_قلت لي إسما منال؟ (كونغ)
_أي غريب ما اتصلت عليك. (ران)
_لا بالعكس إتفاهمنا بس عندي فضول أعرف كيف جيمس قبل يوظفها.. مدرستنا من زمان ماشه بنظام المعلمين.. الظاهر إنو المتاعب بدأت(كونغ) .
صاح أنا ما بعرف إنجليزي.. بس كمان فهمت كلامهم الليلة جيت متأخرة بعد بدايته الدوام بنصف ساعه الحمد لله إنو حصصي الأخيرة كنت ماشة بحذر في حوش المدرسة بتلفت يمن ويسار عشان ما القى كونغ.. ااخ لو سيفت رقمو من البداية ما كان حصل سوء تفاهم .. لكن برضو لازم أقابلو وما أمشي ليهو قصة الولد داك.. بس ما هسي.. ما من بداية الدوام.. أنا لسه حاسه باحراج.
وأنا داخله على الصالة الأمامية الجنب السلم البودي للسطوح والفصول الصغيرة أسمع ليك زولين بتكلمو بالانجليزي.. لقطت من كلامهم.. كم كلمة ولصقتها وفهمت في النهاية إنهم بقطعو فيني.
الانحراج الحكيت عنو كلو إتبخر وحسيت بموجة غضب مندفعه بس وقفت نفسي في أخر لحظة هسي يامنال لو سمعتي الموضوع غلط وعملت مشكله ساي.. لا لا مافي أي غلط أنا المقصودة.. اها الانجليزي قلنا ما بعرفو إسم منال دا..
_اوه أستاذة كيفيك؟ (سبت)
سبت جا داخل وسلم على بصوت عالي وكويس أنو كان داخل حصة طوالي.. تمام أنت كيفك؟ (منال)
_بخير (سبت).
ران إلتفت لكلامنا والسيد كونغ كان مدينا ضهرو وماشغال بينا وأنا إستغليت الفرصه وركبت السلم سريع رغم أني سامعة صوت ران بلفتني:
ويسألني عن أخباري.. رديت ليهو وما وقفت من حركتي :
_بخير.. انت كيف.. عندي حصة فوق بدت مستعجلة يلا لبعدين . (منال)
أخيرا طلعت السطوح وأخدت نفس كويس أنو ما شافني.. لكن مافي مهرب في كل الأحوال أنا الوحيدة المعلمة هنا.. وإذا ما قابلتو الليلة.. بقابلو بكرة.. مصيبة! ؟
قضيت الوقت كلو حايمه فوق لاحظت فصول أولى وتانية موزعين في الساحه بتاعت السطوح بمعداتهم تقريباً زي ما عندهم فصل معين ومافي ناس فاضين عشان أدخل ليهم أصلاً ما عندي حصة معاهم إتحجت بالحصة ساي عشان ران ما يناديني إتكلم معاهو.. الاساتذة إستغربو مني لي زي ساعة ماشه فوق .. ومرة أجي قريب من الساحه أراقب الطلاب وهم بكتبو في دفاترهم وإتونس مع الاستاذ.
الجو هنا حلو و إتعرفت عليهم ماشاءالله كلهم بنفس الوعي والظرافه والرقي أخيراً لما الساعه جات تلاته نزلت عشان يداب حتبدا حصصي مريت بكلاس5 فدخلت سلمت عليهم رغم أني ما عندي درس معاهم بس حبيت أطور العلاقه.. ردهم للتحية كان فيهو شي من اللهفة والسخرية بس إبتسمت وحبيت أشيل اللهفة معاي وأمشي.
_أستاذة أنا قبيل ناديتك بس شكلك ما فاضية. (ران)
_اها كان عندي ... وقبل ما أتم إتذكرت أنو جدولي وضعت أنا و ران بالتزامن مع الفصول البقريها يعني خدعتي مكشوفه إتبسم بسخرية وقال لي _عايزة تقولي حاجة. (ران)
قولت ليهو بغيظه :
_لا. (منال)
_طيب إذا ماشه على كلاس 8 ما أخرك.(ران)
_خير ما فعلت(منال) قلت بصوت واطي بعد ما مشي عاينت لممر مافي أستاذ والمكتب فاضي حتى إني الليله ما شفت جيمس حسيت أني إتخدت الفرصة المناسبة للنزول وإتجهت بسرعه للفصل قبل ما يظهر الأستاذ داك في وشي.
وفتحت الباب.
_سوري(إستفن)
_انا مفروض إعتذر.(منال)
_نحن الاتنين طلعنا في نفس الزمن عشان كدا مافي لوم.. (إستفن)
وإبتسم كان باب الفصل شبه مفتوح رغم اني الغلطانة قربت أطقشو بس..
إحساس الرقه ظهر لي من مافي قال لي خمسة دقايق إضافية لو ممكن.
(يازول لو عايز الحصه كلها ممكن واي دا شنو يامنال.. بقيت ما طبيعية.. .. لي فكرتا أديهو الحصه كلها.)
سمعت صوتو مستغرب من سكوتي قال لي
_خلاص خليها تلاته دقايق. (استفن)
_لا لا ما كدا.. شيلها كلها لو عايز.. قصدي الخمسة دقايق.(منال)
بعدين إبتسم وقال طيب ودخل.
