_خلاص اسفه عارف مامفروض أفكر في كدا (منال)
_معليش خوفت عليك ومتحير أوجهك كيف ما تاخدي على خاطرك مني هسي فهميني ماشه وين؟ (رندا)
_أنوم.. ؟! (منال)
_مش قبل شوية صحيتي (رندا)
_ونعست تاني وعايز أروح ممكن؟ (منال)
رندا سكتت ومنال دخلت غرفتها وقفلت الباب عليها وقعدت في الأرض بس من غير ماتبكي وبقت تراجع في نفسها للمرة الألف.. موقفها شنو من كونغ.. وليه هو.. وممكن دا وهم حياخد زمنو ويختفي؟؟
ليلي جات داخله وسألت عنها بيأس قالت ليها حبست نفسها.
عماد دخل وسلم عليهم ليلي قابلتو بالاحضان وقالت ليهو بتنهد:
_أخيرا شرفت قلت ليك من الأساس ماكان في داعي تخلي البيت لما جات منال.. وبدت في محاضراتها الامومية أكلت شنو الايام الفاتو وكنت قاعد وين واتغطيت كويس من البرد ليلة امبارح و..
قاطعتها وقلت ليها:
_ امبارح رسلت ليك كل العملتو برساله وتاني عايزاني أقول ليك.. ما كفاية المهم انا جيت أشيل كم حاجه وطالع بعدين ما ينفع أناو منال نقعد في نفس البيت عشان تأخد راحتها.. مش دا الأساس الجبتوها عشانو.
_انت ما مضايقها في حاجه (ليلي)
_مخلاص ياليلى خلي عماد براحتو.. وبعدين هو حريص على راحة منال اكتر مننا (رندا)
_أوكي طيب بس شيل كم حاجه دافية الجو حيتغلب حسب نشرة الأخبار واحتمال السماء تمطر وتبرد.. (ليلى)
قال ليها طيب ومشى لغرفتو..
رندا قامت وقالت حتخت ليهو الاكل قبل مايطلع وليلي انشغلت بالقنوات.. استحم وراح لرندا على المطبخ وقعد يتونس معاها ويسألها عن جديدها مع وليد وحياتها.. وهي بقت تحكي مبسوطة ومضو كدا زي نص ساعه وبعد ما اكل كبت ليهو الشاي واتعمدت تفتح موضوع منال:
_عرفت السبب الخلى عمو أحمد يخاصم منال وعيشها في حاله إكتئاب.. أقولو ليك ؟ (رندا)
رد بتردد:
_أبدا الموضوع ما بخصني بعدين انتي صحبتك تقوم توريك حاجة و تحكيها لأي زول (عماد)
_بس انت ما أي زول؟ (رندا)
_برضو دي خصوصيتها. (عماد)
_خلاص انسى كنت حوريك انها اعترفت لي بشنو بس في آخر لحظة بس كلامك صاح دي خصوصية.(رندا).
_يعني ممكن توريني بس عشان نشوف ليها حل.. قصدي هي إعترافت بالضبط وقالت شنو.. انا بسأل بس ولسه على كلامي..(عماد)
_قبل شوية أقنعتني أني ما أتكلم وهسي بتلح على.. غريب المهم حتكلم وبعدين ح حكي لمنال اني وريتك. (رندا)
_انتي غبية؟(عماد)
_ انا سكت بس انت أصريت(رندا)
_طيب.. قولي قالت شنو وخلصيني.(عماد)
_كونغ...(رندا)
#منال #
_ ليه طلعتني في وقت زي دا(منال)
_ماتحسسيني أنو الساعه 12 باليل وبعدين قلت ليك عندي صحبي عايز أشوفو في المطار وأودعو(عماد) .
_طيب العشاء يداب أذن والوقت بدري كمان وانا نفسي أعرف دخلي شنو بصحبك (منال)
_على طريقنا للبيت يامنال وما حلوة اتجاهلو.. رندا عليك الله أقنعيها حتصرعني من الأسئلة(عماد) .
_منال عماد كلامو صاح يعني هو وافق يجي يسوقنا لما ليلي أصرت علينا نشتري كم شي بعد المغرب ماكنا حنلقى مواصلات لو ما جانا بقت على صحبو خليهو يشوفو كم دقيقة ونرجع للبيت.(رندا)
_طيب معليش.. زهجتك(منال)
_كأنك بقيتي تعتذري كتير في الفترة الفاتت(عماد)
_أهو حصلنا شوفتي (رندا)
_امم.. (منال)
_حنزل كم دقيقة وارجع إذا حابين أطلعو من السيارة الجو برا ما بتفوت قال كدا ومشى رندا إتحمست وقالت لي:
_ خلينا نتمشي شويه أنا متأكدة حيتأخر.. برا الرزاز جميل.
_بارد ماعايزة والشارع كلو المطر ما وقفت (منال)
_شوفي الناس متحركة ومبسوطة.. يلا.. يلا(رندا)
(المطر لو شاعرة كنت بديت في كتابة معلقة لوصفو.. نعمة بتأخد العقل وتخليك في عالم تاني وتسرح بأحلامك طلعت برا بعد ما أصرت على وانتعشت بريحتو ونسيمو خلاني أعيش في الاحلام وسحر عيوني فلو ما اتخيلت كونغ من بعيد ماكنت آمنت بكدا .. ابتسمت وقلت لرندا.. يمكن جنيت مع أحلامي و الذكرى الحتفضل لي😳.
#ديفيد#
اليوم من الصباح الزيارات ما وقفت خصوصي انو الكل عارف بسفرتنا وحبو يودعونا العائلة اجتمعت والأصحاب والجيران وعملو وليمة والناس ما وقفت رجلها من البيت طلاب.. معلمين.. ومتخرجين من المدرسة كلهم حبو يقضو وقت مع كونغ قبل سفرو ويودعوهو.. سبت قضى معانا اليوم كلو.. واستيفن ومخطوبتو جو في العصر..طبعاً الوالدة شغاله ضيافه وفرحانه بيهم وقالت ما عايز تقصر مع كونغ وهي بنفسها حتكرم ضيوفو أحسن كرم وحابه تشوف ضحكتو وفرحو واتوعدتو إذا بقي كويس حتخطب ليهو نظام تحمسو😏.. وتاني عشان يحصلني معترضه يبقى أعزب لي متين .. اتذكرت الحصل مع مارسي فتنهدت والضحكة اختفت من وشي عاهدتني ما تكلم واحد من أسرتي الا لما تتأكد من سفري..عشان كدا عايشين اللحظة وماعارفين.. أنا ما ندمان كونغ بستاهل واكتر بس.. مارسا كانت..
