ب.. بس المرة دي لو عايزة بنزل لي لرجلك.(نانسي)
قومتها وقلت ليها بغضب:
_نانسي أنتي جنيتي بكت ضمتني وهي بتقول :
_شبه جنيت عليك الله ساعدني ما قادر إستحمل ما أشوف جون أبوي إتشاكل مع نسايبو وحالف ما يرجع الجنوب ويشوفهم وجدي عامل الحركة دي مكيدة وحرقه لكونغ عشان ما أهتم بأخوه وأنا ضايعه في النص ليه كدا ما كفاية أنو جون ما معبرني ( حنيت عليها البنات ديل بعرفو يحنكو ) قلت ليها بعد ما هدت شوية :
_خلاص بكلمو رغم أني ما أعتقد أنو يقبل.
باستني فى خدي وقالت لي بفرح ما حيرفض ليك طلب.
_ولييه يعني قلتها بغيظ وأنا بتذكر لما شوفتو في الزلط قالت لي:
_ سر قلت ليها:
_ كدا يعني بقى بينتنا أسرار ضحكت وقالت لي:
_ ما تكلمي زول شكلك عاجباهو وجرت فصلها.
منو القال ليكم أني حشتغل بكلام طفله نزلت السلم وبفكر بجنون وااي صحي عاجباهو.. لو كان كلامها صاح قلبي بقى يدق بسرعه وبدون ما أحس طقشت زول طالع سريع وأظن أنو الضربة القوية دي رجعتني لرشدي 🤕كان بنت شابة وحلوة لابسه فستان زهري وشعرها بالميج البنى الفاتح وميكبها شاذ وعطرها مالي الحته مسكت رأسها وشاكلت بالرطان بزهج.. لمحت شخص جمنبها.. إستيفن كان ماسك يدها وبربت على جبينها ويتكلم معاها بالرطان بهدوء وهي هدت شوية وعاينت لي بغيظ واصلت مشيها شكلو قال ليها دي أستاذة معانا فسكتت سلم على :
_أستاذة كيفك وأختك بخير هزيت ليهو رأسي كويسة وابتسمت شوية سكت حبه ومشى بعدما قال :
_طيب الله يشفيها وهو بسلم لاحظت على يدو دبلة عرفتو مرتبط.. ماعلينا بس زولتو لئيمه وبعدين اححم.. أنا ما جديت في حكايتو.. أحساس أنو شخصية واو..وهم بتقع فيهو أي بنت بس بالجد ما عندو حقيقة صراحة فرحت ليهو وزعلت على إختيارو مالقى غير المفترية دي بس بتشابهو.
إنتهى الدوام وأنا بفكر في كلام نانسي طول الوقت ما عارفه لي وقعت في نفسي المصيبة دي أنا حالفة ما أعاين ليهو ولا اسألو بعد العملو وطيب هسي أعمل شنو؟
الظاهر أني حأضطر أجل إستقالتي لكم يوم المشكله مافي كدا.. المشكلة أني ما طايقهو.. كيف حكلمو أحسن حاجه أنو مامدوام اليوم قلت كدا مبسوطة وأنا بدق مكتب جيمس وداخله عليهو بابتسامة ناويه أوريهو من بدري أني حخلي الشغل بعد كم أسبوع عشان يعمل حسابو ويفتش البديل.. ما ركزت في منو معاهو بس إنتهبت لسكوتهم.. ما كان براهو عاينت لقيت كونغ بعاين لي أول ما شفتو زح عيونو و..
#كونغ#
الليلة ما شغال بس العرض بتاع المدرسة الجديدة ما بتأجل قررت نهاية اليوم أقابل جيمس في المكتب وانقاشو من وجه نظر الجميع ونحسم الموضوع خليت رأيي في جنمبة واتكلمنا عن مصلحتنا ككل وفي النهاية وريتو العرض كاقتراح وبس وخليتو يفكر.. وأثناء حديثنا جات داخله وما سمعناها إستذئنت.. التفت لما حسيت بحركتها بغضب لانو ما حبيت دخيل زي ران فتفأجات بيها وتعرقلت الكلمات في حلقي.
_كونغ كمل.. آسفين يأستاذة ما انتبهنا ليك. (جيمس)
إتحرجت شديد لما جيمس إعتذر مني ممكن دا أسلوب بتبعو المدير الراقي عشان يوري القاصدو أنك مفروض تستأذن وتدخل إتكلمت سرييع:
_أنا الأسفه صراحه دقيت الباب وما اتوقعتك في اجتماع.. حطلع استنى برا عاين لي برضى وقال :
_مافي مشكلة أصلا كنا في نهايتو.. كونغ تاني عايز تقول حاجه.
_اااه لا العرض صار في يدك.. وما عندي إضافات. بصعوبة قدرت أنطق الكلمتين الفاتو أحساس تكون غلطان احساس ممقت وثقيل بجوط عليك أفكارك بالذات لما يكون جنبك حاولت إتجاهل وجودها في المكتب واتحرك حتى بعد ما سمعت بحادثه أختها ما كلمتها بالعكس دي ما طبيعتي أبدا ما بهتم أدقق في تفاصيل تصرفي مع الزول.. إلا هي دا بسمو شنو؟
