_ Good evening🌹
_Good evening
_ how are you?
_fain
_ Do you know me?
_ No what's your name?
_🤔 I call good luck .
الفصل ضحك وكنت ناوية أواصل في الظرافه بس في وحدة قاطعتني وسألتني :
_are you teacher?
عاينت ليها بإبتسامه..بعدها إتكلمت بنفس البرودة وسألت عن المادة؟ بقى الفصل مستغرب من عمري وعندو فضول يعرف ح أمسكهم شنو قلت ليهم خمنو؟ ضرح واحد بطريقة مضحكه وإتكلم بسرعه وسط التخميناتم الخاطئة : أربك.. أوه ماي قود؟!
إتنبأت أنو ح يكون الطالب المرح والمتعب لي قدام خصوصاً أنو الطلاب ضحكو من إنفعالو وأنا إبتسمت معاهم.. بعدين بقت تعليقاتم باللهجة المحلية(الرطان). عرفت أنهم حيقولو حاجة ما مفروض أسمعها. (😢على الأقل يقطعو فيني لما أطلع)
إنتظرت شوية همساتم وضحكم وإستغليت الفرصه أحسب عددهم وأحلل طباعهم حسب أكتر زول متفاعل في الرطان إتذكرت أني قررت أحصد في الحصة دي حاجتين الأولى.
_أعداء.. اللغة جد دايرة أعرف أكتر زول بحمل ضغينه في قلبو للعربي؟ سألت منو مابحب العربي؟ كلهم قالو أنا..
_لا لا ماقصدي كدا.. قصدي منو المابحب يتعلم العربي؟ تاني قالو أنا.
_لا ليه ما بتفهمو سؤالي منو الكارهه العربي؟ أنا..
_ماكدا؟
_كلهم بزهج قالو أستاذ فقمت ضحكت وقلت ليهم في العربي في ألف طريقه تسأل بيها نفس السؤال.. بدون تكرار ولا ملل..كل يوم ممكن تنوع في عبارتك لو عايز توصف زول كان معاك قبل شوية وطلع حته تانيه (مشي 🚶♂️ذهب 🚶♂️غارد🚶♂️خرج🚶♂️تحرك🚶♂️..) يعني تنويع دا الحاجه التانية الكنت دايراهم يطلعو بيها من الحصة كلمة تنويع قصدت أكتبها في السبورة وقلت ليهم إذا فهمتوها.. فهمتو العربي كلو ماضروي تحبوه من هسي..
في كم زول عندو واحد ما بحبو بس متعامل معاهو؟
يمكن قريب.. أو بعيد.. بس في حاجه بتخليك غصب عنك تتقبلو...
إتذكرت السبب الخلاني أفتش المدارس قبل شهر من بداية العام الدراسي.. إنتبهت أنو ما مجرد فضول.. أو حبا للعمل بس كان لظرف المادي أثر كبير ماكنت مستعدة في مرحلة زي دي أعمل أو أدرس رغم أنو عندي خلفية عن التعامل مع الطلاب ولكن! ما هسي.. في حاجات دايرة أسويها وعملي ح يملى وقتي وعقلي..
ممكن أقول بطريقة تانيه أنو المكان الفيهو هسي دا قدر.. قدر رغم صعوبتو جميل.
_أعتقد إذا كان دا أسلوبك مع الطلاب فحتتعبي شديييد سوري م قاصد إدخل بس دا نتيجة تجربه.
كنت شاردة في المكتب لحدي لما سمعت الصوت دا كان بتكلم بالانجليزي.
_مافهمت. (منال)
_قصدي ما تدي الاولاد ديل ظرافه زيادة.(سبت)
_اوه دي البداية بس حوازن في العمل شكراً. (منال)
_بتكلمي أنجليزي(سبت)
_شوية بس أحسن في العربي.(منال)
_سبت مد يدو عشان يسلم على فبتسمت :
_منال أحمد.
_ أخيراً بقت تقري في مدرستنا أنثى؟ (سبت)
_اممم لغتك العربية ما سيئه. (منال)
_حفظت لفظ الأنثى صدفه من ران كان بدرس فصل داك عربي فقلتا أقشر بيها قدامك. (سبت)
_حلوة أقشر بيها.. لو سمحت أستاذ عايزة سوط.(منال)
_جادة مش هسي كنت مسكين(سبت)
_داخله فصل تاني 🤫أظن أنو أي مرحلة عندها تعاملها الخاص.(منال)
_I like this (سبت)
_thinks (منال)
_good luck(سبت)
إتفقت مع إستاذ ران أنو أخد فصل تامن وخامس دا القبيل دخلت عليهو هسي متجه لتانية أصلو ما غلطتا لما أخت السوط إتكلمت وعاقبت أكتر مما درست .. كانو مشاغبين ومتنمرين مع بعض لدرجه. أقبل لسبورة ألقى كم زول ضرب التاني أو ضحك غيتو كانت حاله... لحدي لما غربت الشمس وانتهى دوامهم حسيت حيلي إنتهى معاهو.
شكلو فصل تانيه دا ما كان إختيار موفق ..
