ماعارفه ليه بكذب هو ماعندو مشكلة وأخد عليهو شهادات معتمدة بس مافاهمة بحاول يعمل شنو ديفيد إتفاعل معاهو وبقي يسألو عن مجالو والتوقيت البناسبو مع شغلو .
_نحن بنستقبل كل الأعمار وما عندنا مشكله(ديفيد)
_ما بنستقبل الفئات العمرية فوق الثلاثين عشان كدا ما إعتقد عندو فرصه (كونغ)
كان بتكلم مع ديفيد وبقطع في عماد وبوصف الحاجات الما عجباهو فيهو بالانجليزي وديفيد مستغرب منو.. طبعاً أنا برا الشبكة وعماد بدأ عليهو الغيظ من كلامو فرد عليهو:
_اسمع أنت الظاهر سمعك ضعيف أنا قلت ليك عمري ٢٤سنه وبعدين دا منو الاداك الحق توصف العاجبك والما عاجبك فيني. . أصلا أنت منو عشان رايك يفرق معاي أنا ح ناقش موضوع قبولي مع المدير ما مع الحمير.(عماد)
_ماقلت ما بتعرف إنجليزي.. انت واحد فارغ والكلام معاك مضيعه وقت ما أكتر (كونغ)
بعدين عاين لي بنفس النظرة المشمئزة ومشى (دايرة أعرف أنا ذنبي شنو.. منال)
_شوف نحن صراحة مشغولين اليوم بس ما تشتغل بيهو تعال قدم في اي لحظة نتشرف بيك(ديفيد)
قال كدا بإبتسامه ومشى لحق كونغ بعد شوية جات عربية إستاريكس ونزلو منها كم زول باين عليهم مهمين ورسمين كونغ وشو بقى مبتهج وهو بصافح فيهم إتكلمو معاهم بالرطان وكان باين على الطرفين مسرورين بعدين دخلو جو.
_ما تقولي لي الزول المغرور دا بدرس معاك. (عماد)
_شكلو كشفك من البداية وعرفك ماجادي(منال)
_طيب الليلة أنا بسجل في المدرسة دي عشان أوريهو. (عماد)
_يإخ إنتقامك خليهو بعيد عن شغلي.. بعدين لسه ماوريتني انت جيت ليه؟ (منال)
_منال جيت عشانك.. زهجتني بالسؤال دا.. عايز أشوفك بس خلاص أنا ماشي.(عماد)
_هسي مالك عصبت كدا.. اممم كان تقول لي من قبيل كدا ما كنت زهجتك بالاسئلة. (منال)
_انتي من النوع البحب مبرر لي شئ. (عماد)
_بالضبط كدا.(منال
_ضب يعضيك .. إذا انتهت حصصك خلينا نمشي لمحل أيسكريم.(عماد)
_ما انتهت اليوم مفتوح لكل الفصول عدا تامن وأظن أنو الحصه الأخيرة فاضية دايرة إستغلها وأدخل ليهم. (منال)
_محبطة. (عماد)
_يعني الأيسكريم مابتفوت وأنا عندي صراحه زي ساعتين فاضين لحدي الحصه (منال)
_ما تقولي كدا من الاول.. المهم نمشي المحل ما بعيد من هنا. (عماد)
_دقيقة أطلع أجيب شنطتي.(منال)
(✨ نتشاجر عند أول لقاء.. لنصبح أوفياء🥀 في وقت لاحق.. أحياناً اللحظة التي تظنها هي الأسوء في حياتك قد تعرفك على .. صديق .✨)
_ولا يهمك عادي(منال)
_أنتي قلبك أبيض يامنال وانا مبسوط أنو وحده زيك بتشتغل معانا.. كونغ مرات بكون عندو تصرف ما متوقع عشان كدا ما دايرك تزعلي من تصرفو مع ود أهلك قلتي لي ببقى ليك شنو؟(ديفيد)
_مشكور دا ود خالتي بعدين هو برضو غلط وقال عنو حمار. (منال)
_أمانه كونغ ما بشبه الحمار(ديفيد)
_😅بشبهو .(منال)
_كويس انا بشبهو بس انت أتفضل لجو ياحضرة الإنسان مستنينك.. (متين ظهر ما بعرف.. بس خلعنا قمت زحيت الابتسامه ودخلت شلت شنطتي من الفصل المقاصد للمكتب ديفيد دخل بضحك وكونغ لسه بحمر لي لحدي ما نزلت السلم كتمت الضحكة بصعوبة يعني هو ليه مركز معانا كتير لو ما بشبه الحمار..!
