_عندنا إجتماع لازم تجهز ليهو مع كونغ(جيمس)
_في وفد جاي من الوزارة زيارة ولا شنو؟(ديفيد)
_أي عندنا ضيوف مهمين عايزين نستقبلهم وحيعملو إشراف على المدرسة والطلاب والوضع(جيمس)
_ايواا طيب بكلم كونغ في أقرب فرصة(ديفيد)
في الصباح كان جيمس في المدرسة بفتش عن أي عطل فيها حام الفصول وحصر الإدراج المكسورة وشاف مراوح التهوية ورجع بفكر في المواسير الخسرانه ومشكله الموية وفصول تانية وتالتة في الما جاهزة وتنهد بإستياء للوضع واللوم الممكن يواجهو إذا جاهو الوفد الليلة عاين لساعتو لقاها سبعة ونص إتذكر إنو طلب من ديفيد يقابلو وأول ما رجع المكتب حس بحركتو بعدين سلم عليهو وقال ليهو إتفضل وتناقشو نقاشهم القيبل ديفيد داير يطلع بعد ما خلصو كلامهم وقفو صوت جيمس بأكد عليهو:
_عايز الأمور تمشي بخير لحدي خروجهم وبدون أي غلط ديفيد هز ليهو راسو :
_أكيييد وطلع وجيمس قعد يفكر بسكوت.
_أنا شايفه ما أخت ميكب كتير عشان التدريس دا رسمي..(منال)
_ي بت انتي هبلة مش قلتي إنو الليلة موعد نتائجهم يعني معظم الحصص بتكون فاضية (سمر)
_صاح بس يعني؟ (منال)
_الناس كلها قاشرة أنتي عايزة تكوني مبهدله كدي أثبتي عشان أظبطك (سمر)
_والله أنا لسه مستغرب في السيستم بتاعهم كيف يعني النتيجه بعد كم إسبوع من العام الجديد(فطوم)
_ شغالين بنظام (كل6شهور عندهم مرحلة جديدة) وفي السنة الزول بمشي فصلين وإجازتهم كلها إسبوعين عشان كدا ما في طريقه للنتيجه الا في المرحلة الجديدة. (منال)
_وتامن؟ (فطوم)
_تامن ياستي بمتحنو مع الشهادة بتاعت الأساس عشان كدا هم إستثناء وسنتهم 8شهور.(منال)
_اوو الفهم إنك حتكوني متأخر شديد في مقررهم.. كان تمسك فصل غيرو هسي يمكن ران أراد ليك الخير غيتو أنتي(سمر)
_يابنات أنا قدر إختياري وبوريك والمقرر بظبطو ليهم وما عندي شك في كدا (منال)
_ بحب أشوفك واثقة من نفسك وقوية (فطوم)
كلامي مع أخواتي أداني دافع حلو لليوم ركبت ركشة لاني عايزة أضمن طلتي مشرقه في المشية أما الرجعه ما مشكله كنت لابسه فستان عنابي أشبه بعباية بس ما طويلة شديد وطرحة وأساور وجذمه. بالابيض وعامله منكير بالعنبي وخاتم وميكب خفيف ما إشتغلت بسمر كتير بس كان حلو وهادئ وشنطة بيضاء وإتعمدت أنو ما إتعطر بس رشيت حبه مسك خفيف وطلعت وصلت بدري زي الساعه ٢ المدرسة كانت منسقه والعطر والبخور ريحتهم من السلم.. مشيت المكتب لقيتو فاضي رغم إنو مرتب بوضعية جديدة مازي أمبارح إتاكدت أنو اليوم دا بهمهم شديد شفت الفصول الفي الطابق لقيتها فاضيه من الكنب والطلاب إستغربت شوية بس أسمع ليك صوت طالب راكب السلم وبقول لي:
_أستاذ مافي زول هنا.. الناس كلها فوق وطلع سريع كأنو خايف يفوتوهو.
معناها أنا جيت متأخرة وحسي عامله نفسي فرحانه ومتخيله أني جيت بدري ركبت لسطوح بحبه خذلان بس كنت مبتسمه أول ما طلعت كان الكنب مرتص زي قاعه جمهور في الساحه والزينة في اي مكان لاحظت أنو أولياء الأمور حضرو والطلاب معظمهم بزي ملون وقدام عاملين حته زي المسرح وفي مقدمة الساحة قبل متر من واجهة السطوح كانو ملصقين مجموعه من الأدراج عليها ملايه حمراء وخاتين كراسي خلفها وجنب أي كرسي زجاجه موية وبارد وضايفه ظريفه للمعلمين بعدين إنتبهت للمسرح لقيت مشغلين أغنية بالرطان جميلة شديد عجبني إيقاعها رغم أني ما فاهمها الناس فرحانه وبتصفق وحدين برقصو وجو ما بتوصف الحته زحمه فوقفت جنمب الحيطه بتاعت الباب وبقيت إتفرج عليهم مبتسمه فجأة شوفت يد بتأشر لي لجهات المعلمين حسيت بشعور حلو كانو بنادوني عشان أقعد معاهم واكون من قائمة الحيوزعو النتيجة ويجو الطلاب ويصافحوهم ماكدا وبس خلوني أقعد في الكرسي الجنمب جيمس مباشرة يعني أنا حستلم النتيجة منو وأديها للطلاب وإيقاع الموسيقى شغال.. شعور عجزت عن وصفو منتهى العظمة والاحترام وإحساس حقيقي أنو عندك مكانه حتى ولو ما دراستي معانا العام الفات إتقدمت وقعدت بعد ما سلمت عليهم بفرح .. كونغ ما كان قاعد معاهم وران عامل إشراف للطلاب وأول ما قعدت جيمس همس لي :
_شعورك شنو؟
رديت بنفس الصوت :
_بين متوترة وفرحانه ضحك وقال لي :
_عادي.. الليلة عايزك تشوفي وتقيمي بنفسك مستوى الطلاب في النتيجة.(جيمس)
_لي الشرف والله. (منال)
بعدين إبتسمنا وبقينا نراقب في نشاطهم أول ما خلصت الفقرة إتقدم جيمس ومسك المايك وبقي يتكلم كاي مدير في يوم مهم زي دا صفقو ليهو بشدة وأيدوهو على كلامو بعد شوية حضر كونغ الكل بقو يصفقو قبل ما يقول حاجة وبعد ما هدو شوية إتكلم :
_النتيجة دي ما حتكون معيار لتميزك أو رسوبك لبقية حياتك.. إتاكد إنها ما أكتر توجيه ليك إذا كنت في المسار الخطأ (الرسوب)عشان توعيك أو الصحيح(النجاح) و تمنحك الحافز إنك تواصل فيهو.. عايز أذكرك بالمعلومة البكررها ليك كل عام.. (أنت ما أنت زول أمبارح) ما تغتر أنك ناجح فترسب ولا تأسف أنك فاشل لتنجح) ماناوي أكتر عليكم النصائح في يوم مميز زي دا وح خليكم مع
