الســــفــــاحــــة الصــــهــــبــــاء🪓|🇲🇦

الحلقة17: العقاب

👭🏢يوميات بنات الميتم🏢👭
للكاتبات✒️:Ackerman Chan و مينة أبوليل
الحلقة17: #العقاب
💜📖الجزء 1📖💜
برنار طلع من لبيسين و لمعو عينيه على رجيلات بيضين و تسند مع الحافة...
برنار: شيغي من قبيلة وانا نتسناك
لولا بنت شهبة رشيقة تحنات: حبيبي انا تعطلت حيت مشيت نشري شي حوايج و مزال خصوني لفلوس
برنار خرج من لابيسين كولو احمر: ماشي موشكيل لي عجبك هزيه معول نخلي ليك لكارت قبل ما نسافر
لولا: واه؟؟ فين غادي ياك معولين نحتافلو ب وداع العزوبية
برنار توثر: لا شوفي ستجدو شي ظروف و غنضطر نسافر هاد الليلة
لولا: او حبيبي(باستو) و دفتر الشيكات ممكن نستاعملو نتا عارف خصني ندير عملية التجميل لي قلت ليك
برنار: شوفي انا غنعطيك لفلوس لي غتحتاجيهم و ملي تستاقر الاوضاع غانسيفط ليك لوراق تجي لعندي
لولا توثرات: اه اه حبيبي الله يخليك ليا (تتجرو) اجي شوف اش شريت
برنار:هههه هاني هاني
لولا جلسات فوق لفوطة و جلس حداها...
برنار: هي غاتبقاي تغداي معايا هنا؟
لولا: لا حبيبي منقدرش حيت عندي موعد مع الدونتيست و مزال ما خلصتو...
برنار:انا نخلصو لحبيبتي
لولا كتلوا عليه حتى صونا تيليفونو...
برنار ناض:الو دافيد اه..لا منقدرش الطيارة طالعة مع العاصر.. لا المروحية غاتثير الانتباه احسن نسافر مع الناس..لا متخافش داز شحال و مزال ما عاق..لا ملي غيعيق غنكون برا لبلاد
برنار: لا ماتقولهاش..اوه شييت...اناكوندا كانت نافعانا حيت سطلة افف..كيفاش شكون؟ الو اللوو
برنار هز التليفون: قطع..شكون قاليا جابو؟؟
لولا:شكون جابو؟
برنار:ماشي مهم حبيبة
حل ذراعيه بالأحضان و عنقاتو...

وديع فبيت كلها بونج بيض رطب تيضرب راسو مع لحيوط و تيعض فيديه و عينيه زرقين..
وديع: طلقووونيييييي اهاا باباااا عبد الله طلقنيييي
وديع جلس فالزاوية تيبكي و يمسح دموعو: انا ممريضش اهيء اش درت اربي يكون عندي اب بحال هادا ماما علم الله بحالها مجاتش تشوفني و انا لاحني هنا بحال المسطيين اهيءء عبدالله وا لوحش المجرم خرجنبييي من هناااا
وديع مسح دموعو و شاف فالسقف و بتاسم ابتسامة خفيفة: مينة (تفكر اخر مرة شافها) مينة فينك دابا اش كتديري واش تتفكري فيا انا بغيت نخرج من هنا على قبلك بغيت نتحدا الوحش د عبدالله نتحدا لعالم كلو خصني نخرج من هنا
وديع بقا تيعاود: خصني نخرج.. خصني نخرج..
تحل لباب لقاتو الممرضة مكمش فالزاوية د لبيت..
الممرضة: عندك زيارة ا سي وديع☺
وديع: كيفاش واش عبد الله؟ (وقف) عبدالله جا يخرجني
الممرضة:غير خرج غتعرف شكون
وديع شاد فلحيوط و كلو عرقان و شعرو كثيف مشعكك..وديع خرج و الممرضة شاداه حتى وصل للجردة و جلساتو ف كرسي.. وديع ساهي حتى جلس حداه شي حد...
وديع تلفت: منى (عنقها بالجهد) منى اهيء جيتيييي
منى معنقاه تتبكي: اه اوديع سمحليا مقدرتش من قبل مع مشاكل ماما و حيت منعو الزيارات انا غير عطيت رشوة
وديع: منى خصني نخرج انا غنتسطا
منى:غير صبر عفااك راه باك زيير عليهوم هنايا
وديع: ولغبرة ا منى انا غنموت غنمووت(عرا على ذراعيه) شوفييي اش درت فراسي انا تنموت ا منى
منى تتهضر بشوية:راني جبت ليك منها راني منسيتكش
وديع خرجو عينيه و شد فيها: بصح فينهااا فينهاااا
منى تضور يمين يسار و جبدات جوج ساشيات من جيبها:هاك خبيهوم مزيان
وديع شدهوم دارهوم فداخل حوايجو و دخلو مع السروال.. وديع عنقها: معرفت كيغندير نشكرك و عافاك عاونيني نخرج من هنا
منى:انا غندير جهدي و غنبقا نزورك ديما غير حاول تهدن صافي
وديع تيمسح مناخرو و وقف...
منى شدات فيديه..
منى:طهلا فراسك واخاا
وديع بعينين مدمعين مشا حاني راسو...