا فخطر فخطر منين تسلط علينا هادشي؟؟
شافية دخلات: اححم
زنفورة بعدات بالزربة و مسحات دموعها و عبدالعاطي خدا شافية للمقهى د السبيطار يقول ليها النتائج..
لحنش وقف مسند مع لبيرو تيشرب الشامپاين حتى سمع لباب تحل..
سمكستي دخل لڨيست ديالو محلولة و شعرو طالع للسما..
لحنش تلفت: مالك اش هاد لحالة؟؟ وصلنا السلعة بكري 3 ايام و نتا غابر لا نتا لا هي
السمكستي طالع ليه الدم:واش مجاوش عندك البوليس؟
لحنش: هوما لي بقاو اشمن بوليس فين السلعة؟؟
السمكستي:اشمن راني مخبي 3 ايام هادي عند زهرة
لحنش شدو من لكول: علاش اش واقع؟؟؟
السمكستي رجع اللور: جبت السلعة بحالي بحال متوقع ان الشاف خليل غايتسناني و ندوز بيخير لكن...
الحنش: مكانش خليل؟؟؟
السمكستي: كان معاه بوليسي اخر
الحنش: و تبعوك شافوك؟؟؟
السمكستي نفاجر بالضحك: خههه واش متوقع انهم يقدرو يشدوني؟؟
الحنش: كيدرتي؟؟
السمكستي عطاه بظهرو: دوميتور رجعت حتال الطريق السيار باش هبطت معايا السلعة و درت اوطوسطوب لواحد الشارف دوزت عندو ربع ساعة بعدها وليت برا لكاميو بلا سلعة
الحنش: هي دابا السلعة ف أمان؟
السمكستي تلفت: السلعة للاسف تشدات و خليل ديالنا منفع بوالو الا شديتو نقجو بيديا
لحنش قرب منو: شكون شد السلعة؟؟؟
سمكستي: معرفتوش بوليسي جديد قامة و عرض مقدرتش نشوفو مزيان
لحنش ضرب لبيرو: غدا يكونو عندي معلوماتو من السمية تال النمرة ديال الصباط
سمكستي: تهنا ا شاف غدا يكون عندك التقرير مفصل
اناكوندا دخلات مشات عنقات لحنش لي اشار لسمكستي امشي..
انكوندا: حياتي اشوقع فين السلعة؟
لحنش: السلعة مشات (باسها فجبهتها) المهم حنا متكشفناش
اناكوندا: علاش شكون دا السلعة؟؟
لحنش: جابو بوليسي بلاصة محمد كنت متوقعها و علم الله كيغاتكون طينته
اناكوندا: كيفما كان غانلقاو ليه الساروت (هزات السيگار و مدات ليه)
👭🏢يوميات بنات الميتم🏢👭
للكاتبات✒️:Ackerman Chan و مينة أبوليل
الحلقة6: #الوباء
💜📖الجزء 6📖💜
كولوباح تيطيب و تيغني فلكوزينة حتا طلات عليه سوكا...
سوكا:ههه عمي كولوباح باينة راشقة ليك نيت ليوم
كولوباح تلفت هاز مغرفة: اهلا اميرتي وا ليوم فرحان حيت تنصاوب اول اكلة تعلمتها ف باريس ههه
سوكا بحماس:واااو شنو هي؟؟؟
كولوباح: حساء الفلفل الملون بالجبن اممم
سوكا:اممم باينة غيكون بنين متشوقة ندوقو
كولوباح تبدلو الملامح ديالو: انا صاوبتو حيت صحي باش امنعكم تمرضو و يعطيكم مناعة
سوكا:ااه ربي خليك مساكن مشوشة على بنات الجناح 2 معاهوم حتى واحد صاحبتي
كولوباح: غايكونو بيخير ان شاء الله انا صاوبت بزاف فالحساء باش نديه ليهم
فالسطاح مينة تتنشر و حداها السعدية..
مينة: شفتي بعدا هادشي ولا تيخلع معندي صحة لداك لمرض
السعدية:انا نيت خايفة اختي على راسي
مينة: نتي راك عامرة واخا يجيك لمرض غادة غي تسوطي فيه ههه
السعدية:تي اشمن اختي واقيلة مشفتيش بنات بلوك 2 قداش و اش دارت فيهوم المرضة محساك حنا
مينة: مكرهتش انا تجي لمرضة تطير غي زنفورة و ديك خولة
السعدية:ههه اللهم امين اختي
خولة طالعة شافت هنا و لهيه بانت ليها مينة مع السعدية...
خولة هازة صاك كحل مقشر تحت باطها...
خولة: امم نتوما هنا مبانتش ليكم جميلة؟
السعدية: مينة طلي كاع على داك لمحبق
مينة: اشغايديرو هادو فالمحبق ماقلتي بيت لما
خولة:شتتخربقو نتوما علاياش تتهضرو ا ديك الخوافة تحل ليك لفم ولا متنسايش مكايناش ديك المضفرة د ختك هنا دابا
مينة كتگمگم: دابا تجي مفرحينك كتافك
السعدية: طمري طمري دابا نجلس عليها
خولة:ايهاااي طوال ليك اللسان حتى نتي ولا شنو تعاشرتي معاهوم و تصحابك راسك واعرة
مينة كتلفت بنص عين: لقرينة وجه لويل
السعدية:صافي طمري ا مينة
خولة: شوفاواشوف اجيو طلو على بنت لحرام د الزنقة تتهضر واديك لخوافة المرعابة والله ونشدك تانخلي عشتك نتي وديك الشوهة د ختك
مينة تلفتات: اا
السعدية شداتها: صافي صافي
خولة: لا غا خليها لا والديك لي ولدوك ورماوك تانسبطك ابنات الزنقة
سوكا لي كانت طالعة سمعات صداع خولة طلعات حتى وقفات مورا خولة السعدية خرجات عينيها:امم ااا م
خولة: ياك تحل ليك لفم و بديتي تخراج لعينين ياك غا لقاوكوم فبركاسة كون غا كلاوكم لكلاب اوجوه النحس
مينة نفاجرات بالبكا و مشات جلسات حدا لمحبق..
سوكا تقرصاات و تعصباات ملي شافت دموع ختها شدات خولة من كتفها بجهد دوراتها حتى لصقاتها مع لحيط:شتيقووول ليك راااسك يااا هاد العاااهرة؟؟؟!!!
مينة وقفات هازة فطرف دلحبق مخلوعة..
خولة شادة فيد سوكا: ااييي طلقي طلقي اديك لمجنونة
سوكا عينيها حمرين بلغضب مزييرة ليها على يديها بقوة و عصبية:شتيقووولك راااسك؟؟؟؟حنا بنااات الزنقة و نتييي شنووووو شنوووووو؟؟؟ممعتارفين بيك والييديك ا لا سمحي ليا ماشي غير واليديك(بلغوات)ناااس قبييلتكوم كاااملة ااا دوي ا بنت الجاهلة شكوون نتي باش تبكي ختي يا خانزة البيطاان
خولة: طلقييي طلقييي يخ على بشر
سوكا طلقات من يديها و شداتها من عنقها و بدات تزديها مع لحيط:يالاااه طلبي منها سماااحة طلبي منهااا السماحة داباااا
السعدية مبلقة عينيها و غير تتشوف..
خولة: ايي اهئ س اهئ سمحيليا ايي (دفعاتها سوكا) خولة هزات صاكها وجهها مبقاش سمر ولا غوز و هبطات بالجرا..
سوكا تنهدات:اوووف هيهي نتوما بيخير؟مالكوم تتشوفو فيا هاكا
السعدية: منين جبتي هاد الجهد بسمالله رحمان رحيم لي شافك يقول متقتل دبانة
سوكا:كون زادت دقيقة مزال كون تبعتها لي مشاو لسبيطار هاد الصباح نوريها تبكي ختي وا زادت فيه أووو
مينة جات عنقات سوكا: اوه خليتيني بوحدي
سوكا:سمحي ليا مكانش يصحاب ليا غطلع صافي مبقيتش نخليك بوحدك صافي....
👭🏢يوميات بنات الميتم🏢👭
للكاتبات✒️:Ackerman Chan و مينة أبوليل
الحلقة6: #الوباء
💜📖الجزء 7📖💜
جميلة خرجات من الطواليت شادة كرشها و جلسات فوق ناموسيتها.. خولة دخلات حمرة كترعد لاحت الصاك فوق الناموسية و جلسات..
جميلة مصدومة:مالك منتوفة هاكا اصاحبتي؟؟
خولة كترعد بالسم: فين كنتي عييت مانقلب عليك
جميلة:راني كنت غير فطواليت مالك اصاحبتي هاكا
خولة: ديك لمضفرة بنت لحرام شوفي ليوم ندفنوها لا هي ولا ديك ختها
جميلة:ياك قلتي تكلفي بيهوم فين داكشي؟
خولة جبدات الصاك تتقاد شعرها و هزات منو صاشي خضر: هاهوا رشة وحدة تقتل عود مشي غا بنادم
جميلة شافت فيه بتوتر و بلعات ريقها:خ خولة و الى تفضحنا اصاحبتي؟
خولة: ميمكنش انا مخططة مزيان غايموتو يعني غايموتو سرررننننننننننتررررررررنننننن
مينة تتقاد الطبلة: سوكا سربي دابا تدخل زنفورة مزال ماقادينا والو
سوكا:هانا هانا راه باقي لوقت اصاحبتي
السعدية جات هازة شي تباصل و عيشة هازة لمعالق..
عيشة: كولوباح مطيب لينا لحريرة و تغذينا بكرييي
السعدية تتقاد التباصل: مالها لحريرة راه خصنا نقصو من لمرقة
سوكا:مالها الحريرة راها صحية و زيدون غتعطينا مناعة و تخلينا ديما رشيقات و زوينات ماشي ملحمات يا وجوه الزلط
كوثر جات هازة سلة دالخبز و حداها فاطمة تتحط المنادل.. كوثر: شي خبار على لبنات د الجناح التاني؟
فاطمة: سمعت مول الزبل فالتحت تيقول لعيادة بلي شي وحدة ماتت تما
مينة شدات صدرها: وايلييي؟؟
سوكا:اناري ياكما نعيمة اصاحبتي؟؟
عيشة: شكون نعيمة؟؟
مينة: واصاحبتنا
سوكا:ماشي شغلك ديها فملاعقك
عيشة تتخنزر: راه غا سولنا افف
كلشي توقف و هزو ريوسهم...
جميلة جاية و باين على وجهها الارهاق و موراها خولة دايرة زيف حياتي لراسها...
سوكا:فين كنتو ولا ولفتو الناس يوجدو ليكوم
جميلة شدات فلكرسي: سمحولينا كنت عيانة شوية
السعدية: اناري ياكما جاك لمرض شوفو وجهها البنات
سوكا:كون فيها راكوم عارفين شكون اول واحد غيبان فيه(خنزرات فخولة)
خولة: احم (جلسات تتشوف جيهة لكوزينة)
جميلة: مزال مجات دادا زنفورة؟
كوثر:لا مزال
عيشة: دابا غاتجي
تسمعات لهضرة حدا لباب شوية تحل لباب و كلشي وقف و دخلات زنفورة و عيادة.. زنفورة مخنزرة كالعادة مشات للحمام..
مينة: افف ها لغولة جات
جميلة شافت فمينة بحقد..
خولة: افف هاد كولوباح تا هو تعطل
لبنات كلشي جلس تيتسناو زنفورة تجي للطبلة...
👭🏢يوميات بنات الميتم🏢👭
للكاتبات✒️:Ackerman Chan و مينة أبوليل
الحلقة6: #الوباء
💜📖الجزء 8📖💜
انيس خرج من الجامع بعدما صلى الظهر لابس جلابته لبيضة و طربوش.. انيس هز باش اتاصل بزميله ابراهيم و هو يبان ليه جاي من بعيد.. انيس سلم عليه: اهلا خويا براهيم خليتي بلاصتك
ابراهيم:حتى نتا خويا انيس لباس عليك اش خبارك؟
انيس: الحمد لله انا غا مشطون مع واحد القضية (دخل للقهوة) جلس
ابراهيم:اشمن قضية تاني اخويا؟
انيس: خويا براهيم نتا صحافي عندك تجربة فكرت بلي مكاين لي غايعاوني قدك
ابراهيم:اييه مرحبا ليكان فستيطاعتي نعاونك بيه
انيس: بغيت شي ملف على كاع رجال الاعمال لي عملهم مشبوه نتا غاتكون داير علامات
ابراهيم:اممم هي شاك فشي واحد؟؟
انيس: انا تنواجه عصابة مخدرات و السلع لي تتدخل كبيرة يعني موراها راس كبير فالبلاد و شاك حتا ف بعض العناصر معايا نتا صاحبي و أمين
ابراهيم تقاد فالجلسة:هادشي خطير بزاف ا خويا ملي القضية وصلات كاع لتشك فناس خدامين معاك
انيس: اه ا خويا حيت تصرفاتهم و غموضهم غريب و خاصة زميل جديد ديالي ملي سولت قالو ليا بلي الشخص لي قبل مني كان خائن لحساب منضمة المخدرات و تقتل فالحبس
ابراهيم:أأوو ممكن اصاحبي يكون مصيرك حتى نتا هكا هاد منظمات المخدرات ممعاهومش اللعب تيقتلو بنادم بحال ولو هو مجرد حشرة
انيس: انا مختاريتش هاد القضية هوما حطوني فيها لكن ولات قضية مهمة عندي حيت عندي ولادي مبغيتهمش يوقعو ضحية داك السم لي تينشروه
ابراهيم:اه بلفعل مهم متورطش راسك معاهوم بزاف حيت قدما تخباو غيبانو و ممكن ميآدوكش نتا ولكن شخص عزيز عليك عائلتك متلا هادو راه تيطيحو على نقط حساسة لشخص باش يخضع ليهوم كون على بال منهوم بزاف
انيس: دابا ملي تشدات ليهم السلعة اول حاجة غايفكرو فيها هي اشريوني
ابراهيم:وباش عرفتي نتا هادشي؟
انيس: واراه باينة الحشيش مولف تيتسارا بسباب داك لي كان قبل مني
ابراهيم:المشكلة انا هاز الهم و تنفكر ف الى رفضتي ليهوم هادشي شغيوقع؟
من بعيد كانت كاط كاط كحلة مراقبة انيس من بعيد الدخان د السيگار خارج من الشرجم.. اناكوندا هزات تيليفونها و تاصلات..
لحنش:امضرا واش قدرتي تمييزيه كيف داير؟
اناكوندا: شنو يحسابلك غايفلت مني هو قدام عينيا دابا
لحنش:مزيان مزيان شنو تيدير دابا و معامن كاين؟؟
انكوندا: هههه السيد قاليك ملتازم نعام ا سي عاد خارج من الجامع
لحنش:وايلي هي غيكون صعيب علينا نقنعوه
اناكوندا: ههه هاد المتدينين تيكونو حساسين بزاف لابدا غنلقاو ليه الساروت
لحنش:ههه وايلي باش عرفتي ا لموصيبة؟
اناكوندا: عقلتي داك الداعشي لي خدمت معاه ف تركيا ههه كان ساهل عليا نخليه خاتم فصبعي
👭🏢يوميات بنات الميتم🏢👭
للكاتبات✒️:Ackerman Chan و مينة أبوليل
الحلقة6: #الوباء
💜📖الجزء 9📖💜
لحنش:امممم و كيفاش حتى طحتي ليه على قالبو؟
اناكوندا: تنخسر ليه لوضو تاولف الحنان ههه
لحنش:هههه خطيرة طحتي ليه على قالب الرجالة كاملين
انيس وقف: الله يهنيك اي حاجة بيناتنا تيليفون
ابراهيم: واخا في امان الله
كولوباح دخل هاز سوبيرة كبيرة دالحساء و لبنات كلشي جالسات و خولة و جميلة جالسين مقابلين مع مينة و سوكا...
خولة ناضت: صبر صبر نعاونك ا عمي
خولة دارت يدها قلبات الجبابن من فوق الطبلة...
زنفورة: ها بشوية عليك
كولوباح حط السوبيرة و خولة عاودات قادات الجبانيات..
سوكا تتشوف فمينة بتعجب:العجب حتى بغات تعاون
مينة: حتا هيا مرونة كلشي معمرها دارت يدها فالشقا
كولوباح عمر الجبابن بالحريرة و عطاهم الخبز ...
زنفورة: قبل مانبداو الأكل بغيت نقول لكم شي حاجة
زنفورة: ترحمو على روح زميلتكم صفاء اللي توفات مسكينة بسبب هاد الوباء
لبنات كلهم شي تيشوف فشي..
زنفورة: و ندعيو بالشفاء للبنات للي فالعناية المركزة و كنتمناو ان هاد المرض موصلناش للجناح
لبنات دعاو و اصوات الملاعق بداو و الخبز كلاو بشهية الحساء الفرنسي د كولوباح...
نجمة امراة فالاربعينيات بملامح أسيوية جات تتجري و تغوت جاري موراها كلب و جمعات لغوات بالضحك حتا وصلات عند صاحبتها و لكلب رجع..
نجمة شدات فالزعلولة لي مصاوبة بالبنو د كاميو: افف افف مشفتيهش جا مورايا ا صاحبتي هههه غا شافك رجع
ياسمين لي كانت امرأة فنفس عمرها بملامح هادئة:ههههه بسيف كون قرب كون فلعصت ليه عضامو بهاد لعصى
نجمة: شفتك غا كليتي باداز نقزتي ماشي من عادتك تنوضي قبل متلحسي لگصعة
ياسمين:غير راك عارفة مخصنيش نكتر منو هههه
جلسات نجمة فالزعلولة: عاوتاني اسماعيل اش دار كاع متشكيت انا
ياسمين:لا غير على موضوع مدرسة سمر
نجمة: ااه وا حتا نتي مفيها باس الا سافرات شفتي كون خلاونا واليدينا نقراو و نكملو و نسافرو كاع منعيشو مع هاد الناس دابا و كاع منتساطح مع كمارة مصطفى وجه النحس
ياسمين:فيها خير المهم حنا مرتاحين فبلادنا حاليا مزال مناوية بعدا نرجع
نجمة سرحات مع لغنم لي تيرعاها السارح..
ياسمين تتزعلل:فين سرحتي تاني
نجمة: سرحت ف نور حياتي سرحت ف اجمل حاجة ضاعت مني
ياسمين وقفات التزعليل و تنهدات:يالاه مبديت نسا داك الموضوع
نجمة: واش زعما تقدري تنساي اف غا كتضاهري بالقوة انا مقدرتش ننسا طرف مني
ياسمين وقفات:اجي نمشيو لتحت لكرمة شوية
نجمة ناضت و تمشات: شي خبار على هاجر ملي بدلات لمدينة مبقاش اتصال بينتنا
ياسمين:معرفتش راك عارفاها كيدايرة حال و احوال
نجمة: كتبقا فيا والله مسكينة تموت غا على ولد محرومة
ياسمين:اي حاجة فيها خير ليها ربي معطاهومش ليها لشي سبب متعرفي
نجمة: و نعم بالله (جلسات) نتي صاحبتي لي دوزت معاها اجمل الايام و نتي لي عارفة مقدار الالم ديالي (عينيها غرغرو)
ياسمين عنقاتها:صافي راني متنحملش نشوف دموعك
نجمة مسحات دموعها: نبدلو الموضوع (بتاسمات)
ياسمين:اش خبار ولدك سمير بعدا؟
نجمة: قاليك قريب ادير الانتقال انا اصاحبتي مليت من هاد الراجل تيضل مقابل ليا لعيالات برا وليت فديك الدار بحال رجل لكرسي
ياسمين:اش بان ليك نسافرو بجوج لشي بلد اخور نرتاحو اكتر نخليو ليهوم هاد لمغرب كاع ههه
نجمة: ههه فكرة مزيانة مبقالياش مانقابل هنا اجي بعدا مزال مهداك الله تعطيني سمية الصباغة لحمرة لي كتديري لشعرك ههه
ياسمين:هههه نكتة جديدة تاني هادي راه شعري باقي كيفما هو هو ا نجمة ياكما دختي
نجمة: واش هاد التفلية د لكوليج مزال مابغيتي تحيديها واعطي لصاحبتك النمرة هههه
ياسمين:هههه واش نعطيك شي حاجة مكايناش ههه راه باقي شعري حمر كيفما عرفتيني من الصغر
نجمة: لكن ا صاحبتي مكانش حمر هكدا بزاف ههه
ياسمين:ههه واقيلة مع تقدم فالسن راك عارفة اصلا انا معنديش مع صبايغ تيعجبني نبقا فصباغتي
درقوشة تتشير من بعيد...
نجمة: نوضي هاهياك خالتك لا تعود تضربنا بالحجر
ياسمين:ههه واخا يالاه
👭🏢يوميات بنات الميتم🏢👭
للكاتبات✒️:Ackerman Chan و مينة أبوليل
الحلقة6: #الوباء
💜📖الجزء 10📖💜
خولة حطات الجبانية: امم بنين ا البنات ياك
جميلة هازة راسها بيدها...
مينة متتهضرش تتعض فطرف لخبز..
سوكا حطات الجبانية بعدما سالاتها..
زنفورة: الحمد لله (مسحات يديها و وقفات)
جميلة وقفات بانو ليها لبنات تيتحركو و هي تتطيح فلرض..
خولة: جميييلة
زنفورة جات عندها تتجري: بنتييي بنتيي مالك فيقي اهئ فيقييي
مينة مخلوعة ناضت مقدروش رجليها يهزوها: س سسوكا سوكا رجليا اه اكرشي سوكااا
سوكا ناضت شاداها و بلا متهضر سخفات سوكا.. لبنات جراو عند سوكا و مينة لي مليوحين..
زنفورة و خولة تيفيقو جميلة لي سخفانة...
السعدية: دادا دادااا سوكا و مينة لكشكوشة اهئ عتقييي
زنفورة تتبكي شادة فيد جميلة: بنتي ميمكنش تمرض ميمكنش اهئ
السعدية تتجر زنفورة: دادا تاصلي بسبيطار لبنات اهئ مينة معرفت مالهووم
زنفورة دفعاتها: بعدي منييي متتشوفيش بنتي سخفانة بنتي انا بنتييييي ماشي بحالكم اهئ جمييلة نوضي عافاك
السعدية تصدمات...
كولوباح جا مخلوع ملي سمع لغوات طيح الجبانية لي كان هاز و جا تيجري: لالة زنفورة اش واقع مال لبنات واش لمرض؟؟
زنفورة وقفات شادة شعرها: عيط لسبيطار ميمكنش بنتي تموت ميمكنش بنتي الوحيدة اهئ بنتييييي
زنفورة معنقة جميلة تتبكي و كلشي مستغرب من ردة فعلها... لبنات جابو لبصلة لسوكا و مينة لي مغيبات و كولوباح تاصل بالاسعاف..
عبدالعاطي واقف فالسبيطار حتا خرج الطبيب نعيمة و لطيفة فكرسي متحرك... عبدالعاطي تحنا: لبنات كيبقيتو شوية؟؟
نعيمة بعياء: شوية د الالم ا استاذ دابا يمشي دارو لنا التلقيح و عطاونا دوا
عبدالعاطي وقف: دكتور بالنسبة للطباخة كيبقات؟
الدكتور: حالتها مستقرة كتفاعل مزيان مع الدوا متقلقش لبنات لخرين مستاجبين
عبدالعاطي: شكرا دكتور
الدكتور دا نعيمة و لطيفة للغرفة ديالهم...
شافية جات لعند عبد العاطي هازة سندويتش مداتو ليه..
شافية:بسم الله شد كول مكليتي من لفطور
عبدالعاطي: علاه مشاكل هاد الميتم غايخليوك دابا تجي تاني اللجنة و هاد لمرة نوحلو بالمعقول
شافية:اناري هي لي بقات لينا فلحساب
عبدالعاطي: شنو احسابلك راه روح طاحت عندنا
شافية:راني عارفة خايفة بزاف هادشي غيطييح بسمعة الميتم
عبدالعاطي: الجمعيات الا سمعو غايتحالفو مع منظمات حقوق الانسان خصنا نشوفو نغطيو هادشي
شافية:خصنا نسكتو لبنات بأي طريقة ولا غيفضحونا
عبدالعاطي: اصلا لبنات مغيهضروش حيت غايترماو فالزنقة غانغطيو هاد القضية باي طريقة
شافية: عبدالعاطي شوف زنفورة هاديك شوف
👭🏢يوميات بنات الميتم🏢👭
للكاتبات✒️:Ackerman Chan و مينة أبوليل
الحلقة6: #الوباء
💜📖الجزء 11📖💜
عبدالعاطي تلفت بانت ليه زنفورة جاية جارة معاها جميلة لي منعسينها و سوكا و مينة..
عبدالعاطي مخلوع جرا عند زنفورة...
عبدالعاطي: اش واقع متقوليش الوباء داز للجناح؟؟؟
زنفورة:اهئ اهئ معرفتش معرفتش
عبدالعاطي: مال هادو اش كاين؟؟؟
زنفورة:اهئ بنتي غتموووت غتموووت اهئ اهئ
عبدالعاطي: صافي تهدني تهدني
شافية بجدية: كلهم بناتنا ا زنفورة الطبيب غايشوفهم تهدني
زنفورة: راها راها اهئ راها بحال بنتي ربيتها على يدي
عبد العاطي:صافي تهدني كلشي غيدوز بيخير...
حنان واقفة كتسنا النتائج فالمختبر و حداها نورة..
حنان: انا خايفة بزاف اختي طريق هاد الطبة صعيبة و حنا على قد لحال
نورة:غير صبري اختي كلشي غيدوز هو هداك انشاء الله
حنان: دابا نيت كون ما الباطرون كيغندير مع التحاليل
نورة قربات منها:شفتي سعداتك بيه اختي باينة عليه انسان مزيان
حنان: نتي معارفاش اش فراس داك الراجل
نورة:مالك ديما مشكاكة هكا يختي
حنان: هذا مشي شك دابا تشوفي هاد الشارف اش تحت راسو الممرضة جات: انسة هاهي النتيجة
حنان حلاتها مفهمات والو داز واحد التقني عيطات ليه..
حنان: عافاك تقدر تقرا ليا
التقني: واخا (قرا لورقة و جمعها) ماماك عندها كوليسترول مرتافع و الارجح عندها لابيل عامرة غاتخصها عملية و ممكن تكتافي بالدوا خصك تشوفي مع الطبيب المختص
حنان شدات لورقة مخلوعة: عملية لا عافاك غير الدوا باركة والله ماقادين اهئ
نورة شداتها: تهدني اختي
التقني: كيما قلتلك شوفي مع الطبيب المختص الله يشافي
التقني مشا ...
حنان: شفتي اختي شفتي مزال هادشي زايد لي حنا فيه مكافيش
نورة:اش بان ليك دوي مع الباطرون ديالك على هادشي
حنان: لا ميمكنش هو غايستاغلني
نورة:اويلي اشمن استغلال تدوي عليه اصاحبتي السييد باينة فيه داخل سوق راسو و متاقي الله
حنان: اف كتعتاقدي هو غيبغي يوقف معايا خفت ليفهمها بشي طريقة
نورة:لا اصاحبتي غير دوي معاه مدام الباطرون ديالك
حنان هزات تيليفونها: خاوي مشارجية نتي؟
نورة:ااه عندي (جبداتو من الجيب)هاكي
حنان دارت تيليفون فوذنها: تيصوني اللو اللو سي الحاج
مصطفى:نعام شكون معايا؟
حنان متوثرة: انا حن حنان (بلعات ريقها)
مصطفى بابتسامة:ااه لباس عليك الواليدة بيخير؟
حنان: ياكما برزطك سمح ليا
مصطفى:لا لا الله ياودي اشمن تبرزيط
حنان: غا ماما خرجو لها التحاليل و قالولها عملية وانا مكاين حد بجنبي نتا عارف قلت معندي حد نلجأ ليه
مصطفى بابتسامة خبت تيسد القميجة: امم فينك نتي دابا؟
حنان: انا فمختبر طاهري الا ممكن تجي عرفتيه
مصطفى: انا جاي بقاي تما
مصطفى سد قميجتو لبس السروال و لفيست و دخلات عندو بنت فالعشرينيات لابسة شوميز كحل...
البنت: سطيطيف ديالي فين غادي
مصطفى: غا واحد لغرض فالخدمة غانمشي نقضيه اوك تهلاي ليا فراسك
البنت باستو و جلسات فوق الناموسية اما مصطفى ركب طوموبيلتو و مشا جيهة المختبر..
👭🏢يوميات بنات الميتم🏢👭
للكاتبات✒️:Ackerman Chan و مينة أبوليل
الحلقة6: #الوباء
💜📖الجزء 12📖💜
الطبيبة المكلفة خرجات من القاعة ديالها متوثرة شافت فزنفورة و عبدالعاطي لي مشافوهاش ورجعات للمكتب و خولة للي شافتها مشات تابعاها...
الطبيبة جلسات و حيدات نظاظرها و سمعات الدقان..
الطبيبة: دخل
خولة حلات لباب..
الطبيبة: تفضلي نتي من بنات الميتم ياك؟
خولة قربات: اه ا دكتورة
الطبيبة: جلسي ياكما كتحسي بشي اعراض
خولة: نتي المكلفة بحالة صاحبتي جميلة ياك؟
الطبيبة حنات راسها تتلعب بالستيلو: اه و حتى ب سكينة و مينة..
خولة: اشبغيتهم تنسول على جميلة
الطبيبة شافت فيها: جميلة حالتها حساسة شوية لقيتيني عاد تنفكر كي غنتصرف فهاد الموقف حيت قوانين الميتم صعيبة فبحال هاد الحالات
خولة تلفات: كيفاش واش مريضة بالوباء شرحي ليا عافاك
الممرضة: نقدر نتيق فيك نتعاونو نلقاو شي حل مبغيتش اعاقبوها شي عقاب و ندم عليه
خولة رجعات اللور: كيفاش اش كتقصدي مال جميلة؟؟
الطبيبة باسف: جميلة حاملة ا بنتي حاملة
خولة طاحت عليها ديك لكلمة بحال الصوت فالجبل بقات تعاود فراسها حتا توكضات: ميمكنش!
الطبيبة: اه شهراين دابا واش كيواعدها شي حد فالميتم ولا تتخرج؟؟
خولة: افف هادشي ماشي مهم خص هادشي ميخرجش حيت غاتدمر حياتها
الطبيبة: الحمل مكيتخباش ابنتي شهراين خرا و غاتفضح
خولة: غاتطيحو ا دكتورة غانشوف نعطيها شي حاجة تطيحو
الطبيية: المهم انا غانعاونها باش غير ترجع للميتم سالمة لكن لباقي تكلفو بيه نتوما مبغيتش ضميري يأنبني
خولة:واخا دكتورة شكرااا
الطبيبة: العفو غانخرج نخبرهم بلي ولات مزيانة
الطبيية خرجات و جات زنفورة...
زنفورة: اشواقع لبنتي اشوقع ليها الطبيبة: شكون بنتك؟؟
عبدالعاطي: كتقصد جميلة
الطبيبة: راها بيخير دابا غا عندها شي ميكروب فالمعدة و درت ليها دوا و تقدري تشوفيها
زنفورة جرات عند جميلة..
عبدالعاطي: دكتورة اش خبار الزوجات لخرين؟؟؟
الطبيبة: راهم عيانات بزاف هما تحت المراقبة مزال معرفنا السبب ممكن كلاو شي حاجة فاسدة
شافية: واش لتاقطو الوباء ياك؟
الطبيبة: لا معندهومش اعراض الوباء عندهم حالة تسمم
عبدالعاطي: ممكن نشوفوهم؟؟
الطبيبة: راهم مزالين تحت المراقبة اي لحضة ممكن افيقو درنا ليهم دوا مع السيروم
عبدالعاطي: هاحنا غنتسناو
الطبيبة: غايكون خير ان شا الله
👭🏢يوميات بنات الميتم🏢👭
للكاتبات✒️:Ackerman Chan و مينة أبوليل
الحلقة6: #الوباء
💜📖الجزء 13📖💜
السعدية تتعجن حدا كولوباح...
كولوباح تيمسح دموعو: اوه ما بتيت سوكا اوه مينة توحشتهوم كانو معمرين الجناح بصداعهم
السعدية: عندك الحق ا عمي كانو تيروبلونا
عيشة جالسة على لكرسي: والله حتا خلاو بلاصتهم كانو ديما مضاربات
كوثر:واخا سوكا فيها كترة المشاكيل و تتنكدها علينا ولكن بقات فيا
فاطمة:واخا هكاك تيبقاو منا و من الواجب علينا نخافو عليهوم
السعدية: و زعما يكونو ماتو دابا راه داك لمرض تيقتل
كولوباح: نووو متقوليش هكا
عيشة:ممكن مادام صفاء ماتت
فاطمة:الله يحفظهوم اختي
كوثر:هادشي تيخلع نخاف غير لدوز لينا العدوى
كولوباح هز واحد لباقة دلكرافس شير على السعدية: بقاي تقادي فمك
السعدية مرونة بالكرافس: تتعاشرهم حتا شبهتي فيهم
كوثر:هه اناري ا السعدية حتارمي السييد زعمة كبر منك عيشة:هاديك متعرف ليها غير حليمة لي كانت هنا
فاطمة:و الله الى
خولة شادة مينة من شعرها:هانا وياك بوحدنا دابا ا لخوافة
مينة خايفة و تتبكي:اهئ اهئ طلقي مني
خولة:ههه مغنطلق حتى نحرر فيك داكشي لي دوزاتو عليا ديك المضفرة د ختك(زييرات عليها)
مينة شادة راسها:اهئ طلقيي غنعييط عليها تجي ليك اهئ
خولة باستهزاء:هاااه هههه فينها يالاه فينها و ريها لي(تتمخضها)
سوكا واقفة من بعيد مقاداش تحرك ولا تغوت واقفة غير تتفرج و تشوف فختها تتضرب و تعدب و تألم و تبكي من طرف اكره انسانة بالنسبة ليها..
خولة بدات تخنق فمينة:غنقتلك غنقتلك...
سوكا حلات عينيها مفزوعة لقات راسها فغرفة فسبيطار متكية فبياص و دايرين ليها سيروم دارت لجهة لوخرا تتقلب على مينة بعينيها لقاتها باقة غايبة...
سوكا:م ميينة (شافت فسيروم)مالنا ايمتا جينا لهنا؟
مينة بدات تحرك فرموشها..
سوكا تكعدات:ميينة واا ميينة
مينة حلات عينيها: كك كول سوكا لحريرة
سوكا:بسم الله عليك علاش حنا هنايا اختي؟
مينة: سوكا (حاولات تنوض مقدراتش بسبب التيوات) معرفتش اح جسمي كلو ضارني
سوكا:غير تكاي تكاي واقيلة غنوض نستفسر مالنا
مينة: راه مغتقدريش اختي جلسي
الطبيبة دخلات: اش واقع ابنتي رجعي بلاصتك
سوكا:راني غير بغيت نعرف علاش حنا هنا
الطبيبة رجعات سوكا لبلاصتها: نتوما وقعات ليكم حالة تسمم لكن حالتكم كتحسن
مينة: تسمم؟؟
سوكا شافت فيها باستغراب:وايلي على تسمم؟؟
الطبيية: اه ياكما كليتو شي حاجة تاريخها سالا ولا شي ميكروب؟؟
سوكا:لا لا ميمكنش عمي كولوباح لي مكلف بالطبخ و هو تيقة متيطييبش الا ب مواد نقيية نيت و طرية
الطبيبة: خصكم ترتاحو دابا متنوضوش مزال
مينة: صافي واخا تهناي
سوكا:واخا غنحاولو
👭🏢يوميات بنات الميتم🏢👭
للكاتبات✒️:Ackerman Chan و مينة أبوليل
الحلقة6: #الوباء
💜📖الجزء 14📖💜
الطبيبة خرجات بعدما خلات مينة و سوكا متكيين..
مينة: سوكا فهمتي شي حاجة؟
سوكا ساهية تتخمم...
مينة تلفتات جيهتها: زعما يكون داك لفرماج د الحريرة قديم
سوكا:واش نتي حماقيتي علاه عمي كولوباح واش اول مرة ناكلو من ماكلتو راه امر باين بلي المشكل مكاينش فالماكلة
مينة: و كيفاش الطبيبة قالت بلي حنا ممراضش بالوباء
سوكا:ااه راه لوباء ا لكلاخ مغيجيناش من الماكلة حيت جناحنا مفيه حتى واحد تعادا
مينة: اوا منعرف اي ا ظهري هاد لكاتري بحال لحديد
سوكا بخبث:اجي شبان ليك نتحراو فالأمر ديالنا الى بقينا هاكا مغنعرفو شنو بينا
مينة: اش غانتحراو غي دعي نخرجو بيخير لايلصقنا لمرض فهاد السبيطار
سوكا:راني طبت اصاحبتي بغيت نتحرك شوية
لباب تحل و دخلات شافية مبتاسمة و قربات: على سلامتكم البنات سوكا نتي بيخير
سوكا:الله يسلمك مدام ربي خليك بيخير
شافية: عيا فيا اكرم اجي مخليتوش خفت لا يقبط شي مرض صحتو حساسة شوية
سوكا:ااه لا انا بيخير حمد الله دابا واش مزال مغنخرجو
شافية واحد شوية ندخل عند الطبيب يخليكم تخرجو راه زن اجي فين زنفورة؟
مينة: زنفورة؟
سوكا متعجبة:زنفورة؟؟مشفناهاش اصلا
شافية: ميمكنش علاه مجاتش معاكم نورمالمون مخصهاش تخليكم
سوكا:هاديك تلقايها فرحانة حيت وصلات بينا فوق هاد البياص
شافية: لا خصها تجي تقابلكم واه واش هي اشنو خدمتها لمهم انا نمشي نشوفها متحركوش غا رتاحو
شافية خرجات عند عبدالعاطي..
شافية: فين زنفورة؟؟
عبد العاطي:راه رجعات لميتم مع جميلة و خولة
شافية: رجعات؟ ؟؟ واش هادي حمقة و هاد لبنات شكون اقابلهم؟؟
عبد العاطي:معرفتش انا تكلفي بيهوم حتى نتفاهم معاها
شافية: افف على بشر انا دابا ممسالياش نوصل لبنات خصنا نمشيو عند المكلفين د التلقيح يجيو معانا للميتم و هادشي خاصو لوقت
عبد العاطي:و شكون غيتكلف بيهوم؟؟
شافية تتفكر و هي تهز التيليفون: غانتاصل ب اكرم يجي يوصلهم
عبد العاطي:واخا احسن باش نتهناو منهوم و نتكلفو بلباقي
عيشة تتسيق و هزات واحد السطل دلما خانز بالحوت: افف دابا هادا الا خويتو فالقادوس اش جا ما نقا ليا التواليت اه صافي لقيتها
خرجات عيشة السطل من لباب شافت هنا و هنا و هي تخويه على خولة و جميلة...
خولة: تفوووو على زبلة يخخخ
زنفورة جات تتجري: اش درتي واش تعماو ليك لعينين؟!!
جميلة: والله مافيا ميغوت ديني لبيتي اه
زنفورة: خولة ديها لبيتها انا غانتكلف بهاد المسطية اجي لهنا (شداتها من شعرها و داتها)
السعدية تتصاوب فالكروشي فلمراح تابانت ليها جميلة و خولة... السعدية هبطات النضاضر: على السلامة
خولة: لهلا يسلمك
خولة دخلات مع جميلة للبيت..
فاطمة جات هازة بانيو دالگلية: السعدية سمعتي شي غوات برا؟؟
👭🏢يوميات بنات الميتم🏢👭
للكاتبات✒️:Ackerman Chan و مينة أبوليل
الحلقة6: #الوباء
💜📖الجزء 15📖💜
السعدية:اشمن غوات اختي تاني؟
فاطمة جلسات: حطي داكشي سيري جيبي لملحة تانتي صمكة
السعدية ناضت:لملحة لمن؟
فاطمة: والگلية اراس دنجال و عيطي معاك للبنات راه دابا غايبدا لفيلم د حب في الفضاء
السعدية:واخاا صبري صبري دغيا نجي شعلي التلفزة بعدا
فاطمة تتقلب على التيليكوموند و السعدية مشات جابت الملحة و عاد غاتدخل تعيط للبنات و هي تسمع لبكا فبيت جميلة و رجعات للور و مشات حدا لبيت...
جميلة تتمسح دموعها: هادشي لي كنت خايفة منو اهئئ
خولة:شغنديرو دابا راه خصنا نشوفو شي طريقة نطييحوه بيها اصاحبتي
جميلة: انا خايفة اختي اينا طريقة اهئ حنا اصلا متنخرجوش من هنا
خولة:اووف اووف جوج مشكلات فدقة وحدة
جميلة: اينا مشكلة تانييي؟؟
خولة:سمعت بلي دوك جوجات مقضا فيهوم داكشي لي درنا والو
جميلة: كيفاش؟؟؟ ياك قلتي خطير و تيقتل
خولة:راااني عرفت عررفت ولكن معرفتش كيفاش حتى قاوموه جنون هادو ماشي بنادم
خولة شدات فراسها و هي تهزو: جميلة طاحت عليا فكرة
جميلة:اينا فكرة قوولي؟؟
خولة: علاش متمشيش عند عبداللطيف و تقوليها ليه خصو يلقا الحل راه هو سباب هادشي
جميلة:نن نن موحال اصاحبتي موحال يتقبل هادشي
خولة: وعلاش ياك هو تيبغيك راه هو لي غايقدر اعاونا حيت تيخرج لبرا
جميلة:ولكن ولكن الى تخلا عليا اصاحبتي
خولة:ملي نتي متيقاش فيه لاش عطيتيه راسك
جميلة مرتبكة:هادشي هادشي كان برهان لحبي ليه و هو مواعدني بزواج
خولة: صافي ملي هو واعدك غايعاونك تشوفي شي حل
جميلة رتاحت نوعا ما:و دوك الجوجات دابا شغنديرو فسيرتهوم ها حنا فكينا كاع قضية الحمل ديالي و هوما ؟؟
خولة: دابا انا متنفكرش فيهم لا سوكا لا ديك الخوافة هوما معندهم كيديرو يعرفو بلي حنا للي سممناهم
السعدية طاحت ليها لبواطة دالملحة...
جميلة:سمعت شي صووت
خولة ناضت و لقات الملحة و لبواطة مسكوبة فلرض..
خولة: جميلة شي حد كان تيتسنط علينا
جميلة:اوييلي مشيينا فيهاا اصاحبتي
خولة: افف (تتجمع الملحة) معرفت شكون هاد الصگعة
جميلة تضرب خدودها:صافي مشيت فيها مشيت فيها
خولة جمعات لبواطة و سدات لباب: متخافيش معندهوم حتا دليل هادي غا هضرة دلبنات صافي تكاي رتاحي
جميلة تكات:الله يخرج هادشي على خير
السعدية جلسات حدا فاطمة تترعد و متوثرة..
فاطمة:مالك اتا فين الملحة؟؟
السعدية: تسالات ديباني و صافي...
اكرم دخل للسبيطار: دكتور عافاك فين نلقا لغرفة د زوج بنات الميتم
دكتور:شكون فيهوم راه كاينين بزاف واش لي تصابو بالعدوى ولا لي تصابو بتسمم؟
اكرم: لا راهم مجموعين فنفس لبيت ماشي العدوى
دكتور:اه واخا غرفة رقم 4
اكرم طلع الدروج بالجرا و حل لبيت بانت ليه سوكا جالسة تتلبس صباطها و مينة تتجمع دانون فواحد لقفة..
سوكا طلعات راسها:ااه اكرم هدا نتا
اكرم: سوكا كيف بقيتو لاباس؟؟
سوكا:بيخير الحمد الله لقيتينا عاد غنهبطو
اكرم: عاد سولت فيكم حتا هاد الطبة تالفين ياكما مزال تتضركوم شي حاجة؟
مينة مخبية وجهها..
مينة: واحد خوك ياكما ضربو لبرد
اكرم: هههه غا سكتي غزيتي فيه
سوكا:لا ولينا صحة سلام ههه
👭🏢يوميات بنات الميتم🏢👭
للكاتبات✒️:Ackerman Chan و مينة أبوليل
الحلقة6: #الوباء
💜📖الجزء 16📖💜
اكرم: ياك جمعتو كلشي زيدو نوصلكم للميتم
سوكا:ااه واخا يالاه نيت تزمتت فهاد الغرفة مموالفاش نجلس هههه
مينة و سوكا خرجو ركبو عند اكرم طوموبيل فلبيض حتا
مينة: تنحس بحال الا دخلت لقفص
سوكا:ههه بعدا قفص متنقل ماشي بحال الميتم
مينة:ههه
اكرم: ملي تخرجو من الميتم تاصلو بيا ديك الساعة تكونو احرار
سوكا:واخا انشاء الله
عبداللطيف جالس حدا لباب تيكمي و جا عندو عابد.. عابد عامل النظافة: ا سي تيطيف اش هاد لجلسة مالك غا ساهي ولا التوتة مجاتش ليوم ههه
عبد اللطيف:اش بغيتي عندي نتا لي بقيتي ليا
عابد:وا غير تهدن كلنا عيبنا واحد ههه
عبداللطيف: راني معرفت كيغندير نسوسها
عبداللطيف: انا احسابلي غاتعاوني نترقا حيت قريبة للادارة ساعة ملي عاشرت هاد عبد العاطي وا جلدة ا صاط
عابد:ولكن نتا مقلتيهاش بقيتي غير على الحلوة
عبداللطيف: اودي هادشي كاملو طلع ليا فالراس ا لخوادري تنفكر نقطع لوريقات
عابد:هي طبرتي على شي خدييمة خرى
عبداللطيف وطا على لگارو: سكت سكت هاهياك ديك راس الطارو ديالك جاية
عابد تيضور بانت ليه خولة..
خولة وقفات عليهم مخنزرة...
عابد وقف: اش كاين حياتي؟
خولة: بغيت نهضر مع صاحبك زوج كلمات
عبداللطيف طلع راسو: معايا انا؟؟
عابد: الله يهنيك (مشا بالزربة)
عبداللطيف وقف تيشوف من لتحت: تنسمعك مال صاحبتك ماجاتش لبارح؟
خولة:كانت مريضة
عبداللطيف: امم تتمرض غير ملي تبغي تشوفني
خولة:هي فلحقيقة فمشكلة كبيرة و خصها مساعدتك
عبداللطيف تسند مع لحيط وطلع رجلو: هههه علاه لقيت بعدا لي يعاوني راني غارق ابنت الناس
خولة:جميلة راها حاملة
عبداللطيف بلع ريقو و شاف فيها: كيفاش؟؟
خولة:اه كيفما سمعتي جميلة حاملة و بشهرين
عبداللطيف دار اديه فجيوبو: اوا مبروك بدات التوجاد ولا لا
خولة:شهاد الهضرة الى عرفو راك عارف مصيرها
عبداللطيف: الا عرفو؟ علاه ناوية تخبي عليهم زعما ديك جميلة تتبان داخلة سوق راسها ساعة هي تديرهم بالحس
خولة:واش راه عارف شتتقول راه ولدك
عبداللطيف: علاه انا مزوج و مفخباريش؟؟
خولة:راكوم تديرو فعايل لمزوجين فهمتيها دابا
عبداللطيف: وا باطل هادا سيري قابلي شغلك الا شافتك زنفورة تلطشك
خولة مخرجة عينيها بصدمة:راني متنضحكش معاااك
عبداللطيف تحنا هز واحد لعصا: زيدي مع الطريق راني ممتافقش مع منضمات حقوق النساء
خولة صفارت و رجعات اللور ضرباتها بجرية لعند جميلة..
👭🏢يوميات بنات الميتم🏢👭
للكاتبات✒️:Ackerman Chan و مينة أبوليل
الحلقة6: #الوباء
💜📖الجزء 17📖💜
اكرم هبط سوكا و مينة حدا باب الميتم..
اكرم: غانتوحشكم قصدت تهلاو فريوسكم
سوكا:هه طهلا فراسك حتى نتا
مينة: بسلامة (تتجر سوكا)
سوكا:بشوية عليك اتتا
مينة و سوكا دخلو و لبنات جراو لعندهم الا السعدية لي بقات مكمشة بلاصتها.. فاطمة تتبوس مينة و عيشة قاجة سوكا... كوثر: توحشناااكم والله وا بلاصتكم بقات
سوكا:هههه واش لمكوم يتصحاب ليكوم غنموت قبل منخرج من هاد الميتم تسطيتو هههه
عيشة: لا لا معندنا منقابلو هنا حتا لفيلم باسل بلا بيكم
مينة: واش كتفرجو المسخوطات
سوكا:اناري بدا شي فيلم جديد تاني
مينة: اه اه بصح (كتتطل) اوه لكتبة كتطلع
عيشة: راه تعطلتو لكن غانعاود لكم اش وقع
سوكا:السعدية مالك ساكتة؟
فاطمة: واقيلة ضاربها جن ملي قلتلها تجيب لملحة مرجعاتش
مينة: نيت جنون متيحملوش لملحة
سوكا:ههه اتي دوي
السعدية ناضت دخلات لبيت ...
مينة مربعة تتقلب ليذاعات..
كوثر: غانمشي نشفر ليكم شي ليمون قبل متجي زنفورة
سوكا:ههه جيبي معاك حتى لبانان
فاطمة ناضت: انا تنعرف فين تتخبيه عيادة تتاكلو بالليل
سوكا:هههه قردة هاديك يالاه طلقينا
كوثر مشات بجرا و سوكا تارت فضولها السعدية لي ماشي من عادتها تسكت و هي طول الوقت تهضر و تعاود دخلات عندها لبيت و جلسات حداها...
سوكا:السعدية مالك غير حالة فمك و ساهية؟
السعدية شافت فيها زوج مرات: سوكا نتي صاحبتي لكن لا لا صافي غا سيري
سوكا:مالك قولي واش واقعة معاك شي حاجة باغاني نتف ليك شي وحدة قولي واش دابز معاك شي واحد ؟
السعدية شافت فيها بلعات ريقها و يدها كترعد و دارت عليها ليد لخرا...
سوكا:اناري مالك ياهاد البنت بحالا جالسة حداك عيشة قنديشة راني مغاناكلكش عاودي ليا شنو بيك و تنحلف ليك حتى ندمو نتي ضرييفة واخا هكاك و محكورة هنا و انا متيعجبنيش نشوف بنادم يتحكر قدامي واا عاودي مالك؟؟
السعدية: افف اسوكا هادشي صعيب بزاف انا خايفة الا عرفوني انا قلتها غايلوحوني فالزنقة
سوكا باطمئان:لا متخافي والو انا مغنقولها لحد غير عاودي ليا
السعدية: خ خخ خولة خولة ا سوكا
سوكا عقدات حجبانها:مال ديك الشامبانزي تاني؟؟
السعدية: راها تافقات مع جميلة باش اسمموكم نتي و مينة بغاو اقتلوكم (سدات فمها)
سوكا بعصبية ضربات لحيط بيديها:كيييفاااش؟؟؟؟!!!
السعدية: شتتت (تالفة) ياك قلتي مغتقوليش
سوكا تتغلي بلغضب:عرفتي شناااهي بغاات تقتلنا غير بلاتي على العاهرة د مها نوريها
السعدية: متقوليش ليها انا لي قلت ليك
سوكا:مغنقول ليها والو واش قالت شي حاجة خرى؟؟
السعدية: هوما مبغاوكمش تعيشو ممكن اديرو حاجة خرا اقتلوكم
سوكا ضحكات:ههههههه و فراسي؟يقتلونا و فراسي؟هههههه انا غنفطر بيهوم قبل ميتعشاو بيا نوريهوم علاش قادة و معامن ورطو راسهوم
السعدية حنات راسها و هي تنقز حتا تبومبات سوكا على الناموسية...
سوكا:مالك اتا بشوية
السعدية: ناري اصاحبتي اش سمعت عاد تفكرت ناري الشوهة
سوكا:اشنو قولي؟؟
السعدية: فراسك جميلة حاملة ا الصگعة
سوكا بصدمة:اشنووو؟؟؟؟
مينة كتلفت: عيشة فين ختي؟؟
عيشة حالة فمها فتلفزة:مشفتهاش
مينة ناضت دخلات لبيت: سوكا واش مخشية هنا (نقزات حداها) مالكم؟
سوكا:اجي تسمعي دوك لعاهرات اشدارو
👭🏢يوميات بنات الميتم🏢👭
للكاتبات✒️:Ackerman Chan و مينة أبوليل
الحلقة6: #الوباء
💜📖الجزء 18📖💜
مينة: شكون هادو؟؟
سوكا:جميلة و خولة هوما سببنا فالتسمم
مينة: بغيتي تقولي هوما للي؟؟
سوكا:واااايييه هوماااا
مينة: بناااات لحرااااااام
لحنش جالس فالمكتب و قدامو خليل...
خليل حل الملف: انا جبت ليك سيهوم انيس الوردي محطوط
لحنش:اتينا بما عندك خههه
خليل: انيس اسيدي كان فالرباط فقضية واحد رجل الاعمال قتل مرتو بعدما تشد الراجل صحابو دارو ليه فخ و طيحوه فقضية جنسية
لحنش:ههه اييه كمل كمل
خليل: من بعدما خرج منها انتاقل لهنا باش اعينوه فقضية المخدرات
لحنش:داكشي متيهمنيش انا خرج ليا حياتو الشخصية اش فيها هي هدفنا
خليل قلب لوراق: هههه مغتصدقش ا شاف
اناكوندا دخلات و جلسات فوق لبيرو..
لحنش:ههه شنو قول
خليل: السيد مزوج زوج عيالات
لحنش:اممم بحال هادو هوما لي تيضربوها من التحت
خليل: عندو زوج ولاد و راجل متدين ميسور يعني
اناكوندا: مغيقبلش لفلوس؟؟
لحنش: الا كانو قلال ههه
خليل: المهم (جمع الملف) انا معاكم ف اي حاجة
لحنش: الله يعاونك
خليل خرج و..
اناكوندا: شفتي غانبداو ليه ب شي صوم د لفلوس ربما يهديه الله
لحنش طلع راسو: الا مبغاش غيلحق على محمد...
جميلة هبطات من الدروج بالزربة و الدموع تيهبطو... جميلة جرات عبد اللطيف من لبلوزة ديالو...
جميلة: شووف فياااا
عبد اللطيف:هيييه حيييدي يديك علييا
جميلة حيدات يديها و عينيها تيلمعو: عبداللطيف مالك؟؟
عبد اللطيف:تتعرفيني؟؟؟
جميلة قلبها تيزدح: شش كيفاش؟
عبد اللطيف:واقيلة راك غالطة فلعنوان سيري اختي الله يجيبك على خير
جميلة عينيها مغرغرين تتقرب منو: عبد اللطيف انا انا جميلة انا للي عطيتك كلشي
عبد اللطيف:متنعرف حتى وحدة بهاد الإسم انا سيري شوفي ليك علامن تتقلبي راك دايخة
جميلة طاحت فلرض على ركابيها: اهئ عبد اللطيف اش كتقول علاش كتدير فيا هكدا؟؟؟
عبد اللطيف:سيري متلي على شي واحد اخور ماشي انا فهمتي
عبداللطيف مشا و جميلة فلرض دموعها تيطيحو متيبان قدامها غير الانتحار دخلات طلعات مع الدروج و تلاقات سوكا و مينة قدامها...
مينة: مالك اودي فين كانو دافنينك؟؟
جميلة تتنهج:مفهمتككش
سوكا حطات يديها على صدرها باستهزاء:اووه نو الفتاة البريئة المتميزة و المثالية د الميتم و الحاصلة على عدة جوائز و ديبلومات مفهماتنااش اووه نو راه محنا تندويو غير بلعربية احبيبة ماشي الكورية
جميلة تنهدات: اش باغين دابا؟؟طلقوني مناقصاش هضرتكم
سوكا بجدية:واش باقي عندك الوجه تعلاي علينا راه كلشي فراسي بلا متغاباي عليا
جميلة: اشنوو لمطلوب مني اش بغيتو؟؟؟؟
سوكا:مبغينا والو دابا فاتت المرحلة ديال بغينا معندك غير توجدي راسك و تجمعي حوايجك تمشي لصحرا ا حبيبة حرام الناقات تما ميتحلبوش هاهاهاها
جميلة: معرفتش علاياش كتهضرووو
مينة: ياك نتي حاملة هاه اوا قولي كذبناها
زنفورة دخلات: شنو كيفاش؟؟
جميلة تبدلو فيها الألوان..
مينة: دادا...
👭🏢يوميات بنات الميتم🏢👭
للكاتبات✒️:Ackerman Chan و مينة أبوليل
الحلقة6: #الوباء
💜📖الجزء 19📖💜
سوكا:اووه دادا جابك الله نيت تسمعي على ودنيك
زنفورة قربات من مينة: عاودي اش قلتي
جميلة: متسمعيهومش ا دادا اصلا متيحملونييش
مينة تخبات مورا سوكا..
سوكا:رااها تتكدب و حق الله الى حاملة راها تدير عليكوم ديك تيبهلا منحملوكش نتي هي سيلينا گوميز ا بنت العبد
مينة: والله الى
زنفورة عنقات جميلة: شوفو نتوما غاتمشيو تنعسو من دابا ماكاين بو عشا شتكم دغيا بريتو
سوكا مصدومة:وا الشريفة راه تنقولو ليك السييدة حاملة و معنقاها تتبوسي فيها
زنفورة: غبري من قدامي لانسوط فيك
مينة جرات سوكا: زيدييي
زنفورة: جميلة بنتي
جميلة: نعام؟
زنفورة: هادشي غي كذوب ياك
جميلة: اه ا دادا كذوب حاقدين حيت مفضلة عندك
زنفورة عنقاتها: صافي تهدني علاش دايرة فيهم راسك
جميلة: انا خايفة لا يشوهوني هنا ب كذوبهوم
زنفورة: ماحدي هنا تاواحد مغاياذيك
جميلة طاحت دمعة من عينها و زيرات على زنفورة...
#نهاية_الحلقة
يتبع....